مركز حزب البشير الصحفي : الحكومة توقع اتفاقية مع الشركات والمزارع لعرض اللحوم بسعر التكلفة
الخرطوم(smc)
كشفت الآلية العليا للمعالجات الإقتصادية عن ترتيباتها لمضاعفة كميات اللحوم البيضاء والحمراء بالتنسيق مع المزارع والشركات المنتجة لبيعها بأسعار مخفضة للمواطن بغرض تحطيم الأسعار التى إرتفعت بشكل جنونى وغير مبرر خلال هذه الفترة.
وقال الأستاذ محمد فضل الله الدرديرى مقرر الآلية في تصريح لـ(smc) أن الآلية ستقوم بتوزيع كميات كبيرة من اللحوم عبر المحليات ومراكز البيع المخفض والأسواق الخيرية بسعر مخفض مبيناً أن حكومة الولاية وقعت إتفاقيات مع الشركات المنتجة والمزارع بشأن تسليم اللحوم إلى المواطن بسعر التكلفة مشدداً على المواطنين بضرورة الحرص على شراء اللحوم من مراكز البيع المخفض وعربات التوزيع التى تمر وبالأحياء السكنية بغرض الإسهام في محاربة إرتفاع الأسعار مضيفاً أن توزيع اللحوم البيضاء والحمراء سيشمل كافة مناطق ومحليات ولاية الخرطوم وبكميات كبيرة.
و الله العظيم نفسى أعرف شنو و ماهى هذه (الآلية العليا للمعالجات الإقتصادية ) و لأى جهة تتبع و ما هى وظيفتها… وكمان منو هو هذاالـ ( الأستاذ!!! محمد فضل الله الدرديرى مقرر الآلية )… دا شنو بيعمل و أين يوجد و لمن يتبع و أتمنى من الأستاذ الطاهر ساتى يجيب لينا قرارو – مرتبه و حوافزه و مخصصاته- أكيد دا واحد من الفاقد التربوى و عديمى الموهبه و العطالة المقـنعة للكيزان ….. دى المره التانيه يطلع لينا هذا الكائن و كأنه سيحل لينا مشكلة جامو و كشمير و يدعى بأنهم سيوفرون اللحوم الحمراء و البيضاء بسعر التكلفه…. و يزعم بأنهم فى هذه الآليه عملوا إتفاقيات مع الشركات المنتجة للـ لحوم على توفيرها بسعر التكلفه يا أخى روح بلا نيله !! هى ياتو شركات بتنتج اللحوم ؟؟؟ و أين هذه المزارع التى تقاوح و تطلب الأسعار الأعلى من منتجاتها على كيفها عشان سيادتك تمشى تقنعـحهم لتخفيضها؟؟ و زيادات الأسعار و التى بلغـت أكثر من 120% خلال الشهر الماضى ما جاءت وفقا للسياسات التى قررتها الدوله و أجازها البرلمان و أعـلنها رئيس الجمهوريه يا غافل إنت كنت وين؟؟ مره تانيه أقول ليك إحترم نفسك و شيبتك ….
الكلام عن معالجات فى معيشة الناس اليومية لزومو شنوا جابين لنيا صورة ود الجاز دا وشو يقطع الخميرة من البيت 000 والشيئ المحير ناس الحكومة من اعلاهم لي أدناهم يفتكروا ان السودان كله هو الخرطوم وباقى الاقاليم من حلفا الى كوستى ( من كوستى وغادي الجماعة فرزوا عيشتم وشالوا البترول وخلوا الجماعة يصقعوا سحاب ويدنقروا تراب ) ومن الجنينة الى بورسودان دول مافى الحساب تماما فاليموتوا بجوعهم مرضهم وغيظهم لانهم بعيدين عن السوق العربي وكدا ولايشكلوا تهديدا لحكومة نافع 00عجبي 000 وبعدين اخبار طلب الفول شنو قالوا اصبح قيمتو ( همسة آلاف) !!!!!!! وبعدين وين الرائد يونس وكدا 000 اهلنا زمان قالوا ادو الدقيق لخبازو لو ياكل نصو واهلنا فى دار فور عندهم امثال عميقة جدا ( المى حار ولا لعب قعونج)