رئيس اللجنة القانونية بالمريخ السوداني : ما زلنا في مرحلة حصر الخسائر الفادحة وكبيرة للإستاد

احصرو خسائر الناس الجعانة والعريانة والمسجونين ظلما والاطفال الذين تنهشهم الكلاب وخلونا من الامور الهايفة دي البلد دي مافيها زول كدا عاقل ورشيد

ضربني وبكى وسبقني واشتكى .. تشتكوا لي منو .. للاتحاد الكان السبب .. الشكية لغير الله مزلة .. باي باي نشوفكم الموسم الجاي يا مريخاب وهاردلك .. شدوا حيلكم في الكونفدراية

والله جنس حسادة من ناس زريبة العيش عين الحسود فيها عود كان اتغلبتو كان عملتو شنو يعني

الجزاء من جنس العمل و كما تدين تدان. الهلالاب لا يوجد فى قاموسهم كلمة حقارة فاهمين. إن شاء الله يا وصيفاب تكونوا إتعظتوا!!

جمهور رياضى جاهل الكورة إنتهت من زمن جكسا والدحيش وسبت دودو والنقر جمهور مشجعين جهلة وينو إقتصاد البلد حتى تكسرو الاستاد المكلف مليارات من قوت الشعب السودانى يعنى عملتو شنو ياعالم ياطير ماتستاهلو إلا الجزمة على قفاكم ياحوش ..لعبة شعبية محببة للجميع جعلتوه عنصرية دا مؤتمر زفت ودا شويعى أتحادى نخلى ليكم البلد أحسن ياعالم ياوهم ووينو كورتكم الشوتة مابتطلع من حوش أستاد الفريق دى فرق ورئساء مئاكل هليل زمن الكورة هليل مريخ هلال وقدمت المريخ حسب الاولوية إنشاء الفرق مريخ هلال للذين لايعرفون نشأة فريق المريخ فى عام 1908 والهلال 1910 يعنى الفرق بينهم سنتين والمريخابى عمرو كبير ووجب على صغار الهلال اللعب بالكراسى لأنهم لسع لم يتعلمو الادب .

شوف الجوع واحصروه شوفوا خسائر الزراعة وخسائر مشروع الجزيرة ومصانع الغزل والنسيج انظروا للخسائر الاجتماعية والنفسية يا كيزان ؟؟؟؟؟؟؟؟؟؟؟ ودي اموال الشعب تضيع الباقوقائية لانها سحت من اين للوالي بالقروش؟؟؟؟؟؟؟؟؟؟؟؟؟؟

اللذين يقولون ان جماهير المريخ هى التى بدات واللذين يشجعون من منازلهم ..جماهير الهلال هى التى بدات الموسم قبل موسمين فى مبارة لعب فيها الهلال باستاد المريخ ولم يكن المريخ طرفا فيهاوهذه الافعال ليس بغريبه عنكم يا شماسه..

نطلب ونرجو من مولانا أزهري وداعة الله ان يطلب ايضاً لنادي آخر بالعرضه قد تعرض لنفس التدمير الذي اصابهم لأن الفقد واحد

ههههههههها تستاهلوا يا(كفوه ).
السن بالسن والبادي أظلم نحن الاسياد مابنرضى الحقارة ياوصيفاب وموعدكم مباراة الكونفدرالية القادمة ولو قليتو ادبكم المره الجاية بندمركم دماااااار شامل .
أهي أهي أهي هذا حال أعلام وجماهير الوصيف عارفين لشنو ….؟
لانو كوره ماعندهم ومابقدروا يغلبونا فصاحتهم في القلعة الحمرا أها بعد النشوفكم بتقولوا شنو بعد ماقلعتكم لحقت امآآآآآآآآآآآآآآآآآت طه …!

رئيس الجمهورية الصفيرابى ادي تعليمات للشرطة حتى تسمح بالتكسيرواتى بالوالى الصفيرابى حتى يعرقل تقدم المريخ
احضرو لاجتماع اللجنة التعبئة بنادي المريخ غدا الاحد عقب صلاة المغرب يامريخاب حتى نعتصم حتى يذهب الوالى وريكاردو الذي يريد ان يقدم الكونفيدراليةللهلال

واله ياجماعة لكن؟؟؟؟ القون ما قون لا وايه فى القئق الاخيرة وبعدين قون س ن اما عديل كده وحااااااار نار( لو كانو غلبونا كان كسير الكراسى على قبهم زى العسل(( عقبلكم السنة الجاية كده )) ياوهم

متي يتغلي الشعب السوداني عن ثقافة دمار الوطن التي يمارسها والتي اصبحت عادة سالبة عنده ، فهذه الملاعب والاندية ليست ملكية خاصة بل هي اموال عامة شيدت خصصة لهذا الدور ولترقية الممارسة الرياضية بالوطن فهذه الاندية كامدارس والمستشفيات وغيرها يجب ان نحافظ عليها مهما كان لوننا الرياضي ومهما كانت النتيجة منتصرين او مهزومين ،فعندماقام مشجعي الهلال بغراب وتكسيير نادي المريخ فهم في الحقيقة لم يكسروا نادي المريخ بل اتلفوا اموالهم العامة كما ان هذه الاندية والميادين تقاس بها امكانيات الوطن الرياضية دولياً وسوف تكلفنا مبالغ اضافية لاصلاحها كان يمكن ان يستفاد منها في مجال اخر

يا جماعة البتسو فىهو دا غلط… من جمهور الهلال و المريخ,, و اذا فرضنا انو دى امال كيزان ,, يعنى اى حاجة جميلة فى البلد دى نكسرها,, بالجد نحن امة متخلفة عشان كدة لازم يكون فى حسم شديد لانو دى موشرات خطيرة لى قدام و ربنا يستر… و صراحة نحن امة متخلفة و ماتقولى تاريخ و شعارات ليها مليون سنة بنكذب بيها على روحنا…

ارجو ان لايتم التعويض من مال هذا الشعب المغلوب على امر وكل نادي يتحمل خسائره وان يقوم الاتحاد الرياضي بتجميد النشاط الرياضي للفريقين لمة سنتين وتبا للفوضى ومن اعان عليها