البشير : سنحل مشكلة خط السكة حديد الضيق في السودان لربطه بمصر..وجود إسرائيل في الجنوب الهدف منه إضعاف السودان العمق القوي لمصر
أكد الرئيس السوداني، عمر البشير، أنه بعد شهرين من الآن سيكون هناك 3 طرق أساسية (أسفلتية) للربط بين مصر والسودان، من أجل تسهيل حركة البضائع والمواطنين، وهي: طريق ساحل البحر الأحمر وهذا مكتمل تمامًا، وطريق شرق النيل وهذا ينتظر قيام المباني الإدارية، وطريق غرب النيل والذي سيكون مكتملًا خلال شهرين.
وأشار الرئيس السودني – خلال مقابلة في برنامج ‘اتجاهات’ بالقناة الأولى بالتلفزيون المصري – إلى أن هناك تخطيطًا لربط السكك الحديدية مع مصر، منوها في الوقت ذاته إلى المشكلة التي وضعها الإنجليز عند تصميم خط السكك الحديدية، وهي أن خط السكك الحديدية في مصر واسع وفي الخرطوم ضيق، وبه منحنيات بحيث لا تتلاقى مصر مع السودان، وذلك حتى لا يتم التواصل بين البلدين، مؤكدًا أن الجانب السوداني سيقوم بالعمل على حل تلك المشكلة، وبالنسبة للطرق النهرية هناك عوائق الشلالات.
ولفت الرئيس السوداني أنه بانتهاء هذه المشروعات سيكون هناك العديد من المشروعات الإستثمارية بين البلدين وخاصة في مجال الزراعة، وقال: ‘إنه ومن منطلق استشعارنا بأهمية الشراكة مع مصر، قمنا بتوقيع اتفاقيات الحريات الأربع، وتشمل حركة المواطنين، والإقامة، والتملك، والعمل؛ لأنها تزيل العقبات أمام القطاع الخاص بالأخص’.
وفي رده على سؤال بأن هناك تخوفًا من أن ينفصل دارفور مثل جنوب السودان، ويصبح السودان مقسمًا إلى ثلاث مناطق، أجاب الرئيس السوداني عمر البشير أنه من المخطط للسودان أن يتم تقسيمه إلى خمس مناطق، مؤكدًا أن الوضع في دارفور يختلف عن جنوب السودان.
وحول الوضع بالنسبة لدولة جنوب السودان وهي دولة وليدة، وعن سعيها إلى إقامة علاقات مع الغرب ومع إسرائيل، وما إذا كانت هذه العلاقات تثير مخاوف بالنسبة للسودان، أوضح الرئيس البشير أن واحدة من أهداف إسرائيل هو إضعاف الدول العربية، لكن بعد التحول الذي حدث في شمال أفريقيا فإن إسرائيل أصبحت أكثر قلقًا، فالسودان هي العمق الاستراتيجي لمصر، كذلك بالنسبة إلى ليبيا، فمصر هي الدولة الرئيسية في مواجهة إسرائيل، وإضعاف مصر يعني إضعاف العمق بالنسبة لها، ووجود إسرائيل في الجنوب ليس الهدف منه الدعم، لكن الهدف منه تسخير دولة الجنوب لإشغال السودان وإضعافه حتى لا يكون العمق القوي لمصر.
وحول قضية مياه النيل، والأوضاع في الجنوب، واحتمالية أن يكون لها تأثير خاصة مع وجود قوى متعددة في الجنوب خاصة إسرائيل، أجاب الرئيس السوداني أنه سيتم تقاسم حصة السودان من المياه مع الجنوب، كما أن إمكانية أن تستغل دول حوض النيل المياه للزراعة محدودة جدًا ولا تؤثر على موارد النيل، وهناك العديد من المشروعات التي يمكن أن تقام، وتزيد من إيرادات مياه النيل من الجزء الجنوبي موجودة في هذه المنطقة مثل قناة (جونجلى) بمقدار 8 مليارات متر مكعب، وقطعًا وجود إسرائيل في الجنوب يمكن أن يؤثر على هذه المشروعات، والمطالبة بأن يكون لكل دول حوض النيل حصص سيعود بالنفع على إسرائيل، مؤكدًا في الوقت نفسه بـ’أننا لا نقبل بأن تخرج مياه النيل خارج الحوض’.
مصراوي
طيب ياشؤم السودان مادام عارف انو “المخطط” هو لتقسيم البلاد الى خمسه دويلات ولحدي هسي شفنا اول واحد انتا قاعد تتفرج على شنو؟؟ مش انت اكتشفت انو المخطط تقسيم البلد الانتا رئيسها الى خمسة؟مش ده كلامك؟؟ عملت وناوي تعمل شنو؟؟ تتفرج يا تعيس ياخايب الرجاء؟؟ كلام اسحق فضل الله الموهوم مؤثر فيك للدرجة دي ؟؟ طيب اقتراحاتك شنو؟ برنامج عملك شنو؟؟؟ الزول ده ناسي انو رئيس الجمهوريه ولا شنو؟
بعدين حكاية انك تحل مشكلة السكة حديد وتوسعها عشان تربطها مع مصر دي احلام زلؤوط لأي زول بيصدق كلامك مش لانو الموضوع مستحيل لكن لانو ما انت الراجل العندو فكر واراده وامكانية انو يعمل كده، عديييييييل ياخوي لا انت لا ناسك ح تقدرو تحلو مشكلة السكة حديد لانو ماعندكم افكار ولا عندكم قروش ولاعندكم دخل قومي ولاعندكم علاقات دولية طيبة فاصحى ياساهي واعرف انت بتقول في شنو؟؟ بعدين الجنوب البقى فيهو اسرائيل ده الساعد منو انو يبقى كده؟؟ منو الخلا المسافه بين حدود السودان واسرائيل اقل من نصف ماكانت؟؟ مش انت وخالك الله لاكسبكم؟؟
بعدين والله انا بتحسر ، منو القال ليك رجال الاعمال السودانيين لو فتحتو ليهم المجال وخليتوهم يشمو نفس مابقدرو يمدو مصر والدول العربية كلها باحتياجاتها من الخضروات وخلافه؟؟ بدل ماتوزعوها شويه للمصريين وشويه لشركة المراعي السعودية وكمان في شركة ايطالية داخله في الخط والاردنيين من زماااااان ادوهم ارض ياخي انتو ليه مفتكرين الشعب ده فشله زيكم كدة؟؟ منو المعجز الشعب ما انتو وسياساتكم؟؟ قاعدين تقسمو في البلد زي كيمان المرارة
هسي بالله رجال الاعمال السودانيين والاسر المالية المعروفه في السودان الانتو ضايقتوها وفلستو بي جزو منها قالو ليكم مابنقدر نوفر احتياجات دول الجوار كلها من لحوم وخضروات وبرسيم؟؟ ولا فالحين تفتحو تصدير اللحوم لمصر للسيد صلاح قوش وبالطيارات كمان؟ فاكرين الشعب ماعارف انو صلاح قوش عشان تسكتوهو بعد الشاكوش الاخدو وعشان يواصل في نهب البلد اديتوهو صادر اللحوم لمصر يا حكومة يا رشيدة انتي
اقسم بالله انتو الزول يقول فيكم شنو زاتو ماعارف؟؟
( فالسودان هي العمق الاستراتيجي لمصر، كذلك بالنسبة إلى ليبيا، فمصر هي الدولة الرئيسية في مواجهة إسرائيل، وإضعاف مصر يعني إضعاف العمق بالنسبة لها، ووجود إسرائيل في الجنوب ليس الهدف منه الدعم، لكن الهدف منه تسخير دولة الجنوب لإشغال السودان وإضعافه حتى لا يكون العمق القوي لمصر.)
يا جماع عشان انا من الجنوب …. اليومين دول واحد بقى ما بتكلم عربى كتير ….. الزول البتكلم دا رئيس دولة السودان الكانت مليون ميل ومصر ساعدت الانجليز فى استعمارها قبل كدا….. ولا الكلام اصلا من رئيس مصر؟ ….. اصلا انا ما عايز اظلم حد ….. وخاصة اخوانى ديلك السمو البشير اسد افريقيا ……. وكمان زى ما قلت ليكم ….. راسنا اتلخبطت….. بقت فيها كم لغة كدا.
ومصر دا …. موش ياها نفس الدولة الكانت فيها علم اسرائيل يرفرف فى اعلى عمارة على النيل الخالد دا ولا كيف؟
اول حاجه يا اهل الراكوبه كالعاده ابدعتو فى الصوره المرافقه للخبر وعندى احساس انو سلفاكير وباقان لمن يقرو الخبر ده برضو حا يضحكو على البشير من تملقو للمصريين اليومين ديل.
أنت يا عمر البشير خلاص كرتك اتحرق كل الشعب كان يحبك وكان يدافع عنك وعندما قامت المحكمه الدوليه كل الشعب استنكر لهذه المحكمه وكلنا تفاعلنا معك لاننا كنا نعتبرك ابن السودان البار وكنا نعتبرك رجل الانقاذ حقآ وكنا نعتبرك رمزآ للتنميه والعداله والشفافيه والنهضه الشامله !!
لكن خيبت ظننا فيك يا عمر البشير صرت اضحوكت العرب والعالم ظلمت الناس ظلم شديد بعت كل موارد البلاد بحجج الاستثمار والرخى والتنميه حتى اعرق خط طيران فى العالم لدول افريقيا والشرق الاوسط بعته
اعرق بيت للسودانين بلندن بعته كل مؤسسات القطاع العام من سكه حديد وطيران ونقل نهرى بعتها البنوك بعتها كل اراضى الغلابه على ضفاف الانهار بعتها ظهرت شركات ومخططات وهميه باسماء وهميه لكنها للنخب المؤتمر الوطنى
الاوقاف فى عهدك بعتها فى عهدك اغترب كل الشعب السودانى فى عهدك انتشرت الجريمه والمحسوبيه والقبليه والجهويه اصبح المواطن لا يقول انا سودانى انما يقول قبيلتى كذا جعلت السلاح بين كل قبائل السودان
من غير دراسه عميقه وتفحيص واتقان فصلت جنوب السودان من غير دراسه وفائده للمواطن السودانى قلت الحريات الاربعه من غير ما تدرس ايش فائده الحريات الاربعه ومن المستفيد منها جعلتها واقعآ على الشعب السودانى الذى صار فى كل دول العالم غير مرغوب فيه والسبب انت وحاشيتك
اتدرى لماذا مصر تريد الحريات الاربعه للشعبها لكى ترسل لك البلطجيه والحراميه والنصابين والقتله
اسمعت بتاجر الذهب الذى قتله بمتجره ومن القاتل مصرى اسمعت بتاجر الذهب الذى ضرب باله حاده من واحد مصرى ثم فر هاربآ
يا عمر البشير نصب واحتيال المصريين لا تحص فى سطور
هل يعقل محامى مصرى يعمل بالسودان ويفتح مكتب للزواج المتعه
اسمعت بالمصريين الذين يهربون الناس من السودان والدول المجاوره الى اسرائيل وليبيا
اسمعت بكل طرق النصب والاحتيال التى اظهرها كبار البلطجيه من المصريين بالخرطوم حيث صاروا هم اصحاب البلد ونحن القرباء
انت فاشل وكل المعك فاشلين بعت كل السودان كل اعضائك بالحكومه فاشلين وحراميه وصرت انت حامى الحراميه
كيف يعقل يا عمر البشير ان يكون مثل المتعافى وزيرآ وله خمسمائه شركه
وكمان كيف يصير مامون حميده وزيرآ للصحه وهو لها استثمارات طبيه واكاديميه
كيف يا عنر البشير تسكت على فساد الشرطه وفساد المحليات والحكام
كيف يا عمر البشير لا تحاسب كل المفسدين علنآ وكشف كل الاعيبهم
يا عمر البشير انت تجرى على مصر ومصر لا تجرى خلفك انما المصريين بعملوا كل شئ لصالحهم بعملوا كل شئ بدراسه وتأنى
هل ناقشت حلايب يا عمر البشير ؟؟؟؟
تعرف كل الدلائل تشير على انا الطريق البرى فى صالح مصر اكثر من السودان هل تعرف انا المكاتب والمدن التى انشئيت على الطريق توضح انها مخطط للضمها الى مصر
خلاص يات عمر البشير الشعب لا يريدك ولا يرغبك انما اصبح يكرهك اصبح لا يطيقك ولا تنزل من حلقه
اصبحت الغصه تطعن فى الحلق اصبح الحلو والكان حلو اصبح مر وعلقم بسببك
مهما تعمل لن يغفر لك الشعب ومهما تقول حديثك زى كلام الطير فى الباقير
صبرآ يا عمر البشير انت وحكومتك ورجالك كلهم مصيركم النار مصيركم نار جهنم مصيركم عذابين عذاب الدنيا والاخره
هل فهمتم شيئاً ؟؟ أشك أن تكون الأجوبة قد اعدت بمشورة المستشار الصحفي لسيادة المشير. ( و في الحمى عدد الكواكب من مشير).
Darfurians …better take what this luntaic omer Albasheer saying very serious .the crazy man is planning for another genocide.Nuba mountians and Blue nile have made up their mind ..no peace with omer albasheer…the man is lucifar…means devil…the Egyptians are now laughing at sudan because of this stupid omer ..
you did not tell what type of train ..express or chau chau train.
GAGA GUGU this childish talk….
من الواجب شكر المستعمر البريطاني لانه كان اكثر رافه علينا من البشير ، فاذا كانت السكه حديد مربوطه بمصر لكان السودان اشبه ما يكون بالمخزن المصري و لكان المصريين هم الاغلبيه في السودان التابع للاراده المصريه ، و هذا من فضل الله و رحمته علينا ان سخر لنا المستعمر لجعل الخط السوداني ضيق و هذا يدل علي ان المستعمر البريطاني تفهم نفسيه الانسان السوداني الكريم و الطيب الذي لا يطمع في شيء ليس ملكه عكس الشخصه المصريه المتعاليه و المتوهمه و مدعيه التحضر ، انانيه التفكير و التصرف و لو لا المستعمر لكان السودان اقطاعيه مصريه تسبح بحمد الفرعون في العشي و الابكار ، و لكن ها هو البشير يطمح لاعاده الاحتلال المصري الجشع لكي يتهجم علي ثرواتنا الزراعيه و المائيه و الطبيعيه ، فالبشير الخائن يريد ان يكون السودان هذا البلد الكبير و الغني بالثروات تابعا و قزما و مستعبدا و مجرد (عمقا استراتيجيا) لمصر ، يحارب لها دول حوض النيل و اسرائيل التي لها معها علاقات متميزه بل و كان مبارك يوصف بالكنز الاستراتيجي لاسرائيل ، و نحن فقط من نعاني من اجل مصر و فلسطين و لبنان وكل الدول العربيه مع اننا لا نعتبر دوله عربيه فلماذ نضحي من اجل شعب اناني و قوميه متشاكسه و دمويه لا رؤيه و لا هدف لها و لا مكان لنا فيها . و كما ذكرت سابقا بان البشير عندما يزور احد الدول العربيه يخلع قناع الاسد و القوه (اسد العرب ) و يرتدي بدلا عنه جلباب ( عصمان ) البواب الجاهل الغبي الذي يتمني ان يجود عليه سيده بالفتات و تراه منهزما يتلذذ في كل اهانه حتي اصبح مقتنعا بان هذا السيد ( المصري ) هو انسان ( كامل ) في كل شيء و اصبح واجبا علي ( عصمان ) الحقير الطاعه ، فالبشير الراقص نسي تماما و هو يرقص هذه الرقصه الاباحيه بان مصر تحتل ارضنا ( حلايب ) و لم يتجرا و لو في ذكرها في سياق الحديث في جمله عابره و لو حتي تلميحا و لم يكتفي بهذا ( الانبراش ) بل اراد ان يقول بانه خادم مطيع سيفتح لكم هذه المزرعه ( السودان ) و لتفعلوا ما تريدون و لكم الحريه ( الحريات الاربعه ) و لكل مجتهد ( مصري ) نصيب في هذه المزرعه (السودان ) . اما الشعب السوداني الذي يواجه خطر التقسيم ل (5) دول كما ذكر الراقص بنفسه فيكفيه ( الكبابي و الحلل و الراقصات ) و لندعه وحده ليواجه المشاكل الكثيره من فقر و جهل و مرض و تهميش و عنصريه و انقسامات افقيه و راسيه و اخطار امنيه و مخططات شيطانيه و مع كل هذه المشاكل مازال الشعب السوداني يقاوم وهو منهك بحروب البشير الدينيه و العنصريه و الظلم الفادح الذي يعاني منه و زاد عليه تجبر هذا النظام العنصري الظلامي بانتهاك و قمع اي محاوله و لو كانت تبدو صغيره و بائسه في نظر النظام و لكن كتاحه شذاذ الافاق اجبرت الفئران ( نافع )علي التخفي بين شقوق النظام المتهالك خوفا من (الشماسه )حتي كاد النظام ان يلحس كوعه و لولا ( الرباطه ) و (المجاهدين الحقيقيين ) لكان البشير مدفونا في الصحراء مثل الطاووس القذافي ينهش الدود في جسده في الارض و تتاكله النار في السماء . الم يحن الوقت يا اخواني لوقف (عصمان) هذا المجرم الفاشي و تحريد ارادتنا من كل قيود الظلام و تقبيل الايادي توهما في قداسه زائفه(المهدي و الميرغني ) او في فكر مريض (الترابي ) او في عصبيه و عنصريه مدمره ( الطيب مصطفي ) ،
خاف علي نفسك يا بشير واسرائيل لو دايره تزيلك بصاروخ وانت نايم, ومصر ما تخاف عليها, الناس ديل علم اسرئيل برفرف في سماهم وبصدروا عماله مصرية لاسرائيل وكمان الغاز المصري لعلمك.الله ينعلك وينعل ابوا اليوم الولدوك فيه, انت جد خلين وعميل حقير.
المخطط تقسيم السودان إلى خمس مناطق، ؟؟؟؟؟؟؟؟؟
يعنى البشير مشارك فى هذا المخطط
بصراحة نحنا كسللاااااااااااااااااااااانين وما بنحب العمل .ارض حدادي مدادي قاعدة ساكت لا وايه الموية جنبها .نوديها وي ن حلايب ونوديها وين الفشقة ..خلو ناس الشغل يستفيدو منها .
البلابل الفى الصورة ديل ما كتلن الضحك … من كذب الكيزان المتواصل ده.
السودان هو العمق الاستراتيجى لمصر ،معقوله بس رئيس يوصف بلدو وشعبو بالشكل ده.
البشير وخالو عندهم عقده اسمها مصر والعروبه ومدام اصلو المخطط تقسيم السودان لخمس دول وبعد نجاح خروج الدوله الاولى جمهورية جنوب السودان وسيتبعه الجمهوريات الثلاث الاخرى وهى جمهورية غرب السودان وجمهورية شرق السودان وجمهورية شمال السودان وسيحتفظ وسط السودان باسم جمهورية السودان.
اقترح على البشير والخال ضم جمهورية شمال السودان من شندى لحلفا لجمهورية مصر (العربيه) بس خوفى بعد سنه واحده بس تطالبو بالانفصال من مصر لانكم حاتكونو مهمشين وما لاقين وظائف واخوانكم فى شمال الوادى ظالمنكم فى السلطه والثروه وماسكين كل الوزارات السياديه وخلو ليكم بس وزارات الرياضه والثروه الحيوانيه والسياحه وهلم وزاره ترضويه.
وخوفى تجو راجعين لجمهورية السودان تطلبو المسانده عشان تنفصلو تانى من مصر وصدقنى يا البشير حا نساعدك انت وخالك عارف ليه؟ لاننا بنحب الشمال وناس الشمال ولانهم اقرب لينا من مصر ولانهم بشبهونا ولانو الشمال ارض الجود والكرم انجبت اخيار كثر يكرهون الظلم ولان الكثير منهم بل اغلبهم ليست فيهم جاهليتك وخالك جاهلية القرن العشرين فدعوها انها نتنه.
بدا البشير في تنفيذ مخطط العقوبات الاربعة على الشعب السوداني وتسخير كل ما تطمع فيه مصر لان المستفيد الاول هي مصر والخاسر الاول والاخير هو الشعب السوداني باعتراف البسير باهمية تامين العمق المصري وافتراءه المطلق للمواطن السوداني الله ينتقم منك بقدر ما ازليت واهنت هذا الشعب
الزوووول ده طالما مصر على أن السودان الآن فى أحسن حالاته فى أخر تضريح له معناها مرحلة الغيبوبة عندو متأخرة جدا وشبكتو كان جابو ليها كيبلات الدنيا دى كلها مابتجمع تانى ممكن أقول أى حاجة !!!!!!
إقتراح ياإدارة الراكوبة بعد التحية …الصورة دى خلوها مادة ثابتةوماركة مسجلة فى أى تصريح
لهذا الرئيس ……
كفاية
كفاية
كفاية
دلوكة بس
حتى لا ينطبق علينا بيت الشعر القائل: نصحت قومى بمنعرج اللوى فلم يستبينوا نصحى إلا ضحى الغد على الشعب السودانى أن يكون أى آلية او جمعية أو أى حاجة لحماية ما تبقى من السكك الحديدية شايف الكلام عنها كتر اليومين من مكاوى والبشير أرجو الآ أكون فى غيبوبه لأكتشف أنه اصلا لم يبقى شئ من المدعوه السكك الحديدية
طريق الانقاذ الغربي كم سنة ما قدروا يتمهو يجو يعملو طربقان لمصر نحن حنعمل في مصر شنو
غير ترسل لينا البلاستيك
هههههههه شر البلية مايضحك وينو سكة حديد الضيق لتوسيعه يا راجل أختشى على دمك لو كان عندك دم السكة فى كل العالم الخط واحد الا الترماى خطه ضيق حسب مقاس القطار أنت خليت سكة حديد ما كلها تم تدميره بإصرار وترصد ضد ممتلكات الشعب وأين رأس المال لإعادة حياة السكة الحديد أحلام زلوط يا متخلف وتربط مع مصر ليه يعنى ونحن أحسن لنا تربطه مع أديس من المصرين يجونا بالقطار كمان أيها الجبان المنبطح لأسيادك المصرين المغتصبين الارض أفتح خشمك عن المطالبة بحلايب لاعن خط قطار الى مصر والله ده يوم أسود على السودان وشعبه فى شهر رمضان المبارك المصرين يفتحو كل دور العجزة فى مصر وتسفيرهم بالبواخر الى مكة ومكوث كل شهر رمضان فى بيت الله بمضايقة المسلمين بالشحتة أحسن نشوف جنسية تانية نتخارج من البلد قبل ما نشوف العجب فى بلدنا مع الغزاة الجدد أولاد بامبة . الله يرضى عليك ياالبشير غور أترك الحكم وأذهب الى لاهاى خيرا لك ولنا من الذل الدخلتنا فيه يا البشير العوير الله يخلعك اليوم قبل الغد أمين ..
(.. منوها في الوقت ذاته إلى المشكلة التي وضعها الإنجليز عند تصميم خط السكك الحديدية، وهي أن خط السكك الحديدية في مصر واسع وفي الخرطوم ضيق، وبه منحنيات بحيث لا تتلاقى مصر مع السودان، وذلك حتى لا يتم التواصل بين البلدين..))
كيف لمثل هذا الغباء ان يحكمنا ربع قرن من الزمان ؟؟
ام العيب فينا نحن !!!
أخخخخخخخخخخخ
“…وأشار الرئيس السودني – خلال مقابلة في برنامج ‘اتجاهات’ بالقناة الأولى بالتلفزيون المصري – إلى أن هناك تخطيطًا لربط السكك الحديدية مع مصر، منوها في الوقت ذاته إلى المشكلة التي وضعها الإنجليز عند تصميم خط السكك الحديدية، وهي أن خط السكك الحديدية في مصر واسع وفي الخرطوم ضيق، وبه منحنيات بحيث لا تتلاقى مصر مع السودان، وذلك حتى لا يتم التواصل بين البلدين، مؤكدًا أن الجانب السوداني سيقوم بالعمل على حل تلك المشكلة…” !!!
يا ود يا باشمهندس، يا عبد الرحيم محمد حسين!!!!
يعني ايه (عمق استراتيجي لمصر) يا جماعة وليه لمصربالذات ؟؟؟ ما اسرائيل قاعدة في مصر قبل البشير يجي الحكم؟؟؟؟
وليه ما هم يحلو مشكلة السكة حديد دا ؟؟؟ ما نحنا وقعنا على الحريات الاربعة وهم لا !! والمستفيدين هم اكتر و بيجوا للسودان عشان الزراعة اكتر و الخيرات حتمشي ليه اكتر!!!! و نحنا قاعدين في واطاتنا بس بنمشي مصر للعلاج و نرجع لانو قروش للفسح مافي !؟!؟!؟!
نحنا عشان سواد عيون مصر لازم نديهم اي حاجة قبل ما هم يطلوبها
بس مصر تاشر و نحن ننفذ على طول ، او من غير ما تاشر و تقول ماهو العب بعرف كيف يريح سيدو بدون سؤال !!!!! حاجة تقرف !!!
يا جماعة نحنا مصر دي بس جارين ليها و نديها من غير حاجه؟؟؟؟ اي والله شهامة و كرم سوداني علي الطلاق سااااااااااااكتكدا ولا شنو؟؟؟؟؟
السودان دا بلد مستغل حر ما تبيع لمصر ما شافع صغير بيتبع اخوه الكبير ما تذلونا بتصريحاتكم دي الما موزونة سيدي سيدي سيدي ؟!؟!؟!؟!؟!؟!
في ذمتكم ماشايفين عبدو البواب و الطباخ في المسلسلات المصرية ياتو؟؟؟؟؟ و دورو شنو؟؟؟؟؟؟ باين عليكم ديراين تضمنوا شغل اجدادكم دا عند الباشوات والا شنوالحكاية؟؟؟ مرة خرفان ومرة ابقار سودانية هدية لزو التلطيف و التقريب للباشا!!!
هسي الجنوب دا ما اقرب لينا من الفراعنة ديل النازلين فيهم مديح صباح و مساء ؟؟؟ وهم لا احم احم!!! و منهم البيقول مافي حاجة اسمها دولة السودان جنو مصر !!!! يعني نحنا جبراكتهم ولا شنو ؟؟؟؟؟؟؟؟
هل يعقل ان يكون عمر البشير الامر والناهي في بلد بحجم السودان وتاريخه العريق ووضعه الجغرافي الاستراتيجي المتفرد ؟؟؟!!!
لا يوجد في عالم اليوم اي دوله مستقله من دول العالم الثالث تستجدي وتشحد وتعتمد علي دوله اخري من العالم الثالث تعاني من الفقر والانفجار السكاني وقلة الموارد وضعف البنيه التحتيه كما هو حال سودان عمر البشير ومصر
لايوجد رئيس دوله مستقله يسعي لرفع البؤس والبقر من شعب دوله اخري علي حساب شعبه الا عمر البشير
مصر لا تملك اي شئ من مقومات الدول المتقدمه تكفي حاجتها وترفع علة الفقر المدقع من سكانها الذين اصبحت لاتسعهم ارضها فكيف بها ان تكون الدوله المانحه والمساعده للسودان وكما المثل القائل فاقد الشئ لا يعطيه
المتمعن لكل ما ذكره البشير من فتح الطرق والسكك الحديديه بين مصر والسودان لسهوله التنقل بين البلدين من المستفيد من ذلك ؟؟ بلا شك مصر
السودانيين الزائرون لمصر اما للعلاج ويدفعون قيمه ذلك من حر مالهم والمحظوظ فيهم من يرجع متعافي و بكامل اعضائه الحيويه قرنيه وكلاوي وكبد
الشريحه الثانيه وهي تجار الجمال وهؤلاء يسلكون درب الاربعين من ايام الحضاره النوبيه العريقه فهم لا يحتاجون لطرق او سكك حديديه ومصر هي المستفيد الاول من تلك الانعام التي تصلهم في عقر دارهم من عير ان يصرفوا مليم واحد في ترحيلها بل بالعكس فهو يقاضون هولاء الرعاه ضرائب وعيرها لدخولهم مصر
الشريحه الثالثه هي السواح والتجار الذين اشتروا العقارات في مصر وكدسوا ملاينهم من العملات الصعبه في البنوك المصريه
وبالمقابل من ياتي للسودان من مصر ,,,العواطليه الذين لايجدون اي فرصة عمل في مصر واستلمو السوق في السودان تجار عده يتجولون في الاحياء و سباكين ,,,بناين,,,بوهيجيه,,,اصحاب الكوافير ,,,طباخين,,سماسره في كل شئ حتي في فتح مكاتب للتزاوج يدوك زي ما عايز مصريه سودانيه اثيوبيه وهلم جرا ونري صفوفهم كل يوم امام مكاتب الصرافه لارسال ما اقتنوه من اموال لاهلهم في كفر الدوار وعزبة شنوده
اما الشريحه الخطيره والكبيره فهم الفلاحين الذين منحوا ملايين الافدنه من اراضينا مجانا واستوطنوا بعيالهم وجواميسهم في ديارنا وهذا سيكون بدايه الاستعمار الاستيطاني المصري في السودان برعاية وحماية سفلة الانقاذ
الميزان التجاري بين مصر والسودان كان دايما وابدا في صالح مصر وبفارق هائل
سؤالي لعمر البشير كيف تربط مصر مع السودان بالسكه الحديد في الوقت الذي دمرت فيه كل خطوط السكه حديد التي كانت تربط كل السودان ببعضه ,,اما كان الاولي ان يعاد ترميم تلك الخطوط حتي يعود السودان لسيرته الاولي قبل انقلابكم المشئوم
VIVA SUDAN
البشير لو عندو ذرة كرامة او قليل من الوطنية( مع العلم ان البشير ينتمي لي المؤسسة العسكرية التي من اهم مهامها الدفاع عن والحفاظ علي تراب ووحدة الوطن )لما قبل ان يزور مصر و حلايب و شلاتين تحت الاحتلال العسكري المصري – وعلي جبنه و غبائه لا زال يتملق حكام مصر هدايا لفريق كرة القدم المصري 35 سيارة جديدة و 5000 الف راس من الابقار 20000الف راس من الضان — والشعب السوداني يتضور جوعا و يئن مرضا و لا يجد من يواسية — بعد زوال الانقاذ باذن الله حلايب وشلاتين في مقابل اتفاقية مياه النيل الجديدة — والبشير اكبر متامر علي وحدة السودان بعنصريته البغيضة — ازالة الانقاذ هي اول خطوة لبناء السودان الجديد سودان الحرية والعزة و الكرامة سودان دولة المواطنة و دولة القانون — حرية سلام و عدالة
وجود البشير في السلطة سوف يؤدي الي تقسيم ماتبقي من السودان وهذا في مصلحة مصر والبشير اصبح رمود كنترول في يد امريكا وقريبا من يعيش يشوف دولة دارفور ودولة جبال النوبة والنيل الازرق ممكن كمان يعملو الحريات الاربع بين هذا الدول لذلك البشير اصبح الوصي علي السودان
البشير قال: أننا لا نقبل بأن تخرج مياه النيل خارج الحوض
والله البني آدم موهوم جداً
يعني هو قايل نفسو كدا ح يحرش المصريين ضد جنوب السودان اللي بلمَح ليهم في كلامو
المشكلة الحقيقية إنو جهلول زمانو الاسمو البشير دا، مفتكر المصريين هم نفس الناس الكانوا في خمسينات القرن الماضي تشتريهم بكلمة، مياه النيل وتبيعهم بكلمة، وحدة حوض النيل..
أصحى يا بريش .. المصريين بقوا تفاتيح وحتى الملف السوداني خلوه لدولة قطر من زهدهم فيه..
ومش كدا كمان دولة قطر الكانت متبنية سودان الانقاذ صرفت قرض 100 مليون دولار لدولة جنوب السودان
في الوقت البتستقبلك فيهو برئيس ديوان المراسم وتودعك وقفاك يعمر عيش
تي تي زي ما رحتي زي ما جيتي :)
يعني يا عمر البشكير، شوف ليك زول يتبناك..
بقيت عامل زي الشافع الرايح من أمو وما لاقي ليهو زول يعطف عليه
طبعا كل الناس عارفاك كضاب وقبيح خلقة واخلاق ههههه
اهلنا قالوا “اسمع كلام الببكيك وما تسمع كلام البضحكك” ورغم طرافة و رمزية الصوره بالغة الدلاله لكن الخبر جعل قلبي ينقبض ويغتم ليس بفعل المفاجأة وانما لإدراكي مذهولا بل وتيقني من ان حكومة البشير قطعت بالفعل شوطا بعيدا في تخطيط وتنفيذ بيع السودان والسوادانيين لمصر دونما ثمن حتي اللهم الا اذا كان الثمن مصلحة التنظيم العالمي للأخوان المسلمين ومصالح القلة القليله من الجيل الثاني من “المتمصرنين” من ابناء البوابين والسفرجيه “مع كامل احترامي للمهنتين ومن يمتهنهما بشرف” الذين لا إنتما ولا وطنية لهم والمحسوبين غفلة علي السودان والسودانيين امثال مستشار الرئيس وومن لف لفه. رغم ما عليه الا ان البشير يختلف عن جماعته بعدم الديبلوماسيه وعدم الكياسه والقول المغلظ الواضح الفج كما في تصريحه اعلاه وهو ما يمكن ان يستفاد منه في التنبؤ بنواياهم ومن ثم عمل خطة وبرنامج عمل مضاده لما يخطط له ابالسة الانقاذ ومن يدري ربما استطعنا ان نستفيد من البشير في دور “زرقاء اليمامه” دون ان يدري. علينا ان ننظر الي التهديد المصري بجدية اكبر وعلينا ان نفتح عيوننا وآذاننا ونكون يقظين لأن ما نسمعه اليوم نراه فعلا علي ارض الواقع غدا ودونكم الاحتلالين المصريين السابقين للسودان مرة كشريك اصيل مع الاتراك ومره كشريك اصيل ايضا مع الانجليز ولا زال لعاب المحروسه يسيل وهي تري السودان وما يذخر به يديره من لا يفقهون الف باء السياسه واعتقد ان الإنقاذ مثلما كانت “ربما نصف مكرهة” حصان طراوده لدخول القوات الاجنبيه في السودان ستلعب نفس الدور ولكن بأريحيه وكرم “عربي اصيل” في تسهيل وتمويه دخول الإستعمار الإستيطاني المصري الثالث للسودان من بوابة تحسين النسل والاقتصاد وإسرائيل التي يرفرف علمها خفاقا في سماء قاهرة المعز ولسبب نجهله تأتي وتكيد لمصر من جنوب السودان!صدق من قال عنا “بلد كل شيئ في غير مكانه المال عند بخيله والسيف عند جبانه”
بعد كده يا السودانيين شيلوا شيلتكم واستعدوا للمعاناة الطوييييييييييييييييلة مع مرض التهاب الكبد الوبائي اللي حيجيكم من شمال الوادي.
سؤال لعمرالبشير الهمبول والفاقد التربوي المعاهو في الحكومه ابتدأ من على عثمان وانتهاء بوزير المالية ؟ ,,, نسيت اسمو والله!! غايتو معروف بي ( وزير والعواسه)!!…
هل الافضل حل مشكلة السكة حديد وربطها مع مصر عشان المصاروه يجوا يملوا البلد ويشيلوا خيراتها ويمشوا ونحن ما مستفيدين منهم في شئ …؟؟؟!!!
ام الافضل تعمير وتأهيل السكة حديد وشبكتها داخل السودان ودعمها للدفع بعجلة الاقتصاد الوطني المنهار اصلا …؟؟؟!!!
** حقيقة لايعرفها الكثيرون … ارض السودان وثرواته ظلت اكبر مطامع المصريين منذ زمن الفراعنة
ارجعوا راجعوا التأريخ كويس وشوفو
** وحقيقة اخرى قد لايعرفها هؤلاء الفاشلين الذين يحكموننا.. ان السكة حديد هي من اهم عوامل التنمية والاقتصاد في البلد اذا قدر لها ان تعمل , فتكلفة النقل تعادل نسبة 17% من تكلفة النقل القليدية بالشاحنات التي تعتمد على البترول المكلف ويعيبها ايضاالنقل بكميات غير تجارية ,, فأذا كان تكلفة سعر الطن ترحيل الى بورسودان يكلف 800 دولار مثلا فهو يكلف بالسكة حديد فقط حوالي 133 دولار , ومعروف اهم مشاكل الانتاج الزراعي و تسويق المحاصيل في السودان هي ارتفاع تكلفة النقل المبالغ فيه و الذي صرف المزارعين عن الانتاج في السودان ……… البلد الزراعي !!!!
دُل دُل دُل ……يا أخي لكن دي ما واسعة خالص ….
أحسن نضيق خط سكة حديد مصر مسافتها قصيرة ….
يامغبى يا موهوم البلد ناقصها حراميه اكثر منك ومن جماعتك ,البلد فيها اولويات اهم مليون مره من قطار مصر الذى بقليل من العقلانيه لا داعى له فان ضرره اكبر من فائدته ,الناس جعانه والعطاله نخرت عظم الشباب ولا بتعتقد انه اولاد بمبه ح يحموك تكون فعلا غبى فهم كما قال عمر بن العاصى عن مصر ( نيلها ذهب وارضها عجب ونسائها لعب ورجالها عبيد لمن غلب ) وصف فاوفى .
ما دايرين سكة حديد لا مع مصر لا مع الجنوب لا مع الجن الاحمر
كدي وصل السكة حديد لي بابنوسة الرعاة بحلبوا اللبن في الواطة عشان ما لاقين
شارع يرحلوا بي انتاجهم و انت ساكيها لي مصر و كلام فارغ
إن شاء الله العلاقات تزيد إلي ان نتوحد
أكد الدكتور هشام قنديل، رئيس الوزراء، أن هناك عزيمة وإرادة سياسية من القيادات المصرية والسودانية لتحقيق طفرة كبيرة فى