القبض على سعوديات برفقة سودانيين يدخنون الشيشة

كيف عرفوهم سودانيين….إلا يكونوا لابسين جلاليب وعمم…الرجال ممكن يكونوا سعوديين…الكثير من السعوديين لا يختلفوا عنا كثيرا إلا في الملبس ولهجة الكلام…البنات ممكن يكونن سودانيات لابسات عبايات…أمس قابلني جندي أمريكي أسود وأوقفني قائلا أهلا بالأخ الأفريقي hello African brother لو كنت لابس جلابية وعمة ربما اختلف الأمر

i do not think they deserve to detain, because
of shisha, we will stay like that stupid waste
time on these secondary issues

يا أخواننا ما نقعد نشكك في الخبر ، وما نقعد ندافع على أوهام / نحن السودانيين بقت سمعتنا زي الزفت برة / والكلام القديم بتاع الأمانة والشهامة وما عارف نو دا انتهى ” تلك أمة قد خلت” حسي نحن مصايبنا بقت يومية فيالخليج ومصر وغيرها وانا عايش في الغربة من أكتر من عشرين سنة شايف البلاوي كل يوم تزيد

غايتو الكلام ده لو طلع صاح الجماعة ديل حيفرطوهم فريط ولو البنات طلعوا فعلا سعوديات حيدفنوهم أحياء.

الذ حاجه فى الخبر انو واحد من السودانيين حاول ان يوسع السكه هههههههههه(يجري) , كان مستعد يجري و يخلي حبيبات الفؤاد..هههههههههه ,,,قالوا السوداني فى السعوديه اقل حاجة بقوم جاري… مجننينا فى السودان,الجري دا ما حقي ,حقى المشنفه و المدفع …و ما هنالك من بطيخ

قالوا السوداني فى السعوديه اقل حاجة بقوم جاري…
مجننينا فى السودان,الجري دا ما حقي ,حقى المشنفه و المدفع
غايتو يا أبوعمر إنت حيرتنا وما عارفنك شايت على وين ولا جايي من ياتو خرارة شابكنا السوداني….السوداني يا سليل باكنغهام.

تصدقوا الخبر دا.. لو كانت اي جنسية تانية..
كان حا يكون شكلوا كالأتي(القبض على سعوديات برفقة جنسيات عربية يدخنون الشيشة) السودانييييييييييين (ما عارف بعجبهم نطقهاولا كتاباتها)
أنا لست من الذين يشجعون للرذيلة وفعل الحرام.. أن كانت في سعودية الل مخلوقة من طين ولا غيرها..

قبل فترة ومنزلة في النت لو بحثتوا عنها سوف تجدوها[ أنو في راعي سوداني وجد اسرة من ام واب واطفال تايهين في الصحراء] وذكروا وقالوا أنه اغتصب الحرمة وشال دهبهاوقتلها وقتل زوجها… الغريب أنو ما كنت عارف هذه المعلومة عرفنا بها واحد سعودي في النت ولما قريتها قلت ليهو شوف السوداني لو ربنا ابتلاها والشيطان غواه بسوى الحاجة دي بسويهاوهي حية ما بسويها في ميت… وهذا ليس دفاعاً عن السودانيين فكل مجتمع فيه الخير وفيه الشر… لأنو يا أخوانا اصلا ما ممكن ولا من العقل ولا من المنطق ولا من الفهم اللي الواحد يكون حيوان مجرد.. شخص يلقى ليهو ناس تايهين في صحراء من العطش والتعب.. وفي لحظة زيي دي يفكر في مسائل مثل هذا.. نعم قد تحصل بس صدقوني بس انا ما قادر استوعبها تماماً وعشان كدا بشوف أي سوداني ما ممكن يسويها…

وبكرة نفس الخبر حا تسمعوه بتغير الجنسية من سودانيين إلى باكستيانينين وهكذا….
قبل فترة برضو باكستاني تحرش بسيدة في بص نقل معلمات.. والغريب أنو الوافدين وأغلبية منهم كبيرة جدا محترم نفسها شديد.. وداير تأكل عيش… وما فاضية للأمور دي اصلاً..

فى الغالب سيكون لقاء عمل…. يبدو ان البنات فى طريقهم للتعيين وتم تحديد المقهى كمكان للمقابلة ويبدو ان الشباب السودانيين من الاداريين الذين يعملون بشركة صغيرة بحاجة لخدمات سعوديات.

طبيعى جدا عندما ترى الشيخ تحت حراسة اثنين من العساكر (قروب او وحدة من وحدات هيئة الامر بالمعروف والتهى عن المنكر) ان تفر هاربا !!!! المنظر مخيف وانت معك جكس سعوديات وتنفخوا فى الشيشة، لكن يبدو ان الشباب اساؤوا التصرف بالحكمة الواجب. “واحد قام جارى، لولا ذلك لما انتبهت الهيئة لهم”.

خبر مسكو سودانين وسعوديات كل الناس بتعلق على الخبر وتنفى لو هم عرب ام افارقة يعنى المضوع اخذ اكثر من حجمو والردود تحولت إلى عنصرية بين العرب والافارقة يا عالم اختشو على نفسكم المفروض تحترمو انفسكم قبل ان يحترمكم الاخرين سوى كنت عربى او افريقى انت انسان لك كرامتك وعزة نفسك لو ظل هذا تفكيركم عمركم ما بنيتو وطن

ياجماعة الخبر بسيط ومافي داعي لكل هذه المغالطات في السعودية عادي البنات بيشربوا الشيشة في المقاهي وغالبا ماتحدث بعض جلسات العمل في مثل هذه المقاهي خوفا من الاختلاط في الاماكن الخاصة جدا مثل الشقق وخلافه ولقد مررت انا شخصيا بمثل هكذا موقف عمل ولكن لم تكن هنالك جلسة شيشة ربما لم يكن الطرف الاخر راغبا في الشيشة او خلافه. المهم دائما تتم جلسات العمل وخاصة في مجال المبيعات في مثل هذه الاماكن حيث يمنع الاختلاط غالبا في المكاتب والشركات الصغيرة ولذلك كان من سوء حظ هؤلاء الاخوة ان وقعوا في مثل هذا الجرم وكم كنت اتمنى ان يتم حل المشكلة وديا بدل هذه الضجة التي لم يكن لها داعي ولكن نقول غفر الله لهم ونسأل الله ان يهديهم

السلام عليكم انا سوادني واعتز اني سوادني ولينا احترامنا في كل دول الخليج والله حصل لي موقف قبل فترة كنت سايق العربية في شارع التحلية في جدة ومعاي شباب ماشين نتغدى في البحر المهم دخلنا شارع خدمة لتفادي الزحمة وللاسف الشارع الدخلنا بيهو مقفول وبدخلك الحارة المهم جينا في شارع اجباري يمين وفي فتحة ممكن نخش بيها للاتجاه التاني لكن لازم نعكس الشارع واحد من الشباب حمسني وعكست الدورية كانت في خطراتنا وقفت ووقف شمالي وفتحت القزاز وبدا يسالني ايش جنسياتكم فقلت ليهو سودانيين طيب ياشباب هذا وطنكم الثاني والمفروض تحترمو الانظمة فبصراحة ندمت على الفعلة وفي الاخر قال لينا اتفضلو تخيل لو نفس الموقف دا في السودان كان مكن يحصل شنوووووووووووووووووووووووووووووو؟؟؟؟؟

يا اخوانا الجريمه في الموضوع ده كلو وين
( شيشه + محل عام مول او ماشابه +بنتين وولدين )
ياخوانا القفه العايشين فيها دي بتجيب نتائج عكسيه
بعدين الحلال بين والحرام بين واي زول عقلو في راسو يعرف خلاصو
احنا عاوزين الاسلام في القلوب والعقول مافي شخصيات مثل :
الترابي – الهيئه – الاخوان المسلمين
غايتو اوربا زيك وين