دجوليبا المالي يثأر من الهلال
ضمن مباراة كأس الاتحاد الفريقي لعبت اليوم مباراة الهلال ودجوليبا المالي، لعب الفريقان مباراة مفتوحة في بدايتها ، هجوم الهلال اتيحت له عدة فرص لم يتمكن من استثمارها حتى جاءت الدقيقة 29 والتي احرز فيها الفريق المالي هدفه الاول من كرة اصطدمت بأعلى العارضة وعادت الى داخل الملعب ..لم يتمكن المعز محجوب من ابعادها مرة اخرى فزاحمه مهاجم الفريق المالي واحرز بصدره هدف التقدم لفريقه، وكان حكم الراية قد وقف ولم يحتسب الهدف واشار الى ان الكرة خرجت بعد اصطدامها بالعارضة وعاد اليه حكم المباراة وبعد حديث بينهما احتسب الحكم الهدف الذي احتج عليه لاعبو الهلال.
جاء الشوط الثاني وكان اداء الهلال ضعيفا للغاية ولو استثمر مهاجمو دجوليبا الفرص التي اتيحت لهم لناءت شباك المعز الذي ظهر بأداء غير مقنع ،وفي الزمن المحتسب بدل الضائع ومن هجمة مرتدة احرز الفريق المالي هدفه الثاني لتنتهي المباراة 2/0 لدوجليبا.
بدايه الغيث قطره ياهلالاب _وربنا يستر عليكم من الخمسات
ههههههههههههههههههههههههههههههههههههه
هذا والفرق التونسية لسه ما قابلتوها ..
الله يستر من الراجيكم ..
والله الهلال حيرنا عديل نرجو عدم الاستهتار والا سنضيع كما ضعنا امام مازيمبي وحذاااااااااااااااااري من مباراة الاتحاد الليبي في ام درمان ….؟؟؟؟؟؟؟
جرائد واعلام الهلال ينفخو فى الفريق نفخ السعن و هم خلاص قالوا صدارة المجموعة والصدارة الان فى مهب الريح وامس الاتحاد الليبى لعب خارج ارضه اروع مباراة وانا خايف ومرعوب انه يغلبنا هنا في امدرمان والله يستر الواحد بقى ثقته فى الهلال مهزوزة وخايف من شريط مازمبى واللعيبة السودانيين لا يعرفوا الانضباط التكتيكى زى فرق شمال افريقيا كاس خارجى بعيد علينا خصوصا فى ظل اعلام مشجعى مدرجات الدرجة الثالثة
ناس المحلى يتفرجوا من سكات العطاله كعبه ههههه:lool: :lool: :lool:
اعتقد انو الخسارة خارج الارض طبيعية جدا ومفيده للهلال في هذا التوقيت حتى لايستهتر بالفرق التي تقابله وهو مقبل على الدور قبل النهائي والذي يكون بخروج المهزوم في الذهاب والاياب اما هذه المرحلة اعتقد ان تأهل الهلال امر محسوم بحساب ما تبقى من مباريات عموما هاردلك الهلال ونتمنى معالجة السلبيات والتي من ابرزها الاستهتار وعدم احترام الخصم واللعب للفوز فقط متناسين ان هذا الفريق كاد ان يخطف نقطه في الخرطوم ويأزم موقفنا
طبعاً بعد ده بقينا فى الجد ………لما يكون هلال البطولات البشبهنو ده يبدأ البشتنة بتقيف ….صدق استاذنا عبد المجيد عندما قال خروج المريخ يعنى ضياع كاس خارجى على السودان ولم يقل المريخ …..كاتب ذو مهنية عالية جدا جدا حفظك الله …مع:crazy:
:lool: :lool: :lool: على المدير الفنى للهلال علاج اضاعة الفرص ووضع اللاعب المناسب فى المكان المناسب …. وصول الهلال الى نصف النهائى مسألة وقت ….. ويمتنع الحاقدين والشامتين عن التعليق ….
الله يستر في باقي المباريات الهلالاب فرحانين من هزيمة المريخ في عطبرة ونسوا انفسهم من هزيمتهم في كادوقلي وبورتسودان ..والقادم اخطر ويمكن تاني الهلال ما يكسب نقطة
هاردلك هلال لكنه سوف تظل انت الفرحة وانت النغمة وانت السودان العظيم تمرين مهم قبل مبارة الاتحاد الفاصلة والتي سوف ترجعون فيه الي مكانكم الطبيعي بصدارة المجموعة واننا ثقتنا كبيرة فيكم بان الكاس من نصيبكم هذا العام لي عتاب علي الادارة الجديدة لانهم لم يستاجرؤ لكم طائرة خاصة مثل الاخ صلاح ادريس كان يفعل لانه ارهاق السفر كان هو السبب الاول في الهذيمة:cool: :cool: :cool:
زمان شن قلن ، قلنا الطير بياكلنا ، فهذا هو دأب الفرق السودانية التي تحسن السير في بداية الطريق ، ثم ما تلبث أن تتعثر في الخواتيم وتطيح بآمال الملايين من عشاق المستديرة الذين يذوقوا طعم الانتصار الدولي منذ السبعينات من القرن الماضي ، وخوفي من الجايات أكثر واللهم نسأل الستر ياستار .
دا الهلال الحقيقي
فورة لبن
هزمو الاتحاد في ليبيا وافتكرو أنهم اخدوا الكاس
نحن كدا نفرح شوية وننسى الحقايق وناخد على دماغنا
الاخوة في السودان من اول الطريق وهم يتغنو بالكاس وكأنهم وصلو للمربع الدهبي : وهذا غلط لان الهلال مازال في بداية الطريق ومجموعته الى حد ما سهله واحب ان اضيف ان مدرب الاتحاد الليبي كان يجامل في الهلال عندما قال لهم انهم المرشح الاول للكاس عشان جمهور الاتحاد والصحف تخف عليه شوي ويحاول يقول احنا اتغلبنا من فريق مرشح للكاس