البعيو وآخرون…(إقامة الحد) على الفنانين الشباب.!
– احمد دندش
تصريح غريب من الفنان عبد الله البعيو شغل مجالس الفن مؤخراً وهو الذي نصب نفسه من خلاله (وصياً) على الفن السوداني، وقرر أن (يجلد) الفنان الشاب طه سليمان بسبب ترديده لأغنية (جناي البريدو)، وحقيقة وللأمانة والتاريخ مثل ذلك التصريح يعتبر تجاوزاً للكثير من الاعراف و(إغتيالاً) صريحاً لسماحة الفن السوداني والتي باتت في الفترة الاخيرة من أكبر مهددات ذلك الوسط، والذى صنفه الكثيرون مؤخراً من (اقذر) الاوساط الابداعية من حيث الصراعات والحروب والضرب فوق الحزام و(تحته كذلك).
غريب جداً أن يأتي مثل ذلك التصريح من فنان بقامة (البعيو) ملأ المسارح رقصاً وطرباً و(تثنياً)، وضخ في الساحة الفنية الكثير من اغنيات (الهجيج) مثل (ست الودع لي كشكشي) وغيرها، وأعلن تمرده على الساحة الفنية في فترة صعبة، واختار الطرب بديلاً (للكاكي).
لسنا هنا بصدد الدفاع عن طه أو غيره من الفنانين الشباب، لكننا نتعجب لحال كبار الفنانين الذين صاروا (يتلذذون) بإطلاق الشتائم على الجميع، وينصبون انفسهم اوصياء على الساحة الفنية دون أن يهبطوا من عليائهم ليتواصلوا مع الجيل الجديد المتمرد كذلك على القديم، وسؤال بسيط للاستاذ البعيو..لماذا لم تحاول أن تقدم روشتات للفنانين الشباب وتقف إلى جوارهم قبل أن تمنح نفسك حق جلدهم في ميدان عام..؟ ولماذا اختبأت أنت وابناء جيلك وانزويتم بعيداً دون أن تقولوا كلمة حق عندما باتت الساحة الفنية مرتعاً لكثيرين من أنصاف المواهب..؟ ولماذا تتحصن أنت والجيل القديم خلف جدار سميك اسمه التاريخ، يبيح لكم إطلاق قذائف الاحاديث (المسيئة)، وترتد عنه رصاصات الحقائق..؟
عزيزي البعيو..أنت وجيلك والاجيال التي سبقتكم تتحملون كل ما يحدث اليوم في الساحة الفنية من رداءة و(انحطاط) في الذوق العام..أنتم من غرستم في هذا الجيل الجديد بذرة (التمرد)، بعد أن رفضتم الوقوف إلى جانبهم واقتيادهم للطريق الصحيح الذي يؤدي لتسطير تاريخ جيد..أنتم من حرمتم هذا الجيل الجديد من الشباب أن يردد اغنياتكم..وطالبتوهم بتقديم الجديد في زمان تضاءلت فيه المفردة وانحطت فيه الالحان…وانتم كذلك من طالبتموهم باحترامكم ولكن للاسف لم تقدموا لهم ما يشفع بذلك الاحترام…وظللتم في كل مناسبة تغدقون عليهم بالاوصاف السيئة وتبتكرون دوماً الطرق للعقاب دون أن تفكروا جيداً في الاسباب التي ادت لوصول الفن لتلك الحالة من السوء..وانتم أول هذه الاسباب.
جدعة:
لو جاء التصريح اعلاه من الهرم الراحل محمد وردي لوجدنا له العذر، فهو الوحيد الذي كسر الحاجز ما بينه والشباب وقدم لهم الحانه واستضافهم في منزله، وعقد لهم الكثير من الاجتماعات، واغدق عليهم كذلك بالوصايا وكثير من الاشياء التي يتطلبها الفن، وكان الراحل ينوي مواصلة ذلك النهج، ولكن يد المنون كانت اسرع.
لسعة:
بدلاً عن التصريحات المثيرة للجدل، دعونا مرة واحدة نتحدث بالحقائق، دعونا نتجاوز تلك الشكليات البغيضة وعبارات (فنانين كبار) و(فنانين صغار)، دعونا نجلس مع انفسنا لنقيم الاسباب الحقيقية التي افرزت مثل تلك الاغنيات وعدداً من المطربين الباحثين عن (لقمة العيش)، وقبل ذلك دعونا نتعاون لإخراج الاغنية من ذلك المستنقع (الآسن) الذي ادخلها اياه فنانو هذا البلد بصراعاتهم وترصداتهم وكبريائهم وجنونهم واحاديثهم التي لا تخرج عن قائمة المعلومات (غير القابلة للاستهلاك البشري).
شربكة أخيرة:
آخر الاخبار تقول إن طه سليمان فتح بلاغاً في البعيو…(وماذا تنتظرون غير هذا)..؟؟
السوداني
احيك يادندش على الأسلوب الراقي والكلام المرتب والمنمق لهذا الموضوع الخطير لقد كفيت ووفيت ووضعت كيفية تناول المهاترات الغير بناءة لجميع قبلة الفن السوداني ولك شكري وتقديري
للاسف الشديد أن يأتى واحد من أمثالك ليدافع عن تلك الحثاله التى تدعى الفن, وهم من أفسدوا الذوق السودانى بأغنيات يندى لها الجبين , أغنيات أقل ما توصف به هو الانحطاط الاخلاقى والتردى المريع , وللاسف الشديد لايوجد من يوقف ذلك التردى والانحلال والفساد الاخلاقى الذى ظل يمارسه هؤلاء الصغار الذين يدعون إنهم فنانين والله العظيم الجلد قليل عليهم , هؤلاء يجب أن يوقفوابالقانون من ممارسة إفساد الذوق العام وهم السبب فى تردى الشباب وصياعتهم , والله المستعان
يا أمةضحكت من جهلها الأمم .
ياأمة بكت من سخفهاالامم.
اللهم ارحم كبارنا محمد وردي وعثمان حسين …… وخفف علينا مصيبتنا الباقية ..
فعلا بلد مهازل بالله يا أخوانامين البيستحق ينجلد طه سليمان ام الراقص الاشتر الذي يرقص رقص النسوان في معظم اغنياته يهز في رقبته ويتمايع مثل اي بنت بالرغم من بلوغه العقد السابع (61 عاما) من عمره……….طه سليمان والشباب الاخرين تمردوا علي دولة الفساد واطربوا معظم شباب هذه الامة بالرغم من المحن واليأس والاحباط اما انت ياعجوز خلليك في رقص النساوين شيء بالرقبة وشيء بالجعبة……….
لو كان الأمر بيدي لأصدرت قانوناً استثنائياً بوقف جميع أغاني الشباب لفترة محدودة و حرمانهم من الظهور بالغناء و الحديث في جميع أجهزة الاعلام المرئ و المسموع و المقرؤ لفترة محدودة حتى يرعوا و يعملوا على تجويد اداءهم و الارتقاء به مرآعاة و حقاً عليهم لصون كرامة الذوق العام مع ادراكي التام أن هذا الأمر يصادم حرية الابداع ( ان كان ما يقدم في الساحة الفنية الآن ابداعا) لكن عندما يكون هنالك خطر يحدق بالأمة – ُتفرض الاحكام العرفية التي تعطل القوانين السارية و يستعاض عنها بقوانين و أوامر مؤقتة تلافياً على أقل تقدير لمزيد من الضرر و الاضرار بثقافة وذوق الشعب العام – أناشد من بيده الأمر التدخل السريع و قفاً لهذه المهزلة التي تسمى ( أغاني الشباب ) التي أفرزت – شباباً قنعاً لا خير فيهم .
بالله بقى الولد من البت ما تفرزه مصيبه
اقول للكاتب احمد دندش هذا مقال اخير عدمه اذا كان بقول مافي فنانين كبار وصغار الفنانين الكبارموجودين في الساحة الفنية والواحد يطرب لهم من سماع اسمائهم قبل سماع الاغنية ولا الركشات امثال طه وما ادراك هم الذين يتحملون ما يحدث اليوم في الساحة الفنية من رداءة و(انحطاط) وانا لو عندى سلطة عينة ديل اجلدهم الصباح والمساء 0
غناكم الهابط وهامض فى ذمتكم جنس اللحم ده ,ورا, ورا ده غناء ام تحرش جنسى ,لمن تسمع اغنيه ضغطك يرتفع ومرارتك تنفقع وكمونيتك تتسمم وتصاب بطمام .والله رجعتونا وضيعتونا وخجلتونا بين الامم .
ونقول للاخ دندش انا شخصيا اؤيد تصريح المدع البعيو فى البمشط شعروا وقادينا ب جعروا
قال فنان قال ؟ الفن اليطرشكم .
http://youtu.be/oyPvTOIAzFo
هاذا هو الفن الجميل …اللى يسافر من غير حدود ..ارجو الاستماع و الاستمتاع ..بلا بعيو بلا طه
واللة يا شعب السودانى الاصيل جنس ديل بشوهونا داخليا وخارجيا لانهم لايجتهدون و لايجيدون اغانى الحقيبة ! كيسهم فاضي قال فنان قال !! فنان بتاع الساعة كم يا زول!!?
(( ياسيد الخبر ارمي الخبر دندشي ارمشي شوفيو لي كان فيه شئ قوليه لي ما تختشي )) قال دندش قال .. روح اللعب بعيد او اعمل خط واقيف بعيد .. بلا طه بلا مياعه معاك وانت يا بتاع المشاط في راجل بقول (جناي البريدوا )؟؟,, نحن عايزين فنانين رجال مش ناس مشاط والفنان البعيو فعلا ابدعنا بي اغانيه وانت نفسك والمايع طه بتاعك دا اكيد وما عايزة كلام يوما ما حركتوا اكتافكم وارجلكم وحركتوا اياديكم بالسماع للفنان البعيو من غير ان تشعروا بنفسكم … وثم تانيا انت عايز ترمي اللوم على الفنان البعيوا وامثاله من الفنانين الكبار على انه المراهقين واصحاب الاغاني الهابطه بأنهم سلكوا طريق الغناء الهابط دا وكويس انك معترف بأغانيهم انها هابطه … سؤال ليك يا دندوشه هؤلاء الشباب ما عندهم عقول ما عندهم منطق ما عندهم مخ يفكروا بيه صح ويعرفوا كيف يختارو الاغاني المحترمه والموزونه صح .. وتاني حاجه الفنانين الكبار ديل امثال البعيو وصلاح ابن البادية والطيب عبدالله ومحمد الامين ومجذوب اونسه وترباس ومحمد الريح وشرحبيل احمد والذين رحلوا عنا عميد الفن احمد المصطفى وعثمان حسين ومحمد وردي ومصطفى سيد احمد وعثمان الشفيع وابو داؤد والعضبراوي وابراهيم عوض وخضر بشير وزيدان ابراهيم هؤلاء جمييييييييعا من الذي نصحهم في زمنهم ووصاهم ان يسلكوا طريق الغناء الصحيح ؟؟؟؟ اعتقد انا انهم اجتهدوا وفكروا جيدا لتقديم مسيرة فنيه جيدة وغناء محترم ومميز يحمل للوطن وللاجناس والقبائل والاغاني العاطفيه المهذبه والله فعلا اغاني لها طعم وكلمات معبرة لكل مناسبه يعيشها المستمع تجد المويسقي متماشيه تماما مع الكلمات حين يؤديها الفنان باللحن المناسب المميز ولكن وللأسف تعال وانظر واستمع الآن من هؤلاء الشباب المقلدين اصحاب الاغاني الهابطه تجد الموسيقى في وادي وكلمات الاغنيه في وادي آخر ولحنها ايضا في وادي ونبيح الفنان عييك مامعروف في ياتو وادي بل تحس ان الفنان اهم شئ لديه حين يغني ان يكون مظهره جيد ولبسه تمام والوجاهه في محلها ويراقب اعين المشاهدين له هل ملأتهم الاعجاب به ويراقب ايضا عيون الكاميرا دون ان ينتبه ماذا هو يغني ويقول وهل فعلا اطرب المشاهدين والمستمعين له بأغنيته … !!! بإختصار كدا فنانين زمان او الفنانين الكبار كانت الشهرة تطاردهم وهم يطاردون كل جديد يشجن ويطرب المستمع السوداني أما الآن ترى الفنانين الشباب المقلدين هم الذين يطاردون الشهرة ويطاردون كل جديد في تسريحة الشعر وتقشير اوشاشهم وتلميع بشرتهم ليجذبوا بها المستمع السوداني ( نظام شوفوا الوجاهه دي كيف )
يادندش ما عندك موضوع نهائي زمن الفن الجميل ولي واتي بدله سنتر الخرطوم واشتقت ليك يا منقة وقنبلة والفن البدعو للرقص الخليع والهيام المصطنع وحاجات تانيه حامياني -شوف هسي زوق الناس ولبسهم وحلاقة الشعر والتسريح وشوف بناتنا بقن كيف وما تمشي بعيد شوف في حلتك ومدينتك البنات والاولاد بقو كيف واللبس وحبهم شوف بقي كيف ..بقي عفيف مش كدة؟ وشوف اغاني زمان بتنادي ليشنو واغاني هسي عليك الله دي مامضحكة -شوف ناس طه وناس طبنجة والناس الشريف مبسوط مني(دي اتاكدمنها وشوفا) الرقيص والخلاعة واللبس والحب البقي حاجة تانية قولي صراحة زوق الناس ارتفع مش كدة ؟وقارن بس قبل 23سنة
والله انا من أكثر المعجبين بالفنان طه سليمان صوته جميل جميل جدا بس فى ناس عايشه فى العصر الحجرى وكل جيل ليه ناسو هسى شوفو مصر ما وقفت عند ام كلثوم ولا عبدالحليم ولا فريد الاطرش جاءه بعدهم عمرو دياب وشيرين و و و فلا مشكله فى ذلك سوا لجنة الاصوات والنصوص تضبط الامور شويه
لولا اختلاف الاراء لبارت السلع. من اراد ان يستمع لطه فهو حر ومن اراد ان يستمع للبعيو فهو حر ايضاولكن علينا احترام اشياء الاخرين
والله البعيو حكايتو حكاية بعد ان قال انو تاب من الغنا في جدة وبقى يؤذن في المساجد ولاقى واحد مشغل شريطو في عربيتو قال ليهو الغنا حرام وبعد داك رجع للسودان ورجعت البعيوة لعادتا القديمة وبعد ما اتقرص وجاع في عهد الانقاذ رجع تاني يغني وكمان يفتي في منو ينجلد ؟ بلاي عليك من البنجلد في الحالة دي ؟
الماخ صاحب الصورة فيه كلام ونحن ما عارفين ؟؟
من تكون يااحمد دندش عمري ماسمعت بيك في الصحافة عشان تتكلم عن البعيو بالطريقة السوقية دي البعيو معاه مليون حق طه مفروض مايغني جناي ولا عشاي دا غنى بتاع نسوان وانا بصرح بجلده 100000 الف جلدة وبدون مايكون لابس خلينا بلا دندش بلا بطيخ وينكم ياعبد الباقي خالد عبيد وياهيثم كابو
وطن عملاق وشوية شعب منه هم من المغفليين الجهلاء أحذية للمؤتمر الواطى طه والبعيو كلاهما من الواطيين
يا دندش انت منحط وموضوعك منحط والبدافع عنو اكثر انحطاطا
اول مرة اسمع انو البعيو بقى من الفنانين الكبار واظن الكاتب قصد السن وليس الابداع والعطاء افهم ان تكتب الفرعون عثمان حسين مصطفى سيد احمد زيدان محمد ميرغنى التاج مكى الباشكاتب صلاح مصطفى نادر خضر فرفور طرزان ترباس القلع شندى وعوض الكريم عبد الله محمد دون ترتيب لكن ان تحشرا معاهم بعيوا فهذا هو غير المفهوم اما ابناء الجيل الحالى فيمتلكون اصواتا اجمل من اصوات هذا البعيو واقدم سؤال برى ماهو عطاء البعيو الفنى هو مردد لكن فنان دى كتيرة عليهو شوية والله الزول دا من طلع علينا لى تاريخ اليوم لم يطربنى باى اغنية ومن هو الشخص الذى اعطاهو صك للحكم على اداء الاخرين يكفى طه انه ظل ركنا من اركان اشهر برنامج تلفزيونى بعد فرسان فى الميدان السابق فى التلفزيون ولقبه صاحبه القامة الذواق {السر قدور} امد الله فى ايامه بطه الضرس انت ملقب بى بعيييييو ياخى روح ما تفلقنا
تقنيتم باغانى اقل قامة منها يابتاع الودع
الله يادندش نوع طه سليمان اضرسونا عدييل وما عندهم اى علاقة بالفن ولكنها حكمة الهية ( ياخى من الله خلقك شفت ليك رجل رقبته كلها سلاسل وتمائم واياديه كلها اسورة وختما) ده شنو ده ؟؟؟؟؟؟؟
اما البعيو حكايته عجيبة فهو فنان من الطراز الاول لكن عاوز ليه شوية رواقة ( وعليه البعيو00 روق المنقة )
دندش دا فرقو شنو من طه سليمان؟؟؟؟؟؟؟؟؟؟ دا ود صغير ومشاطة وعلى العليهو متشوبر وكضاب وكمان سحسووووووح وضياء الدين بلال او ضلال الدين متمسك بيهو شديييييييد وشديدفي شديدوجناي البريدو جنى الضلالييين من جمال الوالي لحدي ضلال الدين .البعيو ليهو حق مع انو كان مؤذن في الفتيحاب وخلاها زي حنان ترك تتحجب شهرين وتعتزل شهر.
لست من المعجبين بهؤلاء الفنانين الشباب ولا أرى فيهم إبداعاً ، و لكن منذ متى أصبح البعيو يعد من الفنانين الكبار ؟؟ لم يظهر و يلمع إلا في هذا الزمن الردئ عندما خلت الساحة من الإبداع و المبدعين و هو نفسه انتحل شخصية البعيو الأصلي في طريقة غنائه و حركاته
أحمد دندش الراجل المتشربك في مهنة النقد الفني وعامل فيها كاتب ومحلل وواهم روحه بكلمات غريبة قايل نفسه متميز فيها من شاكلة شربكة وكسرة وما بعرف شنو داك!!! ياخ قديتنا قد بتسويقك الرخيص لطه بتاعك دة كل يوم طالع لينا تكورك طه عمل وطه سوو ليو!! ولو خلااااااااص جددت في إسلوبك تهبش في شمارات ندى القلعة وكم مذيعه هايفة كدة من النيل الأزرق!! ياخ إنت منو عشان تحمل جيل المطربين العظام ناس مصطفى وعركي وعثمان حسين وود الأمين تفاهة عدم القعاد مع ناس طه الضرس وحسين الصادق ومساعدتهم فنياً!!!؟؟؟ بعدين البعيو ليهو حق موش لأنه فنان فاشل ولّا سفيه زي ما إتفضلو الإخوة الكتاااااار ووصفوه من مقالك السابق بس لو حتى الكلام دة صادر من عنقالي في سوق الله أكبر بنقيف معاه وبنأيده!! يعني غناء طه بتاع الولد البايظ أمجد حمزة من نوعية جناي البريدو وحرامي القلوب وما بعرف شنو داك خلااااااااص يعني ضارب الجو وعاجب الناس المحترمة!!! آآآآي طه ينجلد في أقرب ميدان عام والكلام دة ليهو شخصياً أطلع منها إنت وبطل كسير تلج عارفين الظروف صعبة ومقال زي دة بيعشيك معاو بعد عداد سمين وبتطلع ليك منو بعلبتين بينسون وكم جنيه!!.. يا طه الناس في شنو وإنت وشوية العاملين فيها مطربين ديل في شنو؟ وينو غناكم للبلد؟؟ للغلاء؟؟ وينو موقفكم من مشاكل شباب حائر مسطول يوماتي ما عندو أمل وبباري في حفلاتكم؟ وين وقفتكم كفنانين ودعمكم بأجوركم لصالح مدارس أطفال قشاها الخريف!!! لو وقفت على دعوة البعيو بي جلدك هينه!! أنا خايف الثوار بعدين يكرموك بعود القذافي…. موش قبل كدة قلت للبشير نحن زااااااااااااتنا جاهزين يا ريس بعد مهزلة هجليج..؟؟ .. الله يكضب الشينة :)
..
..
..
..
.. وماشين في السكة نمد..
والله نحن لسع شعب طيب وبخير وما بنحب نكشف المستور معظم الفنانين كان شباب صغار وحلوين وجميلين وفيهم ناس احلا من البنات نعومه ورقه ولا فى نانسى عجرم
وهنالك ناس يسيل للعابهم ويبكون ويتكسرون خلف الجمال بنت او ولد وكمان هنالك شروط للظهور فى الاعلام وووو لازم تكون مطيع وتسمع الكلام والا سوف تكون خارج اللعبه !!!!!
انا اقترح للاتحاد المهن والغناء والموسيقى أن يكون شرط اساسى للتقيد عضويه الاتحاد ومنح الرخصه للغناء والموسيقى بعمل الاتى
1شهادة كشف العذريه للجنسين
2فيش وتشبيه
3مواقفه الوالدين
4شهاده حسن سير وسلوك من شيخ الحله
5 شهادة حسن سير وسلوك من اللجنه الشعبيه
6شهادة مداومه الصلوات من امام المسجد
7شهادات الدراسه من الاساس الى الجامعه
ثم بعد ذالك يقوم الاتحاد فى دراسه الطلبات وبموجبها منح رخصة الغناء والموسيقى
بس اكرر لازم كشف العذريه شئ ضرورى من القمسيون الطبى ؟؟؟!!!