مغتربون انتقدوا عدم منح فترة سماح..قرار بمنع استيراد السيارات الموديلات الأقدم من (2010م)

انتو عارفين السودان دة بقي كا شخص ماسكلو دايرة يشرع فيها براة وما سائل في اي حد يعني اي وزير يقوم من الصباح كدا ويكون متونس مع مرتو بالليل انو بكرة حانعمل كدا ويقوم يعمل ؟ لا يرجع لي وزير ولا لي رئيس ولا يعاين مصلحة الناس وعندو كبير الجمل ؟ لية ؟؟؟؟ لان في فساد مستشري في جميع الدواير وانا اعمل الفي راسي ومافي حد يرجعني ولا يحاسبني لانو لو حاسبتني حا اطلع ليك فضايحك وبالطريقة دي السودان ماشي نحو الهاوية
وسوف نصبح علي يوم يكون الواحد ماشي من بحري لي الخرطوم ويجي كبري النيل الازرق يرجعوة يقولولو احسن تمشي بي كبري بري لانو فية ناس مناوي بتفاهمو معاك بس انت ادهم حاجة ؟
دحين قرار الحمار دة المنع السيارات قبل 2008 تدخل السودان دة والله حقو يجبوة ويربطوة في عربتين كل واحدة ماشة عكس عشان نفتكة منة
وبعدين ياخي الدول الاوربية ودول الخليج لحد الان ما وصلت لهذا الحد تجيب عربية من الامارات الي السعودية ان شاء الله موديل 2000 بي رسوم وجمارك رمزية
لكن ان شاء الله نشوف فيكم يوم يا ناس الانقاذ
وانا عاوز افهم بس مهمة الريس في البلد شنو ياناس يا ناس يا ناس مهمتو شنو والله الواحد خلاص طفحبو الكيل
والله ينتقم من الظالم في الدنيا قبل الاخرة

ده حاجه عاديه عند الكيزان اصلوا بكون فى حرامى منهم مستورد سيارات دخلت البلد بالفعل ويطلع القرار بمنع السيارات من الدخول ويرتفع سعرها وبعد شهرين يتم الغاء القرار ده بلدنا وبس نحن نستاهل علشان نحن ساكتين عليهم حتى الان

إنه الفساد بعينه .. ظلت هذه الحكومة الطاغية تدير الدولة على هواها أليس للجنوبي الحق في طلب الطلاق في ظل هذا النظام المحتكر …؟؟؟

يعني تاني لو عاوز تركب عربية لازم تكون مع الكيزان
ولو ما عاوز أمشي كداري:mad: :mad:

ببساطة يكون في واحد من الجماعة عنده باخره كامله عاوز يصرفها عشان كده عملوا القرار ده وهو ده حالهم .
الشيء الغريب والمحير وبعكس كل بلاد العالم الناس تستورد ماتحتاجه بنفسها يعني كل واحد من جماعة الانقاذ يمشي الصين يجيب كونتينر حسب متطلبات السوق السريعة عربات كمبيوترات مواد كهرباء وسباكه وهلمجرا وبدون جمارك وكلها اعفاءات والمواطنين المساكين اصحاب رخص الاستيراد والتصدير والسجلات التجارية القاعدين يدفعوا الضرائب والزكاة والجمارك والقيمة المضافة والاتاوات يروحوا في ستين داهية ومن شحنه واحده يعلنوا افلاسهم ويفاجأوا بالبضاعة الجايبنها ماليه السوق وبارخص الاسعار مش بدون جمارك ؟ بدون اي حماية للتجار اصحاب السجلات والرخص التجاريه عشان كده الجماعة اغتنوا واثروا هذا الثراء الفاحش .
الجمارك والضرائب والزكاة والاتاوات المختلفة تطبق علىنا نحن المساكين فقط .
ا