خلال سهرة رمضانية (سالت فيها دموعه)…ود الجبل : هذه حقيقة شائعة زواجي من (ندى القلعة).!
أحمد دندش
دعوة رقيقة تلقتها (السوداني) أمس الاول من قناة الخرطوم ممثلة في الاعلامي الضليع زهير بانقا، وذلك لحضور تسجيل سهرة (لمة حبايب) التى تبث على فضائية قناة الخرطوم ، والتى كانت مع رجل الاعمال المعروف بابكر حامد ود الجبل، والذى كان في استقبال الجميع بمنزله العامر بضاحية الطائف بالخرطوم، حيث كشف خلال السهرة العديد من الجوانب الخفية في حياته، بحضور السادة عاطف على حامد ابن شقيق ود الجبل، وحيدر حدوب الصديق المقرب له، ونجله فارس بابكر حامد، والذى تسبب في إنفجار فيضان دموع من مقلتي ود الجبل في مقدمة الحلقة وهو يتحدث عن والده، وعن التربية التى رباها لهم، وعن كثير من المواقف، مما دفع بود الجبل للانخراط في البكاء تأثراً بتلك الكلمات الصادقة التى جاءت من ابنه خلال السهرة والتى ستقوم ببثها قناة الخرطوم مساء اليوم، وهي من انتاج زهير بانقا واشراقة مصطفى، السهرة كذلك جاءت حافلة بالكثير من المعلومات والاسرار التى ربما تظهر للمرة الاولى، مع إصطحاب جميل لبعض الاحداث التى اوردها الاستاذ مبارك البلال في كتابه (ود الجبل..من البرش للقرش) والذى صدر قبل اشهر.
زواج ندى القلعة:
وكشف ود الجبل خلال تسجيل الحلقة عن سر الشائعات التى تطارده، والتى وصلت إلى انه تزوج لأكثر من (18) مرة، وهو الامر الذى قال انه حيره واضحكه معاً، بينما تطرق لشائعة زواجه من الفنانة المعروفة ندى القلعة، وقال انها شائعة سببت له الكثير من الحرج، خصوصاً انه تربطه علاقة جميلة مع ندى تسودها المودة والتقدير.
علاقات سياسية:
وحكى ود الجبل عن علاقته الطيبة مع كافة اهل العمل السياسي في السودان، وقال انه رجل وطني في المقام الاول، كما تحدث عن خصوصية علاقته مع الراحل الزبير محمد صالح، وقال انه في البدء كان يسمع انه رجل (صعب)، لكن بعد ان تعرف عليه وجده انساناً ودوداً وبشوشاً، وقال: (اذكر انه ذات مرة داعبني وقال لي إنت ياود الجبل الاقمشة السمحة دي بتجيبا من وين.؟)..كما تناول علاقته مع الرئيس عمر البشير وقال انه (اخو اخوان)، ورجل دائماً مايجده في الملمات وفي المسرات.
سر (اللبانة):
وشرح ود الجبل خلال الحلقة سر مضعه (للعلكة) طوال اليوم، وقال انه يقوم بذلك تنفيذاً لوصايا الاطباء، وذلك بعد ان تم منعه من التدخين، واردف: (هذه العلكة ساعدتني في ان اترك التدخين والذى كاد ان يودي بحياتي).
زول (دمعتو قريبة):
كما لم ينس ان يستدعى ذكرياته مع والده ووالدته، وقال انه لايزال يشتم رائحة والدته في كل مكان، وزاد: (أمي علمتنا الحنية، وانا بتذكر زمان كانت بتقلدني شديد وتقعد تبكي..وأنا اقعد ابكي وراها طوالي)، قبل ان يصمت قليلاً وهو يقاوم دموعه، والتى قال عنها ابن شقيقه عاطف، أنها تلازم ود الجبل دائماً، فهو انسان (دمعتو قريبة) ويبكي بعفوية دون تكلف.
الجيلي..حضور مميز:
السهرة قدمها بإمتياز زهير بانقا، والذى استطاع ان ينقب عن الكثير من الجوانب في حياة ذلك الرجل الذى يحبه كل اهل السودان، بطيبة قلبه وبعفويته الشديدة في التعامل مع الجميع دون فرز، والمشاهدون موعودون بحلقة متميزة، حلق فيها المادح الجيلي الصافي بصوته، وقدم عدداً من المدائح والاناشيد النبوية الجديدة والتى يتوقع ان تجد قبول الجميع.
السوداني
الحاجة البعرفا انا ..
انه ود الجيل بيته في الطائف لا يخلو من الفقراء والمساكين ولا يقوم بطردهم او نهرهم …
كل يوم الساعة 2 ضهر العميان شايل المكسر قدام بيت ود الجبل ينتظرون عودته لما فيه النصيب ….
والرجل يعطي بسخاء ……..
نسأل له العافية وان يوسع الله في رزقه ورمضان كريم
هذا الرجل الذى يدعى ود الجبل واحد من الاسباب المباشرة فى تدمير الاقتصاد السودانى ابتداءا من بعد انتفاضة ابريل وحتى نهاية حكومة الصادق ثم بعد ذلك التف حول المجرمين الذين قامو بتدمير ما يسمى بالسودان وعلاقته بهؤلاء المجرمين بواسطة محاميه المنافق الكبير سبدرات والان هو رئيس لنادى الخرطوم ولولا سخرية الزمان وحقارة المجتمع اللعايشين فيهو الان لماسمح له ان يبيع السجاير عند بوابته والادهى من ذلك انه يعمل الان مرابى داخل النادى يستغل بعض المتعسرين من المديونين مقابل رهن عقاراتهم ثم الاستيلاء عليهاوهو متأكد ان الذى رهن عقاره لن يستطيع السداد . هذا غيض من فيض عن ما يسمى بود الجبل وعلاقته بحكومة الانجاس !!!!!!!!
عمنا ود الجبل زول طيب و بحسن للفقراء و عصامي بدا من تحت و علي الناس عارفه جاب قروشو من وين ، ربنا يزيدو كمان و كمان مادام بالحلال ، مازي ناس جمال الوالي و الاسره الحاكمه في كافوري ربنا يخسف بيهم الارض ، في معلومه لازم يعرفها ، البشير لا اخو اخوان لا حاجه دا زول خسيس و حاقد و مجرم خان الشعب السوداني ،تنكر لشيخه و( اخوانه ) في الشعبي و غدر باصحابه الزبير و ابراهيم شمس الدين و كمان عميل للامريكان سلم بلحاج الليبي و كارلوس و طرد بن لادن و الغنوشي و …….
ود الجبل ذاك الرجل العصامي الذي بنى نفسه حتى اصبح رجل اعمال يشار له بالنبان .. انه ليس كرجال الاعمال الاخرين تجده في قمة التواضع والالفة وما يميزه الكرم الخاتمى والوقوف في الملمات نسال الله له العافية والزيادة في الرزق وان يسلك ابنه مسلكه في مساعدة القراء والحتاجين . التحية لبرنامج الاخ زهيرلهذا النجاح والاختيار الموفق
( ود الجبل ) مثال حي لتفاهات الإنقاذ , رجل متخلف مريض نفسيا – أغتني علي حساب الشعب السوداني – تاجر عملة ومهرب – لا يفقه شئ في كل شئ – ليس من الأغنياء أو رؤوس الأموال في السودان , ولكنه من صعاليك الإنقاذ الذين أغتنوا فجأة هكذا – اللهم أني صائم : لعنة الله عليك وعلي ندي القلعة ( المنحطة , السافلة ) شريف مادوكري .
أذكر أن أبو العلا لما أراد بيع منزله وأراد شرائه الصادق المهدي وعرض عليه تقريبا مبلغ 4 مليون – عندها ذهب المدعو ود الجبل لأبو العلا وعرض عليه 5 مليون !! فماكان من أبو العلا إلا أن قال له : لو أديتني 20 مليون ما ببيع بيت أبو العلا لواحد زيك .
قال الرجل يعطي بسخاء للفقراء , تفوووووو . ألله طيب لا يقبل إلا طيب – وأموال ود الزفت ده أموال حرام ونهب وسرقة وقلع وغسيل ودولار ووووو . لن تغني عنه شيئا .
ياسلام على مؤلفات الكاتب العبقرى مبارك البلال (ود الجبل من البرش الى القرش ) ماشاء الله شايفين العبقرية؟؟؟؟؟؟يارب لهط كم من الرجل الاهبل دا مقابل الكتاب دا؟؟؟؟غايتو رزق الهبل على المجانين وداهو حال اعلامناوالرأسمالية حقتنا ودقى يا مزيكا…………
يا ود البلال انت من متين بتعرف ود الجبل عشان تعرف برشو ولا قرشو ومن متين انت بتكتب كتب
بدا ما فيها التمساح يقدل فيها (الجعران )
رجل بدا من الصفر ودخل السوق عابرا سوق العملة والتجارة ورجل سخي كثيرا ولكنه يحب الاعلام احيانا عند العطاء وكلامه عن البشير كلام بتاع شطارة سوق وهو رجل لم يتعلم ولايفهم في السياسة ولكن ود سوق …الزيبق دخل عالم السوق وهل طرق ابواب المليارديرات ام لا ساعد البلد في ازمات ولكن كانت واحدة بواحد اي يساعد الحكومة مقابل تسهيلات ويعطي ويمن تحت تحت قليلا وكثيرا لايراه الناس واتمني ان يغني الله الجميع باالحلال والجموعية عموما ناس طيبين وحاريين ومرحبتيين بالجموعية الرجال اصحاب الرجال
نعم بفي ود الجبل هل شيد مصنعا هل عمل مشروع زراعي يعمل فيه الفقير ويغتات منه الغني والفقير هل بني مدرسة يتعلم منها الجاهل عمله اللهم اني صائم يدير تجارة عبر الجوال حتي دون ضريبة للدولة عملة واعمال اقراض واشياء بنتها الانقاذ
كلهم حراميه إنقاذ_وكمان يشكر في البشكير اقصد البشير حرامي يشكر حرامي_
ود الجبل دا اذا عايزين تعرفوا بدأ بشنو اسالوا الشفوت بتاعين العمارات في السبعينات
بلد تافهة اعلامها اتفه منها … ناس كتير من ناس بلادى قاعدين يكسروا التلج لناس ذى ود الجبل بلد حاكمها الاهبل البشير والنعجة نافع … اقدل ياود الجبل
ود الجبل أحد دجالين المؤتمر الوطنى وأول من عمل فى تجارة الدولار والريال وكان قبلها مهرب سجائر البنسون من البحر الأحمر وكل عمله فى دمار الإقتصاد السودانى ولكن حكومة الدجل هو من أشباهها مال حرام وكرش كلها من السحت وإنشاء الله فى الدرك الأسفل من النار آميييييييييين
قال شنو بشة اخو اخوان ………… سجم خشمك يا جبل باكر تكيل الترابة
الحق يقال ود الجبل بني مسجد بس افتكر هذا يكفي ليس دفاعا عنه بس كلمة حق