ولاة الأبالسة “المهاجرون الى الله”
شوف والي السجم القالو مو نشال
قالونا المجاهد ديمة مستور حال
شغلو تحت تحت لغفي وغسيل أموال
يبني قصور ويعلي بى عرق تربال
…
شوف والي السجم القالو عيشتو حلال
تاريهو المجاهد ساوي الفساد راسمال
يلغف من يتيمن أكلو من زبال
ويختف من شويفعن رزقو بالمرسال
…
شوف والي السجم القالو إيدو عفيفة
فى الخرطوم “بروف” وفى مدني إيدو خفيفة
يسرق من طرف ما خلا حتى الجيفة
نضف للجيوب ما خلا فد تعريفة
…
شوف والي السجم القالو ناسك وزاهد
فى درب الفساد طوالي ماشي مجاهد
فوق كيمان حرام تاريهو دايمن راقد
وشان تخدم معا شرطن تكون زول فاسد
…
قالونا الولاة صلاح يخافو الدين
لي رب العباد طوالي هن ساجدين
تاريهو الركوع بقى للفساد تمرين
وعندهن السجود بوابة للتمكين
إبراهيم الكرسني
2012م
[email][email protected][/email]
الغريبه الواحد تلقاه عامل دكتورة أو طبيب وشاغل منصب دستوري وكلهم أعمارهم فوق الخمسين ودقونهم كثيفه وبيضا ويتكلموك في الحلال والحرام وحراميه ، دي يحلوها كيفن .
وكان ما سويت كدي كيفن بتاكل العيش
ناس المواهب ديمة ما بحتاجوا لي بقشيش. واصل
يا كرسنى اذا كنت تقصد بهذا الكلام الزبير بشير طه فهذا كلام غير صحيح واولا انا ما كوز واكرههم كراهية التحريم لانهم دمروا البلد ويشهد الله انا كراهيتى لهم قد تفوق كراهية ملايين من المعارضين لهذا النظام وارجو ان ترجع لمداخلاتى بالراكوبة وسودانيس اون لاين ولكن هنالك حقيقة نعرفها نحن ناس مدنى ان الزبير بشير رجل كوز الا انه نقى ونظيف من اكل السحت والحرام ويكفى انه يذهب الى مناطق الحرب بدون ضوضاء او اعلام كما يفعل بقية محتالى حزبه .