توقيع إتفاقية لتبادل الأيدي العاملة بين السودان والكويت قريبا
الخرطوم -“سونا”-كشف السيد طلال منصور الهاجري سفير الكويت لدي السودان عن توقيع اتفاقية لتبادل الأيدي العاملة بين البلدين في الفترة المقبلة بين وزارة الشئون الاجتماعية والعمل الكويتية ونظيرتها وزارة العمل السودانية .
وقال الهاجري في تصريح لسونا إن الاتفاقية جاهزة للتوقيع عليها وكان من المقررة أن تصل الخرطوم وزيرة الشئون الاجتماعية الكويتية دكتورة ذكري الرشيدي للتوقيع علي الاتفاقية مع الجانب السوداني ولكنها تأخرت بسبب ظروف خاصة بها متمنيا أن يتم التوقيع علي الاتفاقية قريبا .
وامتدح السفير العمالة السودانية في كافة المجالات مشيرا الي أن الكويت لها تجارب سابقة مع العمالة السودانية في مجالات التعليم والطب والرعاية الصحية واساتذة الجامعات الذين عرفوا بالمهارة العالية والكفاءة والإخلاص في العمل
وأضاف نحن لاننكر دور العمالة السودانية في الكويت وأنا واحد من الذين تتلمذوا علي يد اساتذة سودانيين في مجال العلوم السياسية والاقتصاد بجامعة الكويت .
بالله!
ههههه شنو تبادل دى
ما تخليكم من الحركات دى وين عمال كوتييتن يجوا
هههه ديل لاعيبه الكوره ما دايرين يطلعوا من (الديره) عشان يطور من مستواهم
لكن ما فى مشكله مرحبا بيهم الاخوة الكوايته فى بلدهم الثانى
وسوف نوفر لهم كل الراحه والجو المكندش واعمال بسيطه لا تؤثر فيهم بدنياً
وتنازلاً منا للروابط المشتركه ووفاء لروح المرحوم عبدالله السريع
موافقين على حضوركم وبدون اقامه كمان
تبادل عمالة قال!! لا و شنو مع الكويت. يا جماعة بطلوا التدليس ده و صدروا مواطنيكم من سكات و بلاش قرف معاكم
الله يستر ما يكون فيها تبادل عاملات منازل..
…توقيع إتفاقية “لتبادل” الأيدي العاملة بين السودان والكويت قريبا…
حلوة “تبادل” دى..آها ونحنا حنستجلب ياتو نوع من العمالة الكويتية؟؟سمعتو بى حاجة اسمها عمالة كويتية قبل كدة؟؟
الموضوع فى الاصل اتفاقية لاستقدام عمالة سودانية لدولة الكويت ونقطة على السطر..أما “تبادل” فى الحقيقة لزوم دبلوماسية وكدة..ده كلو مامهم, المهم انو محمد أحمد جاتو فرص يأكل منها عيش ..ده لو الفرص دى ما اتلهطت زى فرص شبيهة جات من قطر وبى اتفاقية شبيهة.
the sudanese minister is changed now
لو ناوية ترسلي البنات الله يقلعك قبل ما تعمليها.
أتمنى اتمنى أن لا نصل إلى مرحلة إرسال شغالات إلى دولة الكويت والله حتكون فضيحة ….. لكن الحكومة دي اللي تعمل فيهوا ولايهمهم شيء…. الله يستر …
الله يستر مايكون الاتفاقية هي ارسال خدم وسكرتيرات لكويت نتمنى من الاهالي ان لايلتفتوا او يقبلوا بارسال بناتهم واعراضهم لكويت هذه الحكومة ليس لديه شئ تعمله سواء ذلة الشعب واهانته وعذابه حسبنا الله ونعم الوكيل
يعني في كويتي بشتغل في السودان ؟؟؟؟ ويشتغل شنو ؟؟؟ الموضوع وما فيهو والمراد منه تفعيل هجرة الشابات السودانيات والتي اجهضت من قبل بعد ان عرفت النوايا .. ومعروف اذا خرجن ماذا سيحدث لهن .. حافظوا علي اعراضكم .. والله يعلم ما في الصدور …
اخيرا فكرتو تبيعوا بناتكم الله يقلعكم
الله يستر …مصير شبابنا بقى فى يد الحريم …. الكوايتة ما لهم ذنب … بس سحنة الوزيرة ما عاجبانى …جنها طمبجة
أنا بناشد المسئولين وعلى رأسهم وزيرة العمل الاستاذة / اشراقة أن تنتبه بأن لا توافق على هجرة البنات في ظائف عاملات منازل وإذا فعلت ذلك فستكون وصمة عار في جبينها اكرر عدم هجرة السودانيات سواء لدولة الكويت أو جميع دول الخليج أو اي دوله اخرى بسبب العمل في المنازل ( خدم ) نحن شعب أشرف وأنظف من جميع شعوب العالم اكرر يا حضرة الوزيرة اشراقة عدم توقيع أي عقد ينص على عمل المرأة السودانية خادمة .
خلاص انا في حوجة لكم عامل كويتي لما التبادل يتم
اقدم طلبي وين ؟؟؟؟
كثير من عباد القروش السودانيين بقو يسفرو بناتهم يغتربو .. ومابستحو يقولو جاها عقد من الخليج وما أدراك ما الخليج .. لاكين البتمشي تغترب خلي تتزوج الغربة وجمالا .. ولا تفتش ليها ربع راجل يتزوجها دة لو لقتو .
بدون تعليق
يا ربي العمالة الداكنة مشمولة بالتبادل دا ولا كيف؟
تبادل الايدي العاملة يعني الكويتيين حا يجو يشتغلو في السودان
اهو ده الكلام شغل نسوان احسن من ناس الحس كوعك
انتو عليكم بنفسكم وكفاية لحدي هنا، انا موافقة اشتغل خدامة في الكويت او اي دولة خليجية واتحمل الزل والهوان لمدة 4 او 5 سنوات وبعدين اجي اعوض واتحول سيدة اعمل او صاحبة شركة ، او حتى مصنع أو مكيتب ، السودان يا جماعة مافي امل يتقدم ابدل والجميع يتفق معاي والعمل ماشي واحسن نتنازل عن غرورنا وكبريانا وكل واحد او واحدة تسافر لبلد يعيش او تعيش حياة افضل وحتى الشباب كله طلع ما فضلنا الا نحن النساء والبنات في البلاد يفعل بنا البشير ما يريد وكلاب الكيزان كل يوم يتزوجوا ويرموا زي ما يرمي الواحد قميصه، كفاية كفاية كفاية ، انا قررت الهجرة وترك التبشيرة والسفر للعمل مربية اطفال في البيوت او طباخة (خدامة يعني بالبلدي كدا) والعندو سلطة علينا من الرجال يقول بقم، لانه خلاص السودان مافيه رجال غير البشير ونافع وعثمان ورجالتكم اتعرفت يا من تقولوا رجال تفو عليكم تفو عليكم تفو عليكم، رجالنا واولادنا واخوانا كلهم هربوا بجلدهم وتركونا نحن تحت رحمة البشير، ادعو كل اخوات مهيرة الى اتخاذ قرار الهجرة والتنازل عن الادعاءات والتخاريف، كفاية كفاية كفاية
بدل ما تقولوا الحمد لله الكويت فتحت ورضيت تفتح أبواب بيوت السودانيين للرزق الحلال… تقعدوا تنظرو زي دا؟؟؟ وبعدين هم ما قالوا عاوزين يشغلوكم خدم لكن الفي راسو حرقص …. وكل واحد يقول ليك نحنا ونحنا والحاصل او نحنا بقينا لا شيء في العالم الذي تقدم وخلانا ورا
ههههههههه والله ناس ماكله وشاربه وتشاغل في ستات الشاي وجايين يقولو السودانيه ماتطلع يعني انتو هنا مريحنهم خلي يشوفو رزقم والخايف علي واحده خليهو يصرف عليها
الأخت الفاضلة ((( سعاد سر الختم ))) أنا كان عندى رأى فى قصة شغل السودانيات شغالات برة السودان دى لأنى عايشة فى المملكة وشفت وسمعت عن مشاكل الشغالات لكن يا اختى كلامك أثرنى شديييييد عشان كدا حأغير رأييى اذا بتقدرى تصمدى الخمسة سنوات وبعدها تجى تبقى سيدة أعمال . الله يعينك يا اختى كلامك بوجع الله يجازى الكان السبب . اللهم أفتح لأختى سعاد ومثيلاتها أبواب رزق من عندك . تحياتى .
سبحان الله !!! الكوايتة ديل دايرين ينتحروا و يجوا يفتشوا شغل في السودان!!!! و لله في خلقه شئون!!!!
بس ما يكون تبادل حاجات تانية
الاتجار بالبشر
الدعارة في شكل عمالة
اولا تدرون نوع البشر فى الكويت
لو كان هنالك دولة لما خفناو لكن لا بواكى لكم يا نساء السودان
نساء السودان بين المطرقة و الكيزان و اسفاه
لو تم هذا التبادل أنا محتاج فتاة كويتية وبمواصفات إعلان أبوجمال تشتغل معاي في الزراعة انشاالله تسوي لي الشاي ساكت
اولا هذا الموضوع طرح من قبل لكن بصورة باحتة جدا و في ظنى ظهر الاعلان الفاضح الذى يطلب عاملات سودانيات بمواصفات (الاغراء) للعمل بدولة الكويت ؟
ثانيا الظاهر ان الوزارة مصرة على بيع شرف السودانيات بابخس الاثمان فلذى تم اللعب بالكلمات ( لزوم الفهلوة) ! لكن لمعلومة الجميع الشعب السودانى يفهمها ( بالرندوك) يا ساسة البلاد؟
ثالثا ان اشتم رائحة غريبة في هذا الموضوع بحكم انى اقيم في الخليج عمرا بقى منه الموت قليلا !الامورة الكويتية (رشيدية) من دون قبلية او عنصرية هذا يعنى الموضوع خاص بالرشادية خاصة هؤلاء القوم هاجروا غربا الى السودان و شرقا الى الكويت؟ يعنى الموضوع تبادل عمالة من نوع خاص جداجدا؟ و التسهيل سيتم من وزيرتنا و المسئول الرشيدى السودانى المعروف؟؟