هجوم الشرطة على جامعة القرآن الكريم

قبل سنوات في انتخابات اتحاد جامعة السودان في مجمع شمبات حوالي الساعة 2 صباحا جانا عسكري بوليس قال لينا سعادة الضابط فلان عايزكم تجوهو سريع ..
مشينا للضباط قال لينا اسمعوا يا ناس التحالف انا معاكم واقول ليكم بصراحة جاتنا تعليمات بضربكم بعد نصف ساعة .. طلاب المؤتمر الوطني حا يهاجموكم ونحن حانقتحم الجامعة بحجة احتواء احداث عنف بين الطلاب عشان نحمي طلاب المؤتمر الوطني وحا يتم اعتقالكم. انا البقدر اعملوا ليكم لما يهاجموكم ناس المؤتمر الوطني بخليكم تدقوهم كويس وبعديها بدخل وافرتقكم الاتنين .. المهم اتكيفنا من الضباط وكانت اول مرة يحصل فيها عدل في توزيع القمع بين صبية المؤتمر الوطني وطلاب الجامعة .
ـــــــــــــــــــــ

الضابط البسوق قواته ويمشي ورا طالب كوز شايل ملتوف وسيخ يضارب معاه طلبة في عمر اولادو قبل العسكرية اول حاجة راجع رجولتك .

الشرطة أمس الأثنين عملت في جامعة القرآن الكريم زي ما عملت في جامعة كردفان وغيرها.

الكيزان هجموا على طلاب التحالف قبل قليل في جامعة القرآن الكريم بالملتوف الحارق واصابوا عدد من الطلاب بحروق وجروح خطيرة والشرطة ما قصرت مع الكيزان تمت ليهم الناقصة في طلاب الجامعة العزل .

النظام الذي يرتكب كل هذه الجرائم في منارات تعليميه يجب بتره من الجذور قبل فوات الأوان .

[CENTER]

[/CENTER]