الجمل بما حمل !!

يا عووضة أحسن تكتب ليهم بالدغري عديل كدا عشان يفهمو ناسنا ديل لأنو ما بفهمو ناس التورية و ذم بما يشبه المدح و أسمعي ياجارة و غيرها من فنون اللغةو بعد دا لو ما فهمو تمها ضحكة.

المصيبة الكبرى إنه بعد هروب المستثمرين من المواطنيين و الأجانب بأموالهم من السودان الى دول أخرى مثل اثيوبيا بعد اصطدامهم بالجيايات و الاتاوات (داخل وخارج القنوات الرسمية) فإن الحكومة لا تفعل أي شئ لمعالجة الوضع للحفاظ على من تبقى من المستثمرين من الهروب و كأن الأمر لا يعنيها، سلبية تامة بل مبالغ فيها، ووزرائها لا تهمهم الا مصالحهم الخاصة و لسان حالهم يقول “فليهرب المستثمر بأمواله اذا لم ننل نصيبنا الشخصى من أمواله”. لا حول و لا قوة الا بالله.
يا جماعة اذا كانت ست الشاي المسكينة التى تربى أيتامها من بيع الشاي و القهوة و صبى الورنيش الذى يكدح ليكفى نفسه شر الانحراف الى طرق أخرى لكسب المال، اذا كا هذان الصنفان الضعيفان لم يسلما من بطش الاتاوات و الجبايات الحكومية والاتاوات و الجبايات الأخرى التى تذهب الى جيوب موظفيها، فمن يسلم؟ لا أحد بالطبع.وبعد دا كلو تقول لى “هى لله”؟

كويس ….. بديت تسمع الكلام
بس ركز شوية و خلى مواقفك واضحة
حكاية بين بين دى ما بتنفع

*ثم هنالك الهروب شبه الجماعي للأطباء والمهندسين والفنيين والخريجين
———-
لقد هرب الجمل بماحمل فعلا ياعووضة بما حمل من علم وخبرات وفهم وعقول نيرة وطاقات شبابية جبارة ده غير الفلوس…لن يجد الكيزان غير العجائز والكهول والاجانب ليحكموهم…شبابك تشابك كثير الزحام قدام السفارات

أيوا خليك واضح يا جميل و ما تهبش ناس الكيبورد البتكتب عليه هسع ..
وبلاش لولوة مع جيل اليوم .. و الجمرة بتحرق الواطيها .

ما بطال

يا ود عووضه لو عاوز تكفر عن ذنوبك وعايز القراء يسامحوك لا حنقول ليك صوم تلاته يوم او تتصدق لعشره مساكين بس بنطلب منك حاجه واحده وتحقيقا ما صعب عايزنك تخلو بالخال الرئاسي وتقفل كل المنافذ الأبواب والشبابيك وبسوط عنج ضرب لغاية (ما يبان ليهو صاحب!!) ولا سيما انت اكتر واحد عارف الدور اللعبو كفيلك ومساهمته الفاعله في فصل جنوب البلاد على الأقل الشعب لو ما كان ليهو نصيب فى شوية البترول بشكل مباشر كان عايش على الريحه والقريشات الكانت بتتسرب من بين أصابع الكيزان الكانوا قايمين بيها(تتو)!! كده فكر في الموضوع ده كويس وخليك من فلانه عملت وفلتكانه سوت ده كلام مشاطات ساكت وما ظنيتك تخصصك كان في ونسة النسوان!!.

ليت المصيبة في الهروب وحده
المصيبة من اين جاء هؤلاء بكل هذه المليارات في بلد جائع ، تقتات حكومته من الصدقات ومّد القرعة والودائع
و الجبايات من ستات الشاي واطفال الدرداقات ؟؟

من اين !!!!!!!!!!

يا ود عووضة انا قاعد من قبييل تحت ضل الراكوبة منتظر مقالك وناوي الليلة اعطيك درس في كيف يكتب العمود الصحفي وعلى فكرة انا مناضل كيبورد وليس لي علاقة بالصحافة بتاعتكم ..

أولا: توضع الكلمة أو الجملة بين قوسين حينما تكون لها معنى بعيد أو بلفة مختلفة حتى الدارجية ، راجع أمثلة هنا لكلمات وضعتها أنت بين قوسين بلا معنى.

*قال إن محاولة الاستثمار في السودان رحلة بها الكثير جداً من (المحطات)..
*وعند كل محطة إجرائية أنت مطالب بأن تدفع داخل – وخارج – (القنوات)..
*قال إن محاولة الاستثمار في السودان رحلة بها الكثير جداً من (المحطات)..
*وعند كل محطة إجرائية أنت مطالب بأن تدفع داخل – وخارج – (القنوات)..

ثانياً الجملة الاعتراضية تكون في الحالة التي تضطر الكاتب بالخروج عن سياق الكلام ، راجع أمثلة لجمل غير اعتراضية وضعتها من غير سبب بين شرطتين.

*قالت إن الوضع الذي هربت منه إلى السودان – قبل أعوام- صار أفضل..
*وأثيوبيا تسير إلى الأمام الآن – اقتصادياً- و نهرول نحن تجاه الوراء..

ثالثاً: يستثمر الكاتب الناجح العمود الصحفي بعدم تضمينه أي معلومات غير مفيدة لانه مقيد بمساحة محدودة .. راجع أمثلة لمعلومات غير ذات معنى

*فقد كنت مع صديق بمصنعه في المنطقة الصناعية بحري..
*هي زيارة لم تتجاوز نصف الساعة انتظاراً لصديق مشترك قادم من حلفا..

أرجو أن تكثر من الاطلاع ودراسة فنون كتابة العمود الصحفي ونتمنى لك مستقبل باهر

المره دي تمااااام ، عليك نور يا عوووضه.

في غضون سنوات قليلة سيحدث تغيير ديموغرافي متعمد من الكيزان في السودان يتم فيه استبدال الشعب الفضل (بكسر الضاد او ضمها علي كيفكم) بالحبش والسوريين والتشاديين والدواعش …شعب الاجانب الذي لن يحق له ان يطالب الحكومة باي حقوق مواطنة لاموية لا كهربا لاتشغيل لاتوظيف لا خبز لاسكن الخ …
شفت شغل الكيزان الشفوت كيف !!!!!
من لا يريد الموت جوعا او الموت ذعرا او الموت ذلا فليهرب بالواضح كده

(المهم ان نشير الى ان كلمتناهذه بعيده عن جدل المعى والضد)يعنى مصر تلف وتدور وتساوى بين الضحيه والجلاد يااخى خليك واضح والدينا اخرها كوم تراب

اقتباس : *فقد كنت مع صديق بمصنعه في المنطقة الصناعية بحري..

دي كبيرة ملفي زول بصدقك حتي لو جبت لينا صديقك ده هنا .

اقتباي آخر : *ومن المهم أن نشير هنا إلى أن كلمتنا هذه بعيدة عن جدل الـ(مع والضد )..

لا يا اخي دي مراقة ولا شنو خليك مع احسن ليك . واسأل عثمان ميرغني .
تتلفت يا …

أمسك الدرب ده ، و مع الزمن الأمور بتتصلح معاك.

و يمكن أن تستفيد من وضعك و تمرر رسائل تفيد المجتمع ، عسى أن يكون كفارة لك ، و فخر لذريتك.

التحية