وزارة التجارة الكويتية تعوض نقص اللحوم بغزلان السودان!
كتب – محمد المملوك:
بعد أزمة ارتفاع اسعار الدجاج والبيض وفقدانهما من الاسواق, تلوح في الأفق أزمة غذائية جديدة في ظل التراجع الملحوظ لكميات اللحوم والأغنام والماشية المعروضة في الاسواق وارتفاع اسعارها, الأمر الذي وضع وزارة التجارة في موقف حرج خصوصا على ابواب عيد الاضحى المبارك ما دفعها الى اللجوء لاستيراد الغزلان الحية والمذبوحة من السودان لسد العجز.
وفي الوقت الذي قدر فيه عدد من الموردين نقص كميات اللحوم والأغنام المستوردة من استراليا بنحو 35 في المئة, أكدت مصادر مطلعة في وزارة التجارة ل¯ “السياسة” أن “10 إرساليات من اللحوم السودانية تقدر بنحو 5 أطنان وصلت إلى الكويت خلال الشهر الماضي”, لافتة إلى أن “بعض التجار الكويتيين وقعوا اتفاقيات مع موردين سودانيين لتوريد غزلان حية ومذبوحة لطرحها في السوق المحلي وتغطية الحاجة خلال هذا الشهر”.
وتفاديا لاستفحال الأزمة, علمت “السياسة” ان وزير التجارة والصناعة انس الصالح “عقد سلسلة اجتماعات مع عدد من قياديي الوزارة نهاية الأسبوع الماضي لبحث أوضاع سوق اللحوم وآلية استيرادها”, داعيا المسؤولين إلى “اقتراح بدائل لاستيراد اللحوم من الأسواق العالمية والعربية وتطبيق القانون على المتلاعبين بالأسعار كما تناول الاجتماع أزمة البيض وإضافته للبطاقة التموينية”.
الى ذلك, اوضحت المصادر أن ارتفاع اسعار اللحوم “يعود الى قيام شركة نقل وتجارة المواشي برفع الأسعار دون الرجوع إلى الجهات المختصة خشية تكبدها مزيدا من الخسائر بعدما عجزت عن تحصيل ثلاثة ملايين دينار من وزارة التجارة مقابل الدعم المقرر لها عن كميات اللحوم المستوردة خلال الأشهر الماضية”.
السياسة
انا غايتو اتفقت مع جاري نعمل شيرنغ ونشتري ديك نضحي بيو …
يوم الوقفة بليل حانشتري الديك ومعاه ربطة برسيم نشتتها برا في خشم الباب لغرض الدفاع بالنظر ..
فطور العيد حلة محترمة وصحن عصيدة بملاح روب والسادة المعلقين معزومين بس اي واحد يجيب رغيفتين معاه يحشرن جوة جيبو ويجي ….
حاتكون ابادة جماعية للغزلان وطبعا الحيكومة العطشانة للعملة الصعبة دي ولا يهمها
لا حول ولا قوة الا بالله . تموت الأسد في الغابات جوعا ولحم الغزال تأكله الكلاب .
يا ناس الراكوبه و الله اثرتم موضوع واجعني شديد لأنه الخليجيين دمروا ثروتهم الحيوانيه البريه حتي الضب في الحفر و رجعوا للسودان السايب و نزلوا فيه بالتقيل ، انا ارجو منكم رجاء خاص تسليط الضوء علي هذا الموضوع وباستمرار.
…الموردين السودانيين طبعا ح يدقشوا الخلا وما ح يخلوا غزالة واحدة فى البر لافة ,سنة سنتين ما ح نشوف غزالة فى السودان ! الا نسمعها فى الاذاعة, فى شكل اغنية..!!
الحكومة بعد ما دممرت كل شئ فى السودان, بدات فى تدمير البيئة, فى السنين الاخيرة, و باعت اجذاءها لاًسيادا العرب المتخللفين, الما بشبهو حضارة العصور النحنا فيها, اعرضو الصور دى فى كل موقع و شوفو كلامى صاح وللا لا. الا ربنا يعججل بيومم قبل ما كل شئ يبقى فصص للاجيال المقبلة. ااه يا ذمن المهاذل.
خلاص ما فضل شئ من أبقار و أغنام و إبل فلجأتم إلي الحياة البرية تنهشوا لحومها؟؟؟
حرام علي بلابله الدوح حلال للعلج من كل صوب؟؟
لله درك يا أمير العراء كأنك معنا الآن و تعيش بيننا لتصف تلك الحالة التي إنفرد بها النظام السودلني بين كل الأنظمة القمعية ألا و هي حرام أبناء السودان من التمتع بخيرات بلادهم بل و يسمح للغرباء بالتمتع بما هو محرم علي إبن البلد؟؟؟
كم عاني هذا الشعب الصبور معلم الشعوب كم قاسي من ظلن هذا النظام الأفاق و النظام الذي يبيع كل شئ حتي كرامته للغرباء مقابل الدولار الأخضر ؟؟ ماذا يرجي من نظام قادته كلهم فاسدون و مفسدون ؟؟ نظام لا يجمع بين قادته سوي الظلم و القهر و الفساد و السرقة و الإنصراف لأغراضهم الدنوية الدنيئة؟؟؟
ما يحملنا علي الصبر عليهم هو إيماننا القوي بأن الله يمهل و لا يهمل؟؟
* خبر زي ده اكيد حيمر مرور الكرام بدون ما حد يفكر فيه في البلد الهاملة دي بينما المفروض لو في حاجة صاح ان شاء الله واحدة المفروض ان الدنيا تقوم وما تقعد وتتحرك وزارة الثروة الحيوانية ووزارة السياحة وحماية البيئة وستات الشاي والناس القاعدين يشربوا من منتجاتهن
* الناس في العالم كلو اتجهوا للتصالح مع البيئة والتصالح مع البيئة محتاج لي تثقيف ( عشان ادخل ليكم وظارات التثقيف والتحطيم اقصد التعليم والاعلام بكل اشكالها العرجاء ) يقوموا الجماعة البين قوسين يصحوا ناس وظارة الحياة البرية ويقولوا ليهم عيب عليكم الحياة البرية ما في المكاتب المكندشة والعربات والما بعرفو شنو ويغشوا معاهم ناس وظارة السياحة يقولوا ليهم السياحة البتجيب قروش عايزة شغل مش عرس نسوان وبعد وين ووين تصوروا لينا حجار مدمرة ومنهوبه من انجلترا ومن المانيا – والله الاثار السودانية الموجودة في المانيا اكتر من العندنا الاف المرات السياحة الغزلان السودانية البقت بديل للتخمة الكويتية ولا مش كده ياناس وظارة الحياة البرية السياحة حدائق حيوان مفتوحة وجذب للحيوانات الهاجرت من البلاوي الحاصلة ما تشوفوا العالم بعمل في شنو بدل النوم في العسل
* زمان عمتي التومة كان لما ما يعجبها الحال تقول :
(قلبنا ده مرض علينا ) عاشت وماتت في الزمن الجميل لها الرحمة – ولقلبنا الله
انا خايف من مواضيع تانيه الكيزان ديل بعد شويه يقولوا في نقص في الاعضاء البشريه في الخليج وعاوزين من كل بيت كليه او مصران غليظ او قلب سليم وشويه اطراف عشان ناس الخليج محتاجين لي الاعضاء وهم اولي عشان هم اغنياء ونحن فقراء الرجاء التبرع لهم طوعا او غصبا عنكم لاننا لا نستاهل نعيش زي الناس ولا نستاهل ناكل من لحوم بلادنا ولا نشرب من سكر بلادنا ولا نسكن في ارض بلادنا يستاهلوا المصرين يزرعوا ويسكونوا ويستثمروا ونحن قاعدين نتفرج والله الوجع راقد كوم والمغص فات الحد وتكلمنا ونبحنا ومافي فايده حكومة قاعده بس لي الخراب والبيع زي التقول عاوزة تنتقم من السودان واهل السودان لا بارك فيهم ولا بارك الله في من طبل لهم ووقف في صفهم ولا بارك الله فينا ان سكتنا عن ظلهم
اللهيرحم غزلان السودان خلاص سوف تكون غزلان السودان في المتحف القومي ويكتب عليها حيوان أنقرض
من مليون سنه الله المستعان والشعب السوداني يعيش في فقر مدقع
بعملوها الكيزان ما عندهم اي مانع و هم ما خلوا بلد ما صدروا له مواشي مع ان السودانيين احق بيها من غيرهم و اللحم زاتو بقى غالي في السودان
خلاص قرفتوا من لحم الضان السوداني وقبلتوا علي لحم الغزلان والشعب السوداني ما لاقي ياكل موية فول وماله ما البلد هاملة وحاكمها حرامي ما بيهمه غير يملا جيبه وده كله منك ياالترابي يا وش النحس انت الجبت البشير الما كان يحلم يترقي لرتبة لواء وعملته رئيس بلد كبير زي السودان والنتئجة شنو البلد اتمزقت والفضل اتنهب وربع السودانين طلعوا من السودان بتزكرة خروج من غير عودة ولسه البشير عايز يرشح نفسه ويحكمنا فترة تانية علشان يخلص علي الفضل والشعب السوداني نائم في العسل والبيحصل ده ولاهاميه
لا حول ولا قوة إلا بالله……
الفوضى في كل شئ!
الصيدالجائر قضى على ثروة البلاد البرية وخليكم من الحكومة اين الشعب ليقول لا لهذه المصيبة ويتصدى لها بكل الوسائل الممكنة وغير الممكنة لأن الثروة المبادة تمثل حق الشعب وليس حق الحكومة وطالما السودان تقسم الى قبائل فلكل قبيلة منطقتها وباديتها التي يجب ان تحميها بالقوة الجبرية ولا تسمح لمثل العبث المنشور في الصورة ان يحدث في باديتها مهما كانت الاسسباب والمبررات……
ابديت الثروة الغابية لصناعة الفحم البلدي وصناعة العناقريب والبنابر وانكشفت الارض للتعرية والجفاف والتصحر مما سهل عملية صيد الحيوانات الوحشية حيث انها فقدت الغطاء النباتي الذي كان يحميها مما عرضها للصيد الجائر والذي سوف يؤدي الى انقراضها نهائياً او هجرتها الى البلدان المجاورة وقد هاجر الكثير منها………
صناعة المراكيب من جلود الثعابين والاصلة والورل والتمساح والقطط البرية مثل الفهود والنمور او من جلد اي حيوان بري آخر يجب ان تتوقف وتمنع نهائياً كما يجد تشديد العقوبات لمن يضبط متلبس ببيع جلد او بيع حذاء او لبس مركوب من جلود الحيوانات البرية وإلا سوف يأتي يوم ويصبح ما تبقى من السودان امتداد طبيعي لصحرا العتمور وصحراء بيوضه. اللهم هل بلغت فاشهد…….
الشعب السودانى أكتر شعب مضياف فى العالم فهو أهل للكرم رغم جوعه… فيسمح للخليجين بالتغول على لحومنا وماأشهاها من لحوم …. انها لحوم غزلان… السودانى ذاته ما بيكون تذوقها فى حياته. الخليجى يتلذذ بلحم الغزلان والسودانى يتعفن بلحم الحمير.
شوووووووووووووف هملة البلد بالله
حكومة السماسرة يمكن ان تبيع اي شئ يملا جيوب سادتها بالفلوس، غزلان ، صيد جائر ، بني آدم ما مهم المهم حاجة بتتباع و بتجيب ” ليهم” فلوس
http://www.aldhwailah.com/vb/d4934/
والتعليق متروك لكم
… الغزاااااااااالة.
والله العظيم لقد أصابنى حزن عميق وأسى أعمق . من تلك الممارسات التى يمارسها هؤلاء الرعاع رعاة الشاة ,, والله لو قتلوا غزال واحد فى السعوديه لاودعوا السجن , ولكن فى هذا البلد الهامل والذى لايعرف مسؤليه قيمه مايملكون, يتركون هؤلاءالبدو الاغبياء يأخذون ثرواتنا بكل هذه البساطه ونحن نعاونهم عليها , إنظروا بالله لم غزال قتلوا , بلاحاجه , بل أخذوا يصدرونه لبلدهم وأصحابهم,, هذا الصيد الجائر وإهدار ترواتنا القوميه ,, ولاأحد يحرك ساكنا لك الله يا بلدى الذى صار أضحوكة العالم العربى ولاحول ولاقوة الابالله
هؤلاء الحفاة العراةرعاة الشاه, هؤلاء البدو الاجلاف الذين أتوا ليدمروا ثروتنا البريه , ولااحد يتصدى لهم ياحسرتى عليك ياوطنى يبيعك أهلك بأرخص الاثمان ,, والله لو قتل هذا السخص هذا الغزال فى السعوديه لادخل السجن ,, لان الحياة البريه عندهم مقدسه , وعندنا مستباحه يا للاسف , والله فقعتم مراترتنا ,, الله يصرفكم ياناس المؤتمر الزفت ,, لم يبق فى الوطن شىء للاجيال القادمه ,, لقد بعتم كل شىء , حسبى الله عليكم
والله تانى ما حا يفضل الا غزال الحى
اضحك الله سنك يا الشايل المنقا
بلد صارت هامله لكل حيوان ليصطاد اللهم اهلكهم, هولاء بعد البشر قبلوا علي كل شيئ وحتي الحيوان لم يسلم.
تانى ماحا يفضل الا غزال الحى
امنت بالله اين موساسات والهياة لحقوق الحيوان اخي ارجو تعميمها لتلك الموساسات الخواجات في اوربا وامريكا خليك من مرابط حمير العرب انها مجازر دمويه للحيوان كما حصل في دار الفور وغيره ده لو تمت مصادرتة لنزلت سعر اللحمه لو تم تصديره لجاب عمل صعبة معليش اصبح الانسان والحيوان ارخص
والله ناس الحكومة ديل لو الخليجيين البقنصوا ديل قالوا ليهم جيبوا لنا بناتكم والله والله والله مقابل المال مستعدين يجيبوا لهم امهاتهم
دي عصابة ما حكومة
ديل عديمي اخلاق وضمير
ديل عبيد المال
لعنة الله عليكم
يسألكم ألله كم في المئة من السودانيين ذاقوا لحوم غزلان بلدهم ولو مرة في العمر؟
الأخوة والأخوات قراء الراكوبة
” كان يا مكان في قديم الزمان ” قوة أمنية ” متخصصة في السودان تسمي ” شرطة الحماية البرية ” وكانت مسؤولة من حيوان مخلوق في ماكان يسمي الأرض المليون
وكانت تصدر ما يعرف في ذلك الوقت ” بتصاريح الصيد ” ومسؤولة عن تصاديق تصدير جلود الحيوانات النادرة ، المهم دا القوة ماتت في اول التسعينات بشراء
الكوريين لمدبغة الجزيرة ، وإعطاء حق الأحططاب لمنظمة الشهيد لحظاير الدندر المحمية ، واصبح السودان من أكبر قنوات تصدير الأخشاب ومنتجات الحيوانات النادرة والمنقرضة
وهذا بعد ان اصبح فارغ من سكانة وعامل زي ” شجرة الدليب يرمي ضلة لبعيد ” ” انتهت الحدوتة
ملحوظة : كل حيوانات المتوحشة الأفريقية التي اسس بها الأوروبيين ما سموة ” حديقة الحيوان ” Zoo في القرن 1800 كان مصدرها السودان ، وعلي سبيل المثال
اول ” زرافة ” يراها الأوروبيين كانت من السودان ( وهناك كتاب كامل عنها يحكي قصتها ورد الفعل من قبل الأوروبيين بها ”
المهم يا جماعة ما ننسي ” الفيل ” بتاع حديقة الحيوان الذي مات حسرة واكتئاب في حديقة نمرة 2 في بداية التسعينات ، والذي أظن ان المبدع نور الجيلاني ألف
“أغنية خواطر فيل ” . أما عن الغزال المقتول والمأكول “فلهم ربا يحميهم “.
وأختم :
” الشم خوخت ، والبراق برق من منا جاب القرة
وأم خدود الليلة تلقاها مرقت برة ”
“Cry, the Beloved Country
إنما متنا شقينا المقابر