فتاتان تحتالان على مريضة وتستوليان على ألف جنيه..أدخلت الى منزل به شخصين وتمّ تخديرها وإجراء عمليه
الخرطوم:سلمى ادم:
تعرضت فتاة في العقد الثالث من عمرها لعملية نصب واحتيال من قبل فتاتين داخل حوادث مستشفى بحري، بعد ان ادعتا عليها بأنهما طبيبتان وأوهمتاها بأنها مريضه بالزائدة وتحتاج لإجراء عملية مستعجلة واستولتا منها على مبلغ ألف جنيه سوداني والقيتا بها قرب أحد المستوصفات العلاجية بالخرطوم بحري.
وقال شقيق الفتاة الضحية، عبد الحميد عبدا لحليم ،ان شقيقته سعدية تعانى من مرض السكري وألم في منطقة البطن ونصحها الأطباء بمدينة الدامر بإجراء فحوصات، وقدمت الخرطوم لإجراء الفحوصات ،ويوم الأحد الماضي ذهبت لوحدها لحوادث مستشفى بحري وقابلت الطبيب المختص واخذت صورة موجات صوتية لتحديد المرض ،وبعدها خرجت إلى ساحة المستشفى ،حيث قابلتها فتاة ادعت لها بأنها طبيبة ولديها مستوصف خاص وأوهمتها بأنها مريضة بالزائدة وهى على وشك أن تنفجر وتحتاج لعملية مستعجلة ،وسألتها عن كم تحمل معها من المال ،وإفادتها بأن لديها مبلغ ألف جنيه ،موضحا ان شقيقته طلبت من الطبيبة المزيفة أن تجرى اتصالا هاتفيا بشقيقاتها، لكنها رفضت بحجة أن حالتها خطيرة وأغلقت منها هاتفها الجوال ، واتصلت بأخرى وطلبت منها الحضور إلى بوابة الحوادث وعند خروجهما وجدتاها تنتظرهما بسيارة ،وركبت معهما وانطلقت بهم السيارة بسرعة فائقة إلى احد إحياء بحري، وتوقفوا عند منزل زعمتا لها بأنه مستوصف وهناك وجدت شخصين يرتديان ملابس بيضاء وادخلوها في غرفة وحقنوها بحقنة مخدرة واجروا لها فتحة أسفل البطن، وقبل أن تفيق من تأثير المخدر اخذوها بالسيارة والقوا بها قرب أحد المستوصفات ببحري واستولوا منها على مبلغ الف جنيه ،وبعد أن فاقت اتصلت على شقيقاتها وأخطرتهم بالحادثة وسارعن اليها ووجدنها في حالة يرثى لها ، ودونّ بلاغاً بقسم شرطة الأوسط بحري تحت مواد الاحتيال وأحيلت بأورنيك (8)جنائي للمستشفى، وأكد الطبيب بأن حالتها مستقرة ومازال البحث جارياً للقبض على المتهمين.
الصحافة
لا حول ولا قوة إلا بالله
هؤلاء الاشرار كان لهم أن يكتفوا بالحقنة المخدرة لماذا فتح البطن؟؟؟ لعنة الله عليهم وعلى حكومة الدمار الشامل التي في عهدها المشؤوم كل صباح يحمل ما هو افظع في عالم الاجرام.
الواحد عيونو اغرورقت بالدموع وجاهو اكتئاب ..معقول في ناس بالقذارة والوضاعة دي ؟؟؟معقول اخلاق السودانيين بقت كده؟؟؟
سبحان الله
ده نوع جديد من الاحتيال يارب تستر …..والقادم اعجب
شكلهم طالبات طب في احدى الكليات الخاصة
لا حولة ولا قوة الا بالله اللهم انتقم منهم
ما بصدقكم ده فلم هندي عديل
اللهم الطف بعبادك ..ما هذا السودان الذى عرفناه !!!!
واضح من هذه القصة طبعآ ده اذا صدقناها ان هذه العصابة لها علاقة بالعمل الطبى واعتقد انهم ممرضين بدليل ايهام المريضة بان لها حالة طبية خطيرة وتصديقها لهم وبدليل اعطاءها حقنة منومة وعمل جرح لها وهذا شئ لا يعرفه الا الممرضين.
واستغرب ان كل هذه الحيل عشان مبلغ تافه زى ده لا يسوى شئ عند تقاسمه.
هؤلاء دائمآ يستدرجون السذج لذا لزم التنويه بضرورة الحرص.
ايضآ سمعت قصص عن اطباء مزيفين يتنقلون من مستشفى لاخرى وقد صادفت واحد منهم كان متخصص فى سرقة شنط المريضات والاستحواذ على المبالغ منها وعلى دهب النساء.
للاسف لا يوجد نظام عام مسئول على حفظ امن المرضى والمرافقين فكل افراد النظام العام داخل المستشفيات هم شباب طائش لا هم لهم غير معاكسة البنات والتحرش بهم.
لذا عليكم ان تحموا نفسكم بنفسكم وبالذات لا تتركوا بناتكم ونساءكم يذهبون وحدهم لانهم مستهدفين من المحتالين ومن افراد النظام العام.
كلها سببها الانقاذ الملعونة
الناس بقت من اجل لقمة العيش تفعل اي شي
لا حول ولا قوة الا بالله
لعنة الله عليك يا البشكير
ذة نتائج الحريات الاربعة المشؤمة مع مصرولسة لم يصل الاحتلال المصرى على أراضينا بواسطة الرئيس بشبش وعصابة الحرامية الكيزان
يا وطن كيمان اذية
من عواس الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
كوم رصاص
بس المهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
نرقص و نتشابا على ظهر الغلابة
على كتف التعابة
ونقيف في راسا
هتافات البساطة والسذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
بس المهم وفي الاساس
هم راس ونحنا ساس
وناس وناس ما سواس
شبت الحريق في كل ناحية
والحروب من كل زاوية
ومن هناك هبت عجاجة
وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مافي حاجة
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
الرطانة
وبي ثقافتنا وغنانا
وننبهر بي انتمانا لي وطن
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكرىات واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
شعب صاحي
شعب راصد
شعب صابر ما هو فاتر
ولو الصبر لحدوده فايت
لا بجادل ولا بفاوض
يبقا مارق كل سارق
ويبقا راكز كل معاكس
يبقا واقف كل خايف
يبقا طالع كل بالع
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عايد
أخخخخخخخخخخخخ
قصة ركيكة وغير منطقية طيب ما دام هي استولت على الاف جنيه ليه ما هربت اوكي بعد ما خدروها كان في داعي يفتحوا بطنها لماذا لم يهربوا فقط قصة خيالية وغير صحيحة واحترموا عقول القراء
كمثل هذه الجرائم لم نسمع بها الا فى الافلام البوليسيه ماذا حدث للسودانيين ياجماعه افيدونا
إحتمال سرقوا كليتها زمن عجيب أرواح الناس بقت لعبة
يا إلهى هل أنا في علم أم في حلم؟؟!!
ياعالم …ماذا (دهى ) الشعب السودانى….معقول أوصلوه بعد (ربع قرن تدين وحجاب وحلال ورقيص وتهليل وتكبير ومشروع حضاري)…إلى هذا الدرك من الإجرام!!!
الله (يطلع …. ) ياترابي…ومن جلبت على يديك…أرنا فيهم ونسلهم بأسك وغضبك…ونحن أحياء نشهد.
من المسئول عن ذالك؟
اذا كان الحكم بالعدل لانام جور الغنم الذئيب!
هذه مسئوليه حكوميه
حسبى الله ونعم الوكيل
سوال اخر من اساء اذن الى الرسول صلى الله عليه وسلم المسلمين ام الاقباط
هذا نوع من الاحتيال والنصب الغريب علبنا في الاسلوب وهذه الحادثة قد تكون صحيحة بنسبة 90 في المائة لاننا في زمن لا نستبعد فيه أي شيء حيث انتشرت تجارة الاسبيرات البشرية فلا بد من أخذ الحيطة والحذر حتى لو كان ذلك في داخل المستشفى ولابد أن يكون لكل مريض مرفق ومفتح عينو كويس
يا حليل السودان
يعني ما تثق في اي حد غريب عليك راجل ولا امرأة
ربنا يدمرك يا بشكير ويدمر المعاك ويدمر كل من صوت لك أيها الحيوان الجبان
هل هذا هو السودان الكان … قبل مجيئك أيها اللص القاتل
حسبي الله عليك وعلى من آتى بك أيها الوغد
تستاهلوا الحل الشااااارع بس افهموها يلا شدوا الحيل وازيلوا هذا العفن الكيزانى
لا حولة ولا قوةالا بالله دى افعال اولاد بمبة جابا لينا كبيرنا فى زيارتو الاخيرة
يا جماعة والله انا بصدق انه ممكن يحصل فى السودان
زى دا لانه مرة انا اتعرضت لى عملية احتيال غريبة
مرة مشيت مستشفى فضيل عشان اعمل موجات صوتية اكرمكم الله
فى مكان الجلوس محل الانتظار سلم على شاب شكله محترم ويحمل شنطة سمصونايت
يبدو عليه الاحترام
بدا يتونس معى بعد شويه افهمنى انه يعمل بالمستشفى وقال لى ادخل عشان نعمل ليك الاشعة
ايضا اعطى رسالة للعامليين بالقسم انه مرافق لى …. شوفى الخدعة كيف ؟؟؟؟
بعد ما خلصت الصورة هو كان متأكد انا حا امشى الحمام
طوالى دخل غرفة الاشعة واخذ شنطتى التى كنت احملها وبها مبلغ كبير من المال
لان الفنيين افتكروه مرافق لى
بعد ما رجعت وسالتهم عن شنطتى قالوا لى اخدها قريبك
قلت ليهم دا ما قريبى هو مش شغال معاكم قال لو لى الله يعوضك دا معناه محتال
طوالى بعمل مقالب زى دى
اه يابلد
لاحولة ولاقوة الا باللة
الضغوط الاقتصاديه (الفقر) وما ادراك ما الفقر .زى ماقال بعض الاخوان ليه فتحو البطن ولم يأخذو أى عضو ؟ التعب ده لزومو شنو؟
ولا حول ولا قوة الا بالله
اصة غير متناسقة بتاتا
والله دى أولاد بمبه ما عملوها ,, غايتو الله يستر من الجاى!!
رغم عدم إتساق تفاصيل الرواية..مع وترابط منطقية أحداثها.. إلا أن التجارب فى عصر الإنحطاط الكيزانى …علمتنا ان نصدق كل ما كنا نقره فى الصحف المصرية!!! والعالمية!! ونندهش ..ونستبعد ..بأن يحدث فى بلد الخير والطيبة!!! ونتوقع الآن..ألأسوأ..إذ ليس ببعيد عن الأذهان طبيب عطبرة المزور.. وجرائم الإحتيال تنتشر بصورة مخيفة فى الدول الفاشلة.. وبلدنا فى أسفل السلم..وهى إنعاكس للمحتالين القاعدين فوق.
انعدمت الضمائر في زمن عفن غريب وعجيب
ما ذنب هذه الضعيفة لاخذ كليتها ومالها … المسئول الاول والاخير هو هذه الحكومة الطغمة الفاسدة … الا لعنة الله عليكم يا لصوص يا سارقي قوت الشعب …
ظواهر غريبة وجرائم اول مرة نسمع بها في السودان .. تبدل الحال والبلد بقت زي كرش الفيل اشكال غريبة وعجيبة تلاقيك من الصباح .. فوضي واحتيال ونصب علي عينك يا تاجر والقوي ياكل الضعيف .. واقولها بكل وضوح كلما ذاد فساد الحكومة والحال اصبح عسير كلم زدات الجرائم .. اللهم احفظنا واحفظ اهلنا وشعبنا … وازل عنا البلاء وهذه الحكومة النتنة الوسخة
عشان كده اناجاي اجازة اباطي والنجم(رسوم الخروج بشيلا من صاحبي في المغتربين وبرسلا ليهو.
ما معاي شفعي عشان الأغتصاب وكدة.
ياخي أعفوني ماجاي …
بعد كدة مفروض يجو ناس هوليوود لبلد التوجه الحضارى دى علشان يكتبوا قصص أفلامهم المثيرة من واقع الحياة و حرامية الانقاذ على الاقل يعتبروها بزنس و يستفيدوا من مصدر دخل جديد.
قصة لا يصدقها الا السذج والبسطاء حرام عليكم احترموا غقول الناس كل شىء فى هذه القصة غير منطقى
ما بعيد دا يحصل لكن دي قصة وهمية
وماذا عن الكليتان لا يكونوا نهبوها بنات الحرام
انتشرت العصابات في السودان بصورة غريبة
بعد زوال هولاء المتاسلمين يجب ان تعاد صياغة الانسان السوداني
لو القصة حقيقية مفروض يكون معاها مرافق
انتبهوا لكتيبة الدجاج الالكتروني التي تحاول دائما التشكيك في كل حادثة غريبة وخطيرة تحدث في بلادنا التي كانت طاهرة قبل مجيهم المشؤم..
وكانهم سيغيرون نظرتهم في عصابتهم اذا اقتنعوا من ان الحادثة وقعت فعلا؟!!
خيال خصب في نسج القصص لكن ما فيه احترام لعقليه القارئ .وتشويه للمجتمع السوداني بخلق نوع من النصب والاحتيال لايوجد في المجتمعات المتحضره .هونوا علي المجمتع السوداني وارفعوا كل ضيم وفبن عنه