توقف رحلات سودانير إلى السعودية وزيادة في أسعار تذاكر الطيران
الخرطوم- صلاح حمد مضوي
شكا عدد كبير من المواطنين المقيمين بالمملكة العربية السعودية ومعتمرو بيت الله الحرام من زيادات وصفوها بالكبيرة جداً طرأت على أسعار تذاكر السفر إلى هناك ذهاباً وإياباً، حيث قفزت من حوالي (2400) جنيه إلى (2600) وذلك بعد انسحاب وغياب الخطوط الجوية السودانية منذ (10) أيام خلت ودخول خطوط أخرى للاستفادة من حصة الركاب، وتوقفت رحلات سودانير إلى السعودية ومصر وغيرها من الدول العربية؛ لعدم الصيانة، والمديونية، وقال، لـ(المجهر)، صاحب إحدى وكالات السفر ويُدعى عزيز محمد علي سعد إن حجم الزيادة كبير جداً.
وطالب المسافرون، الذين كانوا يتحدثون للصحيفة، الدولة بالتدخل وإنقاذ الناقل الوطني، معتبرين انهياره أمراً غير كريم في حق السودان، وأشاروا إلى أنها هي التي تقوم برفع العلم الوطني فوق سماء الدول الأخرى، وطالبوا الدولة بأن تقوم بإيجار طائرات باسم (سودانير) لتواصل الأخيرة مسيرتها. ومنعت طائرات سودانير من الهبوط بمطار القاهرة وعدة دول عربية بينها السعودية؛ وذلك بسبب مديونيات ومشكلات تعانيها الشركة.
المجهر
شكا عدد كبير من المواطنين المقيمين بالمملكة العربية السعودية
هم يعني المقيمين في السعودية ديل عاوزين ينتحروا وللا شنو، ما قالوا ليهم احسن ليكم تختوا سودانير دي وتشوفوا ليكم صرفة غيرها… والله لو ادوني تذكرة مجانية درجة أولى ما أسافر فيها حتى لو انعدمت الطائرات، يا ناس خلوا بالكم من روحكم والخواف ربى عيالو بلاش مجازفات وسفر بسودانير، والحمد لله انها وقفت خالص عشان كانت عاملة لينا احراج في المطارات (بعد ينتهي رمضان ح نشتم بس هسع اجازة)
لا قطارات لا خطوط جوية ولا بحرية ولا نقل نهري
يا جماعة الحاجات الفوق دى كلها بدع يا جماعة و عشان يا جماعة نطبق الاسلام مئة فى المئة لازم نرجع للدواب كما فعل الصحابة يا جماعة الصحابة يا جماعة بالقليل انتصروا على الروم و الفرس
رقصنى يا جدع
يا ناس يا عالم العوارة دى حدها وين؟؟؟
ياخى اتق الله السكة حديد شغالة وبتنقل كذب الكيزان من القصر للمنشية والعكس والشعب السودانى كله يشاهد فى هذا المنظر ..ما شايفه يعنى ..كذب مليان فى القطارات لمن يدفق ..
ثانيا سودانير ما شاء الله طالعة ونازلة وانت مغرض فقط ويبدو انك من احزاب المعارضة التى لاترى الناقل الوطنى وهو ينقل هذا الكم الهائل من الذهب وخيرات البلاد الى ماليزيا والبحرين ..بالله عليكم سيبو الناس تعمل من اجل الوطن وكفاية معارضة فارغة لا تقدم ولا تؤخر
اما النقل النهرى بعناه للكويت التى لا تلك نهرا وقبضنا فلوسنا نحمد الله دولار وديتار والان موجودة لصالح الوطن فى جزر كيمان فى الكاريبى هناك محل القرضاوى خاتى الفلوس اها هناك الربا بالمليون والدخل احسن من البترول بالله سيبو المعارضة بتاعتكم دى واهتموا شوية بالشعب الغلبان من كلامكم الكثير دا
توقف طيران سودانير من عدة دول تعتبر خطوة عظيمة يجب ان يكون لنا ناقل وطني محترم او فلا.
لا حول ولا قوة الا بالله ،،، الاستعمار ما عمل في البلد العملوه الاسلاميين ،،،
دولةالمشسروع الحضارى قال …. والله انتم ما تنفعوا تقودوا مشروع دواجن يا كيزان يا وهم وطمبجتوها بالعساكر … لكن ليكم يوم .
ارجو ادخال طائرات من طراز صافات 01,02 فخر الصناعة السودانية في الخدمة لانقاذ الناقل الوطني – العملية تحتاج فقط الي بوهية لرسم شعار سودانير ومن ثم التحليق في فضاءات العالم الافتراضي بخبرات سودانية خـــــااااالـــصة. خاصة وان طائرات صافات قد اثبتت جدارتها وفعاليتها في رش الجراد وابادته عن بكرة ابيه.
نهئكم بحلول شهر رمضان المعظيم اعادة الله علينل وعليكم بالخير
نحنو في مكتب الخطوط الجوية السودانية بجده ياجماعه مشكلة سودانير ليست مديونية كما يتزعم البعض لكن مشكلتها الصيانه سبق ان ذكرنا حفاظا على سلامه ركابها وطائراتها
وظلت سودانير تقدم الكثير والكثير بدليل مكاتب سودانير بجدة ظلت مفتوحة وتعمل على مدار الـــ 24 ساعه وقلمت سودانير بستأجر طائرة لنقل الركاب من اليوم الأول من توقفها حتى لحظة كتابة هذه الأسطور لديها رحلات من جده الى الخرطوم في ايام السبت والأحد والآربعاء والخميس بطائرات الإيربص 320 وتوجد حجوزات على الرحلات المذكورة زورو مكاتب سودانير بجده
وهاهي سودانير تعود من جديد
مع تحيات الخطوط الجوية السودانية
كل عام وانتم بخير
هذا النظام مودع خلاص وذاهب بلارجعة و بأذن الله وكل من لدية شك في ذلك ……… حقو يراجع نفسه ويراجع عقله
،،،،،،،،،،،اجمل شعار لخطوط جوية في العالم ،،،،،،،،،،،،،،،،،،، ياخسارة من Sudan Airways ،،،،،،،،،،،،،،،،،،،،،،،، لسودان طير .
الراقص ليها شنو! حفاظا على ارواحكم وارواح اولادكم لا تسافروا باى حاجة ليها علاقة بسودانير
يا القائمين على الراكوبة
خليكم شجعان وواجهوا الموقف بكل شجاعة
ولا تكونوا جبناء
أظهروا الحقائق
وأجعلوا المصداقية هي عنوانكم
لقد كتبت عدة تعليقات ولم تنشر
لأنها تخص الشعب الذي اصبح جبان
انتم تريدون الزينة والطبلة للمظاهرات
الرجال تم اعتقالهم وجامعة الخرطوم أغلقت
ولا يوجد شعب قوي يعتمد عليه لأنهم جبناء
ويا ريت لا تحذفوا هذا التعليق لأنني سوف أنشره في جميع الصحف
لتظهر حقيقتكم
شلعوها الكيزان,,,,,, مخير الله
لقد نجح الانقاذ نجاحا باهرا في قيام اقتصاد الاقطاع وجعل السودان اقطاعية للانقاذ حيث العزلة الشعبية والعالمية لا صناعة ولا زراعة ولا نقل جوى ولا بحري ولا سكك حديد ولا يحزنون سؤال يا انقاذ ماهو دعامة الاقتصاد السوداني الان وبطبيعة الحال الاجابة واضحة لكل ذي بصيرة دون حاجة لثقافة اقتصادية ؟؟؟؟؟؟؟؟؟؟؟؟؟؟؟؟؟؟؟؟؟؟ التخبط والعشوائية والانانية والحزبيةوالفئوية الممثلة في الانقاذ دمرت كل شىء والكل يتباكى علي المرحوم ( الاقتصاد ) ولن يبعث المرحوم حيا الا بظهور الوجيع الذي يهمه امر هذا السودان متى ؟؟؟؟؟؟؟؟؟؟؟ قريبا حوا والده
مامعنى أن ترفع علم السودان عاليا والمواطن السودانى فى الدرك الأسفل من نار عمر ونافع وعلى و و و و و
والله يا البشيرالواحد يشوف صورتك ساكت بطنو بتطم يا اكبر منافق وكذاب ودجال وحرامى ورقاص في تاريخ البشرية ..بالله انت رئيس دولة..لا حول ولاقوة الا بالله
وين السيادة يا سادة؟؟ إذا كان رئيس دولة لا يستطيع إستخدام طائرات دولته و التي تحمل الدولة و علمها؟؟ فماذا بقي من سيادة؟؟؟
إنها سيادة منقوصة مثل نقصان عقول القائمين علي أمر هذه البلد الهملة؟؟؟ صحيح الأختشوا ماتوا و النجوا يا هم الماختشوش ؟؟؟
زمان قال أحد قادة الإنقاذ في معرض حديثه عن طريق الغرب أنه (الطريق اليتيم) بمعني ليس لديه وجيع و لا يحزنون يا سبحان الله اليوم السودان كله أصبح يتيم؟؟؟ بفضل الإنقاذ
امر غير كريم في حق السودان؟
هو ديل فضلوا حاجة في السودان
الخطوط الجوية السودانية
الخطوط البحرية السودانية
مشروع الجزيرة
السكك الحديد
وباعوا البلد وسرقوها وحولوها ماليزيا ودبي
الله يحولهم على جهنم وهم قاعدين في الدنيا دي قبل ما يموتوا
قولوا امين ما يتموا رمضان دا معانا تتخطفهم طيور من السماء تنزل لهم مخصوص وتشيلهم واحد واحد
امين يا رب العالمين المهم ينقعلوا مننا باي شكل هم وكلاب الامن والبشير وكل مؤتمرجي يصبح في الدنيا دي مافيش لعنه مالله
امين يا الله
الواحد بقى مستغرب بشدة الى كلمة ناقل وطني ورمز للسيادة ؟؟؟؟؟ يا عالم سيادة شنو والشركة عبارة عن ضيعة لبعض من عاهات البيشر !!! وكمان بيقولوا احسن شعار ههههههههه حلوة قصةاحسن شعار دي !!!! عالم نائمة بجد قال ناقل وطني قال …سيادة قال ، نأمل ان يتم تحويل الشركة الى شركة مساهمة عامة ويتم طرح جزء من اسهمها نسبة 51% والباقي يتم بيعه لشركة عالمية كبرىمع ضرورة تسريح جميع العاملين فيها اولاً ، وبلاش نغمة ناقل وطني وسيادة وهلمجرا
يااخوانا الحكومه دي بتدمر في السودان تدمير ممنهج ، والغرض من كل ده انو يكونوا حاكمين وقاعدين في السطله ويكونوا فوق القانون .بس دي كل الحكايه
لكن لا استراتيجيه لا دولة السودان العظمي ولا الكلام الفارغ ، يعني لو خلو لينا السودان علي ماقبل 89 كان بكون افضل وكان السودان بيظل افضل بدل الهرج والمرج والفوضي السياسيه والاقتصاديه والتعليميه والطبيه وفي كل المرارفق الخدميه والانتاجيه بالبلد0
وعشان نوري ان الحكومه بتدمر في السودان والانسان السوداني عن قصد سنورد امثله كعينات للشي الحاصل 0
اولا كمثال الخطوط السودانيه كانت في يوم من الايام مورد للدوله من موارد العمله الصعبه وكانت تحمل فوق طاقاتاها ورغم كده كانت مساهمه في الاقتصاد السوداني.ليه لما طلبع اللبترول الحكومه مااشترت طائرات حديثه ورقت الخدمه بسودانير بتعيين كفاءات والعمل على تدريبيها زي ماكانت سودانير في سابق عهدها ؟؟؟وان لم تستطع الدفع كاش كان ممكن تاخد طائرات بضمان البترول .
لان سودانير لو بقت قايمه على منهج علمي وعلي اسلوب الخطوط العالميه حاتتصادم مع الحكومه في ا شياء كتيره مثل ووكن تدخل في اضراب ووممكن تعمل صداع للحكومه عشان كده خليها تتاكل كده حبه حبه
غايت نقول شنو انا تعبت موجوع شدييييييييييييييد لكن فترت ماقادر اكتب عذرا ياناس