الصمت يُخيم على بعثة السودان في مطار الخرطوم، وغارزيتو يستقبلهم !
عادت بعثة منتخب السودان الأول في الساعات الاولي من صباح اليوم الإثنين إلى العاصمة السودانية الخرطوم قادمة من العاصمة الأثيوبية اديس اباباـ وغلف الصمت والحزن اجراءت انهاء خروج البعثة من المطار على خلفية الخروج الحزين من تصفيات كأس أمم أفريقيا في جنوب أفريقيا المقرر لها يناير من العام القادم بعد الخسارة من منتخب أثوبيا بهدفين نظيفين.
بعثة صقور الجديان لم تجد مستقبلين لها ولم يواجهوا في طريقهم للخروج من المطار سوى وجوه متذمرة من المتواجدين بالمطار، كما رفض محمد عبد الله مازدا المدير الفني لصقور الجديان التعليق على أسئلة الصحفيين كما رفض أيضُا بقية أعضاء الجهاز الفني الحديث للإعلام.
وفاجأ الفرنسي ديجو غارزيتو المدير الفني لفريق الهلال أعضاء بعثة المنتخب السوداني تواجده في المطار في هذا الوقت المبكر، وأكد للموقع مصدرمقرب من الفرنسي بأنه تواجده يهدف منه لرفع الروح المعنويه للاعبي الهلال الدوليين المتأثرة بنتيجة مباراة أثيوبيا.
.goal
HHHHHHHHHHHHHHHHHHHHHHHHHHHHHHHHAAAAAAAAAAAAAAAAAAAAAAAAAAAAAA HHHHHHHHHHHHHHHHHHHHHHHHHHHHHAAAAAAAAAAAAAAAAAAAAAAAAAAAAAAAAA
كرة القدم غالب ومغلوب … والاهم ان نتعلم من اخطائنا ونقوم بترتيب جديد يضمن لنا الاداء المشرف… بالله التوفيق… ولك كل مجتهد نصيب.
الحمد لله أنهم رجعوا بالسلامة ..
نحنا كدا و هذه هي عادتنا ..
و إن صادف و فاز المنتخب أو أي فريق ( يبرز المزايدون) و كل يريد نسب الفضل لنفسه
إلا الشينة لأنها ( منكورة) ..
هاردلك للاعبينا و الجايات أكثر من الرياحات و مقارنة بفرق زمان بالرغم من الأسما الكبيرة
( عمر النور ، على قاقارين ، جكسا ، بشارة ، حموري ، النقر ، سبت دودو ، حامد بريمة و غيرهم) فالمنتخب السوداني في السنوات الأخيرة هو الأكثر حضورا و الأكثر تمثيلا و وصولا لنهائيات الأمم الأفريقية..
لكم الشكر يا شباب و زي ما قلنا الجايات أكثر من الرايحات زي ما قال وحيد الكورة غالب و مغلوب
و بكره إن شاء الله أحلى ..
وين الجماعة , ما قالوا كل شيئ بالدعاء؟؟؟!!!! المسالة لعب واجادة اللعب بالمهارات وبس!!!!! ولا بله الغائب ما دفعتوا ليهو حقو؟؟؟؟؟
الدوله بترسل وفود كرويه بس من اجل المشاركه وكل الناس عارفه وشايفه كيف البطولات بتؤخذ ونحن بنقوم نصدق اننا حنافس بفرق اصلا ما مجهزنها يعنى اللعيبه دول نحن ما عملناهم بقوا ليعيبه باجتهاد افراد وحبهم للعبه اما ماما سودان بتولد وتخلى الشارع يربى ولما نكبر على الشارع وقمامتو عايزه تحلب لبن طازه ومعاه زبده .
أنا داير أعرف اسم المدافع الدنقر للكورة براسو وهي نازلة في رجلو والكانت السبب في القوون التاني .. ده ما عندو أي علاقة بالكوورة ومفروض يحترم نفسو وتاني ما يلعب كوورة
انتو من اول ما عندكم لا كوره ولا حاجه,فاكينها فى روحكم بس..لاعيبة الفريق القومي هم فى الاصل خضرجيه ضلوا طريقهم الى سوق الملجه (مع الاعتذار للخضرجيه)
يا جماعة ، يمكن بايعنها للاثيوبين خصوصا بعد سحب النقاط الثلاثة لانو ما ممكن الشفناهم ديل يكونوا لعبوا كورة قبل كده ، وثانيا التشكيلة نفسها عليها علامة استفهام كبيرة .
الشغلة فيها( إنا) وما بتدخل العقل .
احتمال برضو وكل شيء جائز في عهد الانقاذ ، الناس ديل باعوا السودان كلو ما يبعوا مباراة !!!
غايتو ..
مجنون ليلى والهلال
ديل من المطار وعلي طول الحدود مع الجنوب واولهم مازدا وربنا اعوض السودان والشعب السوداني علي اموالنا وانا واحد من الشعب ماعافي حقي من فلوسنا التي صرفت من غير وجه حق
قسماً بالله مازدا دا لا يملك ادنى فكره عن التدريب ….. واذا كان ديل اللعيبة الراجينهم يجيبوليكم كاسات 111 خموا وصروا …
السلام عليكم
ياجماعة بكل صراحة عايز زول يرد لي يكون شاهد المباراة هل المنتخب واللعيبة كانوا بلعبوا بحماس هل فيكم واحد حس نخوة وشهامة وقتال زي ما الاثيبوين كان بعملوا !!!
ليه ما عندنهم غيرة تجاه السودان في مباريات كتيره جدا مابنحس في اللعيبة نخوة وغيره تجاه البلد واسف لو كلامي دة زعل زول .بس حقيقة احبطونا جداً
والله السودان فيو لعيبة اقدروا يشيلوا كأس العالم لو ما ابالغ لكن مافي تخطيط ودراسة واستقطاب
انا عمري 30 سنة من ما قمت وعرفت الكورة شفت وجوه واسماء بتلعب والمصيبة انها ما قدمت شي
عندنا لعيبة بلعبوا برة شوفوهم جيبوهم يجوا يشاركوا في المباريات الدولية زي ما الناس كلها بتعمل اهتموا باللعيبة واغرسوا فيهم شي جميل يبادلوكم في الملعب بي مثلوا …
اللهم وقفنا جميعا وسدد خطانا
شكرا جزيلا
ما كان اركوبوهم الانتنوف ونرتاح مرة واحدة ونجيب لينا فريق جديد ومدرب مبتدئ افضل مليون
مرة من سجم الرماد مازدا الفاسدة..والله المنتخب الثانى افضل من الوهم ديل
الله لا يكسبكم خير ولا بركة
أأأأأمممميييينننن