معاناة الشعب السوداني

– لما يجيك عياااااان تعباااااان يقول ليك عندي ضرسي دا واجعني ويكون عندك خيارين للحالة دي اما تقلع او تعمل علاج جذور وفي نفس الوقت السن انسب ليها شيء علاج الجذور يقوم يسالك العيان يقول علاج الجذور احسن لي بي كم علاج الجذور تقول ليهو مثلا ب 500 يسكت مساااافة ويقول ليك القلع ب كم تقول ليهو 150 يقوم يهبش جيبوو براحة كدااا ويسرح ياخد ليهو لحظة تفكير ! طييب بفكر ف شنو ؟ بفكر انو انا معاي 100 عايز اشيل عشاء للاولاد ! او امي، ابوي ، ولدي عايزين دواء …الخ القصص والاحتياجات الضرورية بتاعة اي بني ادم. نرجع للقلع ولا علاج الجذور وفي اللحظة دي ف كم سيناريو ممكن يحصل .. منهم يقول ليك خلاص بمشي وبجيك بكرة وهووو متااااالم والم السن مافي زول بيقدر يتحملوووو دا احتمال يكون عندو قروش عايزة ل شيء ضروري اهم من مرضوو والموو او اما م عندو قروش خاااالص ! طيب انا واجبي ك طبيب انو انا لازم اعالجو واخترتة اسرع وف نفس الوقت اسواء علاج ل ضرسو الممكن يتعمل ليهو علاج عصب وترميم وممكن يقعد معاهو كم سنة ل قدام . القلع وقلعنا الضرس ح يجيب حق المسكن والمضاد الحيوي ( علاجات بعد القلع) من وووين . ويجيك واحد يقول ليك ي دكتور والله كل قروشي كدا عايز اتعالج ويدفع كل العندو ويطلع منك م عندو حق المواصلات
– الحمدلله ع كل حال
– ويوميا والله لازم تمر بي حالات ذي دي
– عشان كدا م بتذوق طعم قرش علاج انسان ابداً غايتو الواحد يحاول يساعد ع قدر م يقدر
– مهنة جميلة اتمني ممارستها مجان ولكن……….
– ربنا يشفي كل المرضي

[email][email protected][/email]