هل قام الطيران الاسرائيلي بضرب السودان للمرة الرابعة؟!!
حكومة البشير (مخابرات + امن + جيش + شرطة + دفاع شعبي + دفاع بالنظر ) عرفوا قبل شوية انو امس بالليل جات طائرات حربية اجنبيه واقتحمت مجالنا الجوي وقصفت منطقة سلالاسير في شرق السودان وسائق العربة توفي محترقا وتم اسعاف 12 مصاب بحروق لمستشفى بورتسودان اليوم.
العدوان الاسرائيلي السابق على بورتسودان عبدالرحيم اللمبي كان وزير دفاعنا وقال ضربونا ليلا ودون اضاءة والناس كانوا في صلاة العشاء والطيارة جات طافية الانوار.
العدوان الامريكي على مصنع الشفاء الخرطوم بحري عبدالرحيم اللمبي كان وزير داخليتنا وفتح بلاغ في قسم حلة كوكو ضد الولايات المتحدة الامريكية.
العدوان الاسرائيلي على مصنع اليرموك نائب الرئيس الحاج ادم قال لو نزلوا الينا عبر الارض لحسمناهم بالسواطير.
ووالي الخرطوم قال سبب حريق المصنع بتاع اللحام ما اسرائيل.
العدوان العام الماضي على معسكر في غرب امدرمان الصورامي قال ده جسم تصويري استطلاعي ضوئي لم يتم تحديد هويته بعد.
الحقيقة المرة اننا بلد قاعدة ام فكو من السيادة الوطنية وحكومة اسد افريقيا عاجزة عن حماية حدود السودان المحتلة وعاجزة عن الدفاع عن مجالنا الجوي وفالحين جدا في الرجالة على المواطنين العزل وقمعهم وتحديهم بالطلوع للشارع .
علما بأن اللادار ينام مع مغرب الشمس ولما يكون صاحي بجيب خبر اخترق مجالنا الجوي بعد نص ساعة، واضح انو امس كان اللادار بردان شديد ومتغطي بي البطانية لانه الطائرات شافوها شهود عيان وحددوا عددها بي خمسة طائرات وكلها مشغلة اللمبات
منو العوض وعليه العوض في سيادتنا الوطنية.
سيد الطيب – فيسبوك
[CENTER] 
[/CENTER]
* مصادر تحدثت عن عدم صحة الخبر. الصحيح أن الصور لحادث حركة بين لوري بيدفور وعربة أخرى تزامن مع وجود طلعات جوية للطيران السوداني.
ولكن المنطقة شهدت من قبل قصفاً اسرائيلياً.
😂😂😂😂😂😂😂
طبعاً ممكن يجينا واحد حسى يقول ليك “أنا حسى كنت هناك ومافى حاجة”. وهذا الصباح جريمة جديدة للنظام فى الجنينة للتغطية على فشلهم فى الشرق.
والله دى أفشل وأحقر حكومة معها موالينها فى تاريخ السودان ويا جماعة بكل ايمان هذه الشرزمة سوف تسقط بأذن الله الواحد الأحد وموالينها الحثالة سيهربون كالجرزان من إنتمائهم لهذا النظام…والشواهد والعبر كثيرة.
يا مثبت القلوب والابصار ثبت قلوبنا على دينك الحق ووطنا الحق وشعبنا الحق…واحقاق الحق ولو على أنفسنا…اللهم آمين.
المصيبة انو عشان تستهدف عربية بصاروخ موجه من قاعدة ثابتة اوطايرة حربية لازم يكون مرقم يعني المختصر انو عندهم ناس علي الرض هم البيحددو ليهم الهدف ذي ما قلت بلد قاعدة ام فكو ساي جوا وارضا وبحرا
الصور تؤكد ان الضرب تم من اعلى والدمار التام الذى اصاب العربه لا يمكن ان يكون ناتجا من حادث سير مهما كانت قوته كما ان اللورى البدفورد المدمر والمحترق من كل الجنبات وخاصة من اعلى احتفظ بالصدام سليم تماما مما يعنى انه لم يصتدم بالعربه المدمره تماما والتى تظهر الصور ان صدامها الامامى محترق الا انه سليم ونتوجه بالسؤال لسعادة الفريق محمد حسين الشهير اللمبى هل فشلت نظرية الدفاع بالنظر؟؟؟
😂😂😂😂😂😂😂
طبعاً ممكن يجينا واحد حسى يقول ليك “أنا حسى كنت هناك ومافى حاجة”. وهذا الصباح جريمة جديدة للنظام فى الجنينة للتغطية على فشلهم فى الشرق.
والله دى أفشل وأحقر حكومة معها موالينها فى تاريخ السودان ويا جماعة بكل ايمان هذه الشرزمة سوف تسقط بأذن الله الواحد الأحد وموالينها الحثالة سيهربون كالجرزان من إنتمائهم لهذا النظام…والشواهد والعبر كثيرة.
يا مثبت القلوب والابصار ثبت قلوبنا على دينك الحق ووطنا الحق وشعبنا الحق…واحقاق الحق ولو على أنفسنا…اللهم آمين.
المصيبة انو عشان تستهدف عربية بصاروخ موجه من قاعدة ثابتة اوطايرة حربية لازم يكون مرقم يعني المختصر انو عندهم ناس علي الرض هم البيحددو ليهم الهدف ذي ما قلت بلد قاعدة ام فكو ساي جوا وارضا وبحرا
الصور تؤكد ان الضرب تم من اعلى والدمار التام الذى اصاب العربه لا يمكن ان يكون ناتجا من حادث سير مهما كانت قوته كما ان اللورى البدفورد المدمر والمحترق من كل الجنبات وخاصة من اعلى احتفظ بالصدام سليم تماما مما يعنى انه لم يصتدم بالعربه المدمره تماما والتى تظهر الصور ان صدامها الامامى محترق الا انه سليم ونتوجه بالسؤال لسعادة الفريق محمد حسين الشهير اللمبى هل فشلت نظرية الدفاع بالنظر؟؟؟