رويدا المحروقي: عشت الرعب في فرنسا
الأنباء
المطربة رويدا المحروقي على كثرة سفراتها الا انها معظم سفراتها مهنية اما لتسجيل او تصوير اغنيات ومرات لاحياء حفلات ومشاركة في سهرات تلفزيونية وعندما تحس بالتعب وتبي ترتاح فورا تسافر للوناسة.
متى افضل وقت عندچ للسفر؟
٭ افضل الاوقات عندي للسفر تكون في موسم الشتاء لما يكون الجو وايد بارد، لاني ما احب الحر والرطوبة ومن صچي اتعب نفسيا لم اسافر بالصيف والحر وكلش ما احس بالوناسة.
تحبين السفر في العطلة؟
٭ احب اسافر لما اشوف نفسي فاضية وما عندي شغل وبحاجة الى فترة راحة واسترخاء، ولا فرق عندي بين السفر في ايام الاجازة او الايام العادية المهم اني اسافر لتغيير الجو واستأنس.
اطول سفرة متى كانت؟
٭ بعد طرح اول ألبوم في الاسواق اتذكر انني اخذت اجازة طويلة ارتاح فيها من التعب اللي حسيته في اول ألبوم والجهد الكبير اللي بذلته في انجازه.
اجمل بلد زرتيه؟
٭ كل بلد زرته فيه شيء يميزه عن غيره فعلى سبيل المثال استانست وايد لما زرت مصر بمختلف مدنها ومحافظاتها القاهرة، الاسكندرية، شرم الشيخ، كذلك لبنان، فرنسا، بريطانيا كل هذه البلاد جميلة.
موقف طريف حصلچ في السفر؟
٭ في مرة من المرات كنت مسافرة فرنسا وعقب ما نزلنا في الفندق رحت دشيت المصعد ابي اروح حق غرفتي فاتسكر علي باب المصعد وحاولت فيه ما فتح، رحت اصارخ وابكي لين فتحوه واتذكر انه صار لي موقف اخر في تركيا ليما سافرت لتصوير احدى اغنياتي فيديو كليب وكنت لابسة حذاء كعبه عال وايد وخلال المشي في لوكيشن التصوير طحت من طول الكعب فضحك علي المخرج وجميع الفنيين اللي معاي واصابتني كدمات ورضوض بس قمت وكملت التصوير.
هل تحبين السفر اكثر للسياحة ام للشغل؟
٭ كل شيء له طعمه ومذاقه الخاص سفر السياحة يخليني اغير جو واطلع على حضارات الدول الاخرى واسأانس اما سفر العمل يخليني استمتع بشغلي.
بلاد اعجبك جمالها؟
٭ لا انسى سفرتي حق هولندا وكم اعجبتني هذي البلد وايد واتمنى تكرار زيارتها اكثر من مرة.
مرض وايد