حريق جديد في مجمع اليرموك ..الصوارمي : ليس هناك أي عمل عدائي أو شبه عدائي،،النيران اشتعلت تحت الأشجار.

المرة دي تكون مكنة اللحام فعلاً يا عبد الرحمن الخضر؟!

انت ناس الدفاع المدني ديل من اول يوم بيطفو نار المصنع المفلوع ده ببنزين ولا غاز ؟ كل يوم تصريح جديد اندلعت وشوهدت السنة دخان , كتير خير المواطنين مصدر المعلومات الموثوقه , بعدين الصوارمي ده بيصرح الا في السنة الدخان هاهاهاهاااااااااااا .

اكيد القنابل دي مسكونه بجن اسرائيلي .. ناس الدفاع المدني ديل دايرين ليهم فكي كارب يعزم ليهم في موية المطافي دي .. امكن النيران دي تهمد شوية.. غايتو جنس شوبار انتو وقتين نيران الضربة ما قادرين تتطفوها المشوبيركم مع ناس ايران وحماس شنو .. وبعدين انتو لمن بقيتو رجال واتحديتوا اسرائيل لزوم العويل والصراخ والشكية للامم المتحده شنو ما تطلعوا اسلحتكم وواجهوه الخبت ده حتى منطق ما عندكم .

يا جماعة الخير ، البولع براهو دا فوسفور ولاّ صودا كاوية ولاّ يا ربي مواد مشعة تتفاعل مع مواد الأطفاء وتزداد تحرقاً و اشتعالاً، هل الدخاخين الجايانا من جيهة المصنع صالحة للأستنشاق الآدمي؟ هل معاملنا كشفت و حللت الهواء إن كان ملوث ولا لأَ ؟ ولاّ مافي داعي للخوف دا دخان عادي زي دخان الطلح و الشاف؟ أو علي أسوأ الفروض زي دخاخين الكُوّش و كماين الطوب؟ عليكم الله يا مسئولين يا طمنونا يا أصرفو لينا كمامات وما تقولو لينا عملنا كشف بالنظظظظظظظظر!!!!

حسب تحليلى كمواطن عادى :-

** هناك اكثر من ضربة قادمة لاسباب اخرى على ارض الوطن الجريح من نفس الجهةلعدة اسباب :

** سكوت اسرائيل وعدم التعليق يعنى ان المهمة لم تكتمل بعد .

** يتم الرصد حاليا بواسطة الاقمار الصناعية لمعرفة الاماكن والمخازن السرية من خلال حركة نقل ما تبقى بالمصنع , لان تنفيذ الضربة كان مخططا له اصلا بضرب حوالى 50 أو بما لا يتجاوز ال 60 % ,لانه
من العبط ان نقول ( برضهم عندهم زوق ولسه فى جزء سليم بالمصنع او ان نقول الطيارين كانو
ما نياشين وعشان كدة المصنع ما انضرب بنسبة 100%100 !!!!!!

الرسالة التي وصلت و يجب ان يفهمها النظام انه تحت سمعو بصر اسرائيل، و ان القصر الجمهوري او القيادة العامة او مجلس الوزراء ليست بعيدة عن مرمى النيران الاسرائيلية .. و ان استثمارات الاسلامويين في جياد يمكن الوصول اليهل بسهولة، و ان سلاطين النظام اذا لم يزيدوا تعاونهم فيمكن اضطيادهم داخل جحورهم بمنتهى السهولة في عملية نزهة للجيش الاسرائيلي…… لا تعجبنا اسرائيل و لا يرضينا الاعتداء على بلادنا و لكنا نعتقد ان العدو نمرة واحد و المتسبب في الاعتداء هو النظام الحاكم لا بمواقفه و لا مبادئه و لكن بجهله و طيشه و فشله

دقيقة دقيقة هو بالله عندنا دفاع مدني
أول مرة أسمع بالمعلومة دي ما قلتوا دا الحداد كان بلحم
والقش ولع أسمعني إنت كنت في زريبة غنم ولا شنو
والله كلامك دا راعي الضان في الخلا مابقولو الله يسلط عليكم واحد سوداني يقطع رقابكم

خيتو ما كنت اعلق علي الكتاب لكن في ناس عندهم مشكلة مع لوحة المفاتيح يذيدو وينقصو الكلام بالله حسنوها حبة عشان نفهم والزعلانين ديل يسافرو تل ابيب وايران ما عايزنو تاني في السودان بلاش رطانة وكلام فارغ مرة علوين مرة شعة مرة جمهورين مرة شياطين ما فهمين الحاصل في السودان زاتو

ههههههههههههههههه شر البريه ما يضحك

الخبر مهم جدا لكن التعليقات باهته جدا ومافيها فكر وماشفت غير تحليل واحد فى كل التعليقات هو ان اسرائيل وضعت قنابل يمكن ان تنفجر فى عدت ايام واهو تحليل وفكرة بس الممعن فى النظر بوجود الاتهامات بوجود اسلحة غير تقليدية وادارة ايران للمصنع يشكك فى ان الحريق الثانى يبدو من فعل النظام لمسح كل الاثار من لجان التحقيق التى من المؤكد سيكون من بينهم اجانب طالما رفعت الحكومة شكوى لمجلس الامن والاتحاد الافريقى

نفسى اعرف الجنه جيش حكايته مع الأشجار وحشائش شنو

احبتي كل عام وانتم بألف خير يعود علينا العام القادم والسودان تعافى من امراضه واصبح السودان الذي نعرفه ونغني مع بعضنا البعض بلى وإنجلى حمدالله الف قلبي على السلامة في ذلك اليوم سيكون التأبين الحقيقي للقامة وردي وسنتكاتف جميعنا بكافة اطيافنا والواننا تجمعنا علم واحد نبني ما دمره هؤلاء
لقد كنت اكثر المعجبيين بهؤلاء الشراذمة اقصد المخدوعين كنت اجادل رفقائي واقول لهم أنتم لا تحبون السودان اقول لهم انظروا كيف يحب المصريون بلدهم ولكن شتان بين فرعون مصر سابقا وطاغيتنا اسف جدا لما سأقول ولكن هؤلاء الحشرات الفعليين جعلونا نكره السودان لقد كنت اصدق بأنهم يبنون جيوشنا كنت أقول لنفسي تحامل وأصبر انهم سيجعلوننا من أقوى الجيوش في الشرق الاوسط ولكن لا نلنا منهم ابيض ولا اسود حسبي الله ونعم الوكيل فيهم صدقوني كنت أسعد سوداني يوم افتتاح مصنع صافات لصناعة الطائرات لكنها اتضحت انها لرش البعوض مع انها لا تفعل شيئا للبعوض ايضا الظاهر طائرات من ورق الهم لا شماتة ولكن لقد متنا من الغيظ ولكن دعونا نعترف بشئ نحن شعب سذج ننخدع بأبسط الامور وكسالى لأبعد حد ولقد فقدنا الاحساس وإذا كنت مخطئا فدلوني كيف نتحمل هذا العذاب 24 عاما ولا نحرك ساكنا يا حليل ايام زمان والاكثر من هذا اننا بولهاء ايضا عندما نسترد مدينتا” سلبت منا نهلل ونعتبرها بطولة قمة الضعف والهوان نقولها لهؤلاء الجبابرة فليكن القذافي وما سيسفر للاسد عظة لكم لذا ولكي تحفظوا جزءا قليلا من كرامة وجوهكم إن كانت لكم كرامة سلموا ما تبقى من دولتنا للشعب وأرحلوا واستفيدوا من سذاجتنا وطيبتنا وثقوا بأنكم ستعيشون بيننا كأن شيئا لم يكن كما عاش من قبلكم الصادق

سمع اضاني في تلفزيون العربية قالو بواخر اتنين الات حرب وقفن فوق مينا بورسودان الكلام ده دحين صحي وكان صحي ده معناتو شنو
علي حسب فهمي انا بقول الايرانين بدورو حكومتنا المقفلة دي تقوم بحرب مع اليهود بالنيابة عنهم
زي ما حزب الله يحارب نيابة عن الايرانيين يعني تكون حرب بالوكالة والشسرارة تكون بعيده من طهران