كمال عبيد: قيادات جنوبية حاقدة على «الشمال» استخدمت أبناء «النوبة» وقود حرب
أم درمان: صبري جبور:
قال الدكتور كمال عبيد القيادي بالمؤتمر الوطني رئيس الوفد الحكومي لمفاوضات قضايا ولايتي جنوب كردفان والنيل الأزرق إن قيادات بدولة الجنوب لديها أحقاد تجاه السودان استخدمت أبناء جبال النوبة كحطب نار لإشعال الحرب ضد البلاد للتنفيس عن أحقادهم، ورهن تنفيذ أي اتفاق يتم التوصل إليه خلال جولة التفاوض القادمة مع قطاع الشمال بوجود سند شعبي يدعمه، وأكد عبيد أن قضية المعتقل تلفون كوكو ستكون حاضرة ضمن أجندة الوفد، مشيراً إلى أن أسرة كوكو متواجدة الآن بأديس أبابا بإيعاز من الحكومة الاتحادية لمقابلة الوساطة الأفريقية لبحث تداعيات الأمر. وشدد عبيد في اللقاء التنويري حول مفاوضات أديس أبابا الذي نظمته أمانة المرأة بالمؤتمر الوطني بالبرلمان أمس على ضرورة الاتفاق حول الترتيبات الأمنية وحسم الملف الأمني للوصول لصيغة اتفاق مع الحركة الشعبية «قطاع الشمال» حول قضايا الولايتين، لافتاً النظر إلى أن الاتفاق حول الترتيبات الأمنية من شأنه أن يؤدي للسلام بالمنطقتين، وقال عندنا أمل في توقيع وثيقة لإيقاف الحرب، مضيفاً أن الاتفاق على وقف إطلاق النار غير المبني على أسس يعد من أكبر المشاكل التي واجهت الحكومة في الاتفاقيات السابقة، منوهاً إلى أن مسار التفاوض حول الولايتين يرتبط ارتباطاً وثيقاً بقضايا التفاوض الأخرى خاصة الملف الأمني، الأمر الذي يتطلب تنسيقاً بين وفدي التفاوض، وأكد عبيد التـزامهم بمطلوبات التفاوض وقال يجـب على الطرف الآخر الالتزام بمطلوباته، مشيراً إلى أن اتفـاق المساعدات الإنسانية لم يحـقق ما كان يخطط له قطاع الشمال بتشوين أفراد الحركة وفـتح مسارات لها، وأشار عبيد إلـى أن الدولة مسـؤولة مسؤولـية كاملة لإتاحتها الفـرصة للبعـض بحمل السلاح بمناطـق جبال النوبة دون ترخيص، الأمـر الـذي أدى لحدوث اغتيالات، وأضاف ما عندنا مواطن من الدرجة الثانية ولكن إذا حمل شخص السلاح ضد بلده ليكافأ فسيكون عندنا منسياً من التاريخ، مشدداً على مطالبتهم خلال جولة التفاوض القادمة بإطلاق سراح جميع الأسرى السودانيين.
آخر لحظة
هسع دا زول يكلفوه برئاسة وفد للتفوض مع ناس دا رأيه فيهم؟ حاجة واحدة يجب أ يعرفها هذا الدعي و هي أنه لن يستطيع ضغط المتفاوضين معه حتى لو أدوه “زرقينة”، فماذا هو فاعل؟
تلفون كوكو بقي بند تفاوض رئيسي ( طيب امبارح ما كان متمرد) طيب رايك شنو يا بتاع الحقنة تلفون ما مسجون لكن رافض مقادرة الجنوب !!!!!! حقو يسموك رئيس لجنة اطلاق سراح تلفون
هو الله خلق احقد منكم يا سجم يا بجم.
المثل بقول الفيك بدربو والعليك اتناسا
الحقد خشم بيوت..وبيت كمال عبيد أصل الحقد
بالأمس منعتهم من الحقنة في مستشفياتكم واليوم تستنكر هذا الحقد تجاهكم في المفاوضات.. ياخ كم انت رجل عظيم يا هذا
انا اشهد بظلم البشير واشهد بظلم علي عثمان كما اشهد ان لا اله الا الله وان محمد رسول الله انا خصيمهم يوم القيامة عشت ثلاثة وعشرون سنة ظلم في ظلم طفح الكيل يا عمر ويا علي اللهم انت الله لايبقى عمر وعلي عثمان في الحكم هذا العام اللهم عليك بهم اللهم انصر المظلموين اهل السودان الزرق البسطاء اهل العزة والكرامة ونصرة الدين الحق دين محمد وليس دين عمر البشير وعلي عثمان طه هذا الدين الجديد الذي يفصل حسب رغباتهم يتبجحون بكتاب الله ليل نهار وهو بريء من افعالهم براة الذئب من دم يوسف اهل السودان لم يكونو مسلمين وهذا لعمري هو المضحك المبكي جاوا الينا هم بالاسلام الجديد والشريعة الحق دخلنا الاسلام علي ايديهم .فليعلم عمر البشير الراجل ود الرجال انو الاسلام ما انتشر في البلد دي (السودان المسيحي )بحمرة العين والرجالة والهمبته والقلع الانتا سايقو علي الناس و مع اضافة الرقيص والعنطزه الفارغة (كان راجل امشي لواحد من طرف جبال النوبة قول داير شكل اوع تجي و معاك طيارة امشي ايدك فاضية وقول داير شكل بتشوف براك حمرة العين والرجالة الصاح مش رجالة الرقيص علي المنابر مع العلم انك جبان وما بتسويها ) انت عارف انو النوبة رجال من زمن الكلية الحربية؟ بطل كضب علي الناس النوبة نصرو الامام المهدي النوبة لهم الفضل في كثير من الاحداث التاريخية والفور والفونج وكل الاجناس الافريقية الانتا شايف نفسك احسن منهم لانك عربي ما هكذا هو دين محمد (ص) وبلال خير مثال ملك الحبشة النجاشي ملك لايظم عنده احد مش زيك ياجعلي يا حر حكمك كلو ظلم وقتل وتعذيب فكيت اولاد بلدك ورعيتك لصلاح قوش ونافع يعملو فيهم عمايل الله وحده يعلم كم هي مهينة لكرامة الانسان ان ملوك الجعليين يخجلو من افاعيلك والتاريخ يشهد لهم بالرجالة الصاح وهم اهل السودان الجعليين الصاح وانا منهم بخجل من عمايلك انت انسان مريض الله يشفيك بس ما بعد فوات الاوان .
اللهم لقد اردوك بقولهم فانت لهم بالمرصاد الله هلكت فرعون فان عمر البشير وعلي عثمان لا يعجزوك يارب انت الحق وقولك حق والجنة حق والنار حق انصر اهل السودان فهم اهل الله بحق (اي اسلام ودين اتي به هولاء ) والله اكبر علي كل ظالم
اخر الكلام(( في ناس بقولو الرئيس كويس بس والزبير كان كويس بس ؟ ابراهيم شمس الدين كان كويس بس؟ ماعارف منو كويس بس حاج نور كويس بس الترابي فاهم بس ؟ الصادق المهدي متعلم بس؟ مولانا المرغني زول تمام بس ؟ )) بس دي تعبتنا ووصلت الشعب السوداني الي هذه المهزلة التاريخية|؟ بس هذه اعطتهم الحق في التجربة واعتبار انسان السودان كفئران التجارب ان هم نجحو خير وبركة وان فشلو خير وبركة و شنو يعني يموت فلان يجوع فلان ولا يتشرد فلان ويروح في ستين دهية فلان ما فلان ده انسان سوداني وضيع لا يسوى شيء؟ هذه بلد فيها حياة الانسان لاتسوى شيء عند الحاكم فما بالك بفقره ومرضه وجوعه وتشرده وكرامته التي اعطاه اياه الله هي حياة الانسان السوداني الرخيصة عند اهل الحكم اللهم غيرهم وجعل لنا مخرجا وانت كريم رحيم بعبادك الضغفاء
نحتاج لبناء شواية كبيرة في وسط الخرطوم وعلى بيوت الخبرة التقدم بعطاءاتها…….
من ارسل خطاب نزع سلاح الجيش الشعبي قطاع الشمال ؟ جاوب علي هذا السؤال وقتها ستعرف من هو الحاقد علي ابناء النوبة ….. يا حاقد
الدكتور كمال عبيد انت لست من ابناء جبال النوبة ولامفوض لمناقشة قضايا ابناء النوبة مثل ما تفضلتم في انكار حق الحلو لقيادة النوبة
لعلمك ان قضية جنوب السودان لا تنتهي بانفصال الجنوب لو تستحضرك ذاكرتك قبل تشييع جثمان الدكتور جون قرنق طاف الجثمان على مناطق جبال النوبة والنيل الازرق وفي ذلك لايات لقوم…………
الاحقاد من الذي زرعها في نفوس الجنوبيين وكل من هو على وضعهم؟واجج القبلية في السودان؟فان استخدم الجنبيين ابناء الجبال كحطب ام لم يستخدموهم النار النار مولعة فيكم
عن اي سند شعبي تتكلم عن كودي وتابيتافقد صدر حكم النوبة عليهم سلفا بعد ان شريتموهم بدراهمكم
واعجب فيك ايها الجاهل ان تختزل النوبة في قضية تلفون كوكو وانت تقتل الابرياء بالانتنوف وفي بيوتهم,بمعني انك كنت حريص على سلامة اسرة تلفون كل الفترة لتخدم بها قضيتك يا غافل؟
نهاية لك مني كل الاحتقار ( قال حشرة قال )
وانتو حاقدين على السودان كله
الجنوبيين بسببهم واحساسهم بالاضهاد من الشماليين الموهومين وامتوهمين العروبة ..
انتو حقدكم ده سببو شنو عليك الله ؟؟؟
what do you from nuba before you said nuba r not arab we will not give them thier right s we say we are not stay for you to give us our right s we get our rights beacuse we are sudanese not egyptionnn
we will send you sooon to arab land
وكمال عبيد هذا لا ينطق ولا يصف الاخرين الا بالاوصاف التى تنطبق على نفسه تماما ، فهذا الرجل عنصرى وانطوائى وحقود ، ومشهور بموقفه اللا انسانى بمنع علاج الجنوبيين بمستشفيات السودان ،، الان جاء ليتحدث بتعاطف عمن يأمل ويحلم ان يساعده فى شق اجماع الصف النوبى ، انه يحلم بتلفون كوكو ، الذى استثمروا اسمه وسمعته فى لتفويز مجرم حرب اسمه احمد هارون فى جنوب كردفان ،، ثم يأتى الان ليقول (إن قيادات بدولة الجنوب لديها أحقاد تجاه السودان واستخدمت أبناء جبال النوبة كحطب نار لإشعال الحرب ضد البلاد للتنفيس عن أحقادهم!!!) ألم اقل لكم ان هذا الشخص الحقود لا يطلق على الاخرين الا الاوصاف التى تنطبق عليه هو شخصيا!!!
ثم ماذا عرفه بالنوبة ولا قضية النوبة ولا حتى أرض النوبة ؟ وما علاقته بها؟؟؟
لعمرى لهو استخفاف بالنوبة من يدعى مثل هذا الكلب ان قضية جبال النوبة هى مجرد استئجار شخص لآخر لمجرد تنفيس احقاد..
الجنوبيين لو كانوا يريدون تنفيس الاحقاد عليكم لطردوا جميع الشماليين من الجنوب ، أو تم تصفيتهم فى وضح النهار كما يحدث الان للسودانيين فى ليبيا.
لعلمك ايها الجاهل كمال عبيد ، فان قضية جبال النوبة قديمة وقديمة جدا من ايام ثورة اللواء الابيض 1924 ، والسلطان عجبنا 1917 والفكى على الميراوى ، واتحاد عام جبال النوبة 1958 وتأسيس تنظيم الكمولو 1972 ، والحزب القومى السودانى 1985 .. وهى كلها تحمل قضايا حقيقية وليست مجرد تنفيس احقاد جنوبيين على الشماليين كما يدعى الكلب كمال عبيد .. فالنوبة سودانيين ولا نعرف كيف ينفس شخص ،، احقاد شخص آخر على بلده ؟؟؟
يا جماعة الناس ديل اكتشفوا ان مشروع الحركة الاسلاموية التافهة ما نفع فى السودان فهسع هم بيتعاملوا فى السياسة وادارة البلاد برزق اليوم باليوم وما عندهم برنامج لبناء دستورى او سياسى مستقر وبمشاركة كل ابناء الوطن!!هم عدوهم داخل السودان عشان كده اصلا ما ح ينجحوا او يستقروا والاستقرار ما بيجى الا بمشاركة ورضاء اهل السودان ولو عندك اقوى اجهزة الامن فى العالم والله ما تستقر الا بالطرق السلمية والحوار والعقد الاجتماعى والسياسى بين اهل البلد والا تقعد فى حروب وعدم استقرار وفى النهاية فى سبيل ان تتكافى شر الخارج وتستمر فى الحكم تتنازل عن السيادة الوطنية وحقوق اهل السودان واصلا هم ما عندهم ضهر داخلى يستندون عليه لانهم اكتسبوا عداوة اهل السودان!! غايتو وضعهم لا يحسد عليه خارج لا يرحم وعداء فى الداخل عشان كده تلقاهم زى المجانين كل واحد يصرح بى جيهة!!انهم دولة فاشلة بكل ما تحمل هذه الكلمة من معنى!!!!