حروف حرة
البشير عديم الأمان يودي قوش في خبر كان!!
لنا مهدي عبدالله
[email protected]
? اللهم لا شماتة، “صلاح قوش” مستشار رئيس النظام البشير للتنكيل بالشرفاء والتصفية الجسدية والسحل والضرب وإباحة الإغتصاب في أروقة أجهزة الأمن أعفاه عديم الأمان رئيس النظام عمر البشير بمرسوم جمهوري (كارب) مؤكد أنه نزل كالصاعقة على رأس قوش!
? البشير رئيس النظام يعرفه السودانيون جيداً ويعلمون تمام العلم أنه يحمي فقط مصالحه ولكن زملاءه والمقربين منه في (التنظيم) و أجهزة النظام يفجأهم ويفجعهم كل مرة بما هو غير متوقع وغير منتظر؛ ضربات كل منها أقسى وأشد إيلاماً من سابقاتها!
? الإطاحة بقوش هي رأس جبل جليد صراعات تيارات المؤتمر الوطني الذي عمل جاهداً على (فرزعة ) الأحزاب فشغله المولى جل وعلا ب(نفسه) فأراد أن يسعد برؤية شقاق غيره فأشاقاه الله بأن يرى في نفسه وحقق المثل السوداني (السعيد بيشوف في أخوهو والشقي بيشوف في نفسه) ، واللهم لا شماتة!
? صلاح قوش بإسمه (الكان هازي ورازي) كما يظن (المغفلون) ورتبته وتايتله (المدنكلين): الفريق أول مهندس صلاح عبد الله محمد صالح مستشار الرئيس لشئون الأمن القومي، أضحى في خبر كان؛ تلك الرتبة التي لم تكن لتترتب له لو لم يكن من قبل من ذوي الحظوة من الإنقاذيين؛ تاريخه الإنقاذي كالح السواد شديد الفظاعة يرتبط بسجل كامل من انتهاكات حقوق الإنسان في السودان رصدتها المنظمات الدولية وفضحتها!
? الإطاحة بقوش من المؤكد أنها جاءت (كرمال عين) مساعد البشير ونائب رئيس حزبه “نافع علي نافع”، فبركة مياه خلافاتهما الآسنة (طفحت) على السطح السوداني، فنافع كثيراً ما قلل من أهمية حوار قوش مع القوى المعارضة والبشير ب(فرمانه) قدر أنه يستبدل الذي هو ادنى بالذي هو خير والحقيقة أنه استبدل الذي هو أدنى بالذي هو أدنى، فكلهم في (السوء) شرق!
? إقالة قوش ستأتي خصماً على الحوار بين المؤتمر اللا وطني والأمة القومي (نحمد الله ونشكر فضله)، وعلى قيادات حزب الأمة القومي أن تعي أنها تتحاور مع عدة أحزاب بداخل المؤتمر الوطني وليس كتلة واحدة متماسكة!
? كما أن هذه الأحزاب الشتيتة التي تكوّن المؤتمر اللا وطني غير مؤهلة لتنفذ أو تستجيب للأجندة الوطنية التي يطرحها حزب الأمة القومي للخروج بالوطن من عنق الزجاجة؛ تحسبهم جميعاً وقلوبهم شتى و(إن شا الله ديما يا ربي يا سيدي)!
? خربتم الوطن يا قيادات الإنقاذ بحزبكم المتداعي وآن الأون لتعلموا وبالتجربةأن ما أردتموه من فرقة وتخبط وانهيار وتصدع في البنيان للآخرين، أنتم أول من ذقتم من نفس كأسه، فتجرعوا المر الحنظل العلقم، زادكم الله اختلافاً و (فرزعة) ، و(المؤتمر الوطني ستين حتة)!
مع محبتي؛
الجماعه ديل ما كان ممكن يحكموا السودان حتي لو تجمد الجحيم وولج الجمل في سم الخياط لكن في غفله من الزمن واهمال من ……..و……..الخ ولااظن تحت اي ظرف من الظروف الجماعه ديل يضيعوا الفرصه دي ولا يجب ان يركن الناس الي ان هؤلاء تفرقوا وذهبت ريحهم الشغلانيه تبادل ادوار والدليل هنالك شخصيات نافذه وقويه في التنظيم ولا تتقلد اي مناصب مثل الدكتور غازي العتباني لان لديه مهام اهم من المنصب واحتمال كبير وكل شئ وارد ان يتقلد مستر قوش منصب اول سفير لدولة السودان الشمالي في جوبا وده علي ما اظن منصب مهم ومهم جدا لخصوصية الدوله الوليده واهميتها للشمال واحتمال اخر ان يكون السفير القادم في واشنطن لعلاقاته القويه مع الامريكان كما يقال والله ورسوله اعلم 00بالمناسبه مستر داستي طلع من السجن من هنا ومستر قوش طلع من الحكومه من هنا ياتري في علاقه وله صدفه ؟؟؟؟
دعوات الصالحين ليل نهار ها قد آتت اكلها اللهم اضرب الظالمين بالظالمين اللهم اجعل كيدهم في نحرهم اللهم شتت شملهم وفرق جمعهم وارنا فيهم يوما اسودا كيوم عاد وثمود اللهم عليك بهم فانهم لا يعجزونك اللهم انهم عاثوا الارض فسادا من تقتيل وتنكيل واغتصاب وفساد ونفاق باسم الدين اللهم دمرهم ومزقهم كل ممزق … يا مجيب السائلين لا تردنا خائبين فنحن عبيدك الضعفاء الذين استزلهم البشير وزمرته الفاسده اللهم انتقم لنا منهم في الدنيا قبل الآخرة اللهم ارنا فيهم عجائب قدرتك يا رب العالمين ….
اللهم اجعل كيدهم في نحرهم
اللهم اجعل كيدهم في نحرهم …اللهم اذقهم كأس الشتات و التفرقة
اللهم عليك بهم … نذيرا وضارا وقوشا وهارونا
ويجب علي المعارضة ان تتحد بعد ان كاد قوش ان يشتتها
بغض النظر عن محتويات العمود , لكن للمرة التانية , مافي داعي لعنوان قدر العمود . مثلا ( البشير يطيح بقوش ) كفاية و مفهومة . تماما زي الإيميل بتاعك الطويل ده ! بعدين انتو الصادق المهدي ده مش هو القائل ( من فش غبينتو خرب مدينتو ) , إنتي الكلام ده ما عاجبك ولا شنو ؟ اللهم إن قدرت لنا رفع بلاء الكيزان عنا فلا تبتلينا بأمثال هؤلاء ! كل همهم أن يرووا غيظهم و يعملوا شماتتهم في الناس ! المرة الجاية قصري لينا العنوان لو ممكن .
من الليلة نحنا نافعاب ضكر والله يا نافع لاتقول لى بشير ولا قوش ولا على عثمان ولا قراقوش نافع بس…اتقو من اذا قال فعل
هو إنتو القال ليكم منو إنو الرئيس البشير الرئيس الفعلى هو نافع أصحوا ياهؤلاء خليكم عاقلين.
الاخ عثمان ملاحظ انك طوالى بتترصد للاستاذة وتعليقاتك سخيفه وكاتبه العمود حرة تكتب العنوان كلمتين تكتبو قطر انتا دخلك شنو؟ ما عاجبك العنوان ما عاجبك العمود اعمل كلك وحول لموضوع تانى ما تكون متهجس كدة؟ ودخلك شنو ايملها يكون طويل يكون قصير ما بيخصك بشي انتا زول عجيب وتعليقاتك ممله ويا ريت تريحنا انتا من وجودك بين المعلقين شكلك كوز مصدى
والله يا لنا بموضوعك دة كأنك وقفتي بين قوش والبشير ورفعتي ليهم حفتة تراب في يدك وقلتي ليهم : المديدة حاااارة حرقتني
ايها الشعب السوداني الفضل
في خضم صراع الافيال هذا
لا يسعنا الا ان نقف ونهتف
ضاع ضاع سودانا ضاااااااااااااع
ضاع ضاع سودانا ضاااااااااااااع
الفاااااااااااااااااااااااااااااااااااتحة
;( ;( ;( ;(
البشير لما جا كان فى زمتو زوجة واحدة الان عندو زوجتين فسرو لينا دى كيف ياشيوخ انا شخصيا بفتكر انو دى ادانة واضحة لعدم الزمة بعدين من المفترض انو الحكومة تديهو بيت واحد ونعترف بسيدة اولى واحدة الان اتنين ورونا عدم الزمة دة كيف ومن اى درجة
اليومين ديل شوف ليك عنوان غريب وقول اى كلام تبقى كاتب عمود
ده شنو يا بت الناس امان وكان عجبتك القافية وقلتى اجرب 0
:cool: مثل شعبي وبالدارجي يقول في هذه الشرزمة (التسوى كريت في شجرة القرض تلقاه في جلده)