مصرع مدير شرطة المرور بحلفا الجديدة في حادث مروري
الخرطوم/ مي:
لقي الرائد مصطفى عبد الرحمن محمد عبد المجيد مدير شرطة مرور حلفا الجديدة أمس مصرعه في حادث مروري بالقرب من نقطة تفتيش المزرعة، والتي تبعد حوالي 20 كيلو من مدينة حلفا، وذلك أثر إصطدام عربته الآكسنت بشاحنة كانت متوقفة بالقرب من التفتيش، وأبلغ مصدر موثوق لـ (آخر لحظة) بأن الرائد مصطفى كان قد تولى منصب مدير شرطة مرور حلفا قبل (3) أيام من مصرعه وأن الحادث وقع عندما كان عائداً من مهمة عمل رسمية لولاية كسلا لمقر عمله الجديد بحلفا.. ورجح المصدر أن يكون سبب الحادث انعدام الرؤية بسبب العواصف الترابية، وقد تم نقل جثمان الفقيد من مدينة حلفا إلى منزل أسرته بالكلاكلة، وقد تمت مواراته الثرى بحضور لفيف من قيادات الشرطة وزملاء الفقيد.
آخر لحظة
أقترح على (الراكوبة) إنشاء صفحة ( لايحدث إلافى السودان) ! مدير مرور يلقى مصرعه فى (حادث مرورى)! عليه الرحمة !
هههههه الجزاء من اصل العمل
مفروض الشاحنة تكون مشغلة الفلاشات اويضع صاحبها المثلث العاكس ولكن الظاهر انو مافى واحد من ناس المرور قاعد يشدد معاهو فى هذا الامر وكل الاهتمام بالجبايات فقط يعنى الواحد عايزنوا يقع فى المخالفة حتى يدفع الجباية ولو كان فى توعية وارشاد مهتمين به اكثر من الجبايات بتاعت المرور كان صاحب الشاحنة تذكر وعمل اللازم ولكن كل همه كيف يمر من نقطة التفتيش والجبايات والبلاوى الراجياه فيها علشان كده نسى يولع الفلاشات او يضع العاكس ولاشماته فى الموت ولكن راح فيها …..
له الرحمه ..الضابط المرحوم نفسه لم يراعى قواعد السلامه المروريه مما تسبب فى الحادث.. مافى روءيه كافيه فى الشارع الطبيعى انو يقيف يعنى ما هو ما شايف حيسوق كيف.. لكن اصلا ما علموه قواعد السلامه لحركه المرور كل العلموه ليهو جبايه القروش و رفد خزينه الدوله بمال المساكين.. الدنيا دى ما فيها حاجه عبط ساى.. يعنى ما يمشى واحد يمسك الكهربا و يجى يقولو ليك يومو تم لا ده انتحار .. و لو حاولت تنصح زول او تنبهو لى حاجه هو ما ماخد بالو منها يقول ليك انت عايز تعلمنا شغلنا و هو اصلا ما بكون عارف شغلو شنو.. له الرحمه ولاهله خالص التعازى
انا لله وانا اليه راجعون للفقيد الرحمة ولاله وذويه الصبر والسلوان وحسن العذاء