برقية عاجلة..!ا

يا عثمان ميرغنى

بطل اللف والدوران….ود الخـدر…صاحبك ..الذى لايظلم عنده أحد….عمل شنو للزول الما إنتحر؟؟؟؟؟

رجــع ليهو كشكو وأولادو الطشو؟؟!!!

لو طبق الكلام ده أول المتضررين ح يكون ناس الحكومة الفاسدين لان الرسوم والجبايات هي مدخل الفساد والمثال البسيط على ذلك عند استخراج البطافة الشخصية في مدني أنك تدفع خمسة جنهيات إضافية غير مضمنة في الإيصال وعند السؤال عنها تكون الإجابة دعم شرطة وإذاأصريت ان لاتدفع تضيع أيام في الجري بين المسؤلين وبرضو في الأخر ح تدفع وإذا علم الفاسد يحاسب بالسترة الخفية بينما يشهد جلد الفتاة طائفة من الناس ولا مش كدة:lool: :lool: :lool: :lool: :lool:

قول كوع ……….. ماعندك موضوع:mad: :mad: :mad: :mad:

الشعب السوداني نص عمرو في العرس والنص التاني في البيت وخلاص عمرو بيكمل

يا اخوانا عثمان ده زول عاقل يحصلو!! الراجل ده اصيب فيما يبدو بخرف مبكر!! وبقى (يطربق) فى الكلام ولا حول ولا قوة إلا بالله00ومن علامات الخرف ان المصاب به يتحدث عن الماضى بلغة الحاضر !! والافكار التى يتحدث بها وخاصة الحكومة الالكترونية وما ادراكم بالحكومة الالكترونية هى كانت فكرة (انبثقت) من بنات افكار حادى الركب وحسب حدود فهمه كان يعتقد ان الحكومة الالكترونية ان يكون لكل شخص جهاز كمبيونر وربما تذكرون تلك الاعلانات التى كانت تبشر باجهزة الكمبيوتر التى كانت ستملك للجمهور بأقساط ميسرة!! وقد تكشفت حقيقة الموضوع ان الامر لم يكن راجعا لصحوة ضمير او (تقية) او النهوض بإنسان السودان انما كانت الفكرة من احد النافذين وبواسطة ابنه الذى كان قد احتكر من ضمن ما احتكر استيراد تلك الاجهزة التى اتضح فى الاخر ان ضررها ابلغ من نفعها كان بصدد استيرادها ثم ان الابن كان قد (افتكره) الرحمن وغبرت الفكرة!!وبالمناسبة يا هندسة هل تغلم بأن المواطن السودانى لو لم يكن له امل فى بكرة لفضل الانتحار واخشى عليه من ان يفقد صبره وخاصة هذه الايام النحسات فالحكومة ضيعت الجنوب وتفرغة للمواطن اينما تواجد وبالامس القريب تعرضت لعملية نهب قام بها شرطى مرور وضابط برتبة ملازم ثان ومن حداثته كنت تحس ببوخ الكلية الصادر منه وكان يتعامل مع المواطنين بتلهف واضح فقد استوقفنى الشرطى اولا واخذ رخصة القيادة وامر بان اذهب معه حيث يقف جنابو وعندما استفسرت عن الجريمة التى ارتكبتها واستدعت كل هذا الاجراء قال لى (انت ما رابط الحزام!!) فقلت له ان ربط الحزام ليس ضروريا داخل المدينة والى لا تتعدى السرعة فيها الخمسة كيلو فى الساعة وإذا كان روؤساك حريصون على سلامة المواطنين فكان يجب أن يكلفوكم بمراقبة خطوط السير السريعة 00 وأما استسهال جباية الاموال بهذه الطريقة فهذه سوف توقعكم فى ذنب مع خالقكم فرد بسرعة بأنه (عبد المأمور) وهذا فهم غريب يعنى الرجل مقتنع بأنه يرتكب ذنب فى قرارة نفسه لكنه يريد ان يقول انه ينفذ فى التعليمات وهى نفس إجابة الشيطان عندما سأله المغرر بهم يوم الموقف العظيم!! وليعلم كل من يعمل سوءا وهو عالم به ولو كان فى مجال وظيفتة انه لامحال محاسب ولاشفاعة له من رئيسه00ويجب ان يتذكر المرء ان الله امرنا بطاعة والدينا فى كل ما يأمرونا به ماعدا تلك التى تدعوك الى معصيته سبحانه وتعالى ومن ضمنها التعدى على حقوق الناس وظلمهم

واشغل اعاي بأنفسهم وووووووووو وابليهم ربي بالاجراءات الحكومية:lool:

الى (واحد مستغرب ) و (الزول السمح)…
والله كلام الاستاذ عثمان موضوعي جدا مع بعض الملاحظات وانتو مفروض لو ما عندكم اضافة او تعليق على الموضوع افضل تمتعونا بصمتكم بدل الكلام الاشتر والفاضي دا
وملاحظي هي ان المشكلة ما في الزمن البيضيع في المواصلات والصفوف لاكمال الاجراءات
المشكلة هي الاجراءات نفسها والسياسات المتبعة
اذن ممكن ان يضيع نفس الزمن مع الحكومة الالكترونية (في انتظار اجراءات ) ما عندها معنى

يا عزيزى (واحد من الناس)

عثمان ميرغنى قـــال:

ولكن أكبر كارثة أن تكون (الحكومة الإلكترونية) نفسها حلماً في طيات الأمنيات البعيدة..

هو براهو عارف إنو الموضوع ده من المستحيلات فى المنظور القريب ولايمكن تطبيقه فى ظل المرحلة الحالية من تاريخ الشعب السودانى..

لذلك وتحديدا هو طرح الموضوع بتاع الزول الما إنتحر وطلب فرصة السعى مع الوالى الذى لايظلم عنده أحد عشان يرجع ليهو كشكو وأولادو الطشو وأنا والله متابع الموضوع ده لأنى شايف إنو أسهل من حكاية الحكومة الإلى…كرتونية.

و الواحد المستغرب بشاركنى نفس الشعور ( المُحبط )