شاب سوداني يفقد عقله بسبب ابتلاعه حبوب مخدرة (صراصير) بالعتبة ثمنها (30 الف دولارامريكي)

والله الحقيقة ان السودانيين المقيمين فى مصر فاقوا المصرين فى الحقارة و الفهلوة
وطبعا مصر اي إنسان يريد الحفاظ على نفسه وأخلاقه و ماله عليه الإبتعاد عن مصر

صرصور يدخل في كرشك الكبيره دي يا ود البلال . اول حاجه الصراصير البتتكلم عنها دي اسمها باركنول و سبب التسميه لصغر حجمها و الحبوب دي بتاعت الناس العندهم مرض في الاعصاب زي الصرع مثلا و ما بتعمل الاعراض القلتها دي لانها في الاصل دواء لكن فيها مواد مثبطه يعني بترخي الاعصاب المشدوده . و في السودان مشهوره حبوب الفايف اكيزول 5 و كلهم بتلقو في اي صيدليه يا ابو جهل ، الدار احقر جريده في السودان و اخبارهم كلها كذب .

الطمع ودر ما جمع,معه 30 الف دولار ,لماذا لا ياتي و يستثمرها فى بلده…الان فقدها كلها عليه ان يذوق ذل الاعتراب بالجد

نحن الشعب السوداني انتهي فينا قيم الانسانية لو في مصر او اي مكان اخر لذلك احزر السوداني ناس سرقت وطن بحاله 30 الف دولار حالة من ملايين الحالات

حصل نفس الفلم مع أخي. كان راجع في كونكشن من تركيا وتعرف علي سوداني بالمطار. بالاحتيال اخد منو 5 ألف دولار وكانت كل ما معه لمان اضطريت ارسل له حق تذاكر العودة. احذروا السودانيين ألفي مصر

هنا يكون دور لجهاز الامن والخابرات الوطنى في حمايه اهلنا بالخارج وخصوصا مصر .

فى العتبة تلاتين دولار ممكن تشكل خطورة على حياتك

كل شىء عرفناه بس خاتين صورة الحلوف ده ليه ؟؟؟؟ كرهتونا !!!

غايتو مافي زول مريح نفسومن القشرانيين ديل غيري انا, كان سلمو علي سلام الله مابرد عليهم ليه؟؟عشان لما كنت جديدة في الغربة وجاية بي طيبة السودان الزمان لاقاني واحد كبير وشكلو محترررررم في السوبر ماركت تحت البيت وما شهدني جاء سلم علي باليد وقال لي ازيك يااااااا هالة كيفك احوالك وينك يا زولة؟؟وانا مصدوووووووومة قال لي انا دكتور احمد ما عرفتيني؟؟؟اعتذرت ليه بي لطف وادب اني ما هالة..قال لي معليش شكلي شبهت عليك طيب انت اسمك شنو؟؟وساكنة وين؟؟قام الكلام ما عجبني وخفت وصريت خلقتي وقلت ليه لو سمحت زح شوية ومشيت..المهم بعد شهوووووووور من القصة دي ونحن طالعين مشوار في الاشارة معدي قدامنا قشراني قلت لي زوجي ده الراجل الشبهني بي هالة..وما اشوف ليك الا الراجل اللي هو زوجي هاج وماج وسب وكبس وقال الا يلحقو المهم الحمد لله الاشارة فتحت واضطرينا نمشي وضاع مننا في الزحمة ..اتاري الراجل طلع مشهوووووووووور في ابوظبي والكل عارفو وكل مره يلاقيها يعمل ليها قصة زي دي ..وبعد قدمت في البلد لقيت النسوان كلهم بحكو بيهو ..وياااااما رجال ضاربوه واشتكوه في السفارة وبرضو ومافي فايدة..وفي واحدة كان كل يوم بربط ليها في مدخل البناية لمن كلمو ليه الناطور منعو الدخول وواحدة بستناها قدام الشغل وبس تطلع يلحقها كيفك؟؟احوالك؟؟ويمشي معاها خطوة بي خطوة لما كلمت ليه بتاع السكيرتي وواحدة غشيمة زي كده كانت عروس لاقاها وسلم عليها وقال ليها الاخت سودانية سوري انا افتكرتك مورتانية وشبهتك علي زوجة صاحبي مورتاني وبرضو حكت لراجلها وعرفو ومشي ليه في سكنو كبسو بنيةوهددو بس لم الموضوع حفاظا علي السمعة ويااااااااا للصدف بعد 20 سنة لآقي بتها جاية من المدرسة والبص بوقفها قطعة شارع من البناية المهم شاحط البنية وسايق العبط وبسأل وين المول الفلاني والبت توصف بي براءة بأعتبار انو راجل كبير وزي عمها وربكم رب الخير الأبو كان بدخن في البلكونة و شاف من البلكونة صاحبكم الما بغباهو ونزل زي المجنون واول ماوصل عندو قال ليه انت ما بتوب مني؟؟؟ وصاحبنا دكتور احمدانقذتو كرعينو بس..وفي واحد تاني ده بقي بشيل اكياس ويمشي السوق كيف يعني؟؟؟؟يعني بشيل الاكياس من البيت ما عارفة بملاها شنو المهم بدخل السوق بي اكياسو يعني ما عايز يشتري بس بخاف من الامن الفي السوق فبعمل نفسو بشتري ويباري السودانيات ,,وللاسف الناس ديل كلهم فوق الخمسين يعني كبار وناضجين ويفترض يكونو محترمين ..ودي عينة من القشرانيين اللي عندينا ولسه ما هبشنا بتاعين قهاوي الحبش وسمعتهم الزفتة .. وبتاعين مصر ديل اهل مصر ادري بشعابها..عشان كده نصيحة خليكم زي وسلام الله ما تردو عليهم غير وجع القلب ما بتحصلو منهم شي..وللعلم الرجال المحترمين ما قاعدين يسلمو البسلمو ديل بس الكرور فاحسن تقطعوها ليهم في راسهم

هاردلك يا أبو حميد و مصيبتك أنك تاجر و مغفل و المصيبة الأكبر إنك نسيت :

احفظ الله يحفظك ..

عقبال عودة قواك العقلية و كذلك التوبة عن المعاصي ..

يا ابو مازن
لو ختينا السودانييين في البلد دي ما بتجينا عوجة..بلد أمن وأمان ومافي زول بسأل زول ولأ برفع عينو في زول انت قايلها السعودية ولأ شنو؟؟؟هنا عادي ممكن تنوم وباب شقتك مفتوح مافي زول ابدا بزعجك غير بني سودان..بعدين لما الواحدة تكون عايزة حاجة مستعجلة من السوبر ماركت تستني راجلها للساعة خمسة يعني؟؟؟
منطق غريب وعجيب..ثم تانيا القال ليك انا متبرجة منو؟؟انا محجبة يا استاذ والحمد لله مش حجاب البودي والكارينا والرقاب البره حجاب شرعي ولله الحمد..بعدين ما تفسر كلام الرسول بمزاجك نسلم علي من نعرف ومن لا نعرف مش للنسوان دون الرجال ومش باليد .. قلنا ليك ده شخص مريض حتي بنات المدارس ما مريحهم ولأ برضو نمنع البنات من المدرسة؟؟؟والقصد من البسلمو الكرور نعم الكرور الغير محترمين حرمة ماشة في الشارع وما بتعرفها البوديك تسلم عليها شنو؟؟؟اصلا نحن مافي شي مضيعنا غير هبالة السودانييين وسبهلليتهم دي ..ناس ما مؤدبة ولا بتعرف حدود اللياقة والأدب …الواحدة جارها بكون مصري وزلمي وبسلم عليها في وجود زوجها لو شافة في الشارع براها ما بسلم عشان يسدالذرائع ويتحاشي كلام الناس وده معني سد الذرائع يا استاذ..وسد الذرائع بالنسبة لي ما اسلم علي السودانين عندك مانع؟؟

يا واحد من الناس

نعم الامارات كانت تضم الصفوة..وهسه الحكاية جاطت الحابل بالنابل ..وصدقني يا اخوي البعد عنهم غنيمة ولعلمك انا بناية فيها سودانيين ما بسكن فيها خااااالص لسد الذرائع بمفهومي انا..حمانا الله منهم وستر غربتنا وحوجتنا.

يا العوض، الله يعوض عليك “مرتين”، المقصود من كلامي، إنه ده ما رأس مال يعمل بزنس في دبي، والمقصود التاني إنه الراجل “المسكين” ده ما “بزنس مان”، وآخره دي “دجلة” والفرات “ظاته” مقصود بيها ده “نجر ساااكت”.
يعني، ال30 ألف “دورار” دي مااااا بتكفي إجراءات تأسيس شركة بدبي، يلا أشرح وما تقصر يا “العوض”، بس ما تمسك تكتك بخشمك وتقوم جاري ساااي كدة، أخد نفس في الأول، ونفس تاني كمااااان، وبعدين قبل علي “الكي بورد”