مبادرة عديل المدارس تفوز بجائزة حقوق الطفل
ابراهيم علي ساعد
في حفل كبير بقاعة الصداقة امسية الخميس وزع معهد حقوق الطفل بالتعاون مع منظمة حقوق الاطفال السويدية جوائز حقوق الطفل للمبادرات المتميزة في مجال حقوق الطفل وقد فاز بجائزة المبادرات الجماعية بيت الفنون عن مبادرة عديل المدارس بعد اقل من عام علي انطلاقة المبادرة والتي رعاها بيت الفنون وسط فرحة عارمة من شباب العديل الذين توج مجهودهم بهذه الجائزة العظيمة ذات الدلالات الكبيرة فقد قام متطوعو عديل المدارس بصيانة وتجميل وتحسين بيئة 33 مدرسة بولاية الخرطوم وكذلك مدرستين بولاية النيل الأزرق ..
وتقوم مبادرة عديل المدارس من أجل تحسين البيئة المدرسية ذات الأثر المتميز فى تحريك الدولة و المجتمع بكافة قطاعاته وقد أهدي الأستاذ طارق الأمين مدير بيت الفنون ومنسق مبادرة عديل المدارس هذا الفوز لجميع متطوعي عديل المدارس وشركائهم الداعمين للنفير وكذلك لروح والده الأستاذ الأمين عوض مؤكدا مواصلتهم العمل لإحياء النفير مناشدا المؤسسات والشركات وكافة قطاعات المجتمع بالإهتمام بتحسين البيئة المدرسية من أجل خلق جو معافي لتعليم الأطفال .. .
جميلة المبادرة. تهانينا.
عديل المدارس تجربة ممتازة ياريت تنتقل لولايات السودان التانية
مبروك عديل المدارس و التحية للاستاذ طارق الامين الذي ما فتئ يرسم البسمة على وجوهنا رغم الضيق و النكد و الف رحمة و نور على الوالد الامين و نرجو مساهمة الاخوة المقتدرين داخل و خارج السودان لدعم هذه المبادرة.
مبرووووووووووووووووووووك تستاهلو اكتر من كده
انتظرت كتير زول يكتب عن عديل المدارس في الراكوبة لأنو برنامج يستحق الدعم والاشاده..والله العظيم مرات كتيرة بشاهدو وببكي بحرقة علي حالة المدارس والطلبة في السودان خصوصا لما اقارن بينهم وبين الرفاهية الموجوده هنا للطالب من الكي جي والدلع المتوفر للطالب والكتب الملونة والرسومات والمناهج الجميلة والصحة المدرسية وووووالخ من ضروريات وكماليات احيانا..آخر حلقة شاهدتها كانت الاسبوع الفات بعد المدارس فتحت وفرحة الاطفال بي الالوان والرسومات في الحيط الحلقة دي بالذات انا فرشت عديييييل..اطفالنا زي اي اطفال في العالم بستحقو اكل صحي وتعليم محترم وعلاج مجاني غايتو ربنا يجزي تيم عديل المدارس كل الخير وياريت الموضوع يكبر شوية والدعاية ليه تزيد ومع قافلة العديل دي تتحرك حكاية المكتبة الاطرحت قبل فترة وياااااريت نشوف وزارة الزراعة عشان تدعمهم بالشتول والشجر ونصلح ونجير ونزرع طوالي..يا جماعة المدارس قاحلة جرداء يعني افتكر النجيلة دي ما بتكلف شي ياريت نسعي للجمال باقل الاشياء.
رحم الله المربى الفاضل الاستاذ الامين العوض والتحيه والتقدير لكل من ساهم فى تنفيذ الفكره وحقبقى يستحقون اكثر من ذلك
عديلة عليكم ياناس يا حلوين تحية خاصة جدا للاستاذ الرائع عوض بلة
مبادرة جميلة.. لكن ما يلفت النظر أمرين: اولهما حالة المدارس تبدو مريعة عند عرضها في القناة وكأن لا يوجد هناك ما يسمى ببند صيانة المدارس بوزارة التربية والتعليم… الأمر الثاني هو انه يمكن لفرقة طارق الأمين ان تستدعي محترفين في الدهانات لعمل الطلاء بدل ان يهدر على وجوه المتطوعين ونقعد نحسب لاجراءات السلامة وخطورة وسمية المواد!!
ياهو دا السودان .. بلداً هيلي أنا .
وفقكم الله دايما هذا نفير السودان
لكن انصحكم باخذ الاموال من الجبهجبه وتشتروا دهانات زيتيه الجير بتاعكم ده الهواء يشيلوا
على العموم وفقكم الله وانا من المتابعين لاعماعلكم جعلها الله فى ميزان حسنتاتكم