تعاقداتها في مهب الريح… (حبس) فنانة شهيرة ومنعها من الغناء مدى الحياة

الخرطوم:
قامت أسرة فنانة شهيرة بمنعها من الغناء وحرمانها من الخروج من المنزل إلا بشروط محددة، بينما تحفظت الاسرة على اسباب ذلك المنع،و رفضت كل الوساطات لإنهاء الازمة المشتعلة مابينهم والمطربة، وفضلت عدم الخوض في الحديث عن الاسباب، وعلى ذات الصعيد أسر مدير اعمال الفنانة أنه في حيرة من امره تجاه التعاقدات التى قامت بإبرامها مسبقاً لاحياء عدد من الحفلات، واضاف أنه في موقف لايحسد عليه إطلاقاً.

السوداني

تعليق واحد

  1. والله دا الكلام ودا كلام الرجال …. البت بكون أعطوها فرصه واستغلتها خطأ أكيد .. علشان كده الاسره خافت على سمعتها وحرمتها من الغناء مدى الحياة ………… واتمنى على ندى القلعه اسرتها تفعل ما فعلته هذه الأسره……… ومثل ايمان لندن وبت مدني … وكل الفنانات الما مفروض يظهروا في اي وسيلة فضائية أو غيرها ..

    عفيت منكم يا أسرة الفنانه وأحييكم على ذلك ..

  2. دي الواعدة ….. والا الواعدة ……………..
    قال اهلها منعوها الغناء امة عجيبة يعني هي عندها جمهور قلق علي مستقبله ….؟؟؟؟؟ فضائح يوم لاينفع مال ولا بنون ….

  3. مشكلة بسيطة جدا..؟!..اكيد تكون غير متزوجة .؟؟!!.. تقوم تتزوج اول متقدم للعرس وبعد استيفاء الاجراءات القانونية .!!..- تمارس عملها عادي..!!.. ويا حيذا يكون ذلك احد شروط (العقد)..؟!

  4. يا سودانى اصيل جدا ويا الهباش الفى بالكم دى مارقة للريبة والتلافى واصلا ماعندها افهموها 0الشغل حقها وشبهايا شطار0

  5. عقبال ما يلمو باقي اللبش الخربو سمعتنا ديل والله انا فى حيرة من امر سودانا الحبيب جوع وحروب ومشاكل وازمات وكللللللللللللللل يوم يظظرو لينا حمير ينهقو اولا فاشلين وبنات ضايعات قالو فنانين الفن اليطوطحكم كلهم فاقد تربوي لم تستوعبهم مقاعد الدراسة او العمل فاستوعبتهم القنوات الوهمية المالية الفضاء

  6. اليكم جانب من الحوار الذي دار بين مدير اعمال الفنانة المحبوسة وأبوها ليلة أمس:
    (خاص وكالة الشمار)

    مدير أعمال الفنانة: يا عم عليك الله خليها تخلص التعاقدات الوقعناها بس لأننااستلمنا العربون واتصرفنا فيهو! قلت شنو ياعم؟!

    أبوها: علي الطلاق من الليلة دي تخت رجلها بر البيت دا الا أقطعا ليها وأشوفا ماسكا ليها مايك الا ابلعو ليها – سامع كلامي ده ولا ما سامعو؟!
    مدير أعمال الفنانة: حرام عليك – كدا لكن ورطني مع الناس وختيتني في موقف محرج!
    أبوها: موقف محرج؟!! يا زول هوي احسن ليك تغور من وشي.
    مدير أعمال الفنانة: حا أكلم ليك السر قدور.
    أبوها: طظ فيك وفي ….. , كلم عمر البشير زاتو – بتي وأنا مخير فيها.
    مدير الاعمال (يائسا): انت من اول خليتا تغني ليشنو؟!
    أبوها: يا زول أوع تقل ادبك – والله كن قمت عليك هسع اخلي ريحتك طير طير.

  7. الريس قاعد .. حل مشاكل البلد كلها وباقى مشاكل اللاعبين والفنانيين متفرغ ليها

    ياريس منتظرين وساطتك أو حتى مدير مكتبك .. أو قرار جمهورى طارىء .. عشان خاطر أغنية بنت النيل ياجميل والحت الرسالى الذى أديته فى تلك الأغنية… أصلها بلد راس شبطانها( كلكى ) وغرقانة فى القارغة ومتسودة نيران الفاقة والعدم

  8. ما كان من اللاول ياحاج المصيبه لو قامت تزوجت مدير اعمالها حين ذاك جاطت الحكاية على العموم ان تاتى متاخرا خيرا من ان لا تاتى ابدا

  9. و الله شمار تقيل الناس حيموتوا با جماعة !! بس انا بوريكم هسي هي ! مين ؟ هي …………..والله انا زاتو نا عارف لكن سمعت تحت تحت قالو بتول اخي ست النفر

  10. بعد جهود مضنيه ومساعى حثيثة استطاعت الزوجة الرئاسية والتى تعتبر من اهم الشخصيات النسائية التى دأبت على الاستماع والاستمتاع بجلسات الفنانة صاحب الازمة الاسرية باقناع زوجها ( البشير ) بالتدخل فورا لحلة الازمة على قرار مبادرته فى حل الازمة الهلالية بين كابت الفريق وادارة النادى ، فجاء فى الانباء :
    ( ارسل السيد رئيس الجمهورية وفد رفيع المستوى برئاسة وزير الثقافة الى اسرة الفنانة متمنياً عودة الفنانة الى الساحة الفنية ومواصلة لمسيرتها العامرة بالعطاء )

    قرمة :

    ليس غريب على البشير وزمرته ان يبادروا بحل مشاكل لاعبى الكرة والفنانيين

    ويمتنعون عن المبادرات الوطنية المفضية الى ايقاف النزيف والانهيار الوطنى

    فبنية الوعئ المسيطرة عليهم لاتتجاوز هكذا اهتمامات

    اذا لاخلاص الا بسقاطهم

    ومحاكتهم على ما اقترفته اياديهم الملوثة

  11. أعجبنى الخبر لآنو تأكد لى أن السودان لازال بخير .. لازال هناك الأب السودانى الذى نعرفه وليس ذاك الذى يقاسم ( بناته ) الذى أتين به ليلاُ ! بعض الآباء ينتظر ( الدجاجة) المشوية ولايعرف ماذا دفع ثمناُ لها ! الحقيقة( مرة ) ولكنها الحقيقة !

  12. بصراحـــــــــــــــــــه نحن ما عندنا موضوع ولأ جريدة السودانى مصدر الخبر ،الناس فى شنو ؟؟؟ فنانه ،،،، لأعب ،،، بكره حوادث ،، أستطاعوا الجماعه أن يصرفونا عن همومنا الوطنيه بتلك الفبركات والأخبار الرخيصه ،، أنتبهوا لقضية الوطن والمواطن محمد احمد المغلوب على أمره !!!!!

  13. والله والعظيم اى اب ولا اخ ولا زوج يجعل زوجته فنانه هذا يعتبر ديوس وهو راجل نص كم
    لانو المجتمع الفنى والاعلامى شئ فظيع جدآ والله الرجال حقوا يخافوا عليهم عليكم الله اسال طه وحسين
    شوفى كلامى دا صاح ولا ماصاح لانو هنالك فى ناس خطرين بحبوا اكل الطين والعجين علشان كدا عيونهم ما بتشوف
    ما علينا ربنا يسترنا جميعآ
    وكمان سمعت هنالك بنات بويات اخطر من الرجال ربنا يستر البنات منهن
    لكن عفيت منك يا ابو البيت واكيد ربما تكون فهيمه او افراح او صباح قايتو من مجموعه السر قدور عندما قال انت مصيبه يا……………………………..
    الله يرحم ابوداوؤد الذى كان الحارس الشخصى لكل فنانين الستينيات والسبعينات من ناس المق…
    لكن يارب ناس طه وجماعته من حارسهم من داخل الوسط الفنى ؟؟؟؟؟؟؟؟؟؟؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..