مشاجرة تقود نجم المريخ وارغو إلى قسم شرطة الرياض
اتهم النيجيري وارغو نجم المريخ بعض الشباب بالتعدي عليه مع أحد أقربائه مساء أمس الاول وهو في طريق العودة إلى شقته بحي المنشية عقب فراغه من أداء مباراة المريخ والعباسية الودية بينما بادر الشباب المذكورون بفتح بلاغ مماثل متهمين وارغو ومن كانوا معه بضربهم، وأوضحوا أنهم حاولوا تنبيه اللاعب إلى وجود عمال يعملون على إصلاح إحدى مواسير المياه في الشارع المؤدي إلى شقته فاعتقد أنهم نعتوه (بالماسورة) واشتبك
معهم بمعاونة بعض أصدقائه الأمر الذي استدعى تدخل الشرطة التي فتحت تحقيقاً في الواقعة بقسم شرطة الرياض، وتمت إحالة وارغو وأحد من اشتبكوا معه إلى مستشفى الشرطة بالخرطوم لإجراء فحوصات طبية بعد حصولهما على (أورنيك 8) بحضور النيجيري كليتشي الذي حضر لمساندة زميله، وقال وارغو إن من تعرضوا له ضايقوه وأطلقوا عليه لفظ (الماسورة) وأنه يفهم اللغة العربية وقد سمعهم جيداً، نافياً ما رددوه حول سعيهم إلى تنبيهه إلى وجود عمليات صيانة في الطريق وذكر ظل يتعرض إلى إساءات مستمرة في الطريق المؤدي إلى محل سكنه وأنه صبر عليها كثيراً واجتهد لتفاديها لكنه تواصلت وتنوعت، وادعى أن أحد مرافقيه تعرض إلى الضرب بينما أصر من اشتبكوا معه على أنهم لم يسيئوا إليه واستشهدوا بعمال كانوا موجودين في المنطقة لحظة حدوث الواقعة، وذكر لاعب المريخ كليتشي إنه عانى الأمرين من مثل هذه المضايقات، من جهته قال محمد موسى نائب مدير الكرة بنادي المريخ إن أجانب الفريق ظلوا يشكون من تعرضهم لاستفزازات متواصلة بقصد التأثير على أدائهم وأن المريخ بصدد رفع مذكرة إلى الجهات الأمنية للمطالبة بحماية لاعبيه.
الصدى
لماذا يتضايف وارغو من هذا اللقب هو فعلا ماسورة وماسورة كبيره كمان كان من الأجدر به ان يثبت عكس ذلك فى الميدان اكيد كان سكران
كونك ماسورة مابختلفو فيها اثنين0 ولاشنو يااهل المريخ0
يا جماعة الخير ورونا ماسورة دي أًًصلها شنو عشان نعرفها وبعدين مين بورينا مواسيرنا في السياسة والإقتصاد والتجارة
هته قال محمد موسى نائب مدير الكرة بنادي المريخ إن أجانب الفريق ظلوا يشكون من تعرضهم لاستفزازات متواصلة بقصد التأثير على أدائهم وأن المريخ بصدد رفع مذكرة إلى الجهات الأمنية للمطالبة بحماية لاعبيه.
**** البلد ماسوره كبيره *** الدنيا فرندقس القعونجة تركب الفرس والله يا مغمورين لقيتوا البلد المسمية (بمربط الحمير ) ما عندها وجيع كنتم اقل شأن ببلادكم لا اعلم ان كنتم تمارسون الشحده ام العمل (السحر) وبدلا من العشش وبيوت الصفيح في مضارب لايقوس الي المنشية قفزه كبيره
****** حليل الباع عنقريبو وقام بليلو *****
هو لو ما عارف انو ماسورة ما كان اتضايق
البحيرك هو قام بضرب الشباب .. وتم إصابة أحد الشباب.. عليكم الله نحن ما خلاص إنتهينا للدرجه دي …… كيف نيجيري يضرب سوداني …. والله دي زمان كان كل السودانيين ضربوه … والشرطه قامت بترحيله إلى بلده .. مش بلعب كوره والله لو كان أحسن لاعب في العالم ……………… هذا زمانك يا مهازل فأمرحي … فعد كلب الصيد من الفرسان
ههههههههههههها والله بصراحة كل التعليقات عجبتني شديد الله يديكم العافية يا صفوة
بلد هاملة فعلا و ما عندها و جيع و الله يرحم آيام لأعبينا العظام أمثال جكسا و على قاقارين و الدحيش و كمال غبد الوهاب و حمورى و سانتو ..اليوم أصبحنا نجيب الزبالات من مقالب القمامة فى نيجريا و نستأجر ليهم شقق فاخرة فى المنشية ..فعلا البلد لما تدمر سياسيا يصيب الدمار أيضا كافة نواحى الحياة الأخرى و لا عزاء لشعب السودان
يعني الناس تبطل تقول ماسورة و لا شنو ؟ ماشي نقول صنبور الخوف بكرة يفهمها و يقوم يشاكل برضو يعني لحناها
اذا فعلا انت ما ماسورة رد عليهم في الملعب واثبت وجودك في المريخ واحرز كم هدف في المشاركات المحلية والافريقية وتعال شوف واحد يقولك مس ….وبعدين هم سبوك بالعربي سبهم انت بي السواحلي او لغة بلدك والخوة في محلها والله ورب الكعبة انا مريخابي لكن القروش الخسرة فيك المريخ كان احق بيها اللاعبين المحلين علي الاقل القروش من بيتنا ولي بيتنا وانت محترف بي ملايين الدولارات وقاعد في الكنبه والله انت حقو يضربوك بي ماسورة في راسك (المدوقس)اجتهد كثيرا واثبت نفسك وان شاء الله سوف تسكت الخشام والضبان ترجع جحورها انتهي كلامي
ديل بيكونوا هلالاب!!تتذكروا لمن الدحيش كان زعلان من ادارة الهلال ومشى للمريخ واتمرن معاهم ورغب فى الانضمام للمريخ جمهور الهلال هدده بالقتل ودى حقيقة وليست من الخيال واعترف اللاعب بذلك وخاف على نفسه ولم يتسجل فى المريخ!!!ورغو او غيره يدخل التشكيلة او حتى يشطب حسب قرار الادارة الفنية للمريخ وليس حسب الجمهور اكان جمهور المريخ او الهلال!!!!ما عندنا ثقافة الاحتراف وان اللاعب يمشى للفريق البيدفع اكتر او يرتاح للعب معه منتهى التخلف!!!!!هسع يجى بعض المعلقين الما عندهم موضوع ويقولوا جمال الوالى والمؤتمر الوطنى التقول المريخ اخذ بطولات واتاسس زمن المؤتمر الوطنى المعفن!!!المريخ اخذ بطولاته كلها محلية وقارية قبل قدوم المؤتمر اللاوطنى هذا وبدون محترفين بل بالعكس المريخ ما هو مريخ ما قبل الانقاذ وطظ فى الردكاسل والدولارات الما جابو بطولة افريقية ولا عربية!!!
هههههههه هو صحيح ماسورة بس الشباب ديل مستهبلين قال تصليحات ف ماسورة شقته هههههههههههه قرقرقر ااااخ ي بطني صحيح حنك النمل الما بيعضي
انت قالو ليك ماسورة ورديت عليهم معناك انت ماسوووووووووووورة
عليكم الله ما تجننونا هم اللاعبين السودانيين ديل كان ما عواليق كانت الفرق بتجيب أجانب محترفين , بعدين الشباب طالما نبهوهو للماسورة زي ما بيقولو وأبى ينتبه خلاص الموضوع مفروض ينتهي بالنسبة ليهم إنشاء يقع في الماسورة والا يكسرها وكلو بي تمنو , أكيد الحقيقة ما تنبيه بس .
كورة قدم يصرفوا فيها الملليارات وبدون فايدة وكمان دايرين يوجعوا لينا روسينا بي كلام فاضي وزفت .
والله برا طولة لسناتكم دي ما في شيء مرجعنا لوراء مليون سنة والبشوف التعصب والكلام في الكورة يقول بلدنااسبانياولا ألمانيا والبسمع الكلام عن الأجانب تقول نحن في الخليج والبسمع رد من الهلالاب ورد من المريخاب يقول برشلونة ولا ريال مدريد عليكم الله أقعدوا في الواطة واتهوطوا فيها وشوفوا الحاجة البتنفع أهلكم وبعدين لما حالتنا تسر وتنصلح والأمور تنعدل ويشبع أطفالنا ويتعلموا بالمجان ويتعالجوا بالمجان وزياراتنا لأقاربنا في الحارة تكون بالعربات وشوارعنا مسفلتة لا غبرة ولا غبار ولا حفرة ولا كارو حمار بعدها يا أهلنا بنتفرغ للرفاهية وبنتعد ليها سمح ..
كشرة (العرف الحضاري هو احترام الأجنبي لتعكس تحضر بلدك) لكن لأنه حضارتنا راحت مع الكثير الراحوا …………… وحليل الراحوا والمثل بقول (المعطونة ما بتبالي من الرشة)
يخشى عليكم اولاد المنشية عيال نية وخائبين فضحتونا اسع كان ديل اولاد الصحافة والثورات كان جاء بمرئخو وسفارته ما يعمل شىء وانتو مالكم زول محترم نفسه ومن سكان الحى احترموه طالما هو محترمكم شباب طلعتو بلوفه ساى
الزخم والضجيج الإعلامي الذي وجده وارغو في بداية تسجيله لم يجده لاعب سوداني حتى في زمن العمالقة الكبار والأفذاذ الذين خلدوا ذكرى عطرة في مسيرة القرة السودانية والراحة الإستقرار الذي هيئته له إدارة المريخ من سكن في أرقى الأحياء وسيارة ولكن السؤال الذي يطرح نفسه ماذا قدم هذا الوارغو للمريخ حتى الآن، غير المشاكسات الشبابية على الطرق وهذا دليل فشله في مهمته ،،،فتحي ،،،