مسرحية سيئة ألإخراج يا علي عثمان طه

طبعا هذه الحركات تدل على مدى استخفاف علي عثمان بعقول السودانيين حيث يعتقد هو و شرذمته أن الناس في السودان لا يفهمون.
سؤال بسيط :ما الفائدة أيها المحامي علي عثمان اذا كان راتبك الشهري مثلا 10,000 جنيه بالجديد و لكنك مسؤول مع اخرين عن ضياع 70 مليار دولار من أموال الشعب؟

اذا السؤال ليس كم راتبك و لكن السؤال أين ذهبت أموال الملايين من عباد الله الطيبين؟

فقط نريد الاجابة على هذا السؤال

على وسخان هذا كبير الدجالين وهو الذى خطط وادار الانقلاب بعيدا عن شيخه الذى لفظه بدون ان ترمش له جفن وعليه تقع المسئولية الاساسية لوأد الديمقراطية واتيان بالكيزان على صهوة الدبابات وهو مسرحى من الظراز الاول – لكن ياخى ده بعدك بقينا نفهمها وهى طايرة لمسرحياتك الممجوجة
لو افترضنا حسن النية واقتنعنا بأن راتبه 10الف جنية فى الشهر وهو مصروف ام العيال بس- طيب انت عايش فى ابهه من وين ياعلى ياوسخان ؟ طبعا من مال البترول ومال الشعب المنهوب والمقسمة على 4 انت ومشيرك وعوض الجاروفريقك الابله عبدالرحيم

وهى العشرة مليون هينة يا جماعة
ما تقارنوها بمرتب اوباما
نحن فى السودان

تمام لا تدعوا فرصه لكشف الاعيبهم وخبثهم الا وفضحتوهم فيها لهذا الشعب المغلوب علي امره
اخخخخخخخخخخخخخخخخخخخخخخخخخخخ منو الحقير

لا ياشيخ خلى التمثيل وادعاء الامانه والنزاهه انت وباقى المجرمين بتحكموا السودان بالبطش والطغيان ربع قرن من الزمان دى وحدها اكبر جريمة

يا جناب نائب الرئيس ……تطلع الظرف و تقرأ تفاصيل مرتبك عن شهر مايو…جميل …. كده حنصدقك؟؟؟؟ يا رااااجل ….طيّب دا المرتب و ليه ما تذكر الحاجات الثانيه؟؟؟ …مثلا…..
ظروف الرئيس البديها ليكم من وقت لآخر …على قول وزير الماليه ….
الحوافز ؟؟ إذا بيدوها 165 مليون لوكيل وزاره زى معتصم عبد الرحيم إنت بيدوك كم ؟؟؟
بدل الملابس … بدل العيدين …. كل واحده يعادل مرتب 5 أشهر فى السنه…على الأقل لو بقت زى حق مدير سوق الأموال ……
الرشاوى المغتغته فى شكل إيجار منزلك لصديق الودعه بتاع غسيل الأموال عشان تنفدوا من حكم القضاء……
بدل الماموريات و حافر السفر الرسمى بتاعك لو يساوى إستحقاق رئيس البرلمان يعنى اليوم بـ 450 دولار و الباقى غير مسترد…..
لو كنت صادق و عايز الناس تصدق إخضعوا للمراجعه و ما تعترضوا عليه كما هو دأبكم و دأب جماعتكم المحصنين ( بالقانون الحصانه و رفض المراجعه جريمه!!! )……
نرجع للمرتب …أدناه جزء من جدول مرتبات و مخصصات القيادات الدستوريه … ولو مغالط طلع ظرف تانى و ورينا الجدول البتصرفوا بيهو يا حضرة نائب الرئيس !!!
نقلا من مقال للـ د. الطيب زين العابدين….
((أن المخصصات والامتيازات الدستورية محاطة بسياج من السرية المفرطة عند أصحاب الشأن رغم أنها تصدر بقانون وجداول ينبغي أن تكشف لكل الناس، فلا بأس أن نتعرض لها في عجالة.
صدر القانون الحالي لمخصصات شاغلي المناصب الدستورية في 20 يونيو 2001م، وتم تعديله لأول مرة في 16 نوفمبر 2003م، ثم مرة ثانية في 26 يونيو 2005م بواسطة مجلس الوزراء ولكن هناك شك أنه لم يكمل دورته التشريعية في البرلمان.
والقانون يكون عادة مصحوباً بجدول يحدد فئات المرتبات والمخصصات لكل شاغلي المناصب الدستورية وهو قابل للتغيير من وقت لآخر بواسطة رئيس الجمهورية بالتشاور مع رئيس المجلس الوطني ووزير المالية. وسنذكر هنا الفئات الواردة في جدول قانون 2003م ونتجاهل قانون 2005 الذي تزيد جداوله عن فئات 2003.
يمكن تقسيم فئات الدستوريين لأربعة أقسام:
القسم الأول يشمل رئيس الجمهورية ونائبه ورئيس المجلس الوطني،
يشتمل المرتب الشهري لشاغل المنصب:
مرتب الأساس،
علاوة غلاء المعيشة،
بدل تمثيل،
المنحة،
وفي حالة القسم الثالث والرابع من الدستوريين يشتمل على
بدل مامورية،
وفي حالة عدم السكن الحكومي يضاف للمرتب
بدل سكن.
هناك مخصصات أخرى تمنح سنويا أو كل سنتين أو عند المرض أو الإجازة.
يبلغ مرتب رئيس الجمهورية في السنة ,520,000 جنيه بالجديد،؛ يضاف لذلك بدل لبس يعادل راتب 6 أشهر في السنة وبدل مراجع (كتب وغيرها) يعادل راتب 6 أشهر في السنة (المقصود هنا الراتب الأساس الذي يبلغ 190,000 جنيه سنويا في حالة رئيس الجمهورية)
مرتب النائب 490,000،( حوالى 20000 فى الشهر)
هناك امتيازات خدمية مثل السكن المؤثث والسيارات والعلاج على نفقة الدولة له وللأسرة داخل السودان وخارجه، وتعليم الأبناء بالمؤسسات التعليمية الحكومية والخاصة، وإجازة سنوية لمدة شهر بكامل المخصصات ونفقات السفر له ولعائلته، وتذاكر سفر على الخطوط الجوية السودانية لشخصه وثلاثة من أفراد عائلته لأقصى مكان تصل إليه وفي حالة عدم السفر يمنح 50% من قيمة التذاكر، والضيافة الدائمة على نفقة الدولة أثناء الخدمة (لم أفهم المقصود من الضيافة الدائمة!)،
وتستمر هذه الامتيازات لمدة عامين بعد إخلاء المنصب.
ويستحق رئيس الجمهورية ونائبه ورئيس المجلس الوطني أو عائلاتهم مكافآت نهاية الخدمة تعادل راتب 6 أشهر عن كل سنة أو جزء منها يكون قضاها بالمنصب).
وبحساب بسيط نجد أن الفئة الأولى تصرف مبلغاً نقدياً (غير الخدمات) يزيد على الستين ألف جنيه في الشهر بما في ذلك بدل السكن في حين يبلغ الحد الأدنى من الأجور 250 جنيها، أي أن مرتب الواحد من هذه الفئة يساوي 240 مرة مرتب العامل في أول الخدمة ويساوي مرتب البروفسير في الجامعة أكثر من عشرين مرة!.))

طيب يا اخوانه ابورياله عبدر الرحيم عندو كم فيلا هسع وولد الترابى ميكانيكى الاسنان عندو برضو كم فى امبده براها اكتر من 40 قطعة بدون الفلل الفى الخرطوم وعلى عثمان ده كلامو خلوه انتو هو زول يقتل النفس التى حرمها الله الا بالحق دايرين كمنو شنو تانى ديل ملاعين الله لا اداهم عافية …

و الفبيت اللي اشتروه ليه و ساكن فيه هسع دا كان برضو بيت شهر مايو؟

النكتة في الخطاب بتاعو كانت حكاية خصم بدل السكن وهي عبارة عن 1 مليون و 200 الف لانه سيادته ساكن في الرياض في بيت ملك الحكومة.
يعني الزمن الفتت دة كل بيقبض بدل سكن و هو ساكن مجاني في الاصل في بيت الحكومة في الرياض .
شفت الأمانة و النزاهة قدر شنو ؟
حبل الكضب قصير يا ملعون يا بتاع معهد سلتك الماسكو زوج أختك.

حقيقة كل ما نحن فيه الان من معاناة بسبب سياسة على عثمان ولا ادرى لمثل هذا الرجل كيف يكذب ماذال الرجل يكذب ويتحرى الكذب حتى يكتب عند الله كذاب اتفاق نيفاشا هذه الطامة التى نزلت علنا الزل والمهانة كان سببها هذا الرجل ما اعتقد اى سودانى اذا كان فى محل على عثمان ان ياتى بمثل هذا الاتفاق حتى لو كان عامل فى السوق انا اتخيل يمكن ان ياتى باتفاق افضل من هذا للماذا لم يحسم امرالبترول وهو كفل لهم حق تقرير المصير طالما هناك خيار لتقرير مصير بديهى ان نتوقع خيار الانفصال يبقى فى حالة الانفصال لابد من تامين موقف الشمال من نسبة ثابتة من البترول وتكفل الاتفاقية حق الجنوب فى استخدام الانبوب كما هناك دىون على الدولة فى حالة الانفصال لابد من انقسام الديون بنسب معينة بين الدولتين او ضغط المجتمع الدولى لاعفاء هذه الديون وكيف له ان يضمن فى الاتفاق النيل الازرق وجنوب كردفان وابيى واصلا لابرتكول مشاكوس لا يشملهم لان البرتكول يتحدث حدود 56 ام لم يتطلع على البرتكول وادخلنا فى هذا الجحر عموما هناك الكثير من الامور بما فيها التجارة الاتصالات الكهرباء يعنى كان يمكن ان يحدث اتفاق باقل ثقرات ممكنة ولكن دون افتراء على هذا الرجل اتضح بما لايدعو مجالا للشك انه ساقط سياسيا ودليل على عدم النضج السياسىالحركة الشعبية عرفت قدرها تماما وانها ليس لها فى السياسة فاستعانة بخبراء فى الشئون الافريقية وادارو لها مائدة الاتفاق ولان كل خطوه تخطوها الحركة بامر من اولئك الخبرة حتى اغلاق الانبوب ما كان من بنات افكارهم وانما تكيك من خبرائهم وقد نجح وهاهى النتائج انهيار اقتصادى يشفق ويقلق المنام بكل وضوح الان لا يوجد فى الساحة من يستلم الحكم والبلاد كل الاحزاب الموجوده غير مؤهلة واغلبها تلوث برشاوى السلطة ولا اعتقد ان الشعب السودانى سفوت عليه هذا الامر شعب خرج الى الشارع من اجل محاربة الغلاء والسياسات الاقتصادية الفاشلة من النظام ولكن لم يخرج لتغيير الرئس كما يزوعم البعض ولايعنى هذا رضاء المواطن عن من هم فى السلطة بل العكس تماما فعلى الرئس قبل ان يفقد ولاء الناس له ان يغير هذا النظام بنفسة دون ان يحدث خراب ودمار وسفك دماء فعليه بتغيير بطانته الفاسده التى تحيط به امثال نافع وعلى عثمان واحمد الطاهر وعبد الرحيم كل كل الذين الان من حوله ويستعيين بالاكفاء من ابناء الوطن الذين ينتشرون فى بقاع الارض فى السياسة فى الاقتصاد فى المال والاعمال البترول الزراعة الصناعة كل شئ كفاية من سياسة التمكين التى لم نجنى منها الا الانهيار فى كل شئ ولا اعتقد ان هذا يصعب على الرئس ومازال الوقت معه اما بخصوص المؤتمر الوطنى فتاكد ياسعادة الرئس لا وجود له فى وجدان الناس بل بكل وضوح المجتمع ينظر اليهم كلصوص وحرامية بكل امانة والدليل فليأتو بشخص غيرك للانتخابات القادمة فلينظروا ماذا سيحدث عموما نسأل الله ان يجنب البلاد الفتن والمحن ما ظهر منها وما بطن

شيخ علي يا منافق.اذا كان الخواض مدير مكتبك مشترى بيت تلاتة طوابق لاخوانه واخواته اللى جابهم من البلد فى امتداد الدرجة التالتة جنب مدرسة فاطمة عبدالرحيم.تقولى مرتبك كم.ده حالته الخواض انت كيف

والله يا شيخ علي عصمان من وشك المزرق ده باين انك بتاكل حرام .ياخ قول غشيتنا نحن المساكين ديل ح تغش ربنا يعني ؟ يا زول والله ح يجي اليوم البتقيف فيو قدام ربك عليك الله شيل معاك الظرف ده والله مخير فيك بس تاكد انو ما بغفر ليك حقنا اطلاقا

ياجماعه الراجل صادق ما كذب عليكم ده مرتبه بتاع يوم واحد من ايام الشهر يعنى القالوا ده اضربوه فى 30 وشوفو راتبه كم فى الشهر واعزرونى انا بليد فى الحساب كان ضربتها ووريتكم كم راتبه والاله الحسابه القدامى بتعجز عن ضرب الارقام القياسيه فاعزرونى ليك الله يابلد

معقول هذا الرجل المسخ لا يعرف مرتبه إلا بقراءته من الورقة ؟ألهذه الدرجة هو غبي !!!

يا جماعة هو ود عثمان طه محتاج لراتب .؟؟؟؟؟؟؟؟؟؟؟؟؟؟؟؟؟ راتبو دا بنتلوا فى عشاء او فطور

ولماذا يكون راتبك عشرة ملايين بينما يتقاضى المعاشيون الذى افنوا عمرهم فى خدمة البلد باخلاص وتفانى يتقاضون 150جنيه؟؟ما الذى يميزك عنهم؟؟؟؟
اذا زاد راتبك عن 150ج فانت حرامى لانه يجب ان تتقاضى انت ورئيسك الراقص الفاسق اقل الرواتب فى الدولة اى 150ج فقط لا غير اذا كنتم تحترموا انفسكم وتحترموا منهج الصحابة العظماء فكانوا اقل الناس رواتبا واولهم جوعا اذا جاعت الرعية واخرهم شبعا اذا شبعت الرعية.
المهم لا تعتزر بعد الثورة فقد فسقت وتجبرت من قبل وكنت من الظالمين ولا تكن مثل فرعون حتى اذا رأى الموت والغرق حقيقتا قال آمنت لكن لا توبة بعد الغرغرة ايها الفاجر واللص المحتال

أنا فى حاجة واحدة محيرانى فى الجوطة دى كلها …وهى حكاية بدل الكتب والمراجع البيصرفوها للرئيس ونائبه والمستشارين ….المطلوب تقديم أخونا بشبش للمحاكمة العاجلة وسؤاله عن اسباب اهداره للمبلغ المصروف له ليقرأ ويثقف نفسه وهو لم يقرأ كتاب واحد منذ تخرجه من الكلية الحربية (ودا قروش الكتب دى وين ..؟؟؟…..)

شنو حكاية التقشف الطالعين لينا بيها عايزين يفقرو الشعب زيادةويغنو هم .شنو ينقصو ناسهم ولارواتبهم يعني حيكون العلاج مجاني ولا التغليم مجاني .ولما مسؤول يعلن عن تفاصيل راتبه يعني دي قمة الشفافية.لا دي قمة في التقشف والزهد يبدو ان السيد نائب الريس عاييش على العشرة مليون فقط يطلع الصباح يمشي شغلو ويرجع نهاية اليوم راكب الموصلات شائل كيس الخضار.ثم بعدين انا سامع ناس بيصفقو ديل مشجعين ولا شنو.دولة بدون مؤسسات

وماذا عن المنازل المملوكة باسم حرمكم المدعوة فاطمة وأقل منزل منها قيمة إيجاره الشهري 8 مليووووون (أنتم تضحكون على أنفسكم وعلى المغفلين ممن لا يزالون يعتقدون في دينكم عليكم لعنة الله أينما حللتم وجعل الله آخر أيامكم في لاهاي)

لو كان مرتبك غير كافى ياحرامى لما أستمريت فى منصبك ياغبى