جلد القيادي بحزب البشير بعد ضبطه مع 4 فتيات بتهمة الاعمال الفاضحة
أدانت محكمة جنايات النظام العام بالقسم الشرقي بالخرطوم أمس، المتهم محمد طاهر محمد حسين الشهير بـ(البلدوز)، القيادي البارز بالمؤتمر الوطني بالبحر الأحمر، ونائب الوالي السابق ومعه أربع فتيات. وقضت المحكمة جلد المتهم(40) جلدة حدًا لمخالفته أصل المادة (151) من القانون الجنائي المتعلقة بالأفعال الفاحشة.كما حكمت عليه بالغرامة(10) آلاف جنيه سوداني أو السجن لمدة ستة أشهر في حالة عدم دفع الغرامة لمخالفته المادة(88) من القانون الجنائي المتعلقة بالرشوة، كما أدانته المحكمة بالغرامة(10) آلاف جنيه أخرى أو السجن لمدة ستة أشهر لمخالفته المادة(104) من القانون الجنائي المتعلقة بالإدلاء ببيانات كاذبة. وتعود تفاصيل البلاغ بالرقم(367-2012م)، إلى أن المتهم المذكور تم القبض عليه سابقاً بإحدى الشقق بالخرطوم ضاحية المعمورة ومعه أربع فتيات بواسطة تيم النظام العام. وتم فتح بلاغ لهم بشرطة النظام العام. حيث أدلى وقتها المتهم أن اسمه الصحيح محمد طاهر على محمد ليضلل العدالة بالاسم الخطأ، حيث لم يتم العثور عليه عند إحالة البلاغ للمحكمة. واستمرت المحاكمة لخمس جلسات في غياب المتهم، وكان المتهم يتغيب ما أجبر المحكمة التي يترأسها مولانا إبراهيم محمد خالد، على فصل بلاغ محاكمة محمد طاهر محمد حسين وتمت محاكمة الفتيات بالجلد آنذاك، وتم تغريم الضامن الأمين الطاهر الأمين مبلغ ألف جنيه لإخلاله بعدم إحضار المتهم للمحكمة، ومن ثم سارت المحكمة في الإجراءات بواسطة الشاكي، حيث تم إصدار أمر قبض على المتهم محمد طاهر محمد حسين وإحضاره من مدينة بورتسودان. وتمت محاكمته وفق ما جاء بقرار المحكمة.
الانتباهة
اكيد وراءه قصة وفي واحد راصد ليه واحتمال عمل ليه كمين. والسؤال من كان معه لانو عدد
الفتيات اربعة!!!!!!! الشقي وقع في القيد.
اللهم ياناصر المظلومين انصرنا على اهل الأنقاذ اهل الشرك والنفاق واجعل كيدهم فى نحرهم وافضحهم
دنيا واخرى وشتت شملهم وفت عضدهم وارنا فيهم عجائب قدرتك وسخطك ،اللهم اغيث شعب السودان المظلوم
المحروم من رغد العيش و عافيه من شر المرض الذى سحقه يا الله
يتم الجلد علي البلدوز ولا تمت؟
دا لعب الكبار للتطويع و ليس لتطبيق القانون ليست هناك قانون في البلاد, يا ناس المؤتمر الوطني بالبحر الاحمر امشوا صفوا حساباتكم بعيد مننا نحن ماناقصين هموم
هذه هى عاقبة التلاعب بأعراض الناس فى الدنيا … و بقيت العاقبة الأخروية … و لا تنسى ( أنت و عصبتك الحاكمة ) عاقبة التلاعب بأموال الناس ، و حريات الناس ، و مصائر الناس ، و حياة الناس ، و مستقبل الناس ، و أرزاق الناس .
تمت محاكمته كدة ساااى يعنى ؟!!!
وين قدوقدو ويشهد عذابهما طائقة من المؤمنين ) ؟!!
هل هو محصن ؟ وكيف يجلد 40 جلدة اذا كان متزوجا ؟!! والبنات ؟!!
الشافو جلدوه منو ؟!! .
ناس المؤتمر الوثنى تكتلو الكتيل وتمشو فى جنازتو – قبل سنة ونص وفى المهندسين 12 شاب من اولادكم قبضتوهم فى وضع فاضح واتضح لاحقا ان الاحتفال الصغير ما هو الا احتفاءا بتزويج شاب من شاب اخر ولما انكشف المستور تمت مضايرة الفاحشة اعلاميا بمثل هذا الخبر المفبرك – .
وتجلدوا فى بنات الناس من غير جنية وتنكلوا بالمعارضين لانهم صدقوا الحق ولا يخافونكم – يا مدعيي التدين تبا لعممكم وشالاتكم وبئس المصير .
الموضوع فيهو (ان)!!!!كيف يعجز لضامن عن احضار متهم معلوم الاقامة والعنوان لدي المحكمة طيلة هذة الفترة(14رمضان)الفائت,ماالذي جري خلال هذا الوقت!!!!هذا القاضي ما كان ليحكم هكذا حكم لولا أعطي الضوء الاخضر.!!!!!!!!!!
جلدوا الضامن 80 جلده وغرامة بينما المتهم 40 جلدة وغرامة ايضاً.. وشنو تعني الافعال الفاضحة دي مع 4 بنات؟؟ اللهم لا اعتراض في حكمك لكن نسألك اللطف بنا بأن تولي علينا من يخافك ويصلح في البلاد.. آميين يارب
هي الانقاذ غير العفن والوسخ والكرور لمت شنو ؟؟؟؟
الساده هيئة علماء السودان .. راعية الشريعه .. من المفترض ان تحصنوا عضويتكم وعضوية المؤتمر الوطنى ببطاقات تعفى حاملها من المساءله الجنائيه . وان تعمموا للقضاة منشورا باستثنائكم من تطبيق اية احكام بالجلد والاهانه مهما كان مصدرها .. وعلى السلطة القضائيه ان تعتذر للوجيه محمد طاهر عن قرار الادانه بالرغم من عدم تنفيذ الجلد بحقه .. وعلى السيد القاضى ان يبل قراره بالجلد ويشرب مويته فى حضور المتهم والعاهرات اللائى وجدن معه وان تطبق عقوبة الجلد على المواطنين الزباله من الدرجة الثالثه فما دون فقط . وجزاكم الله خيرا .
يعنى الجلد فى مكان عام للمساكين بس؟
اين قدو قدو نزلوه لنا فى النت نشوفو عشان نامئن ونقتنع ان دولتنا ماعندها فرز ونحن منتظرنكم بس ما يبقى أنا بحلم
انشالله الناس اللي عندها تصريح بهتك اعراض الناس بالقانون ونظام الحكم في ما يعرف ببيوت الاشباح يا ريت الناس دي تتعظ لانو ما عليهم عين النظام العام فهي مغمضه في حقهم حسب القانون والنظام ولكن عليهم العين التي لا تنام هنا ربما حسوا بعذاب الدنيا هذا الرجل سوف يعيش منبوزا من اهله وعشيرته وحزبه التمكيني فكيف عذاب الاخره
السيد محمد طاهر محمد حسين هو نائب والي البحر الأحمر محمد طاهر ايلا !! كويس يا احباب ؟؟ والاتنين يا ناس ديل مؤتمر وثني !! أوكي يا شفوت ؟؟ محمد طاهر محمد حسين هو الرجل القوي في حكومة البحر الأحمر وهي الحكومة الولائية الوحيدة التي يقف فيها الوالي ونائب الوالي في صف واحد وخندق واحد ومن المؤكد ان سياسة فرق تسد التي يتبعها الحزب مع أعدائه واصحابه على السواء لم تنجح هنا يعني بالعربي الفسيح كدة الراجل دا هي يد ايلا التي يضرب بها والبندوزر الذي يكسر به يعني الاتنين ديل بتاعين في كيس واحد !!! دحين خلونا يا احباب نعود بالذاكرة للسنة الفاتت وتمرد الوالي ودخوله الغابة !! ما تستغربوا ناس الشرق غاباتهم يا أسمرة يا جدة والوالي اختار جدة البعيدة خوفا من حاجات كتييييرة زي تعال الخرطوم وتقوم السيارة تعمل حادث ولا اركب الطيارة وأمشي صلي مع المرابطين !! طبعا الزول مؤتمر وثني بس حافظ كويس ومذاكر تمام وعارف طيارات الانتنوف في دولة الانقاذ مساعد الطيار فيها عزرائيل وبتقع باتجاه الزول العاوزينو بس . المهم السيد ايلا راجل مفتح واول ما استلم الولاية قال ليك أهلي وناسي يعني عمل بنظرية ثلث لجيبه وثلث لأهله وثلث لولي نعمته وفي هذه الحالة المؤتمر الوثني هو ولي نعمته ،،، نصيب اهله بين من شكل الولاية الخارجي ودا جاب ليهو الحسد والناس بقت تقارن ياخي شفت بورتسودان بقت كيف ؟؟؟ تيب مدني مالا ولا الابيض دي ضارباها صاقعة ؟ ياخي كسلا دي مش برضو بلد ادروب ، اشمعنا التمرد بس في الفاشر ؟؟ واسئلة كتيرة وتملل هنا وهناك الى جانب الثلث بتاع ولي نعمته ماسادي مدارس الأولاد ولا عربية المدام ومن هنا بدأت المؤامرات عليه قوم صاحبنا اتمرد في جدة !!! قام الأبالسة لفوا على نائب الوالي عشان يطبقوا نظرية والي القضارف متذكرينها ولا لأ ؟؟ عارفكم بتنسوا سريع يا السودانيين المهم لقو ليك نائب الوالي احسن منو الوالي ذات نفسوا !!
المهم في الموضوع دا كلو وباختصار كدة الراجل دا قبضوهو في شقة وفي الخرطوم كويس ؟؟ معاهو اربعة بنات وانا ماعارف حكاية الاربعة بنات دي شنو يا الراجل دا بندوزر فعلا او ناس المشروع الحضاري غيروا حكاية شهادة المرأة من رجل وامرأتان وبقت شهادة المرأة تعادل شهادة الرجل عشان تكتمل كل أطراف القضية ولا كمان والله يعلم الجماعة ديل ما كانوا بنات !!!! الله ينعلك يا أبليس !! وعشان كدة ماجلدوهم في اليوتيوب مع ناس قدو قدو
وفي النهاية كدة الجماعة عارفين الوالي مفتح وما بقع بالساهل قالو طيب نديهو قرصة اذن في نايبوا عشان يفتح معانا ورغم انو الراجل نائب والي وعندو حصانة وقاعد في شقة مغلقة يعني التفتيش عاوز رفع حصانة واذن نيابة ووقت كبير وكمان الراجل نائب والي لازم يكون عندو حرس وما من السهل الوصول اليه في مخدعه لكن الجماعة وصلوا اليه وفي الوقت المحدد وثبتوا التهمة عليه مما يدل على التخطيط المحكم وتعاون اطراف من الاربعة ( بنات ولا غير ذلك ) مع الابالسة ولا استبعد اجهزة حرسه الخاص
وفي النهاية يا احباب شفتوا ناس الشريعة والدولة الرسالية والمشروع الحضاري بفكروا وينفذوا كيف ؟؟؟
أما انا فاكثر الناس سعادة بهذا الحكم ليس تشفياً من المتهم فان لم تتمكن السلطات من قبضه فان المولى عزوجل سيقتص منه في يوم لاينفع مال ولا بنون ولكن سعادتي تكمن في أن القاضي الذي حكم بهذا الحكم ولم تاخذه في الله لومة لائم هو الصديق العزيز ورفيق الدرب مولانا ابراهيم محمد خالد نسال الله ان يسدد خطاك دوما على الحق .
نحنا كان ما متنا شقينا المقابر.4 نسوان كيف ي عني بيعملو فاحشة مع راجل واحد وفي نهار رمضان .الكلام ده حاف كده ما منطقي ولا يعقل . بعدين الراجل ده عندو حصانة .متي تم رفعها ومداهمة المنزل ….دي مؤامرة ونجحت وربنا يكون في عونو
عندما يستخدم القانون فى تصفية الحسابات وإسكات الخصوم تكون على الدنيا السلام كلأمى هذا ليس تعاطفا مع هذا الزاني او المجرم ان صح التعبير !!!!
بل ان هناك أمثاله معروفين لدى النظام العام ومرصودين ولكن لا يستطيع النظام العام مسالتهم ام مسئولين VIP او ابناهم والشواهد كثيرة ويعرفها مجتمع العاصمة
واقاصيها لكن دائماً عندما يقبض عليهم تتم الاتصالات ومن ثم يتم الإفراج عنهم !!!
اما نائب الوالى إيلا هذا فالواضح انه فعلا استنفذ اغراضة مثل الكندوم لا تستطيع ان تنظر له بعد استخدامه …
فهذا التعس كان بإمكان حزبة ان يحمية باتصالات بسيطة اقلها تلفونين صغار :-
الو أنتو قابضين الزول دا ماعارفنوا منو ..
لا يا فندم ماعارفنو…
ياخي دا محمد طاهر زول كويس وبخدمنا كتير لكن عيبو بس بتاع نسوان وبنات صغار…
التعليمات يافندم …
فكو هسة واعتزرو ليهو …وبلغو اعتزارى شخصيا….
تمام يافندم ….
إها الزول عائزين ينتهو منو ضرب تلفونين لقا الجماعة سابقنو بخطوة —
اى تلفون يتصل عليهو يلاقاهو مشغول او مغلق
تم القبض عليهو
انا فلان محمد طاهر
الضابط بلاءمة عارفنك نعمل ليك شنو نحيك…راجل كبير وما محترم
ياخى ممكن تتصلوا لى بوزير الداخلية
ما ممكن نتصل لى لأنو دا مأمن اختصاصنا وانا رتبتى مابتخلينى أتكلم مع الوزير
الضابط اتصل بناس معروفين يا جماعة زول كم دا اتقبض متلبس
التعليمات :-
الزول دا بالذات اشتغلوا معاهو شغلكم واتصلوا على الانتباهة والدار
هي بقت علي المسكين ده لقوه معاه أربعة بنات حلوات؟؟؟ شوفوا كبار القوم ناس المؤتمر الوطني بالليل والشقق الفاخرة والنساء الفجرات والديسكو والعشرة بلدي والكشف وال…من دون كدندوم؟؟؟ ياجماعة الخير انحنا ماسودانيين ؟؟؟وحكام اليوم كانوا من مترددي حدائق الريفيرا والمقرن ونمرة ثلاثة وحديقة الموردة والجندول ومجموعو منهم من مرتادي أبوصليب وغير أبوصليب ومنهم الكان بيرقص وكاس الويسكي مختوت ثابت في الجبهة (لزوم الإحتراف) وناس المؤتمر ألوطني بالنهار ناس الله أكبر وبالليل ناس الشيطان أكبر …وفالحين يجلدوه في البشر وبقولوه الجمل مابيشوف عوجة رقبتوه… سيبوه الناس في حالهم وخلوهم ينبسطوه زيكم ..
ياسفلة يامجرمين ..أرحلوا .
اي حاجه كعبه تحصل لاي كوز معفن اذا كان جلد سجن حادث عربيه طياره اي حاجه احنا بنرحب بيها و لو كان الراجل دا مذنب يبقي اخد جزاءه و اذا ما مذنب تكون عظه و عبره ليه عشان يبعد من اخوان الشيطان و يساعد اهله بالجد مش يتاجر باهله و علي العموم دا كله في صالحنا و حتكون حجه علي فساد الانقاذ الاخلاقي ، و زي ما بفضحو الناس ربنا يفضحهم كلهم .
والغرامة من مال الدولة الى خزينة الدولة وهو ماخسر حاجة دقة وفايتة ,لو انسان مفلس كان رموه فى السجن وخيار الغرامة عشان يفدى نفسه بالقروش ,وتعم القانووووووووووووون
عفيت منك يا أب زرد.. أربعة مرة واحدة؟.. ليك حق ماكل شيات وسمك ومرطب ياصاحبي.وباقي الشعب السوداني (ناس نحنا والواقعين في محنة) ذي المرتب (مرة واحدة في الشهر) الله يجازيك يالبوش والسخينة.
متزوج 4 , و قبضوهو مع 4 ؟!! خمج بس و شكيت محنككم يا الكيذان . حتى في النسوان و الزنا مسرفين ؟؟
فيهو شك و لا طق , ما بهمنا .. الاهم انو الجماعة بدوا اتناحروا
اللهم اجعل كيدهم في نحرهم ..
الموضوع تصفية حسابات يعنى هو الوحيد الفاسق وفاجر والبقية الباقية كلها الشريف الرضى ياناس احترموا عقولنا
لإثبات كيفية معاملة الناس فى مجتمع المشروع الحضارى و الشرع الإنقاذى الإسلاموى و من باب التوثيق أتمنى من الإخوة الذين لديهم المعلومه أو جمع الوثائق الخاصة بالمحاكمتين ( محاضر و حيثيات ) فى قضيتى فتاة القدو قدو وهذه القضيه قضية البلدوزر و لإثبات مجتمع ( إنما أهلك الذين الين قبلكم لأنهم إذا سرق فيهم الشريف تركوه ، و إذا سرق فيهم الضعيف أقاموا عليه الحد ،) و فاكين تكملة الحديث( و أيم الله لو أن فاطمة بنت محمد سرقت لقُطعت ) فقه جلد فتاة القدو قدو 100 جلده للبس بنطلون و جلدها على قارعة الطريق عملا بالشرع!!! و المسئول الحزبى و السياسى القدوة و زوج الــ4 حرمات و زول العشيرة المحترم و رجل البر و الإحسان الما فوّت صلاة جماعه أو فوّت صلاة صبح إلا صلّاه فى الجامع و لوقته فقط 40 جلده فى الستر وفق فقه الستره…. فى واقعة ضبطه مع 4 من بنات الهوى فى شقه فى نهار شهر رمضان بتهمة الأعمال الفاضحه …و أتمنى لو صوّر أحدهم فيديو من الموبايل لعملية الجلد أن يزله فى اليو تيوب لنراه و يشاهده طائفة من الناس كما جاء فى الشرع …
هذا المعتوه يذكرني بخالد مضوي لو بتتذكروا ايام الديمقراطريه
لمن قبضوا بالليل وهو خاطف ليه واحده
وطلعت علينا صحيفة الرايه والوان بتاعت المعتوه حسين خج
بالايه الكريمه ( .. اذا جاءكم فاسق بنبأ فتبينوا ان تصيبوا قوما بجهاله …)
الكيزان ديل بالنهار يسبحوا وبالليل يضبحوا
شئ مؤسف انه يكون من يحكمنا اصحاب شذوذ اخلاقي وعاهات فكريه
متزوج اربعه مقبوض مع اربعه ماهو نوع الدينمو اكيد لديه طاقة تنير العاصمة وضواحيها💋👀😘💗🎵🎶💤👯🙆🙅👈👉💃🎎📀💿🚓⛲🌄🗻
اللهم نسألك حسن الخاتمة ونعوذ بك من خزىء الدنيا وعذاب الآخرة
وهل المحكمة جردت سلطاته وصلاحياته كمسؤل فى حكومة المؤتمر الوطنى أم ماذال يعمل مسؤل حكومى بعد الفضائح الاخلاقية التى لا يترك له مجال فى وظيفة دولة أو مسؤل فى أى أدارة حكومية ؟
يا جماعة السلام عليكم اريد ان اطرح مشكلة حقيقية اذ ا البنت تزوجت رجل اكبر منها ب19 سنة وكان عمرها 14 سنة وعاشت معاه 15 سنة وبعد كده هو اول من قال كبرتي ولما البنت تزعل يقول كنت بهظر معاك برايكم ماهو السبب ارجو الافادة
انتو ياعطالة مافي حاجة عاجباكم حيرتونا معاكم
كنتوا توضحو لما النظام العام داهمهم قام اعطاهم رشوة 50 ألف جنيه رشوة عشان يستروه الا انهم اخذو القروش للخزنة العامة واقتادوه
دا عقوبتو الرجم و الكيزان كلهم مفروض يتنفذ فيهم حدى السرقة و الحرابة
منو القال ليكم الدستوريين المن الشرق والغرب والنيل الازرق وجنوب كردفان عندهم حصانة؟. ديل دستوريين صناعة صينية. لكن الماركات الاصلية دستوريين الشمالية الما خمج تتذكروا الدارفورية الاغتصبها الجعلى ما قالوا ده مفروض يكون شرف ليها كونها اغتصبها جعلى ولا انتوا ياخوانا عميانين ما بتشوفوا وطرشانين ما يتسمعوا دايرين الناس ديل يلبسوا ليكم أردية وطواقى كاوبويات عشان تعرفوهم مستعمرنكم ولا شنو؟.
ياخوانا طيب وين فيديو الجلد وأين قدو قدو وأين جماعة فليشهد عذابهما طائفة من المؤمنين…والا.. كيف لنا التأكد بأن المجلود هو محمد طاهر محمد حسين أم محمد طاهر على محمد!!!!
وبعدين الصورة مابتشبه البلدوزر النحنا بنعرفو…وبعدين ماهو الراجل (ملو) هدومو…وماذنب هؤلاء البنات الأجنبيات واضح انهم كوكاشيان وغير مسلمات ويمكن مما ملكت أيمانو..وأين عقوبة الافطار عمدا فى نهار رمضان وفى العشرة الأواخر!!!!
ما هذا الزمن الذى نحن فيه عمر بنقو, سيخه, بلدوزر ,اولاد سينما كوبر ايه البيحصل فى البلد دى .
عشنا و شفنا المشروع الحضارى ذو الدفع الرباعى … و الله خير الماكرين
مبروك سوف يصدر قرار ريئاسى قريبا بان يكون هذا الرجل الوالى المرتقب
خلاص الكيزان قنعوا من خيرا فيهو ودبروا له المكايد هذا هو ديدنهم _اصحوا ما تكون افكاركم محدودة
والله قمة الفساد من هؤلاء المنظمين وفي جمــــــــــــــــــــــيع الدوائر الحكومية،فالتراقب قوات النظام العام الدوائر الحكومية وليس الشقق وحاتشوف العجب العجـــــاب ، وشعارهم أموالهم وعرضهم حلال علينا، فإذا كان رب البيت بالدفء ضاربا،،،،،،،،،،،،،،، حسبي الله ونعم الوكيل،
ياجماعه ماتخلوكم بسيطين الزول دا الحكومه فنعت منو … والله كان دايراو تفكو وترقيو ولا انت تسمع ولا انا اسمع …. ولاالفاسدين في الحكومه شويه ؟… في واحدين التايم بتاعم معروف وعاملين ليهم حرس …… المشروع الحضاري ماشي كويس
واللة شباب عصابة الانقاذ ديل فشلوة في كل حاجة لاكن نجحوا نجاح كبير يوفروا لينا اللذة الحرام وسهلوا المسالة الحكومات السابقة كانت عاملة ليها بيوت وزقاقات ومنظمة الشغلة لكن كنا بنخجل نروح وزول من معارفك يشوفك طالع من هناك هسة الشغلة بقت فاكة ساكت لللفقراء في الحدايق وعلي النيل وبيوت في احياء فقيرة بتاجر بالساعة اما الاغنية والجايين من الخارج هناك شقق في احياء راقية واللة اصحابها اولاد بلد التسمية شقق للعرسات لكن تدفع الطلوب وشكلك ودناس والمعاك بت ناس بطنشوا اصحاب الشقة والغريب في الامر معظم البعملوا معاك عقد الشقة نساء وبتوحي ليك الزوج يامغترب او ماموجود وياجماعة شمبات الاراضي والمعمورة ووالطائف ووالمندسين والعودة ملانة شقق زي دي وناس امن التوجة الحضاري بقوا مابيعملوا شئ اكثر من يراقبوكم ويكمشوكم وياخدوا المعلوم ويروحوا ودة بيحصل في الاحياء الفقيرة ولكن مابيكابسوا الاحياء الراقية زي في اوامر كدة عليا بانهم يطنشواها لانو ممكن يكون واحد مسئول كبير ولا ولد مسئول او حتي بت مئسول كبير في الشقة ونائب رئيس المؤتمر الوطني بتاع بورتسودان القبضوة في الرياض كانت عملية مدبرة ومخططة واللة شباب عصابة الانقاذ ديل فشلوة في كل حاجة لاكن نجحوا نجاح كبير يوفروا لينا اللذة الحرام وسهلوا المسالة الحكومات السابقة كانت عاملة ليها بيوت وزقاقات ومنظمة الشغلة لكن كنا بنخجل نروح وزول من معارفك يشوفك طالع من هناك هسة الشغلة بقت فاكة ساكت لللفقراء في الحدايق وعلي النيل وبيوت في احياء فقيرة بتاجر بالساعة اما الاغنية والجايين من الخارج هناك شقق في احياء راقية واللة اصحابها اولاد بلد التسمية شقق للعرسات لكن تدفع الطلوب وشكلك ودناس والمعاك بت ناس بطنشوا اصحاب الشقة والغريب في الامر معظم البعملوا معاك عقد الشقة نساء وبتوحي ليك الزوج يامغترب او ماموجود وياجماعة شمبات الاراضي والمعمورة ووالطائف ووالمندسين والعودة ملانة شقق زي دي وناس امن التوجة الحضاري بقوا مابيعملوا شئ اكثر من يراقبوكم ويكمشوكم وياخدوا المعلوم ويروحوا ودة بيحصل في الاحياء الفقيرة ولكن مابيكابسوا الاحياء الراقية زي في اوامر كدة عليا بانهم يطنشواها لانو ممكن يكون واحد مسئول كبير ولا ولد مسئول او حتي بت مئسول كبير في الشقة ونائب رئيس المؤتمر الوطني بتاع بورتسودان القبضوة في الرياض كانت عملية مدبرة ومخططة وادروب دقس
ياحماعه فى الشريعه اذا البنت او المره قالت للراجل ملكتك نفسى وهى بكامل قواه العقليه تبقى الامى بتاعته او السريه او ماملكت ايمانه وبالنالى القاضى يشرب هواء-البلدوزر مالعبها صاح
لمتين ؟
المعلقين الاتحاملوا على القاضي أنا أعرفوا راجل نضيف ولم يطبق حكم الرجم لأنو ممثل الادعاء أوضح أنها ليس زنا ولكن عند مداهمة الشقة وجدوا أربع بنات بملابس نوم شفافة والمتهم جالس يشاهد في التلفزيون يرتدي لباس البيت العادي ، لذلك كان الحكم أفعال فاضحة وليس زنا.
واضح أنها عملية مقصود بها حرق الرجل اجتماعيا وليس تصفيته و لو عايزين كان صبروا شويه لحدي مايبدأ الفلم بعد داك تتم المداهمة على الثابته.
اهم شئ لماذا يفعل هذه الفعلة وفي رمضان كمان والاية واضحة ((ولا تقربوا الزنا)) عشان كده مافى حاجة اسمها مؤامرة طالما هو ارتضى بنفسه لعذه الفعلة القبيحة وفي الشهر الكريم ؟؟؟اللهم استر عوارتنا واهدنا الى اطيب القول والفعل
مبروك ياقريبى خفيفه الحمدلله الماركبوك الانتنوف هسه كان رحت فى خبر كان – باقى لى الطيارارات كملت قلبوا نظام عام اللهم استرنا يا الله- اللهم اكفنا شر الانتنوف والاعدام وشرطه النظام العام
يا جماعة انا عندي فكرة وارجو ان تلاقي التايد نحنا في الغربة رجال اونسا ء يحتاج البعض لمناقشة بعض الامور الخاصة التي يتردد في طرحها علي من يعرفة مباشرة فارجو من اهل الراكوبة ان يفتحو صفحة للدردشة المواضيع الاسرية وشكرا