فتوى بتحريم زكاة أموال السجائر والتمباك
الخرطوم: السوداني
أفتى رجل دين بحرمة تعاطي السجائر و”التمباك” واستخراج الزكاة من أموالهما، في وقت كشفت فيه المباحث الجنائية عن أن 80% من السودانيين يتعاطون “التمباك”.
وشدد الأمين العام لجمعية الإمام مالك الفقهية د. علاء الدين عبدالله أبوزيد في ندوة بالخرطوم أمس الخميس ـ بحسب قناة الشروق ـ أن التبغ حرام شرعاً.
وقال أبوزيد: “كيف بالله عليكم يكون التبغ من الطيبات وهي تفتك يومياً بالآلاف وتقتل الملايين سنوياً”، وأضاف: “إنها تذهب بالمال وتهلك البدن وتشرذم الأسر وتؤثر تأثيراً مباشراً على الأطفال الناشئين من هذه الأسر المتصدعة فيكونون أكثر قابلية للانسياق وراء المخدرات وما شابهها”.
وأكد أبوزيد أن التبغ والسجائر من المحرمات شرعاً وأموالها لا تصح عليها الزكاة.
من جانبه قال العقيد منور محي الدين من دائرة المباحث الجنائية، إن 80% من السودانيين يستخدمون التمباك الذي توجد به أكثر من 28 مادة مسرطنة. وبعث برسالة إلى كافة الأسر بالانتباه إلى أبنائها خاصة عند مرحلة المراهقة.
وأشار منسق البرنامج القومي لمكافحة التبغ د. رضوان يحيى أن مكونات التبغ بها أكثر من 4000 مكون جميعها ضار بالصحة وفتاك على المدى الطويل وتسبب السرطانات المختلفة أشهرها سرطان اللثة.
السوداني
والله لو التمباك والسجائر بفطسن عدييييييييييل كده الكيزان ديل ما ح يمنعوهن ليه لانو عليهن ضرائب وزكاة وبدخلن قرشين حلوات للحكومة …هيئة علماء السودان قاعدة عندهم فتاوي عجيبة كده بتاعة زول عندو بنقووووو كااااااااااااااااارب
الانقاذ فرضت الضرائب الباهظة علي المواطنين مما ارهقهم وتركوا العمل، اما المزارعين عندما تأتي ايام الحصاد تكون الحكومة حاضرة بشرطتها وعسكرها لمصادرة الحصاد بحجج واهية مثل سد الفجوة الغذائية و تخفيف الاسعار علي المواطن، اذاً التمباك اولي لهم وبشبهكم،وازيد لماذا لا تفرضوا ضرائب علي الفنانات اللائي يحين حفلات في نيجيريا وغيرها
طيب بتيشلو منهم الزكاة ليه يا ناس ديوان الزكاة معناه انتو زاتكم بتاكلو فى قروش الحرام ياالعاملين عليها
وقال أبوزيد: “كيف بالله عليكم يكون التبغ من الطيبات.
بالله عليكم دى لغة الخال الرئاسى…والتبغ من الطيبات لأنه لولآه لما تحملنا وجوهكم الغبره دى يا د. أبوزيت.
أما إنت يا عقيد يا منور أراك أصبحت خبير فى علم الأمراض (Pathology) مالك ومال الشغلانيه دى خليك فى صفا وإنتباه…وكدى إتشاطر شويه وورينا واحده فقط من ال 28 ماده مسببه للسرطان.
أما أنت يا ديك تور رضوان وصلت إلى معلومه بأن اكثر من 4000 مكون جميعها ضار بالصحة وفتاك…ممكن تنصح المعتوهين البشير وبكرى حسن صالح بالأمتناع عن الممبو السودانى.
معليش يا إدارة ومعلقى الراكوبه طلعت من الخط كتير ولكن قصدى التنبيه متى ستكون الأنتفاضه القــــــــــــادمه؟؟؟؟
الكاكى انتهى إيه دخل الجيش فى الدين خليك مع بتابيتك ويمن خلف
منو اسم رجل الدين؟
80% من السودانيين يتعاطون التمباك, التمباك به اكثر من 28 ماده مسرطنه, شكرا على المعلومه!
بس انا عندي ملاحظه في 80% دي حسبوها كيف …يا جماعه كم نسبة البنات البسفو.. 5% مثلا ،وتقريبا حسب التعداد النساء 50% من السكان ،هذا غير الاطفال اقل من عشره سنه برضو بسفو وبدخنو ،والكثيرين من الشباب والشياب الذين لايدخلون ،السؤال حسبوها كيف نسبة ال80% دي..المبالغات لا تصلح المجتمعات ولكنها تتحول احيانا الي تشويه لسيرة الشعب السوداني
بس انا عندي ملاحظه في 80% دي حسبوها كيف …يا جماعه كم نسبة البنات البسفو.. 5% مثلا ،وتقريبا حسب التعداد النساء 50% من السكان ،هذا غير الاطفال اقل من عشره سنه برضو بسفو وبدخنو ،والكثيرين من الشباب والشياب الذين لايدخلون ،السؤال حسبوها كيف نسبة ال80% دي..المبالغات لا تصلح المجتمعات ولكنها تتحول احيانا الي تشويه لسيرة الشعب السوداني
يا كبسور اعمل حسابك وما تتكلم فى العلماء لانهم اولياءالذين امنوا وكانوايتقون وانا خايف ليك من السخطة اوعك حاسب نفسك واستغفر ربك
سؤال برئ جدآ !! هل شيخنا دا ضاقو ؟؟؟؟
اكلو مشروع الجزيرة جاييين للتمباك ما تخجلو يا سلة غذاء العالم
هذا النسبة مبالغة فيها بطريقة كبيرة وما عارف سعاتو دا ماهى المعيار الذى به استطاع تحديد النسبة , اولا مثلما ذكر احد المعلقين ان اكثر من 50% من سكان السودان نساء, وكل نساء دارفور وكردفان لايتعاطون التمباك ومع العلم ان التمباك مصدرةالرئيسى دارفور الا ان اهل دافور اكثر من 95% من الرجال لا يتعاطون التمباك وقس على ذالك بقية المدن ونؤكد لسعاتو ان هذه النسبة مباااااااااااااااااااااااااااااااااااااااااااااااااغة فيه
سبحان الله عشان كده كلو يوم أزمه ورى أزمه بلاى التمباك والدخان فيهو زكاة الله المستعان هل هذه حكومة مسلمه الله يهدينا
ماذا تاخذ الحكومة ضرائب عالية علي التبغ والتنباك و تدخلها الخزينة العامة و تصرف منها علي هيئة علماء السلطان سيارات برادو و مرتبات و حوافز ضخمة — يعني عامليين فيها ما عارفيين كروشكم الكبيرة دي كلها من التعباك و السجاير – لعنة الله عليكم ينما حللتم .