ماهي فرص معالجة البشير من الورم الخبيث في حنجرته؟ ولماذا رفض الوصفة التركية السحرية؟

إلهى يا رب يا كريم: ورم فى الحنجرة …وورم فى الأذن … وورم فى الأنف…وورم فى القولون…وورم فى المثانة …وورم فى البروستات …وورم فى الدماغ… بقدر ما أكل من المال الحرام وقتل من الأنفس الزكية البريئة وقطع من أرزاق الشرفاء.

يا اخ ثروت قاسم معروف من زمان ان ناس الانقاذ ما عايزين يحلوا مشكلة الحكم فى السودان عشان ما يفكوا الحكم خوفا من المحاسبة والمساءلة يعنى انت قايلهم مكنكشين عشان السودان ما يتمزق او تقوم فيه الحروب او يصير اهله لاجئين فى الداخل والخارج او يدخل فيه الجنود الاجانب او التدخل الاجنبى فى كل صغيرة وكبيرة فى البلد؟؟؟؟ حكاية المؤتمر الجامع لحل مشكلة كيف يحكم السودان راعى الضان فى الخلا عارف الحكاية دى خليك من البشير او امير قطر!!!!! لكن البيقنع الانقاذ منو؟؟؟ديل اصلا ما بيفكروا فى السودان وبيفتكروا انهم احسن الناس لحكم السودان وان باقى الناس عواليق مع انهم هم العواليق ولا يستحقوا ان يديروا انداية خليك من وطن مثل السودان!!!ديل مقارنة بالعظماء الحكموا السودان زى المحجوب ورفاقه صفر على الشمال!!!!!

الشعب السودانى عليه ان يبحث عن حل .. فالرئيس المشير لا بمرض ولا بموت . هذه اول الاثافى .ثانيها الصادق المهدى يتمتع بصحة جيده لربع قرن قادم .. اما ثالثة الاثافى فالميرغنى لم يزر حتى طبيب الاسنان فى الثمانين سنة الماضيه .

موضوع و تحليل رائع الكاتب فعلا عملاق كبير في الكتابة و التحليل باسلوب بسيط ولكن عمبق جدا….
ولكن هل يفهم الكيزان هذا؟؟ مازال الكيزان يحلمون بالمشروع الحضاري و فسادهم اصبح واضحا و ضوح الشمس,,,,,,, وعدد الذين قتلوهم بدم بارد بالملايين …. أيام الكيزان اصبحت معدودة و الحمد لله.

اولا ما اصاب البشير يمكن ان يصيب اي انسان والشافي الله واللهم لا شماته
ثانيا لصالح من يعمل قطاع الشمال .
ثالثا الولاء في السودان لمن للوطن ام القبيله ام……………هلم جر

ربنا يشفي كل مريض علي البسيطة اللهم لاشماتة.. لو أساء نتركه فعقابه علي ربه..

و مالي لا ارى الهدهد ليأتينا بخبر يقين عن الرجل التاني وابنه بتاع روضة الحنان هل صاروا نسيا منسيا ؟؟؟.. وهل اصبح الآن الامل معقود فقط على الرجل الاول (الذي تعتقد) ان عنده علم الكتاب وابنه الذي لم يستطع ان يقنعه ان يترجل من السفينة الغارقة ؟؟؟؟ !!!وما موقع الاميرة التي وقعت اتفاقا مع الجبهة الثورية .. ما موقعها من الكودياس 2 ؟؟؟ اسئلة كلها تحتاج الى اجابة وفي انتظار الهدهد ليأتينا بالخبر اليقين !!!

ابعد عن الاستهزاء بالقران وقل ما تشاء صحيح نحنا ضدد الكيزان بس نحنا من امة محمد لا نرضي الاستهزاء بالقران الكريم مهما كان . والله الموفيق

مسكين والله الورم الفى الحنجرة دا من الكواريك ومن البواليع البسوى فيها هو جماعته مما جاءوا للسلطنة بدون تأشيرة دخول الناس ديل بيكوركوا و بيحلفوا بالكذب وبيهددوا و يتوعدوا ودا أقل شىء يصيبهم و الجايات أكثر من الرايحات سبحان الله الحى القيوم الذى لا يموت رب العزة و الجلالة الذى يمهل و لا يهمل وقدرة رب العالمين فوق كل شىء (إذا دعتك قدرتك على ظلم الناس فتذكر قدرة الله عليك). خلى باقى الجماعة الصغار يبتعدوا من الكواريك القدت طبلة آذاننا منذ ثلاثة عقود. لماذا لم يتلقى العلاج فى مايو كلينك أو فى أى مستوصف طبى آخر فى دولة أوربية مثل بقية الرؤساء و الملوك؟؟؟؟؟؟؟؟؟؟؟؟؟ وفى النهاية نحن قوم لا نشمت فى المرض أو الموت.

بالله عليكم الله شوفوا مركوب النمر قتلوا النمور الفى السودان كلها مثل أهلها عشان يلبوسها جزم فى كرعينهم و يسافروا ويستعرضوا بيها دا والله لو لبسوها و سافروا بيها لأى دولة أجنبية تحترم حقوق الحيوان قبل الإنسان سيرجعوا بنفس الطائرة الى ما حيث أتوا دا لو ما حبسوهم و غرموهم قال حماية الحياة البرية قال!!!! حديقة الحيوانات الكان بنمشى و نتفرج فيها على الحيوانات نحنا و أولادنا مسحوا بيها الأرض. ماذا يعنى لبس هذا النوع من الأحذية المصنوعة من جلد النمر من أعلى سلطة فى الدولة يعنى الترويج لها و التشجيع على إصطياد هذا الحيوان المسكين الذى قادته الأقدار أن ينتمى لهذا البلد وا أسفى عليك يا النمر و أسفاه

ثروت قاسم يحابي حزب الأمة والصادق المهدي وخطّه و يسوِّق لرؤيته لحل القضية السودانية التي تلتقي مع رؤية إدارة أوباما وكمان مع الإنقاذ في التخويف من التدويل والجبهة الثورية ورفع فزّاعة تفتيت السودان. ولكن نقول له ألّا حل للسودان بدون مجابهة الإنفاذ بالقوة و إستيعاب قضايا الهامش في معادلة السودان الجديدة ولن تنفع تخريجات أمريكا وتآمرها مع الإنقاذ و الصادق في صناعة بديل شكلي/تجميلي (المساعد عبد الرحمن) يحفظ جوهر نظام الإنقاذ. لقد بدأ الكيزان والأمريكان عملية التمزيق بفصل الجنوب وسيكون إحتمال التفتيت و الطوفان والجراد والقمل والضفادع والدم متزايداً كلّما زادت سنوات الإنفاذ في السلطة (و لو في حالتها المجمّلة). إلي الأمام شباب السودان وإلي الأمام كاودا حتي نفرض إرادتنا علي كل أعداء السودان!!! (شفتو الصادق ده جقلب كيف لمّا زادت وتيرة المظاهرات في الشهر الماضي)!

نسأل الله أن ينتقل الورم من الحلقوم إلى كل أنظمة الجسم. هو أبوجاعورة دا ما كان بيعرف عقابيل الجوعار دا. رسالة من ربنا

الحسرة ان نكتشف رجل بخيال خصب كثورة قاسم يؤمن بحزب الامة ويعيد عقارب الساعة لعهد السيدين والله الصادق المهدى لا يعرف شيئا غير الكلام ولا علم له من الكتاب ولا فى الجراب ولو يا (ثروة)وانت طبعا ما ثروة واسمك 00000لو راجا الصادق التراب كال حماد

مشكلة السودان حلها لا يكمن في مرض البشير ولا حتى موته فهى مشكلة معقدة الجذور تعود إلى عدم الفهم اليح للديمقراطية والفجور في الخصومة السياسية والمحاولات المسلحة للوصول إلى كراسي الحكم ومن ثم العض عليها بالنواجذ واستعمال شتى السبل من قتل وتشريد وسجون ومن هنا يبدأ الكفاح المسلح لإزالة النظام وتظهر البطولات وقادة الميدانين – وقد يكتب لهم النجاح لكن بعد خراب مالطا – وقد تعودنا منذ اوخر الخمسينات على الاناشيد التي تجمد الانقلابين خذ هاك سبعة عشر هب الشعب ضرب جلادو سبعة عشر الله الظلم الله لا عادو لا ضمائر تتباع لا سادة لا رعاع – ثم في ثورة شعبية عارمة تزيح حكم العسكر وندخل الانتخابات وتبدأ التعليقات دي مزورة وتظل المكايدة السيلسية هي ديدن الحكم فلا توجد حكومة رشيدة ولا معارضة رشيدة تهمها مصلحة البلد – ثم يقوم مغامر آخر بانقلاب مدعيا بأن الأحزاب افسدت الحياة السياسية ولا بد من إعادة الامور لنصابها ثم تخرج علينا الاناشيد تمجد قائد الانقلاب وأنه البطل المخلص للبلاد والعباد – والآن إذا فكرنا في قيام انخابات عام 2020م فمن الآن فهي مزورة ونقول حسبنا الله ونعم الوكيل

اللهم أهلكة بالسرطان وكل مرض خبيث كما أهلك السودان وشعبة وان ترنا فية يوم أسود يا رب العالمين

اللهم انت الشافى وانت العالم بكل ما فعله هذا المدعى بشعبه وابنائه واللهم زده فى معاناته حتى يعرف ان فوق كل ظالم خالق جبار يمهل ولا يهمل اللهم انت الجبار المنتقم نسألك بجبروتك ان تهلكم كما اهلكوا زرعنا وعاثوا فى الارض فسادا – ان سرطانك يا دكتور فى حنجرتك هو دليل كذبك على الله سبحانه وتعالى بتمكين شرع الله فى حين انك تريد تمكين حزبك على رقاب الناس

يا ثروت ، انت وامامك عارفين (الكوديسا) دي شنو في الاول ؟؟
في جنوب افريقيا المظالم كانت (الفصل العنصري) الذي مارسه نظام الابرتايد الحاكم (البيض) تجاه المواطنيين السود، فابتكّر قادة هذا البلد ما اسموه بـ (الكوديسا) باشراك اهل البلد الاصلييين في الحكم فانتهت المظالم وعمّ السلام هذا البلد وخرج المساجين المعارضين للنظام من الزنازين وليس من ((بيوت اشباح نافع)) .
السودان يا سادة ويا امام ويا ثروت يختلف ، ونظام (الانقاذ) يختلف ومظالمه لا تشبه مظالم حكومة البيض في جنوب افريقيا .
يتحدّث الامام عن (مؤتمر السلام السوداني للخلاص الوطني) و مشاركة الجميع بمن فيهم النظام ، ولكن لم يتحّدث عن المظالم وعن الجرائم التي ارتكبت بحق هذا
الشعب طوال 23 عاماً ، لم يتحدّث عن القتلى (اكثر من 3 مليون قتيل ) وجرائم الحرب والإبادات الجماعية وقتلى و معاقي بيوت اشباحهم ومن اغتصبوهم و داسوا كرامتهم وأهنوهم او عن مظالم التمكين والإقصاء الذي مارسه النظام (آلاف الاسر المشرده وزغب الحواصل الذي عانوا عطالة وبطالة الاباء من عمرهم و تعليمهم و مستقبلهم الذي ضاع هباءً) !!!!!
أم ان أمر ان يكون السيد عبدالرحمن الصادق رئيساً أهم من كل ذلك ؟؟؟؟

حلول خبيثة ومهلكة

القطرحمد وزوجته موزة الحاكمة دخلو الوقت الحرج حمد المعالج للمشاكل بالقروش كل حسب ذمتو وماتقدر تشيلو جيبو حمد القطري مريض وينتظر تعيين ابن موزة مكانه تداعيات متوالية على المنطقة في القريب العاجل … والله أعلم

كما قال الأخت سودانية .. لا شماتة في المرض .. وهو إبتلاء من رب العباد ولا زيادة .. لكن توضع كل مشكلة السودان وتؤطر في البشير فهذا إفلاس أخلاقي .. وزي ما قال الرائد أبو القاسم محمد ابراهيم إذا دايرين نحاكم نبدأ من بعد الإستقلال ونجي لي جاي .. البلد ما حيقعد فيها حجر على حجر .. وزي ما قال أخونا د. علي .. خلوها مستورة .. يا إخوة .. تاريخ السودان كذرب وتلفيق وإدعاء ويكفي أيها الغافلون أن مرجعيته الأولى (نعيم شقير) هذا الملعون اليهودي .. وسامح الله كل الذين ضللوا وسكتوا على هذا التضليل طوال تاريخ السودان الحديث .. تلاعب في الأنساب! إدعاءات بالنسب لإهل البيت! وأبحثوا ونقبوا في حقبة المهدية لوحدها! وما تلاها من بعد الإستقلال لتكتشفوا الأعاجيب في هذا البلد المنكوب بأبنائه .. إتقوا الله في أنفسكم وفي الآخرين .. كفاية ما حدث أفيقوا قبل فوات الأوان .. المشكلة ليست في البشير ولا المصيبة هي الإنقاذ .. الكارثة إننا فارقنا دينا فراق الطريفي لي جمله كما يقول المثل السوداني .. وما في داعي لنبش الماضي فهو قذارة يطلق عليها تاريخ السودان تسود به صفحات الكتب ويضلل بها الغافلون .. والدنيا مهدية؟