سعر البطيخة 40 الف جنيه ودستة المانجو 40 الف ج وكيلو الطماطم 20 الف ج والخيار والليمون 8 الف ج
الخرطوم:
شهدت اسعار الخضر والفاكهة بأسواق العاصمة القومية ارتفاعا وصفه التجار بالكبير لاسيما مع حلول شهر رمضان الأمر الذي اد إلى ضعف حركة البيع والشراء بالأسواق بصورة عامة عزاه التجار إلى ارتفاع الأسعار وقلة السيولة في أيدي المواطنين بجانب انعكاس تراجع سعر صرف العملة الوطنية في مقابل العملات الأخرى خاصة الدولار الأمر الذي رمى بظلاله على كافة أسعار السلع والخدمات مما حمل التجار على الجأر بالشكوى من تراجع حجم مبيعاتهم مقارنة بما اعتادوا عليه في شهر رمضان من كل عام .وأوضح التاجر بالسو ق المركزي الخرطوم بشرى آدم بابكر أن أسعار كافة الخضر والفاكهة تشهد ارتفاعا بغض النظر عن كونها منتجة محليا أو مستوردة حيث بلغ سعر كيلو جرام الطماطم 20 جنيها وارتفع سعر كيلوجرام البطاطس إلى 5 جنيهات والباذنجان إلى 5 جنيهات والبامية إلى 10 جنيهات بينما يباع كيلوجرام الجزر بواقع 6جنيهات والليمون بـ8 جنيهات والخيار 8 جنيهات .
كما تباع دستة المانجو بواقع 40 جنيها والبرتقال بـ 12 جنيها وكيلوجرام الموز بواقع 3 جنيهات فيما وصل سعر قطعة البطيخ الكبيرة إلى 40 جنيها، وأرجع بشرى ارتفاع الأسعار إلى ضعف حركة البيع والشراء بالأسواق بصورة عامة عزاه التجار إلى ارتفاع الأسعار وقلة السيولة في أيدي المواطنين بجانب انعكاس تراجع سعر صرف العملة الوطنية في مقابل العملات الأخرى خاصة الدولار الأمر الذي رمى بظلاله على كافة أسعار السلع والخدمات وختم بتراجع حجم المبيعات مقارنة بما كانت عليه في السنوات الماضية في ذات الشهر .
الصحافة
السوق اصبح مجنون والله مجنون مجنون مجنون مجنون مجنوووووووووووووووووووون
الحمد لله الاسواق ممتلئه بالخيرات وكل شيئ متوفر وكل الاصناف المستورد منها والمنتج محليامتوفره وعليها اقبال من المواطنين ومسألة ارتفاع الاسعار دا شيئ طبيعى لأن الاسعار كانت متدنيه جدا والان اصبحت فى مستوى جيد للمزارعين والمستهلكين
تقبل الله صيامكم
الله قادر
على وزن كوارع الجداد “أصبر” أسعار قشر البتيخ كيف؟؟؟؟
الاسعار مرتفعة فى كل العالم …. نحمد الله ان السلع موجوده …
حسبنا الله ونعم الوكيل في هذه الحكومة
حسبنا الله ونعم الوكيل
اللهم أرنا فيهم عجائب قدرتك
اهم شئ الدكوة وكيلو الشطة الخضراء ولاتنسوا البامية الله يكون في عون المواطن السوداني الناس طلعت القمر ونحن تفكيرنا وهمنا كلو بطوننا..لعنة الله علي ثورة الانخاس
ضروري منقة وبطيخ وعنب وتفاح .. ما عندك ما تشتري، ظللنا طيلة فترة طفولتنا نشارك الكبار فطور رمضان، والذي لم يكن يتعدى بليلة وحلو مر، ولمن يبحبحوا شوية، يجيبوا كورية ليمون أو آبري بيضاء، ولاحظ (الموية حارة) الموز دا ما رخيص مالو ؟ المرة الجاية اشتكوا لينا من أسعار الكافيار !!
نحن محتاجين مزارعين اثيوبيين للاكتفاء من الخضروات..و الله العظيم الاثيوبيين عندهم نقص فى الاراضي الزراعيه فههم فى بعض الاحيان يكسرون الصخور لاعداد اراضي زراعية و بالرغم من ذلك هم مكتفين ذاتيا من مختلف الخضروات,علما بان اثيوبيا هي الدوله النباتيه الثانيه بعد الهند تقريبا فى العالم..كلمة السر فى الموضوع كله العمل ثم العمل,بالمناسبه لم يرد اسم السودان فى قائمة اكسل الشعوب فى العالم!!! معقول الكلام دا؟؟الحكاية اذن فيها معلوبيه و تزوير..يمكن عشان كسل السودانيين مزمن مستفحل لذلك لم يرد اسمهم فى الكتاب
ياخوانا لازم الاسعار فى رمضان ترتفع ورغم ان هذا الشهر الكريم عند الله سبحان وتعالى خير الشهور وشهر خير وبركة
ولكن عند التجار غير دة شهر اللحس (مش لحس الكوع ) والعصر وديل ماعندهم توبة ولاغفران ولارحمة
بلع وبس
ونحن عشان نقتل ليهم الدش ونخليهم يطلعوا من الشهر دة ملوص
كل واحد يزرع ليهو شجرة ليمون فى البيت عشان ناكل ممانزرع
بالنسبة للبطيخ اذا كان من الضرورى تاكلوا بطيخ فعليك بالسفر وشراء البطيخة من المصدر
لان بديهى ان البطيخة تكون ب 40 الف لانة البطيخة لما تجى من سنار بدفعوا عليها ترحيل + عوائد + رسوم كبارى + نفايات +رسوم بلدية + سماسرة ولما البطيخة تصل تاجر القطاعى تكون داخت من كثرة الشيل وبطنة طمت واصيبت بارتفاع فى السعر الحرارى
اما المانجو فالبديل موجود ويزرع فى شمال كردفان وحلو ولذيذ وطعمة ذى المنقة ولونة لون زينب وسمة التبلدى ( القنقليس ) من منكم لايعرفة وهو موجود بكثرة فى سوق النخاسة
بطلوا الدلع وارجعوا لاصلكم وخليكم من شراب الامراء والمرتاحين والتجار اعداء الدين
ان شاء تزيد اكتر شعب جبان عقبال المويه تنابع كمان
لا بديل غير تغيير هذا النظام الفاسد و بسرعة حتي لا يموت الشعب السوداني الفضل
الأخ على … فعلا ملعون أبوك بلد انت سوداني منها … كيف متدنية .. مقارنة بالسعر في السعودية تمثل ا|لأسعار أعلاه أضعاف قيمتها في السودان … يا جماعة هل فتحو سفارة أهلنا في جنوب السودان بالسعودية … أرجو تزويدي بالعنوان أو تالهاتف … ملعون أبوك بلد رئيسها البشكير ونافع … والله العظيم والله العظيم الجنوبيين هم |أكرم وأفضل من حثالات المؤتمر الوطنى .. دى بلد أبوكم يا ترابي ويا عمر البشير … وشلتهم البقية … اذا يمكن منحى جسنية جنوب السودان … والله الاسلام أخليه للبشير ونافع وزمرتهمالألإأ:]، … الاسلام أمرنا بعدم الكذب .. وهم بكذبوا .. كيف يستقيم الأمر … ينافقوا والاسلام يمنع ذلك …كل مبوقات الدنيا التى تخالف الشرع يقمون بها … ويقولون الاسلام ….
الى المعلق abuomer
ياأخي اتقي الله يا رجل ولا تكرر ما يروج له الحاقدون من المصريين والزلم في دول الخليج من افتراءات لأنهم لو ركبوا البراغ الطائر لن يصلوا لأخلاق السودانيين وأدبهم والثقة فيهم.فلا تكن كالببغاء الغبي،هل احتجنا في سالف أيامنا لمزارعين من أثيوبيا أو مصر ليزرعوا لنا جروف الشمالية أو مشروع الجزيرة إلا اللهم بعض الوافدين الأفارقة الذين كانوا يشاركون في لقيط القطن لأن الأراضي المزروعة كانت مهولة.
يعني تاني الفاكهة دي ماتاكلها الا اسرة كرتي في اليومين المابياكلو فيها لحمة.
يابشة انت موديييييييييية علي ويييييييين كثرة ثابتة.اخبار المرة الجديدة شنو……..
يعني ممكن الواحد يكتب اعلان في الوسيط ، ( للبيع بطيخه و 2 منقه و 2 برتقال بحاله جيده – او مقايضه بموبايل نوكيا 3060 )
الشى الغريب مكتوب فى باب اللورى الفى الصورو كاتبين خليهم يقولوو
سير سير يابشير
هي لله هي لله لاللسلطه وللجاه
يا الله ده المشروع الحضاري
يا لون المنقه
يا السائل المنقه
ما عارف كيف نحن بنبقا
و ترقبوا ظهور
المشتهي المنقه
المشتهي الباميه
المشتهي الليمون
و اعملوا حسابكم من المشتهي البندورة و كشفنا دورها
جداد إلكتروني برتبة عريف ديك
إذا وصل سعر البطيخة 40000 جنيه بالقديم وما في زول حيقدر يشترى ممكن أصحاب البطيخ الكتير ده يعملوهو طرشي أو يخللوه زي ما قال عادل امام.
كان يا ما كان في الزمن الجميل : سيدة كبيرة في السن من النوع بالبتشم فيه ريحة السودان ( بالقديم ) جات للفكهانى وسألت عن سعر دستة البرتكان واشارت لي البرتكان ابو صرة في الزمن داك كانت صرة البرتكانة الواحدة تساوى برتكانتين ابو صرة من بتاع الزمن الاغبر ده – فقال ليها الفكهاني بي 15 قرش زمن كان الجنيه فيه 5 ارباع ويساوى 3 دلارير -جمع دولار لاكننا كنا مستهيفنو عشان كده كنا بنجمعو دلارير .
فما كان من السيدة الا ان انطفت كالملسوع وردت : يرى يا يابة – خليه ناكلو فى الجنة
رغم انى انا زول ساكت الا انى انقل لكم الدمار الاقتصادى وطبعا مايترتب عليه من دمار اجتماعى تحت اجنحة انظمة حكم تستاهل انو نبيعها نتم عليها نشترى لينا مركوب لي مشاوير الكدارى وكدة