تحطم طائرة عسكرية غرب امدرمان على متنها 22 عسكريا

Whom did they kill this time? It became the way to solve their differences.

يا ناس الراكوبة الخبر دا ناقص ما عرفنا الناس الفي الطائرة دي أفراد ولا ضباط

تااااااااااااااني الله يستر

اللهم يا عالم ببواطن الامور اجعل تدبيرهم تدميرهم

الاى متى هذا الاستنزاف ………هرمنا هرمنا!!
خلاص كفاية انقلعوا يالله ….الله لاعادكم ولاوفقكم

في ظباط ميتين ومشمعين بالبلاستيك

حرام عليكم يا ناس الموتمر غير الوطني دمرتوا البلد والمواطن , الشعب السوداني باكمله يتعرض للابادة كفاية حلو عنا , الله يغطس حجركم زي ما بتعملو فبتا يا رب

ربنا يرحمهم عملتوها واضحه ياكيزان

سقوط الطائيرات مقدمه لسقوط عصابه البشير وخاله العنصري العفن علي يد الجبهه الثوريه

الهم اغفر لهم وارحمهم .. تخيلوا مررت على جميع الفضائيات السودانية لم اجد ذكرا للخبر ولا حتى في الشريط الاخباري . في قناة العربية بث مباشر للخبر من الخرطوم مع مراسلها سعد الدين انا ما عارف التكتم على شنو

هل هذه كلها قضاء قدر ولاا مؤامرة مدبرة

الحمد لله الذي عجل برحيلهم قبل أن يصلوا بأسلحتهم ومعداتهم الفتاكة لقتل الأحرار والأشراف من المواطنين الذين لا ذنب لهم غير أنهم مواطنون عزل ، اللهم أجعل كيدهم في نحرهم ، اللهم دمرهم فرادى وجماعات ،

لسه ما زلنا مع مسلسل وقوع الطائرات ياجماعة دا تخلف من الحكومة السودانية ليس قضاء وقدر ما ممكن نحن نكون في هذا المسلسل دا وانا اقول راجعوا انفسكم الاول قبل ان تعرفووووووا الحاصل واي شي الزمن دا بقي يبينا فوري ووقتي ,ولسه ما زالت الشعوب العربية تضحك فينا في هذا التخلف؟؟؟؟؟

لو عايزين تتاكدوا انه مافى شبهه جنائية بس راجعوا نسوان الشهداء اذا سمحات بعد كده ممكن تعملوا اينفسيقيشن. يا جماعة الباقى كم طيارة من النوع ده؟؟؟ و الباقى كم متمرد من المؤتمر الوطنى؟؟؟ هل عدد الطائرات كافى؟ و لا نجيب زيادة؟ و الله حيرتوا ابليس ذاتو

ان شاء الله يكون المتخلف ابو ريالة في الطائرة دي يارب

ان شاء الله يكونوا من الدفاع الشعبي ومنتسبي المؤتمر الوثني ومن والاهم… اللهم انصرنا على طغاة الانقاذ المفسدين.
سيخرج علينا اعلام الانقاذ بوصفهم بشهداء ( طائرة غرب ) ام درمان إذا كان بينهم من يسمونهم بالدستوريين والخبراء وإعضاء حزبهم الخبيث.أما إذا كانوا من أفراد الجيش والضباط فهم فطائس ما حيجيبوا خبرهم.
لصوص الانقاذ وكبيرهم المك مازالوا بيجمعوا التبرعات باسم شهداء (موتى) تلودي وفي حساب مباشر مربوط برئاسة الجمهورية والشيكات تسلم لرئاسة الجمهورية مباشرة كذلك. أكيد حيفتحوا حساب للتبرع لشهداء طائرة غرب أم درمان ..
والله الناس ديل بياكلوا الحي والميت ما عندهم قشة مرة

العقوبات الامريكية. ومنع تصدير (للسودان) اسبيرات الطائرات والقطارات وغيرها ادي ذلك الي تهالك قطع الغيار لمعظم الطايرات العكسرية في الجيش السوداني مما يؤدي دائما الي سقوط بعضها وفقد ارواح ابرياء بفعل الاهمال.

ربنا يرحمهم و ياهم زويهم الصبر

اللهم اجعل الطائرة القادمة من نصيب عمر البشير

او واحد من زمرته يا رب تريحنا من ناس الانقاذ

يا رب يكون قيها وزير الزراعة عشان نرتاح كنه نخن ناس الجزيرة

يا رب يكون فيها وزير المالية

الزول العوير دا كان ربنا ريحنا منه — البلد تكون بخير

اللهم أرحمهم وأغفر لهم …. وعفارم عليك يا الأنتنيوف ؟؟؟

الجنه الجيش الكذاب الصوارمى يقعد مع زوجته في البيت ويكذب ساي ويرسل المساكين بموتو فطائيس ساي سوف تلاقى حتفك قريبا ومذيدا من سقوط الطائيرات يأرب

ناس المؤتمر الوطنى حتى الآن بيشحتوا بى طيارة تلودى ,, أهو لقوا ليهم وسيلة شجده تانيه, يلا إستعدوا يا المغتربين للتبرع للطياره بتاعة أم درمان

رحم الله اموات المسلمين والعزاء الحار لاسر الضحايا اما الشامتين الذين يكتبون ويطلبو الكثير من القتلي ومزيد من سقوط الطائرات اقول لهم لعلكم تلاقوا يوم القيامه احياء ولعلمكم كتب الموت علي كل حي والذين توفوا سبقونا ونحن لهم لاحقون نسال المولي ان يتقبلهم ويحسن لنا الخاتمه والتحيه والاجلال للقوات المسلحه ونقول للحاقدين موتوا بغيظكم .

الحمدلله رب العالمين على ما أراد آن يكون بأمره له العظمة والكبرياء,
الطائرة كانت تحمل زخيرة على متنها متجهة إلى دارفور لقتل الابرياء,
تأملو الحادث بعين البصيرة يا أولو الالباب, وتذكرو طائرة تلودى وقد
كان سقوطها فى أشهر حرم, لا حول ولا قوة إلا بالله القوى القهار العزيز
المنتقم الجبار, إتقوا الله يصلح أعمالك.

ربنا يرحم العساكر اللي ركبو الكارو وطار بيهم….. عايزين تستقيلو متين

انشاء الله يكون قام بيهم احد الانتحاريين .؟؟!!…لان القضاء على هؤلاء وهم في الجو اهون من ما يقوموا به من جرائم ابادة في حق الابرياء..؟؟!!

الجماعة عملوها ظاهرة دي الطيارة رقم كم ياتري نعم قضاء وقدر لكن؟؟؟:!

البشير دا حا ينتهي من الشعب السوداني والجيش … مافش حد بقدم استقالته … ديل دمهم ( دلمي ) غورا ريحونا الله لا جاب باقيكم يا خونة يا مضيعي السودان

وما زالت تصفيات دورى المتامر الواطى مستمره وسوف لن يكون هناك ضربات جزاء انما سيكون الدورى بخروج المغدور على ان يلاقى المتصدر ايا كان منتخب الجنائيه الدولية وسيكون الحكم العدل ( الا له الحكم وهو اسرع الحاسبين )

يا اخونا مافي زول قلبه بيوجعه على الناس البتموت دي؟

الانتنوف اصبحت من اشرس اعداء الحكومة

اللهم ارحمهم وغفرلهم هاولا المساكين الله يكون في عون الوطن……………………….

حوادث العربات فى الوطا أقل من حوادث طائرات السودان شيى يحير ياكافى البلا والناس دى لى هسع ماقادرين يفكو اللقظ ونحن شايفونو واضح قصدو مقاصد سوء نية ضد أهل دارفور وعلم رب العالمين وحطم طائرتهم .وطيارة فية أسلحة ومتفجرات ووقعت من فوق ويكون زول حى كلام الصوارمى كذب الاعمار بيد الله لكن ما دايرين يقولو الحقيقة رجس ربانى نزل عليهم من السماء . كان فرعون اللعين يقع عليه المصيبة من رب العالمين ويتطير بموسى بقول موسى هو سبب البلاوى زى الحكومة تتهم المعارضة فى كل مكروه تحصل لها بسبب ظلم الناس وفرعون عندما نفد صبره على الايات جمع قومه وأعلن حرب أبادة جماعية ضد شعبه المستضعفين المهمشين لكن الله نجى موسى وأهلك قوم فرعون عن بكرة أبيهم وأخلف الله المال والارض والمزارع والذهب والكنوز والنساء الجميلات الكانو يختاروهن لأنفسهم أورث الله لقوم موسى الكانو مسضعقين فى الارض من فرعون وجنده مثل مافعل جند البشير قوش وشمس الدين والطيب سيخة قياسا لوزير فرعون هامان وكل الهالكين السابقين والقادمين للشعب السودانى أذاقوهم الويل والعذاب داسوهم بالجزم على الكرامة لمن قالو الروب وهى نفس التفرقة العنصرية والقبلية والجهوية التى كانت سائدة فى عهد فرعون أتطهاد بنى أسرائيل يقتل أبنائهم ويستحى نسائهم نفس القياس مع أختلاف الزمن نقول للطغاة أفعلو بالعباد ماشئتم إن أيامكم لقريب أصحاب الاخدود صبرو على العذاب حتى أتاهم النصر من عند الله كما فرج لقوم موسى من فرعون ومنتظرين يوم أسود لفرعون السودان البشكير وكما كان يصف فرعون لموسى وقومه الان البشير يستهزء بالشعب يسميهم حشرات عواليق شحاتين شذاذ أفاق ألحسو كوعكم الدايرنا يمرق لينا برة كلها كلمات طغاة الباغين فى الارض بغير حق حتى يأخذهم الله أخذ عزيز مقتدر هى أستدارج لكنهم لايعلمون وأنا أقول ليكم من هسع لو رب العلمين ماشال روحى أو موتنى البشير وجنوده بإذن الله عشان مافى زول ينازعنى فى وداد والمزرعة النموزجية للبشير فى السليت وخليت ليكم كافورى وجنينة الشيخ مصطفى الامين أخذت ميراثى خلاص عشان الشكل ماتقع قبل الدفن . منتظرين التلاتة ما بعيشو يا الجمل يا الملك يا أنا وغدا لناظره قريب لاكذب .

الحمد لله أنها لم تسقط فى أى منطقة مأهولة بالسكان و يروحوا فيها مدنيين أبرياء ، اللهم إننا نسألك أن تحفظنا و تحفظ أهلنا و جميع أفراد الشعب السودانى المغلوب على أمره و أن تسلط غضبك و عقابك على كل خائن و عميل يعمل ضد مصلحة الوطن و المواطن.

و الله فى رأى أن على هؤلاء العسكريين الذين يموتون ببلاش فى هذة الحوادث المؤسفة (إن كانوا حقا لا يوالون النظام) أن تكون لهم وقفة حاسمة مع هذا المأفون وزير الدفاع و مع النظام بأكمله حتى و لو أدى ذلك لعصيان الأوامر رفضا لهذا الفساد الذى دمر الشعب و الجيش و خيرا لهم أن يموتوا وهم يناضلون من أجل هدف نبيل بدلا عن الموت فى هذة النعوش الطائرة و يدفعوا بأرواحهم ثمن فساد النظام ،أما إن كانوا موالين للنظام و مقتنعين بما يحدث فعلى نفسها جنت براقش و يستهالوا كل ما يحصل لهم

سلام للجميع
والله حكاية غريبة، ليه ضباط الجيش يركبو طيارات زي دي ، معقولة الناس دي ما شايفة سقوط النوع ده من الطائرات المتهالكة من وقت لآخر وبرضو مصرين يركبوا فيها؟؟!!والله حقو يرفضو ويا روح ما بعدك روح سجن سجن غرامة غرامة.طيب ما يركبو الطيارة البدون طيار بتاعة وزير الدفاع ديك مش برضو ممكن تكون أخير من الانتينوف دي،
رحم الله الموتى ولا حول ولا قوة الا بالله

سلام

غايتو الرقم المكتوب جنب صورة وزير الدفاع (32) ذكرني النكتة دي:

” واحد مجنون واقف فوق بير غريقة ويصيح بأعلى صوته 21،،21 وهكذا، جا واحد سألو يا زول انت قاعد تعد في شنو؟ شالو فوووق ورماهو في البير ثم واصل الصياح 22،، 22 ”

اها الوزير ده يبقالي وصل 32 طيارة والعد مستمر، غايتو شر البلية ما يضحك

رحم الله ضحايا الانتينوف وخالص العزاء لأسرهم وأحبائهم

يا تري هل تم تشكيل لجنة تحقيق في هذا الحادث أم تم تسجيل بلاغ ضد مجهول؟؟؟
عادة يتم تشكيل لجنة عسكرية فنية لمعاينة مكان الحادث و أخذ عينات من المواد المتفجرة إن وجدت لمعرفة سبب التحطم؟؟ أما أن يرسل الصندوق الأسود إلي روسيا لفحصه فهذا يعني طمس الحقائق و تزويرها؟؟؟
بالله كم طائرة أنتينوف تحطمت في أجواء السودان حتي الآن؟؟ لماذا لم يمنع تحليق هذا النوع من الطائرات حتي الآن ؟؟ إلي متي يتم الأستهتار و الأستخفاف بأرواح البشر إلي هذه الدرجة؟؟؟
من يتحمل المسئولية ؟؟؟؟ أكيد كبير القوم ؟؟
اكيد أكيد إن الله يمهل و لكن لا يهمل؟؟؟ (و التسوي كريت في القرض تلقاه في جلدها) أي من حفر حفرة لأخيه وقع فيها؟؟؟ و لا يحيق المكر السئ إلا بأهله … ((و مكروا و مكر الله و الله خير الماكرين ) صدق الله العظيم( الآية 54 آل عمران)

هم بين يدي الله سبحانه وتعالى …..

ادعوا لهم بالرحمة والمغفرة ….

يكفي انهم ادو الرساله ومضو الي جنات الخلد

ويمكرون ويمكر الله والله خير الماكرين

انتهيتوا منهم كالعادة ؟

داير اعرف حاجة واحدة بس الناس ديل حيمشوا وين يوم القيامة من الحكم العدل

دا السؤال المحيرني ، الترابي والبشير وجماعة المؤتمر العفنى

كلنا معا من اجل اسقاط النظام الظالم ثورة مدنيه في القرى و المدن و البوادى و الثوار يزحفون نحو العاصمة وسقوط الانتنوف لتقليل اكبر قدر من المجرمين و هكذا النصر اتى لا محال فليذهب البشير و اعوانه الى الجحيم

هذه طائرات روسية انهت السقف الزمني لاستخدامها وهي خرده, ولكن السماسره هم من يتوسطون لبيعها للسودان وذلك بعد قبض استحقاقهم وهولاء عديمي زمه كما المشتري ايضا ومع عدم الالمام بمواصفات الصلاحيه او العمر الافتراضي لخدمة هذه الطائرات. واذا كان عامل قطع الغيار هو السبب, هذا سبب غسير حقيقي بل شماعة لتعليق الاخطاء. قطع الغيار موجوده بروسيا ويمكن الحصول عليها بدون اي حظر ولكن البيع بيع مافيات سودانية فقط.

متعووووووووووووودة دائماااااااااااااااااا

بعد الترحم على الدماء المسكوبة وهما ،الحل الامثل لطائرة الانتينوف انو عمنا البشير والاخ ابو ريالة يطلعوا سوا فى واحدة للقاهرة ،لو وقعت الموضوع انتهى !!!ولوطارت ولحقت وجات …!!!الرماد اكل حماد !!!

ما طارت طائرة وارتفعت الإ كما طارت سقطت ,,,لاحول ولا قوة الإ بالله حسبي الله ونعم الوكيل..

* اللهم اغفر لهم وارحمهم وتقبلهم مع الشهداء والصديقيين ، واشفى المرضى يا رب العالمين 0
* بعد تكرر حواث الطائرات بسبب الأعطال الفنية يجب وبصورة عاجلة تغيير جميع اصطاف الفنيين الموجودين في اماكن الصيانة وذلك لدرء الشبهات وكذلك تقييم المؤهلات العلمية التى نالوها ، حيث لايعقل بأن تطلع طائرة من الصيانة وبعد فترة قصيرة تسقط الطائرة . يجب مراقبة العاملين في هذا المجال وخصوصاً الطابور الخامس وكل من تدور حوله الشبهات . والله خير الحافظين

زمان الاهل لمن يرسلوا الشافع الكان بقولوا ليو عاين في الشارع كويس ما تطقشك عربية هسي بقولوا ليو عاين فوق ما تقع فيك طيارة …عجبني ليهم والله ده حق اهلنا في معسكرات النازحين في دارفور وجنوب كرفان والنيل الازرق وشهداء رمضان وشهداء الحركة الطلابية وضحايا مضطهدي جهاز الامن يووووووووووووووووووووووووووي

اللهم لاشماته في الموت

يا الشماتين ابوكم مات……….. اول شي مافي شماته بالموت وتاني شي كابتن الطائرة دا عمي وضابط حربي قديم وماكان كوز ومتدين جدا وبخاف رب العالمين وبحب السلام لبلدو والاسلحة دي موديها للفاشر من اجل السلام وانا مابسمح لاي شخص يقول علي عمي انه قاتل ومجرم واكبر دليل الطائرة لمن المحركات اتعطلت لو كان نزل طوالي كان الطيارة ما انفجرت بس الكابتن نزلها بعيد عشان مايقتل سكان الصالحة وما اي زول بعمل كدا ولمن عرف انو الحكاية نهايتا الموت قال ليهم احنا حانستشهد ،، ولو كان مجرم وكوز ماكان ضحي بعمروا كلو عشان الوطن ولاخر لحظة بحياتو يقول يارب يعم السلام بالسودان والحمدلله علي ذلك……
واذكروا محاسن موتاكم…