البشير يصل القاهرة للقاء “مرسى”،،وسط تعزيزات أمنية مشددة من قبل قوات الأمن بالمطار
وصل لمطار القاهرة الدولي الرئيس السوداني عمر البشير، والذي كان في استقباله رئيس الوزراء د.هشام قنديل، بدلاً من المستشار محمود مكي مستشار رئيس الجمهورية، والذي كان من المقرر أن يكون في استقباله بدلاً من قنديل.
ووصل البشير على متن طائرته الخاصة، وسط تعزيزات أمنية مشددة من قبل قوات الأمن بالمطار وعدد من الجهات السيادية، قادماً من الخرطوم في زيارة لمصر تستغرق يومين، يلتقي خلالها الرئيس محمد مرسى، لبحث آخر التطورات في المنطقة.
ومن المقرر أن يلتقي الرئيس السوداني مع عدد من المسئولين المصريين، لبحث سبل دعم علاقات التعاون بين مصر والسودان.
ويرافق الرئيس البشير خلال الزيارة وفد رفيع المستوى، يضم وزير رئاسة الجمهورية ووزير الخارجية ومدير جهاز الأمن والمخابرات الوطنى، بجانب وزراء الزراعة والكهرباء والسدود والثروة الحيوانية والصناعة، ومقرر المجلس الأعلى للاستثمار بالسودان.
أخبار اليوم
سجل ,, سجل يا تاريخ اليوم الاحد 16/09/2012 سيحل البشير وزمرته ضيفا علي مصر ويحمل معه عقود تسليم السودان لمصر لتبصم عليها وهذا اليوم هو بدايه النهايه لدوله كان اسمها السودان
وبالمثل هو بداية لتحقيق الحلم المصري القديم المتجدد دائما وابدا وهو عودة السودان للحظيره المصريه
الحلم الذي طالما راود ساسة مصر وكتابها وشعرائها
فلنقل معا للنقراشي باشا وعبدالخالق ثروت وفؤاد سراج الدين نوموا قريري العين في قبوركم لقد تحقق حلمكم وعاد لمصر سودانها
وليعد احمد شوقي صياغة قصيدته
إِلامَ الخُلـفُ بَينَكُـمُ إِلامــا – وَهَذي الضَجَّةُ الكُبرى عَلامـا
وَفيمَ يَكيـدُ بَعضُكُـمُ لِبَعـضٍ – وَتُبدونَ العَـداوَةَ وَالخِصامـا
وَأَينَ الفَوزُ لا مِصرُ اِستَقَـرَّت – عَلى حالٍ وَلا السودانُ دامـا
“قصيدة السودان
لم يعد هناك خلف يا احمد شوقي فاشباه الرجال في السودان قرروا ان يستسلموا لمصر تماما ويفتحوا ابواب السودان للطوفان المصري
ضاع السودان الذي طالما تغنيينا به وبابطاله الذي حاربوا الاستعمار اليريطاني المصري التركي لكي ننعم بالحريه والكرامه
جاء دورك يالطيب مصطفي لكي تذهب لمكتبه الاذاعه وتمحوا كل الاغاني الوطنيه مثل
صه يا كنار ,,اليوم نرفع رايه استقلالنا,,ويا شعبا لهبك ثوريتك,,ويا بلدي يا حبوب وغيرها من روائعنا الحالدات
وستعاد صياغة كتب التاريخ ولن تسمع اجيالنا المقبله ببعانخي وتهراقا والامام المهدي ورابحه الكنانيه ومهيره بت عبود وعيد الفضيل الماظ
والبركه فينا وفيكم
!!!!!!!!
من التشكيل الوزاري المرافق لفخامته يبدوا انها زيارة استثمارية
بس الحقيقة ان المصريين مش حاتطلع منهم بي بصله يا البشير
وجهتك خطا و المصريين حايلعبوا عليك بورقة الجنائية
يعني تتنازل لينا عن اشيا كثيرة و سندعمك
والميه تكضب الغطاس.
ولا أخوك فى الله راضى يستقبلك؟ … دى خوة اللعوت … المابتجيب الناس إلا فى الموت.
ليه ما قابلوا مرسى؟ بالله لو عارفين الإجابة قولوا لى لأنه الواحد مرارته اتفقعت من انبطاح حكومتنا للمصريين
رغم كرهي لهذة الحكومة ولكن أغضبني هذا الاستقبال(الاستهبال)المصري,انا لو مكان الريس اديهم العين الحمرا وافتح كل الملفات المسكوت عنهاوحان الوقت ليعرف هؤلاء المصريين حجمهم الحقيقي.!!!!!!!!!!!!!
الراجل بحب الرقص..المفروض يستقبلوه برقاصة عشرة بلدى ..ودقى يا مزيكة قبل وبعد التنازلات والإنبطاحات المعلن عنها والمخفى
واحد بحكم 23 سنة وزيادة إمرمطو واحد لسه ما كمل سنة أولى ؟ ..برضو نستاهل
انا عارفك يابشكير السجم شليق وما بتسمع الكلام و مرسىى ما كان فى أستقبالك يعنى فيها شنو
لو استقبلتك الراااااااااااااصه فيفى عبده لانه انتو اولاد كار واحد .إذا فيك ذرة من الكرمة كان انت
والمطبلين المعاك رجعتوا من المطار ,رئيس دولة يستقبله رئيس دولة, لكن نقول شنو لانه الفتريته
عمرها ما تبقى رغيف .
ومرسي قاعد يعمل شنو محنن ما يستقبل البشير لو كان بالجد جعلي زي ما بقول كان رجع بطيراتو رئيس ما قعد في السلطة شهرين واكيييد بيكون لسة ما زهج من استقبال الروساء ما جاهو المطار البلد بقت ملطشة وخليت رقبتنا زي السمسمة يا بشبش
حبابك عشرة حللت اهلا ونزلت سهلا حمد الله على سلامه الوصول الى ارض الكنانه
حقيقه اصابتنى الدهشه من عدم حضور الرئيس المصرى محمد مرسى للمطار لاستقبال الرئيس السودانى عمر البشير حتى الاعلام او من حرر الخبر لم يذكر الخبر وهذا مقصود حتى كل واحد يفكر ويستنتج عدم حضور محمد مرسى . اذا كان مرسى موجود عند حضور مرسى ولم يقم باستقبال الرئيس البشير فيجب على وزير الخارجيه بكتابه خطاب واو الظهور باستهجان وعدم قبول هذا الامر من كل الشعب السودانى بغض النظر عن كل شى فان البشير رئيس الدوله والاستخفاف به استخفاف بكل الشعب السودانى الذى اصبح لايتحمل باستهتار وعدم احترام المصريين لنا … عذرا فان اكره كل مصرى بعد هذا الامر حتى يثبت العكس
كسرت عينا يا البشير الله يكسر ضهرك
الشعب السوداني الكريم. تذكرت قول البحتري ( دعوت علي عمرو فمات عمرو و عاشرت اقواما بكيك علي عمرو)
اود ان اقول ان احترام الول لي مهما كان فاجرا واجب و لم يحلقال احترام ولي الامر الصالح منكم
عمر البشير رئيس السودان اختلفنا او اتفقنا حوله و هو جزء من تاريخ السودان…
نحن لسنا انقاذيين و الحمدلله و لكن سودانيون و لا غرو ان يتم معارضة النظام و حتي اسقاطه بالطرق المشروعة و لكن ان يخرج البعض عن القيم و الاداب السودانية بل الاسلامية في السمحة و يكتبوا ما لا يليق بنا شيئ موسف… اذا انتو رجال جد ما تغيرو النظام زي ما حصل في ليبيا و تونس و مصر.. ما خرجتوا كم يوم و قتلوا منكم نفرين و دخلتوا البيوت ومطولين لسانكم…
انا متأكد حيجي واحد تندموا علي عمايلكم و قد ثبت علي مر السنين ان كل ما مشي رئيس بجي واحد اسوأ منه ..شوفوا من الازهري و عبود و الصادق و النميري ..ما بكيتوا علي اي واحد مشي… يا ناس اتقوا الله وقاوموا النظام حتي يسقظ بالطرق المشروعة لو ما عارفين ودوا عدد منكم مصر ليأخذوا تدريب و يرجعوا يعلمونكم كيف الشعب يسقط النظام…كيف الشعب يسقط النظام…
بشكير السجم … بشكير الندم .. بشكير المذلة … فار العرب
.. طيش الافارقة… خائب الرجال ..
الى متى سيمرمطنا هذا الدلاهة؟؟ الى متى سيمسح بنا الارض هذا الذليل الاهبل المنبوذ ؟؟؟ الى متنى سيرتبط اسم السودان بهذا الحقير الوضيع؟ رحم الله المحجوب .. رحم الله عبود .., رحم الله جعفر نميرى ايام كان لرئيس جمهورية السودان قيمةة وصدى عند زيارته لاى دولة!!
بعد وصلوه والوفد المرافق التفت البشير الى احد موظفى المطار مستفسرا عن (دورة المياه) وبعد المرور بعدة حواجز وصل البشير ،، ونسبة لحالة الرهبة والخوف المسيطرة لم يتمكن مع معرفة الطريق المؤدى الى رفاقه من الوفد ونسبة للوجود السودانى الكثييف بداءت حالة الاعياء والرهق تسيطر على ملامحه القميئة فبداء فى التخفى وعند وصوله فقد مرافقيه وكانما ابتلعتهم الارض ، تصبب البشير عرقا واذدادت المخاوف حينما اكتشف اختفاء هاتفه الجوال …. كرر محاولة الرجوع الى دورة المياه وبعد اكثر من عشرين دقيقة وصل وبعد دخوله قام بتغيير ملابسه التى كانت على (شنطة ) صغيرة الحجم ،،
خرج مسرعاً واقف اول عربة اجره
البشير :اذيك يا اخونا
صاحب التاكسى :مرحب باابن النيل
البشير : عاوز امشى مكتب الرئيس مرسى لو سمحت
صاحب التاكسى : ياعمى انت شارب ايه
البشير : يازول بلا شارب ايه بلا كلام فاضى انا قلت ليك ماشى مكتب مرسى يا تودينى يا تقول لى انزل
صاحب التاكسى : ياعمى مرسى مرسى وانا خسران ايه
تعطلت عربة التاكسى فى الطريق
انزعج البشير
يازول نزلنى هنا بركب تاكسى تانى وقول حسابك كم
صاحب التاكسى :ياعم ايه الشفقه دى انتظر لحظة بظبط التاكسى ونروح على طول
البشير : معليش انا مستعجل شديد ورينى حسابك وانا بنزل
بعد ان دفع المبلغ
تحرك فى الشارع كالمجنون
وبلا مقدمات هطلت امطار غزيرة وبداء الارهقاق الشديد يظهر على ملامحه
واستمر بهذه الحاله حتى وصل المكتب الرئاسى
وجده حشود من الدبلماسية السودانية وبعد المرافقين له فى رحلته المنكوبة
فقد صرخ السفير
ياسعادتك : نحن متاسفين شديد لكن لفين المطار شبر شبر مالفيناك
البشير : كدى الكلام ده خلوه لامن نصل
مرسى وينو ؟؟
السفير : مرسى جوة منتظرك
السفير : يا سعادتك خلينا نمشى السفارة تغيير ملابسك دى شايفها اتبللت وبقت ما مناسبة تقابل بيها مرسى
البشير : عليكم الله سيبونى عشان هو زاتو يعرف انا تعبت كيف لامن وصلتو ؟
دخل البشير ولابسه المبلله تتصبب على ارضية المكتب الرئاسى
مرسى : حمد لله يا عمر
البشير : اذيك يا ريس
مرسى : ايه الحصل بالضبط
البشير : والله يامرسى اعتبرو ابتلاء من ربنا سبحانه وتعالى ونحن طبعا ناس متيقنين خالص
انتهى اللقاء بعد يومين
ورجع البشير الى السودان
مثمنا الجهود المصرية
وحسن الاستقبال
متمنياً للحكومة المصرية بمزيدا من التوفيق
قرمة:
البشير وسدنته لايعرفون ابجديات العمل السياسى ولا الدبلوماسية
ويمكن ان يتم التعامل مع كل الوفود الحكومية
باقذر الطرق
فثمة علاقة وطيدة بين قبولك للذلة وانتماءك لمنظومة الكيزان
يا اخوانى حسب العرف الدولى موش مفروض يستقبلو رئيس الجمهورية المضيفة ولا انا غلطانة هسع لو هذا المرسى وصل مطار الخرطوم موش كان البشير هرول لاستقباله وكمان معاهو شوية حشد من ناس الدفاع الشعبى امكن ما استقبلوه عشان اساسى لم توجه له دعوة ولانو فرض نفسو عليهم زلة مهانة ماحصلةعلينا الله يجازى الكان السبب
والله انا زعلت شديد جدآ والله دا انا لوكنت الرئيس والله والله من المطار ارجع انا رئيس مفروض يستقبلني رئيس وهو مرسي قايل نفسوا شنو عشان يرسل رئيس الوزراء كلها ليهو كم شهر في السلطه وعايز يعمل لينا فيها انو رئيس دوله عظمي ولا شنو؟؟؟
تراجع واضح للبشير كرئيس حتى بين حويكم العرب الجديد بمصر والذي لم يمكث 100 يوم للاختبار يلقن البشير درسا في المراسم لو كان جعلي صاح كان رجع من المطار لكن حكومة السودلن في اضعف حالاتها والاخوان في مصر منفتحين على الخليج وتركيا واسرائيل اما فهو خارج حساباتهم فاولى للسودان ان يقف في مجيطه الافريقي
تراجع واضح للبشير كرئيس حتى بين حويكم العرب الجديد بمصر والذي لم يمكث 100 يوم للاختبار يلقن البشير درسا في المراسم لو كان جعلي صاح كان رجع من المطار لكن حكومة السودلن في اضعف حالاتها والاخوان في مصر منفتحين على الخليج وتركيا واسرائيل اما فهو خارج حساباتهم فاولى للسودان ان يقف في مجيطه الافريقي
ده الريس رايح يستثمر في مصر الجديدة كل الاموال المنهوبة من الشعب الفضل في بناء القصور والمنتجعات الفخمة والاستثمارات السياحية خصوصا وان الجماعة اتجهوا باموالهم الي مصر علي شان قربت تقع علي الراس في الخرطوم وخلاص كده كده هي خربانة في الخرطوم ولو ما وقعوا بالتظاهرات بيقعوا بالاقتصاد والفساد الاداري احسن من بدري يشوفوا طريقة للاموال الضخمة بتاعتهم وهو الجماعة في مصر من ملتهم ويبقوا امنين عند التسويات علي التخلي عن الحكومة او السقوط في الانتخابات القادمة ان كانت نزيهة ……..
بس الريس مفروض ياخد المدام لانها برضوا عندها اموال ممكن تنفع وكده؟؟؟
I think the Americam and Musey are up to something. Mursey is trying to distance himself from Albashir who is clearly not welcome in Egypt, I am not surprised that he did not make a U turn and returned back to the Sudan since he does not have any respect for himself, every day he will see that people are avoiding him as if he is someone who is suffering from a serious disease
العايز يعرف كيف كان يستقبل رؤساء السودان زمان في دول عظمي مش دول اي كلام يشوف الرابط ده ويتحسر علي الزمن الخله واحد زي البشير يحكم السودان
http://www.youtube.com/watch?v=oWO7QU6G7p0
?رفع كراعك يا البشكير
اليوم ننزل راية إستقلالنا
و يسطر التاريخ مولد إستعمارنا
يا إخوتي أبكوا لنا أبكوا لنا
اليوم نحرق راية إستقلالنا
و ليذكر التاريخ أن البشير و صحبه
باعوا العباد و البلاد لشمالنا
هجليج تحدث عن رجال كالصبايا المائعة
تركوا السلاح خلفهم و العتاد صوب الشمال
و الباقي تمو أنتم؟؟؟؟
مكرهننا أسد إفريقيا اسد افريقيا الليلة طلع ورل افريقيا
الرئيس مرسي ما استقبل الرئيس عشان ما يزعل الامريكان
اي زول بلعب لصالح ورقه.
ما ظريفة رئيس منتخب بصورة ديمغراطية يقابل رئيس مطلوب لدى العدل الدولية متكيش كدة يا اخونا
كما قال شبونة ايها اللص الغبى الزول دا جربان يا اخوانا انسوهو ما تسووا ليهو قيمة ماعندوا قيمة
تستاهل يا البشير الحقاره – تابعتا الصحف المصريه الاليكترونيه الصادره و المتجدده في بث اخبار مصرخلال هذا اليوم الاحد 16 سبتمبر – فلم اجد عبرهم ما يشير الى وصول البشير او الى اتقاء الرئيس مرسي مع ممرمط سمعتنا رئيسنا المطأطي راسه زل و مهانه و رهبه
تستاهل يا خايب أفريقيا الباطل. إن شاء الله مرسي يلحسك جزمتو يا خيبان. ماشي تتدهنس و لا في شنو تاني ممكن تقدمو لأسيادك يا عرة السودان و فار أفريقا القذر؟؟
ههههههههههههههههه عافي منك يامرسي فعلا انتا من الشعب .. اي رئيس بعدا لازم يعرف مقاسو
سؤال برئ جدا جدا : كيف يمكن ان تستقبل حكومة الانقاذ السيد مرسي اذا زار السودان ؟ هل يا تري ستجرؤ حكومة البشير علي تكليف مصطفي عثمان مثلا باستقباله؟ هل ترون معي الي اي حد وصل الاستخفاف بهذا (التيس) حتي من كيزان مصر؟
واللة الريس مرسي كان يرسل لية بتاع الامن بس يكفي لانو دة رئيس منتحك لحققوق شعبة ولريس مرسي اتي من عمق هذا الشعب المصري
والمفروض مرسيما يدية تاشيرة دخول لانو لا يصح الا الصحيح
بغض النظر عن كراهتى للبشير لكن هذا يعتبر استفزاز واستخفاف لكل الشعب السودانى
ويا ناس يا شعب السودان الطيب الخلوق هذه اهانه لكل ابناء الوطن الشرفاء
والمصريين جاريين وراء مصالحهم ولا شفع فيهم ال 5000عجل
فلنجعل من هذه الفرصه تجمع فكرى ونطالب بعودة حلايب الى حضن الوطن وبكل السبل !
” وصول البشير ” اسدافريقيا طبعا علشان الحبايب ما يزعلوش حسب الاصول الاعلامية والدلاليكية الانقاذية ” الى مطار القاهرة وسط “تعزيزات أمنية مشددة”كما جاء به سفر الاحبار “والله بصراحة ذكرتنى اختى زمان كان سايقنها يزوروها النيل(البحر) ومربطين كرعيها وكانت تمشى خطوة خطوة بصعوبة بالغة وتتالم وسط تشجيع النساوين والبنات المحيطين بها بمصاحبة الاغانى والدلوكة ,واستغربت (وكنت صغيرا)ليه اختى الوحيدة تتالم وتبكى بالرغم من ان الحفلة مقامه علشانها,والجميع فرحين؟؟؟؟؟؟؟؟؟(الف سؤال و سؤال طراء حينها فى ذهنى ولم اجد له اجابة الا بعد ان انقضت اعواما وازمانا(وصرت بعلا لاحدى الفتيات صورة طبق الاصل حسب المواصفات والمقاييس المتطلبه لمجتمعنا آنذاك ) وفى الليله ديك ” يرحمك الله يا زيدان ابراهيم ” ما هان على ,,على,, ولا هان عليك ,شلت الجراح ….بس الحمدلله كان جمبى صلاح ود البادية اتذكرته كلامو فى الغناء(بان,,,الليله بان,,,والانكتب على جبينا اللية بان ,,فات الاوان ..لكن مع فارق الايقاعات والاغانى السابقة والحاليةوجدت نفسى مضطرا لسؤال كبارى لاجد اجابة للسؤال الذى عشعش فى ذهنى دون اجابة طول هذا الزمان لماذا كانت تبكى اختى ؟؟وحينها اتتنى الاجابات من كل صوب وحدب دون اختشاء للسؤال الذى اصبح مباح والاجابات التى تمنحك اكثر من خيار (((اتدرون لماذا؟؟الاجابة هنا متروكة لفطنتكم العلميه )))ولكننى علمت اخيرا بان اختى كانت تبكى بسبب الطهارة (الفرعونية)تالمها وتفرح الاخرين .فهل تجد اخى القارئ فروقا جوهرية بين اختى ورئيسى الاسد عمر البشير ؟؟ام هناك طباق ؟ اوجناس ناقص ؟؟
افصح..اوضح..ابن ..فلكل مجتهد نصيب …فلو اصبت فلك اجران ولو اخطأت ……………..فيا….)
(((((( بعد ده انا كضاب ؟؟))))))
امير قطر الذي جاءهم بالمليارات من الدولارات و اودعها فى البنك المركزي لدعم الاقتصاد المصري لم يستقبل فى المطار..لكن فليعلم المصريين حكومة و شعبا انهم لو ذهبوا شرقا او غربا لا يجدون من العرب من يحبهم و يقدرهم مثل السودانيين,و للحفاظ على هذه المحبة فليعاملوا السودانيين بكرامة..السوداني يحتمل جوع عام و لا ذلة لحظة..اما عن علاقة مصر بدول الخليج ,فالتصريحات التي تظهر هنا و هناك تفني عن الاجابة,وما تصريحات ضاحي خلفان رئيس شرطة دبي ببعيدة عن الاذهان:http://www.manaar.com/vb/showthread.php?p=101446
يا جماعه الاهانه التي قوبل بها البشير في القاهره ليست اهانه للشعب السوداني لانو البشير زول مغتصب للسلطه ومزور للانتخابات زيو وزي حسني مبارك وفوق ذلك زول كضاب وسارق لاموال الشعب فكيف لرئيس منتخب انتخاب مباشر من قبل الشعب بعد ثوره شعبيه دامت لاكثر من شهر ان يستقبل مثل هذا الرجل؟ اعتقد ان البشير يستحق هذه الاهانه ويجب ان نعتبرها اهانه شخصيه له فقط لانه يسحقها وانا شخصيا اعتبر هذا درس مجاني لنا في السودان في الفهم والادراك واذا اردنا ان نستعيد كرامتنا يجب ان نمحوا هذا النظام من الوجود وان نستعيد حلايب والفشقه واي ارض سودانيه اخري باعها البشير.
بالعكس يا جماعة, انو اهانة البشير في القاهره ليست اهاته للشعب السوداني انما احتقار له هو فقط لانو زول كضاب ومزور للانتخابت وقبل ذلك سارق للسلطه المنتخبه من قبل الشعب وسارق لمال الشعب فكيف يستحق هذا اللص الكذاب احترام رئيس دوله منتخب انتخابا حرا بعد هبه ثوريه دامت لاكثر من شهر. اعتقد بان الرئيس كان ليهو الحق في تصرفو ده وحصه مجانيه للشعب السوداني في الفهم والادراك.
كيف يقبل هذا اهانة السودان ….المفروض كان يرجع طوالي …..والله دي اهانة للسودان ولكل السودانيين
نحن السودانيين لماذا نقبل بمثل هذه التصرفات ولماذا نظرة الدونية دائماً نحونا اذكر اخر زيارات الرئيس نميري عندما وصل فرنسا استقبله في المطار وزير الزراعة الفرنسي والناس تتحدث بان هذا التجاهل يخص البشير ولكني اعتقد بان هذا الكلان خطأ لان زيارة البشير ليست بالزيارة الشخصية وانما زيارة رسمية وفي معيته وفد رفيع المستوى لهذا انا اعتبر ان هذا التصرف من الرئيس المصري ( حقارة) والبشير اذا كان شخص عير مرغوب فيه هو ايضاً رمزاً للسيادة طالما هو لا يزال رئيساً للسودان والشي الحصل ده يا جماعة ( حقارة) لينا كل السودانين.
يا أخوانا هو النحن فارضين نفسنا / هدايا سيارات , أراضى , مواشى , لحوم ,و حلايب و …….. الخ ونحن الطلبنا الزيارة وليست مصر هلشان كدى بمرمطو فينا ونحن فرحانين وحريات اربعة برضو يا ريس / والله أحسن لنا الجنوبيين على الأقل أخوانا من أول وكمان أحسن لنا الاثيوبيين أهو شكلنا وحتى غنانا وموسيقانا زيهم . نستاهل والله يا مصطفى اسماعيل !
الشعب السوداني الكريم.
عدم حضور الرئيس المصرى محمد مرسى للمطار لاستقبال الرئيس السودانى عمر البشير و بغض النظر عن كل شى فان البشير رئيس الدوله والاستخفاف به استخفاف بكل الشعب السودانى وعدم احترام المصريين لنا … عمر البشير رئيس السودان اختلفنا او اتفقنا حوله رئيس دولة يستقبله رئيس دولة,PROTOCOL…..والله دي اهانة للسودان ولكل السودانيين
مفروض يستقبلو رئيس الجمهورية رحم الله جعفر نميرى كان رجع بطيراتو .
المصريين لوما شافوها شينة كان خلوك تركب الترماج براك وتنزل فى اى حته ” يا بن النيل ايه اللجابك
الحته دى؟؟