لاعبون عرب بقائمة أكثر نجوم كرة القدم شعبية بالعالم

افارقة… مافي…؟؟!…….الغرض مرض..!!

بلايه عليكم خافو الله فينا كوررررررررة شنو في السودان بعد الهزيمة من الصومال واثيوبيا…. كان الاجدر من رئيس الجمهورية ايقاف الكورة ومحاكمة كل من تسبب في ذلك … وكفانا صرف في الفارغة والملايين والمليارات البتدفع الي اللاعبين هناك من هم اولي بها من لا يمتلكون قوت يومهم يا امير المومنين ….

ديل افارقة بس فيصل العجب ما عربي دا الفرق

الي ( مندكورو ) ياخي ليه احنا مهزوزين كده ؟ احنا خايفين ليه من الناس ديل ؟ ما سودانيين زينا ؟ احنا ليه دايما نحاول نثبت عروبتنا حتي لو بالكذب ؟ اما الخيارين بتاعنك ديل انا ما برضاهم و اي زول يقل ادبه بقد ليه عينه طوالي ، علي العموم انا هدفي من الكلام دا كله توفير الحريه ، اي زول حر في نفسه بس ما يفرض حاجه علي الاخرين بالقوه .

صدقت يا سايكو

سياتي اليوم الذي ستكون فيه الهويه السودانيه الطاغيه في بلادي وستخمد كل الاصوات الجهويه والقبليه وستساوي كل ثقافات السودان و قبائله وسينهض السودان من بؤرة التخلف الانقاذيه

ولن يكون هنالك مكان في بلادي للاصوات الناشزه التي تتجاهل قضايا بلادنا واهلنا الملحه والمصيريه لتهتم بسفاسف الامور وقضايا قوميات اخري لاتجلب لنا سوي الدمار والهلاك وتغدق الاموال والعطايا علي الاجانب اموال وانعام واراضي لاهل مصر وغزه وجنوب لبنان بينما يتضور اهلنا جوعا وعطشا

ويكفينا امثال عبد الحي يوسف الذي دعي بارسال لحوم الاضحيه لاهل غزه متجاهلا تماما الجوعي والغلابه في السودان
انه انفصام الشخصيه والشعور بالدونيه والتبعيه للعرب الذي يعاني منه البعص في بلادي وهم قلة وفي تناقص مستمر والحمدلله