القروش دي بتمشي وين ؟..مغتربين ،، مهاجرين،، مسافرين

ايييييييك هو انت شفت حاجة دا قسم واحد او(كشك) واحد ولو شفت باقي الاكشاك كلنا من سنين مرينا بالتجارب دي لو بشبعوا كانو شبعوا ديل بطنهم غرييييييييييييييييييييييييييييييييييييييييييقة
الله يامالك الملك لم نظلم انفسنا باختيارنا ولكن هم ظلمونا اللهم رد كيدهم في نحرهم اااامين يارب العالمين واللهم صلي علي نبيك محمد صلي الله غليه وسلم

أستاذ ساتي
كلامك غير مبلوع ولا يمكن تصديقه. لماذا لا تصوِّر ورقة الفلسكاب وتعرضها كوثيقة؟ أعتقد أن قصة حكاها لك أحدهم وعدلتها وصلحتها كحبكة صحفية والله أعلم.
هنالك سلطات عليا في المطار يمكن لصديقكم القادم من لندن أن يتقدم نحوها فوراً بعد كل التلتلة التي تعرض لها ولكن أشك في كل ما أوردت حتى ارى صورة الورقة الفلسكاب.
تاني هام: إنت عندك برنامج تلفزيوني لماذا لا تستنطق مدير جمارك المطار عن مثل هذه الحادثة وهنا يزداد شكي.

الدوسااااان ياعمك , والله الكيزان ديل عسل بس نحن مافاهمنهم

حسب علمي أن أورنيك 15 تكاليف طباعته عاليةويطبع في مدن الضباب وبما أن الكيزان أمناء ويخافون الله فهو نوع من التوفير على الدولة..
ياود ساتي كيف تمكن الكيزان من إنشاء تلك العمارات وعمل حسابات في ماليزيا ودبي إن لم يغتسوا حجر أورنيك 15 …
عجبي لدولة يديرها مجموعة دراويش والحرامية والشعب السوداني يتفرج عليهم ويأمل أن يحتل يوماً مركزاً من مرموقاً بين الدول المتطورة..

يا أخى انت كويس ادوك ورقه — انا كنت مأشر من السفارة وطلبوا منى رسوم دخول 200 جنيه لكل رأس وأخيرا وجدت أن التاشيرة التى لم تصادفدنى فى أسفارى الكثيرة لا اورنيك يثبت اننى دفعت وقالوا لى كل شيئ موجود فى الجواز — طبعا أصلا السفارة وضعت تأشيرة دخول مدفوعة الثمن لم أدفع قبلها ولا بعدها ثمن تاشيرة اعلى منها
الأسؤ من ذلك علمت بعد زمن حتى أن تأشيرة الدخول الثانية ليست 200 جنيه
اما مراجعة مكتب الجوازات ده شيئ غريب للان الفورم بقروش خليك من الباقى
يجب تحرير السودان .. السودان محتل لا تغشوا أنفسكم والإحتلال لا يقاوم الا بالسلاح
لا للعسكر لانهم مصدر الغباء والفساد منذ التاريخ والى اليوم
لا للمتأسلمين هؤلاء كلهم شر وقتالهم جهاد فى سبيل الله ((( لانهم ظالمين وقد أمر الله سبحانه وتعالى بقتال الظالمين ))
لا للطائفية لفشلهم فى الامانة التى سلمهم لها الشعب فى أكتوبر وابريل ووخانوها وأخيرا هم واسطة كل الضباط الإنقلابين فى السودان لدخولهم للكليات العسكرية وهم طلاب
الاضراب العام — لا تظاهروا قفوا أمام منازلكم فى كل مكان واكتبوا وأرفعوا اللافتات برفض النظام — كل من يستطيع حمل السلاح ينضم الى كاودا فهو جهاد فى سبيل الله والله اكبر على الظالمين

اللهم لا اعتراض؟ ما يفرى الكبد فى سودان الهم إن من تتعامل معهم ليس مؤهلين ادبيا للتعامل مع الافراد وثقافة الفهم والرقى بمنطق العقل لا يوجد وهم مجرد الات مبرمجة واهم ميزة فيها العبط واللئامة لازم يكون لئيم وعديم المنطق فى مرفق يعتبر واجهه للخرين من الاجانب الذين يحضرون للسودان لكن نقول ايههههههههه ياهو ده السودان وحسبنا الله ونعم الوكيل

والله دا الحصل لي انا بالضبط — وكمان كان تلفزيون

اخونا ساتى مقالك دسم لكن المعروف ان كل الناس بندفع جمارك للاجهزة وليس صديقك وحده الذى دفع ولكن الغريب فى الامر ان لا يعترفوا بالعملة السودانية فهذه والله لو صدقت تكون ام الكوارث ويا ناس الجمارك افيدونا لان صمتكم يعنى الاعترلف بان كل ما جاء فى المقالة صحيح وربنا يكضب الشينه

لا ادرى لماذا ياتي طاهر ساتى كل يوم بتقليعه جديده مره نحن قرود ومره الجميلات والان اتى الينا
بذكاء اللصوص
الموضوع الذى طرحه بذكاء اللصوص عرفناه ونحن اطفال يعنى قصه قديمه قبل 40سنه سمعناها
اما قصة موضوع الجمارك ورسوم الجمارك كل شئ داخل الجمارك حدث ولا حرج ويكفى فقط موضوع البرادو وخروجها من حظيرة الجمارك وصاحبها علم بها لحظه التصديق له بالاستلام عرف ان سيارته صودرت بواسطه الجمارك وبيعت بالخرطوم وهى لم كمل مدتها القانونيه للمصادره فقام صاحب السياره بتصعيد الامر الى كل الجهات واصبح قضيه رأى عام وكل العالم سمع وعرف هذه القضيه وزى ما بقوله العيار المابصيب بدوش
فأنت استاذ وصحفى مخضرم ولك باع طويل فى محاورته المسؤلين وقلت انك شاهد على مشكلة دفع الرسوم للجمارك بالدولار او الريال مع صديقك الذى كنت معه وقلت كلام كثير انتظار ووووووووووووووووووو
أقول اليك ساعه اعطائك ايصال دفع الرسوم ال 560ريال اقول اليك الاتى وانت مسؤل امام الله وتعلمنا من الاسلام الساكت على الحق شيطان أخرس
1 لماذا لم تقوم بتصوير ورقه الفلسكاب التى منحت لكم بموجب دفعكم للرسوم جمارك ؟
2لماذا لم تذهب الى ديوان المراجع العام وتشرح له القضيه مع الستندات ؟
3لماذا صمتك وانت تطرح الان الامر على قراء الراكوبه وماذا تريدهم أن يفعلوا ؟
4 لماذا لم تجعل هذه القضيه قضيه رأى عام بعد ما تطرح الأمر الى جهات الاختصاص لانوا مهما تكون المبررات لم يصح أن تكون مؤسسه رسميه وهى تعلم جيدآ أن اى استلام نقديه او رسوم لابده أن تكون بواسطه ارانيك ماليه مصدقه ومختومه ومعتمده من وزارة الماليه
5 أستاذ ساتى اذا كان كل واحد يمشى ويترك حقوقه او يتخطى الأخطاء فهذه كارثه عظمى فى حق الوطن وحق الشعب واعتقد انه يكون مشارك فى هذه الجريمه فما بالك بشخص صحفى وخضرم من امثالك فمثل هذه المواضيع كان يجب ان تثار على كل الجهات والمنافذ وكان ممكن ان تقوم بتصوير نسخ شتى من هذه الورقه التى اعتمدها موظف الجمارك وتوزعها الى كل الصحف كافه مع مقابله المسؤلين فعندما تقوم بتبيلغ كل الصحف والصحفيين مع كتابة شكوى الى المسؤلين تكون انت عملت الصاح وارضيت ضميرك لكن سكوتك واخذت الامر عادى فهذا يعتبر تقاعس منك وانك لم تؤدى واجبك كصحفى يبحث عن الحقيقه وأصحاح الحق وتطهير البلاد من البراغيث والجرزان التى تاكل فى الاخضر واليابس !!!
ارجو منك استاذ ساتى أن نسمع أنك اوصلت الامر الى الجهات العليا حتى ان نشاهد النتائج ونشوف ردودها فى هذا الاجراء الخاطئى ماليآ وهو فى قانون المحاسبه يعتبر مخالفه ماليه ونصب واحتيال
فرد جهات الاختصاص يهمنا حتى ان نضيف الرد والمبررات الى فائل الفساد للدوله

انتوا المغتربين فى السودان بدفعوا الضرائب بياتوا عملة (اسالوا الضرائب ) انت سودانى وجوه البلد وبتدفع بعملة دولة اخرى هههههههههههههه قال سودان قال

كلام جميل ولكن كما قيل يكون أجمل أو وثقته بمستندات وخاصة ورقة الفلسكاب المختوم بختم الجمارك وفي مثل هذه الحالة ماذا لوفتحتم بلاغ رسمي ضد جمارك مطار الخرطوم ليس لإحقاق الحق ولكن فقط لإثبات الواقعة أو الحدث ثم التاريخ والشعب يحكم هؤلاء الفاسدين حين يدور الدائرة عليكم مع تحياتي

القهقهررررررررررررررررررري يا ساتي كلامك منطقي ولكن حلفت باللة لما كملت المقال جاني الصداع وانا دايما ماعندي اي ثقة في هولاءالمتاسلمين وبعملوا اكتر من كدي

الكلام دا صح ومية المية ، بس أنا مع الأخ القال كان ود ساتي المفروض يصور الإيصال ويشهر بالناس ديل ، زي قضية ضحايا مستشفى بحري .
أنا موظف حكومة عندي تجربة ، شاركت في ورشة تدريبية في الرياض السعودية ، وقريبي هناك أهدى لي تلفزيون ملون 21 بوصة قديم ومستعمل حتى الأريل بتاعو مكسور والغباش والغبار ظاهر فوقه ، الضباط تعاطفوا معاي لكن قالوا لي إترجى العقيد داك حتى يأذن ليك ، أما نحن ما عندنا مانع ، والله تلتلني تلتلا شديدة وبعد تحنيث ورجاء قال أدفع جمارك حق 14بوصة جديد وإلا يصادر حتى أدفع ، وأنا ساكن بعيد من الخرطوم 40 كيلو متر والدنيا ليل ، وأمشي وتعال متعبة والراجل حلف ، وبعد مشقة دفعت من تحويشة السفرة الله لا يبارك فيهم الحرامية .

الله يهديك يا ود ساتى امال المشروع الحضارى والشريعة دى يطبقوها ليك كده ساكت وبدون عملة صعبة؟؟؟وكمان عايز اورنيك خمستاشر؟؟؟يعنى انت ما واثق فى اخلاق هؤلاء البدريين؟؟؟انت خاين وعميل وضد شرع الله ولا شنو يازول؟؟؟(انا شخصيا لا اثق فى اى كوز بيقول انه بيطبق شرع الله لانه اصلا الكيزان ديل ما عندهم اخلاق والله اخلاق الناس البيسكروا احسن منهم ومن حسن البنا بتاعهم ذاته)!!

فى امام مسجد شرح حاله للمصلين وطلب منهم متين جنيه عشان يودى زوجته الدكتور بعد الصلاة ما فضل زول فى المسجد كلهم كبوا الزوغة طلع مهموم لقى ليه واحد سكران قال ليه مالك مهموم يا مولانا شرح له الحال فقام السكران طلع متين جنيه وقال ليه مافى مشكلة امشى ودى زوجتك للدكتور لكن يا مولانا ادعوا لينا ربنا يهدينا مولانا قال ليه يهديك عشان تكون زى العواليق الكانوا بيصلوا معاى؟؟

با ود ساتي انت مُصِر تحارب الفساد ؟؟ ما بترجع في كلامك ؟؟
عمر البشير- نذر نفسه بمحاربة الذين يحاربون الفساد،والذين ويكتبون عنه، وما مقال (البروف) عنا ببعيد.!! بس خايفين يخصصوا ليك واحد (يقوم بيك) !!
واما اذا عزمت فتوكل على الله فهو حسبك .

علي حسب علمي انو الكاتب كان مجاهد وحارب واشترك في معارك حقيقيه, طيب…سوالي للكاتب هو انت كنت بتجاهد في شنو وضد منو!! مش انت كنت مقتنع بانك كنت بتجاهد ضد الفساد والمفسدين (الحركه الشعبيه)!! حسي انت كل يوم جايب قصه فساد اظرط من القبلها..طيب انت منتظر شنو!! البلد فيها شي فات الفساد بغادي والمفروض الناس الزيك يالطاهر ساتي يتقدمو الصفوف بالكلاش مش بالكلام والقصص البفقعو المصران…الموت واحد

انا محتار فيمن يسمي السودان دولة !!!!!!! والله العالم كله عارف ان السودان ما دولة بمعنى الكلمة ما تحمل . فلو نظرنا للشعب نجده لا يعرف حقوقه وزاهد حتى في الخدمات الضرورية وتعتبر عنده كماليات وحتى رئيسه عندما يفتتح بئر ماء بجهد المواطنين يهلل له ويكبر له ويمدحونه ويقال عنه بطل افريقيا وهو يعتبر نفسه غير افريقي ويقال له فارس العرب حيث لا يعترف به احد بانه عربي . يعني شعب يبحث له عن صنم ليمجده ويعبده وحتى الان في خموم من البشر بيقولوا (منو البجينا احسن من البشير) وينسون انه هو من ارهقهم . وحالهم مع هذه الحكومة حال رجل تفكيره بسيط في الدنيا لا يعرف الا بقرة ( الحكومة ) واحد سبيل لعيشه فيخرج من الصباح مع هذه البقرة لكي ترعى ويحرسها من ان ترعى في زرع الناس فلا ياخذ قسط من الراحة حتى المساء ولا تتركه يصلي ويعبد الله ولا يوجد لديه زمن لكي ياكل طعاما او يشرب ماء ذلال بل يشرب مما تشرب الانعام وعندما يرجع المساء وهي شبعانة وهو تعبان يكاد ان يهلك وعندما يحلبها لاتعطيه لبن يشبعه فيشربه ومن التعب والجوع يطعم هذا اللبن القليل بانه احلى شيئ في الدنيا وعندما ينتهي من شربه لا يقول الحمد لله بل بكل بساطة تفكير وفهم يقول( والله لولاك يا بقرة كان مت من الجوع والتعب ) ونسي انها هي التي اتعبته .

ما عرفتوا تتصرفوا اول حاجه يقوم صاحبكم ده يقول لي ناس الجمارك : الشاشه دي ودوها مخزن الجمارك وانا بستردها من هناك وبعد داك يمشي بيتهم بي مزاج ومرتاح البال. طيب لغايه هنا نحنا كويسين.اها بيحصل شنو في مخزن الجمارك ؟ بيلقي شرطي قاعد جنب الباب وجنبوا كنبات قاعدين فيها كميه من الناس وبتحصل حاجه غريبه ومزريه و معفنه جدا. بيقول ليك الشرطي: الLCDده جماركه بي مليون وبنطلعوا ليك بي خمسمايه يقوم صاحبكم ده يقول لا لا لا بس بس 400 الف . الشرطي بشيل رقم تلفونه وبعد شويه بدق ليه ويقول ليه تعال استلم,

الحمد الله عند حضوري للسودان اخرج اول واحد اصلاً ما بيجي الا بنشطنة صغييييرة تخلي ناس الجمارك قفاهم يقمر عيش كما يقول جيراننا المصريين ، والشنطة زاتها فيها بنطلونين جنز وسبعة فنايل فقط لا غير ، لكن نحنا ما بنخلي عادتنا البايخة دي الواحد بيجي شايل البلد القاعد فيها كلها .. غيروا اسلوبكم وما تدوا الحرامية ديل فرصة خالص اتخيلوا طائرة ابو ظبي ولا الرياض مع كل راكب شنطة واحدة صغيرة هههههههههههه .

ردود على :

الاساتذه الكرام

MAZIN JEDO ابو على الزهجان

الموضوع ليست دفاع عن الجمارك ولا التقليل من حديث الاستاذ الطاهر ساتى
أنا بستغرب وحسب من فهمت وتعلمت أن الصحافه حقيقه وهى المراء التى تعكس حضارة الشعوب ورقى الشعوب فى توصيل الحقيقه بكل حزافيرها الى جهات الاختصاص والى الرأى العام للتنبيه والحيطه والحزر
لكن أن اجد كلام مثل ما كتبه صحفى وكاتب مخضرم على صفحات الجرائد والصحف دون اى صوره للورقه التى كتب عليها بموجبها تمه تحصيل المبلغ وفك حجز الجمارك للحاجته نعم انها ضد القانون ولا مبرر ومهما يكون لا يقبل ان يكون مستند مالى بهذه الطريقه البشعه التى إن دلت إنما تدل على أن هنالك نصب وأحتيال وسرقه مع سبق الاصرار والترصد يعنى جريمه مؤكده ومهما تكن نزاهة الموظف فهى جريمه من جرائم السرقه المتعمده لا شئ اسمه حسن النيه وأن الموظف مشهود له بالاستقامه وأقل موظف جمارك يمتلك منزل وعربيه وأحيانآ زوجتان وهو لم يمر على تعينه بضع سنوات لا تتعدى الخمسه سنوات اليست هذه شبه مؤكده
ونقول من اين لك هذا
ارجع للموضوع ساتى
رأيت فى طرحها مستهلآ بطرفه اللص الذى سرق والشرطه ساعدته بأخذه الى بر الأمان بكل هدؤ وهى قصه قديمه نحن نعرفها من قبل 40سنه
اليست كان من الاجدر من طاهر ساتى أن يجعل من هذه العمليه القذره والتى تعتبر سرقه أن يوصلها الى النيابه وديوان المظالم وديوان المراجع العام ثم عرض صوره من هذه الورقه التى اخذ بها تحصيل مبلغ مالى بصوره عكس ماهو متبع قانونيآ بإيصالات ماليه معتمده من وزاة الماليه
أعتقد هذا هو الصواب وهذا هو دور الصحفى الحقيقى الذى يوصل المظاهر الفاسده الى ابعد ما يمكن ومن ردود جهات الاختصاص نجمع هذه الصور الى ملفات الفساد واوجه الفساد التى كانت الراكوبه سباقه الى نشر الحقيقه كما قيل من بعض الاخوه
مثلآ من قبل عرضت صور لايصالات ماليه للفساد الحكومه فساد ال الرئيس وفساد للجنه الفساد وتلك
البرادوا التى ظلت رائحه فسادها النتنه فى أنوف كل الشرفاء من ابناء السودان العظيم
فالراكوبه عندما نقرأها ونطلع عليه ليست للتسليه او النزهه أنما من اجل المعلومات الثره والقيمه فى شتى امور الحياءة السياسيه والاقتصاديه والعلميه والتعليميه فهى موسعه بالجد تكفينى عن كل الاخبار الاخرى فعندما اطلع على الراكوبه اكتفى بما حوته من معلومات ثره وقيمه فى كل شئ
لذالك نريد من الاستاذ ساتى وغيره من الصحفيين والصحفيات ومعظم كتابتهم
1 كنت مع صديقى وصحفيه حدثتنى صديقتى
يعنى كل معلواتهم منقوله بالنص وعند كتابتها على الصحف يزيد بكتابتها بنوع من التسليه والاسهاب فى تفخيم الحدث من الخيال فهذه ليست صحافه ولا اريد أن اقول (رأوى)
استاذ ساتى ومن تبعك ,امن على حديثك نحن نريد ان تصل الحقيقه الى اقصى نهايه من اجل الحق واصحاح الحق
لكن نسكت ونقول مشيت واعطونى ايصال ورقه بيضاء وووو وتطرح الموضع فى شكل نكته فهذا غير منطقى
واكرر الشخص الذى يسكت عن الحق شيطان اخرس
والله المستعان
اللهم اجعلنا من يقولون الحق ويتبعونه احسنه
ولا اله الا انت سبحانك أنى كنت من الظالمين

هؤلاء السفلة لا يتناهون عن المنكر – بالامس اكد اسحق فضل الله ان كل اموال البنوك يملكها اشخاص في النظام – بل ان واحد يملك ويدير نصف اموال البلاد – وما يجري في وزراة المالية غير مفهوم – وتحدث باسهاب عن علاقة هؤلاء بالماسونية – ولهذا يظل التساؤل المطروح منذ ربع قرن
من اين جاء هؤلاء ؟؟؟ من اين جاء هؤلاء ؟؟؟ من اين جاء هؤلاء ؟؟؟ يبحث عن اجابة
ما يحيرني ما يسمى مجمع الفقه الذي يغض الطرف عن هذا الفساد المالي والاخلاقي ونهب اموال الناس وقد افتى باباحة الربا وتحريم التبغ والتمباك – لقد هلكوا هؤلاء واهلكوا الناس معهم