السودان يتوجه إلى مجلس الأمن متهما إسرائيل بقصف مجمع اليرموك الحربي
ذكر وزير الإعلام أن بلاده ستتقدم بشكوى إلى مجلس الأمن الدولي تتهم فيها إسرائيل بمسؤوليتها عن قصف مجمع اليرموك الحربي. وأضاف قائلاً إن الفنيين والمهندسين السودانيين تحققوا في مخلفات الصواريخ ووجدوا عليها الكود والأرقام التي تعضد اتهام إسرائيل”. وأوضح أن المجمع الحربي يقوم بتصنيع أسلحة تقليدية، معتبراً أن إسرائيل تريد القضاء على القدرات الدفاعية للسودان، وقال: “رغم عدم امتلاك السودان للأسلحة المتطورة مثل إسرائيل لكننا قادرون على رد الصاع صاعين بوسائل أخرى. غير أننا نحترم القانون الدولي ولذلك سنذهب لمجلس الأمن رغم علمنا بمحاباة الدول الكبرى لإسرائيل”. وأضاف:”نتمسك عن إعلان الزمان والمكان ونريد أن نبدأ بالقانون”. من جانبه ذكر المتحدث العسكري السوداني العقيد الصوارمي خالد سعد أن استخبارات بلاده تمتلك أدلة على تورط إسرائيل في قصف مجمع اليرموك الحربي جنوب الخرطوم، مضيفاً أن صورا التقطت لموقع القذف ستوزعها الاستخبارات على وسائل الإعلام.
وكالات
وين خوابير الكيزان من طيران بني صهيون ؟؟
فالحين بس في المعارضين بس
لا نثق مطلقاً في كلام الحكومة ، اسرائيل تعلم جيداً أن معظم الاسلحة تأتي لقطاع غزة من السودان عن طريق التهريب عبر الحدود المصرية لان من يحكمون غزة هم كيزان فلسطين ، اللعبة واضحة ما كان لاسرائيل ان تضرب البنية العسكرية لو لا وجود هذه الشبهات التي تحوم حول هذة الحكومة
( من جانبه ذكر المتحدث العسكري السوداني العقيد الصوارمي خالد سعد أن استخبارات بلاده تمتلك أدلة على تورط إسرائيل في قصف مجمع اليرموك الحربي جنوب الخرطوم)
أين كانت الإستخبارات قبل توجيه الضربة؟
الإجابة :
الإستخبارات نشطة فقط مع الشعب السوداني.
حسبى الله ونعم الوكيل عليكم ، أللهم أصرفهم بما شئت.
ده كلام!!! الناطق باسم القوات المسلحة ليلة أمس أكد بأنه ليس هنالك أي شبه خارجية في القصف
واليوم بيقول إن لديهم أدلة تثبت بتورط إسرائيل في هذا القصف
طيب يا سعادتك ليه بتصرح قبل ما تتأكدوا والآن إتأكدتوا وتبين لكم إن من قاموا بقصف المصنع
هم الإسرائليين السؤال الكبيييييييييييييييير (حتعملوا إيه)
يا إخي (إنت وأبو ريالة) أكبر مواسير الجيش السوداني غير الكلام والنظريات ما بتعرفوا أي شي
قوموا لفوا تاخدكم قذيفة من قذائف إسرائل …
قال مجلس الامن قال ما الفيتو جاهز واي مجلس امن هذا كفاية ياشعب السودان ما عندكم حكومة ولا عندكم معارضة يعني متعوس بحتج على خايب الرجاء ومنذ الاستقلال وحتى الآن لم تتفقوا على شكل الحكومة التي تقوم بحكم اللاد فانا ما عاوز ادعو عليكم لكن بدعوة وبسال الله ان يفتح عينكم ويجعلكم تجعلون السودان بين حدقات العيون
وناس النظر وين نحملهم المسئولية
هههههههههههههههاي
اها يا كيزان وين دفاعاتكم عن البلد اكلتو قروش النفط و قروش البلد و بقيتو بلد بدون دفاعات وين ميزانيات الدفاع .خليتو البلد مفضوح بدون بوابة
نرجو ان الرد بارسال المجاهدين وفتح التطوع عشان نرتاح من الكرور
قد اخرج عن الموضوع قليلا – ولكن هناك تساؤل يؤرقنى –
طبعا مفهوم يسمى مصنع حربى باسم موقعة عسكريةتاريخية –
لكن لماذا سمى فى السودان (اليرموك) – لماذا ليس شيكان
او كررى مثلا- هل يمكن ان يسمى العرب مصنعا حربيا لديهم
باسم (شيكان) مثلا – حتى فى الدول العربية ليس هناك مصنع
حربى يحمل اسم اليرموك – حتى فى التسميات حكومتنا امرها غريب
معظمها مستورد افيدونا برايكم رجاء-
انا عندي حل لمشكلتكم مع اسرائيل امشوا للشيخ حمد بتاع قطر واطلبوا وساطته وان شاءالله الموضوع محلول!
إسرائيل تنتهك المجال السوداني وقتما تشاء و تضرب وقتما تشاء، و لا يرد السودان بكلمة؟يا وزير الإعلام أنتم أسود على شعوبكم فقط تحاربون مواطنيكم بجدارة, سلاح جيشك إلا لارتكاب جرائم الإبادة الجماعية في دارفور وجبال النوبة, فكل همهكم هو البقاء في السلطة،كيف يعول على أبو ريالة لقيادة وحماية بلد ووضع مصير شعب بيده؟وكان التاريخ يعيد لهم الدرس ثلاث مرات متتالية ومهزلة في كل مرة.أن النياشين والأوسمة التي يرصعون بها صدورهم، ما هي إلا مكافأة وتعبيراً عن انتصارهم على شعوبكم العزلاء.
…المرة الجاية دايرين نسمع انو إسرائيل تتقدم بشكوى الى مجلس الأمن تتهم فيه السودان بقصف ميناء إيلات..ما اظن صعبة يا وزير و يا صوارمى صاعات..من شعير…!!
Stop genocide in darfur and nuba mountains
الأمريكان واليهود بيشكروك كثير الشكر ياالبشير لأنك سهلت ليهم المهمة ..مصنع الشفاء إنضرب من البحر الأحمر..دلوقت الضرب القاضية بتجيك من كوستي..بهدلت السودان وجوعت وشردت وقتلت وخليت السودانيين يشحدوا في الشوارع ..وكرامة السودانيين إتمسح بيها الأرض حتي في الدول العربية..
والرئيس الأمريكي القادم رومني في أخر تصريح له ..قال حجيبك من أدانك ويقبضك زي ما قبض الرئيس البنمي نورجيا بقوة من الكومندوز والسجن مش حيكون في لأهي حيكون في أقذر سجون أمريكا..وشوف نوريجا المسكين حسه قاعد ليه كم سنه في السجن..المهم خلي نومك خفيف وله أمش نوم وسط بقر كافوري لأنو الأقمار الصناعية ما بتلتقط القاذورات ..دي أهلنا بيقولو ليها سؤ الخاتمة..يامذلول دنيا..
هده بروفة لضرب ايران
والضربة تمت بالتنسيق مع دوائر الاستكبار التى دنا عدابها
نعلم مسبقا بانكم ستردون الصاع صاعات كما رديتم فى ضربة الهونداى واللاندكروزر
الشئ الدى لم يدكر فى هده المرة ان المستهدف هو شرع الله
تمت استباحة بورتسودان والان العاصمة الخرطوم ولاندرى اين ستكون الضربة القادمة وتريدون ان تشكو اسرائيل لاميركا. ومن الدى دنا عدابه بالضرب تارة وبالغلاء الفاحش تارة اخرى
تريدون عمل زوبعة فى داخل فنجان فقط ولااكثر من دلك
يا جماعة وين الفريق ركن مفنقس عفوا مهندس ابو ريالة اللمبي ووين نظرية المراقبة بالنظر لا حول ولا قوة الا بالله العلي العظيم غايتو العملوا فينا الكيزان نجار في خشب ما عملوا لكن نحن نستاهل بكرة تشوفوا الخرطوم تنطط ويعرضو ويرقصوا في مسيرات الادانة
ومن جانبي أدين وأستنكر وأشجب وأندهش وأستغرب واشجب بأشد العبارات وأستنكر وأدين وأحتفظ بحق الرد ولتاللع وسشصثض وخدملفصث ودكمنعف وظزىنتلع وضهتاط واتدجحخ وزقيك وسشدج و………..و……..
كان مشيتو مجلس الامن عليكم الله جيبو لي معاكم بخور تيمان وامشي انا اجيب لي بخرتين من الياقوت ونجي نبخر العاصمة فوق وتحت ونسميهو الدفاع بالعين جمرة وبخرتين
يا جماعة الخير …مش دى حاجه عجيبه لما ننضرب نقول حنمشى نشتكى لمجلس الأمن !!!! المجلس الذى قلناعنه من قبل بأن قراراتها( تحت جزمتى )……و بعدين الفكره العبقريه لوزير الإعلام الهايف دا بأنو (لكننا قادرون على رد الصاع صاعين بوسائل أخرى) ….وسائل أخرى دى شنو !!!! هل برضو الإستغفار على قول عباقرة برلمان احمد ابراهيم الطاهر ؟؟؟؟ أو بمخرجات برنامج فى ساحات الفدا؟؟؟
ذكرنا فى مقال سابق أن فيروس الشعلة الإسرائيلى لذى أستهدف السودان هدفه لسيطرة الكاملة على أجهزة الرادار ووسائل المراقبة الجوية السودانية و معرفة كل الأسرار الأمنية والعسكرية المرتبطة بشبكة المعلومات لتسهيل ضرب الأهداف فى أى زمان ومكان وبدقة متناهية لتلقين الدروس القاسية وارهاب العدو القاصى والدانى. يمكن قراءة المقال على الرابط أدناه
http://bit.ly/Rh7qLQ
الشكر لاسرائيل
الشكر لاسرائيل
الشكر لاسرائيل
والتهنئة لشعوب دار فور وكردفان والنيل الازرق
والتهنئة لشعوب دار فور وكردفان والنيل الازرق
والتهنئة لشعوب دار فور وكردفان والنيل الازرق
بالمناسبة ادارة بنك الخرطوم اغلبها من حماس
غليكم اللة وبصراحةاسرائيل البتحمى الابرياء المسلمين من بطش المسلمينماالحامش مش تستحق التكريم
بعد ما وقع الفاس في الراس كل واحد جاي يستعرض فينا مواهبو الخطابيه , اين التأمين الوقائي لمثل هذه الحوادث ؟ مع الاسف البلد لا تملك 1% من الامكانات الوقائيه القادره علي تأمين سلامة المنشآت والممتلكات كنظم الدفاع الجوي ورادارات الرصد المهمه جدا للدول كحالة السودان الذي تستمرئ حكومته استعداء الكثير من الدول بشعارات فارغه وتعاون مع اعداء هذه الدول بدون ان تضع في حسبانها مثل هذا الهجوم الذي كان نتاج لسياساتها الخرقاء .
قال الرد ملوة بملوتين قال لا عليكم الله ردوا الملوة باربع ملاوي عشان كل طيارة بملوة الوجعل.
انا اليوم وبصراحة اشعر بمحبة فائقة لاسرائيل لانها استطاعت ان تحمى مسلمى دارفور وكردفان والنيل الازرق من غارات الفاسدين وتجار الدين
المفروض تشكرو إسرائيل لأنه الضربة ما كانت للقيادة العامة ولا للقصر الجمهوري حيث الرئيس ووزير الدفاع، والجاتك في مالك سامحتك.
احر التعازى لكل الشعب ولا نقول الا حسبنا الله ونعم الوكيل
مابال بعض السودانيين لايفقهون .السودان منذ امد بعيد مستهدف مناسرائيل لان استقرار السودان سيوفر للعالم العربى سلة الغذاء
لماذا لانفسر لااناسرائيل بمساعدةامريكا انها تعلم مسبقا ان السودان لايهدد امنها ومع ذلك ضربت السودان ولماذا السودانبالذات وليس ايران او سوريا
انه مخطط الفوضى الخلاقة التى وعد بها بوش الشرق الاوسط
لوانما يحدث فى سوؤريا وبعض الدول لدليل ان ضرب السودانهو احراج النظام واستفزاز الشعب ليثور على النظام وتعم الفوضى فى كل بقعة حتى يسهل على اسرائيل تحقيق حلمها بهدم المسجد القصى فى وقت ان الشعوب العربيةمنشغلة بثورات وهميةمن صنع المخابر المعادية
افيقو ياسودانيين وقت الغفلة قد ولى
اينهى الديموقراطية فى العراق واين هى فى ليبيا وهل ستتحققفى سوريا سوى الخراب والرجوع الى اسفل سافلين
انا لا ازكى الانظمة الظالمة ولكن ما المشروع البديل هل الرجوع الى الاصل وشريعة الله ام لعراء المراة وانتشار الغوانى والفجور باسم الحرية
اينهوالعيب فىحكومةالسودان اذا لم تكنلديها اجهزةمثل اسرائيل الا تلارونانكل الامم متكالبة علينا وبتواطؤ بنى جلدتنا .ماذاتريدون منالبشير لما لا تنصروه مادام فيه بعض النخوة على الاقل احسن من الكثير من الامراء والخونة
وتنتقل بنا حكومة البشير من فشل الي فشل اكبر بعد مرور 24ساعة تم اكتشاف مصدر الطائرات ايه الاجتهاد ده 24سنه من الفشل والعنصريه والقبليه والاغاني الحماسيه والرقص والطرب واخرتها لا نعرف نحمي انفسانا ولا حتي الجهه التي تتجراء علينا نعام نحن طلعنا في الاخير جعجعه وكلام فقط ننحني وننبطح لاي عاصفه حتي لو صوت براميل تخيفنا نختبي ونخرج بعد الصوت نصدر بينات وتعبئه للشارع حتي تعبي الشارع وفاض به الكيل الي متي
هنالك اكثر من لمبي
شاهدت قناه الجزيره و كانت هنالك مداخله مع مندوب السودان الدائم بالامم المتحده دفع الله( خلف الله) الحاج والله والله انه اكثر من اللمبي و جلست اضحك علي من يمثلوا بنا. لم يستطيع الرد علي اي سوءال و كان يبحلق كالغريق توفووووووو عليلكم والرماد كال حماد ان كان مثل هذا هم سفراوءنا
و مالكم جارين لمجلس الامن ما قلتو كل الدول الغربية دي تحت جزمتكم اها الجزمة اكلتك ليها اسرائيل ناشفة تمشي لمنو لهنية و لا خالد مشعل و نفسى اسمع ادانة من قطر او مظاهرة في اي دولة عربية و لو فلسطين جننتونا غزة غزة لمن اسرائيل خلت غزة و جاتكم عديل عشان تكمل كلامكم
قال المراسله وزير الإعلام أن بلاده ستتقدم بشكوى إلى مجلس الأمن الدولي تتهم فيها إسرائيل…وإسرائيل شخت لما سمعت بالشكوى.
كما ذكرت مره تعريف المجال الجوى هو على قدر ما تقدر تحمى لفوق فهذا هو مجالك الجوى وما دون ذلك إشتغل رقاصه….أما نصيحتى لوزير القواله أن يعطى هذه الشكوى لرئيسه ويقول ليهو ناس الراكوبه قالوا ليك أحشرها فى صندوق التوفير بتاعك.
الشكوى حتكون ضد عامل اللحام والذي تطاير الشرر منه باهمال مقصود وتسبب في هذا الانفجار
قال لضرب الدفاعات السودانية …………………………ياتو فيها بالله العنقريب ولا الراكوبة ولا صالة الافراح
ياخوانا انحنا المفروض نمرق في مظاهرة سلمية شكرا لاسرائيل على توضيح بعض الامور عن الحكومة وعن قدراتها الدفاعية
خجلوووووونااااااااااااااااااااااا ورب الكعبة وطو روؤسنا في الواطة زي النعام قالوا كرري وقالوا فارس الحديد وقالوا هيييييييع وقالوا اركزززززز كله ده يبقى فلم * فلم = ضياع
The country was attacked by an outside force, where is the president,the two vice presidents and the minister of defence. They all disappeared as if nothing had happened. . A bunch of inept cowards.
والله في تضليل وعدم مصداقية من قبل الحكومة،،لانهم في البداية قالوا الانفجار عادي ،في حين انو كل المواطنين الساكنين جوار المجمع سمعوا اصوات الطائرات القامت بالضربة،،انصح الحكومة بان تكون واضحة مع الشعب السوداني البطل(الفضل)
بالله . كان مجلس الامن نفع المعاك
الشكوة الفاتت القدمتوها لمجلس الامن وصلت وين ؟ طيب طالما انتو عارفين انو مجلس الامن مابدق اسرائيل اذا مافي داعي تمشو والا عشان بتحترمو القانون الدولي ؟ طيب نفذو امر المحكمة الجنائية والمخولة من مجلس الامن ” ابو القانون الدولي”.
نحن في انتظار “صاعات” الكيزان الجبناء وياريت انكم تردو الصاع ربع صاع بس تجاة اسرائيل وماتمشو تغلطو تردوها 20 صاع في جنوب كردفان والنيل الازرق.
دي نتايج التلصق في الفلسطينين عامل فيهاا المهدي المنتظر يا البشير تحرر الاقصى هو انته حرر باقي بلدك عشان تتفلسف بهناك لا حول ولا قوة إلا بالله الفلسطينين البقولو ليك يا عب ديل جابو ليك اسرائيل لحدي عندك والمره الجايه حا يجيك القصف جوه البيت الشعب السوداني عمرو كلووو ما اتهنى ولا عاش زي باقي الدول دايما طمع وجشع وانانيه وتسيديا لي نحنا ما نطبع علاقتنا مع الدول الكبرى زي باقي الدول ونطور وننمو وننتعش وندعم افكارنا الجديده بعدين لو في شي نتموو لاكن بي الوضع الممميت ده دوله منهوبه ومقسمه وماشه لي النهاية الخوف يدللو البلد وتنباع بالقطاعي
وقامت اسرائيل بتعطيل الرادار الموجود بمطار الخرطوم ( قال شهود عيان ان الطيارين الاسرائيلين قبل الغارة نزلو شربو جبنة في السوق الشعبي بعد داك اتحركو عليكم . عشان ما تخمونا ساي ) ملحوظة
الجبنة جنزبيلاها تقيل
وليه ما عايزين تردو ليهم؟ فاضيين من سرقتنا؟
زي ما قالوا الشباب انت المهدي المنتظر
وا لله ضرب مصنع السلاح ده لي خير . دايرين علي حس ألسلاح الاتحرق ده يخشو ابطال القوه الثوريه البلد ويريحونا من الناس ديل الان الكيزان في قمة ضعفهم والشعب باكمله اصبح كارهه الكيزان يالا تعالو إتحركو خشو البلد صلو صلاة العيد في الخرطوم وخلوهم يصلوها في لاهاي
السيد المحترم صلاح..كل سنة وأنت طيب وعيد مبارك وتحياتي لناس الدوحة..
أنا مابيهمني أنك كوز كبير وله كفتيره صغيرة ..الكلام الفارغ بيقولوه رئيسك البشير المجرم البيوصف فيه أهلنا في جنوب البلاد بالعبيد والحشرات ..وإحنا شلناها بلقوة الراجل إيجي يشيلها وقبل كده خت العالم كلوه تحت جزمتة وغيره من الألفاظ القبيحة..غير ناس مصطفي عثمان وربيع وغيرهم من السفلة .
نعم البشير ماهو إبن السودان أبناء السودان هم المناضلين الشرفاء الذين يناضلون من أجل الحرية والديمقراطيه والكرامة..أبناء السودان هم ناس المحجوب والأزهري ومبارك زروق ويحي الفضلي وغيرهم من رجال ذالك الزمن السمح. رحمة الله عليهم.
المهم البشير لأزم يخلي نومه خفيف وله يمشي ينوم مع بقر كافوري..عشان مايحصل رجل بنما القوي نوريجا ..نوريجا كان تاجر مخدرات والبشير بتاجر بالإسلام ..شفت الفرق يا كيف أبوصلاح .. اليوم كنت صائم …