وفد حزب البشير باديس ابابا : القصف تمً داخل الأراضي السودانية،،وتعليق المفاوضات امر يخص جوبا
ردا على اتهام جوبا لحكومة البشير بقصف بحر الغزل واعلانها عدم التفاوض المباشر باديس ابابا ، قال وفد حزب البشير المفاوض أن القصف داخل حدود دولة السودان ، واكد ان القصف تم داخل الاراضي السودانية ضد قوات حركة العدل والمساواة التي تحركت من الجنوب،ووحسب ما جاء في الصحافة اعتبر تعليق المفاوضات المباشرة امر خاص بجوبا .
وقال الوفد في بيان امس ان القصف الذي تم امس جرى في منطقة ام عجاجة في مواجهة قوات حركة العدل والمساواة التي تحركت من دولة الجنوب واخترقت الاراضي السودانية، ، «وهذا ماتم بالفعل « واكد ان التحركات كانت مراقبة بواسطة القوات المسلحة السودانية .
“حا يكحلها قام عماها” :مهنيا عليه أن يقول فقط أن القوات السودانية لم تقصف أي هدف في دولة الجنوب و ينهي تصريحه أما عبارة تم في الداخل و لقوات العدل و المساواة فهو خلط غير مهني و غير مفيد للبشير وحزبه بل يدل على تغلغل الخلط و السطحية في هذا النظام
القلم ما بزيل بلم .الجماعة ديل مختاجين أن يتعلموا أولويات المهنة ,عشان يسيبوا الجربندية بتاعتهم ده التي جعلت الدولار يصل حوالي 7 جنيهات و ذلك من 2,5 و في غضون عام واحدفقط و من دون حروب أو مظاهرات كبيرة
والله الشغل دى نضيف اول ماطلعو هبتوهم بس ان شاالله يكون صاح مايكون فبركو ساكت …..
الصوارمي يصرح بانهم لم يضربوا
و ابو رياله بيقول ان الضرب داخل الاراضي السودانية
غايتو الناس ديل كذابين كذب و
طيب نصدق مين الصوارمي المنافق
ام ابو رياله الدلاهه
بالله انا استغرب هولاء المتخلفين كيف حكمونا لاكثر من 23 عام
وناس العدل والمساواة ديل لمن خشوا الخرطوم ماقصفتوهم ليه قبل ما يدخلوا ؟رغم انكم قلتو كنتو مراقبنهم ..ولا الزمن داك كان مراقبه بالنظر مافي؟
وإسرائيل ما بتراقبوها زى ده ليه؟
الكيزان ادمنوا الكذب – فنائب الرئيس يقول الخرجوا في المظاهرات اجانب – ومرات يقولوا يعدو في اصابع اليد – واخرها نكتة ربيع عبد العاطي يقول الدخل ارتفع الى (1800) دولار بينما – وزير المالية يقول البلد مفلسة يا ناس خافو من الله وبعدين حبل الكذب قصير – انتو ضربتو والاقمار الصناعية بتاخذ صور للطائرات وهي تتحرك وتضرب داخل اراضي الجنوب – تقولوا لا ابدا -المرة دي الجنوبيين ما يدخلوا هجليج – ابيي جوة كل القوة – وهاك يا جرسة ويا بكاء
كسرة
انتو الناس ما قالوا دايرين صلاة الجمعة في كاودا – والله دايرين يخلوها صلاة جمعة وعيد
من زمان علقت فى جريدة التيار ان الحكومه تعيش على الحروب عايزين يفبركو لبهم حاجه علشان يعيشو فى الحكم سنه
النظام فى اضعف حالاته اليوم وهو يرتجف و يغرق و يوم 2 اغسطس على الابواب و الامم المتحده و الفصل السابع جاهز للاجهاز على البشير و زمرته الفاسده حركه قويه من الشباب و النظام يكون فى خبر كان و وفد البشير الذى يرئسه ابو رياله سوف يوديهم فى ستين داهيه لانه بتاع استراتيجية النظر ما عندو نظر و هوه يقول ان القصف كان داخل الاراضى السودانيه وفد يرئسه هذا الدلاهه لن ياتى بسلام و سلام
ألحسو كوعكم بعده إنتظرو الجاياكم من مجلس الامن بتطبيق البند السابع بقرار4046عجز السودان الاتفاق مع الجنوب والجنوبين ح يماطلو حتى حلول ساعة الصفر من وقت القرار الاممى فى تحميل السودان تبعيات بعدم أتفاق الطرفين والجنوبين بيلعبو صح فى أستدراج الحكومة فترة المسموح للفاوضات بين الدولتين ثلاثة أشهر بعدها تجتمع مجلس الامن وتنظر فى قضية فشل المفاوضات وتحميل مسؤلية الفشل على الدولة المماطلة ..
دي كلام مستحيل حدوثه لا يمكن الحكومه في مفاضات جاده جدا للوصول لبر امان من المشاكل التي تحيط بها من كل جانب وتقوم تقصف مناطق في الجنوب … حكومة الجنوب عايزه تدخل حكومة الشمال في مواجهة مع مجلس الأمن ربنا قادر بأن يرد كيدهم في نحرهم..
ليت الحكومه لزمت الصمت فهو اكرم من ان تتدعى ان القصف داخل الاراضى السودانيه .من هم اللذين تم قصفهم داخل الاراضى السودانيه اليس هم مواطنين سودانين؟ مثل الجنوبين اللذين تتفاوضون معهم والجنوبيون انفسهم الم يكونوا متمردين بالامس وانتزعوه حق التفاوض هذا بنضالهم وكفاحهم وحققوا هدفهم حيث كانوا يقاتوا ان كانوا مهزومين على حق والحكومه تقاتل على باطل وان كانت منتصره كما يزعم الخاملون فكريا الذين يقولون وقعنا على السلام ونحن منتصرين .
مع الاسف تصريح الحكومه غير اخلاقى فكيف تتفاوض فيما تدعى انه عدوان خارجى وتعجز عن التفاوض مع شعبك ولا تستحى وتقول انك تقصفهم بالطائرات وتعترف بما تنكره فى الماضى
قرار مجلس الامن اساسا لم يكن هدفه الضغط علي الطرفين للوصول الي تسويه في مده زمنيه محدده والكيزان يعرفون ذلك جيدا فلا داعي للجكلبه بان القصف كان داخل الاراضي السودانيه ضد العدل والمساواه او غيرها… شيلو شيلتكم … ولسه المحور في النار …
Who love Arab in Sudan want a peace with them,let non Arab to over all Sudan peace would peacefull and respect
Without any feeling of guilt or shame…they have the guts to say that the bombing was inside Sudan…Has the Sudanese army been trained to bomb the Sudanese inside Sudan …… In the kizan logic which stands on its head and talks with its feet they are saying…….. “There is no problem we are bombing the Sudanese inside the Sudan”