السودان بين غلواء الأخوان المسلون ومطرقة الشيوعيون !

يا المجمر عليك الله الكتبته دا …دا خبر دا .ولا مقال ولا شن نفرو..لا تصنيف له ابدا..الا انه شي ينقل اليك عدوى البلادة..بعدين بموهبة عدم حاسة فرزك لو مر من قدامك اضحم ارهابي بعلو جبال التبت انت ما حا تعرفوا او تفرزو …وعشان كدا الناس بتقول الارهاب دا مالو انشر كتير كدا في اوربا. عليك الله يا المجمر بعد المقال طوالي قوم واتجمر.. والله أسواء ما قراءة لحاجه ما عرافا

شكرا استاذ عثمان لهذا الطرق الشجاع الذى يتحاشى الكثير من الدخول فيه ونعم من اكبر اسباب الازمة الحادة التى يمر بها السودان اليوم هما هذين الحزبين العقائديين ولا اود ان ان اسهب فيكفى ما سلطته من اضاءات
بجانب ذلك لا بد ان تذكر الاستثمار البشع الذى مارسه الحزبين الطائفين مستغلين نسبة الجهل التى وصلت اكثر من 80% ونمت على حساب عرق وجهد الغلابه فى الشماليه وشرق السودان وغربه والجزيره ابا
لقد خان المثقفين والمتعلمين على حساب الشعب السودانى القضيه وتمرغ حزب الموظفين فى بحار الميرى بامتيازاته التى رشاهم بها الانجليز ومن بعدهم قادة التنظيمات السياسيه لتمرير سياساتهم الحزبيه نظير امتيازات السكن الحكومى المرفه والعربات بسائقيها الخ الامتيازات الاخرى
لقد آن الاوان ان يتكون كيان الوسط الذى لايميل الى اليسار ولا اليمين ولا اى اتجاه عقائدى اخر حزب تكون مهمته الاساسيه ومن خلال من يؤمن به ان يخصص كوادره فى شتى المجالات القانونيه والصحيه والاجتماعيه والاقتصاديه والسياسيه والعسكريه والرياضيه والفنيه لوضع هيكلة لبناء دولة المؤسسات والشفافيه وفى كيف يجب ان يحكم السودان وفق ضوابط يتفق عليها وبعد ذلك من يحكم السودان فهذا امر متروك للشعب السودانى عبر ممارسه ديمقراطيه شفافه يتم من خلالها التداول السلمى للسلطه وفق الاطار العام الذى تحدد فى كيف يحكم السودان

عيب عليك تكتب كلام أصلاً لم يحدث و إنما يتداوله الناس من باب النكتة والمزاح ، لم يحدث أن قال المحجوب ليس في هذه الجمعية سوى جملاً واحداً ، عيب عليك يا جهلول

ده مقال اخير منو قطع الجمار
ده مقال فكي عدمان الابريق

مقالك فطير يا رئيس منظمة ( لا للإرهاب الأوربية ) وساذج أيضا للأسف – وأستغرب كيف سمحت الراكوبة بنشر هذا الهراء والسخف !!! ؟؟؟

,استغرب مقارنتك بين الشيوعيين والأخوان المسلمين الغير منطقية ابدا – ولم تجد ما تنتقد به ( الشيوعية والشيوعيين ) غير :{ إننى لا أرى فى هذه الجمعية إلا جملا واحدا} !!!!! ثم تختم المقال العجيب بآيات قرآنية !!!!

جملا واحدا !!!!! يا عثمان المجمر

أعوذ بالله

انت زول عبيط ، أي كلام بتسمعو تجي تنشرو ؟ أسأت للمحجوب وهو رجل ميت ، و غير ذلك فهو لا يميل للسخرية ولا لفاحش القول ، و أسأت للسيدة المناصلة فاطمة ابراهيم لأن ما ذكرته لم يحدث اطلاقاً ،، إخص على الكتابة لو كانت كدة ،، بالمناسبة أمثالك من الجهلة الذين يتصدون للكتابة هم السبب الرئيسي لكي يحكمنا الكيزان

أسخف وأتفه مقال يكتب فى الراكوبة، قلة شغلة وعدم موضوع. ناس تراجى وناس زعيط ومعيط والله سديتو نفسنا وكرهتونا فى المغتربين.

يا ود المجمر الدخلك بين البصلة وقشرتها شنو والوداك جحر الضب ده منو وفكاك عكس الهواء.

انت عارف ان السودانيين ديل عندهم علاقة غريبة عجيبة مع الشيوعيين لايحبون ولا يكهرون ولا ينتخبون الحزب الشيوعي السوداني بس الشعب السوداني له علاقة خاصة مع الشيوعيين كافراد لايمكن أن تفهم،

السودانيين يحبون يناقرون الشيوعيين ليل نهار بس الكلام فيهم يغضبهم كثيراً وكم من كاتب وناشط راح التنونج بسبب كلام غير مؤسس عن الشيوعيين.

يا المجمر لم تتوفق في كتابة هذا الذي جانب الحقيقة الا قليلا فأنت تصدق بعض الألفاظ البزيئة عن برلمان ذلك الزمن الجميل وان تلك المقولات ليس من أخلاقهم وما بالك وأنت تذكر المحجوب رحمه الله والمناضلة فاطمة أحمد ابراهيم زوجة الشهيد الشفيع وانت تظلم الحزب الشيوعي وتفارنه بالكيزان بليذين فعلوا فينا الأفاعيل أين المنطقية في كلامك وأنت تضع الصالح والطالح في ماعون واحد قد قرأت لك من قبل واليوم تكتب كلاما لا يرقى لمستوى النشر وبه معلومات مغلوطة عن انقلاب مايو الناصري الذي وجد تأييدا من بعض الشيوعيين نتيجة احداث 1965 حين تم ذبح الدستور . أرجو أن تكتب بموضوعية في قادم الأيام تحياتي

اتحدى المجمر هذا الذى يكتب لا سند له ان يأتي بدليل واحد من مضابط البرلمان او غيره فيه ان

– فاطمة احمد إبراهيم قالت الكلام الفوق دة
– وان المحجوب رد عليها بمثل هذا الكلام التافه

ثم ان فوله ان الشيوعيون استنوا سنة الانقلابات هذا كلام غير صحيح ن يدل على ان المجمر لا يعرف تاريخ ولا يعرف يقرأ

فقبل انقلاب 69كان انقلاب عبود حتى ولو كان تسليم وتسلم فهو انقلاب عسكر ، ثم في نفس الفترة انقلاب شنان وعلى حامد ، ثم انقلاب الاخوان بقيادة الرشيد طاهر بكر
ثم يا اخى ان انقلاب 69 لم يقم به الشيوعيون ن صحيح هم ايدوهو لكن اختلفوا في تقييمه ن جماعة عبدالخالق قالوا هذا انقلاب للبرجوازية الصغيرة وغير ذلك من كلام يدل على عدم الرضا وقسم ايده مثل احمد سليمان وبقية أخرى

ثم ما هذا القول ( السودان بلد مسيحي إسلامى صوفى عربى زنجي ) ده شنو دة سمك لبن تمر هندى ، ما علاقة الانتماء الدينى للانتماء العرقى ، يا اخى حتى داخل المسلمين هناك اختلافات لايليق ان تضع المسلمين تحت سلة واحدة هناك الصوفى وهناك انصار السنة وبينهما ما صنع الحداد وهناك الترابى وبينه والصادق سجون واحباس ، ثم يا بتاع الإرهاب انت في السودان هناك غير مسلمين وغير مسيحيين هناك جماعات وسودانيين اكثر منى ومنك يؤمنون بالكجور واديان افريقية ارواحية ، هل ترغب في اقصائهم وطردهم من السودان

قال رئيس منظمة لا للارهاب الاوربية ، كل واحد يعمل حاجة في بيته وغرفته ويقول ليك انا رئيس شنو ما عارف الاوربية ما هي دى تراجى زيك رئيسة جمعية الصداقة الإسرائيلية السودانية برضو مافيش حد احسن من حد