شاهد الاهداف – الهلال يهزم جوليبا المالي ويقترب من نهائي كأس الاتحاد الأفريقي
DPA ©
اقترب الهلال السوداني من نهائي بطولة كأس الاتحاد الأفريقي لكرة القدم ، بعد فوزه اليوم الجمعة على ضيفه دجوليبا المالي 2/ صفر في ذهاب الدور قبل النهائي للبطولة بالعاصمة السودانية الخرطوم.
أحرز هدفي المباراة السنغالي إبراهيما سانيه ومدثر كاريكا في الدقيقتين 44 و48 ، ليقطع الفريق السوداني نصف الطريق نحو نهائي البطولة قبل لقاء الإياب في مالي الأسبوع المقبل.
بدأت المباراة بسيطرة على وسط الملعب من الهلال الذي فضل الاعتماد على الاختراق من العمق ، فيما بدا أن ديجوليبا سيركز على الهجمات المرتدة.
جاءت أولى الفرص الخطيرة للهلال بعد مرور ثلث الساعة من ضربة حرة نفذها مهند الطاهر أرضية ، وتصدى لها حارس الضيوف.
ظلت تسديدات الطاهر هي عنصر الخطورة الأهم للفريق السوداني ، حيث أطلق تصويبة أخرى في الدقيقة 28 أعادها الحارس إلى الملعب بصعوبة كبيرة ، قبل دقيقتين من احتساب ضربة حرة أخرى سددها هذه المرة مدثر كاريكا وواصل الحارس تألقه.
قبل دقيقة من نهاية الشوط الأول ، تمكن سانيه من إحراز هدف التقدم للهلال من ضربة رأس استغل فيها غياب الرقابة الدفاعية ، بعد ضربة حرة نفذها اللاعب عمر بخيت من الجانب الأيسر.
واصل الهلال هجومه مع مطلع الشوط الثاني مستغلا ارتفاع الروح المعنوية وآملا في إضافة الهدف الثاني ، وهو ما تحقق عن طريق مدثر كاريكا بعد ثلاث دقائق فقط من العودة من الاستراحة.
وبعد 62 دقيقة واصل مهند الطيب هوايته وأطق تصويبة من خارج منطقة الجزاء ردتها العارضة المالية ، لتحرم الهلال من هدف ثالث يضمن تأهله إلى النهائي إلى حد بعيد.
وفي الدقيقة 78 سدد مهند الطاهر مجددا من ضربة حرة ، تصدى لها الحارس على مرتين ، قبل أن يعمد أصحاب الأرض في الدقائق المتبقية إلى امتلاك الكرة من أجل الخروج بنفس النتيجة.
ويحلم السودان بنهائي بين قطبيه الهلال والمريخ ، الذي يحل بعد غد الأحد ضيفا على ليوبار الكونغولي في ذهاب قبل النهائي ، قبل أن يستضيفه بعد أسبوع في الخرطوم.
[SITECODE=”youtube PKTTQBG3o”]الهلال جلوبيا 2 – صفر[/SITECODE] [URL]http://www.youtube.com/watch?v=y-PKTTQBG3o[/URL]
الف مبروك للهلال وعقبال الشوط الثاني خارج الارض ونتمني من الله ان يكون الكاس سوداني ما يهم هلال او مريخ المهم النهائي سوداني السودان عاوز يفرح.
مليار مبروك وعقبال النهائى والفوز بالكاس آميييييييييييييييييييييييييييييييييييييين يارب العالمين
مبروك الهلال العظيم وعقبال الكأس
مبروووووووووووووك لهلال الملايين نادي الشعب و سيد اسياد البلد
فوز مستحق و نتيجة مريحة و جماهير رااااااااااائعة
كما قلت سابقا 90% من الشعب السوداني في غاية السعادة الان
7% لم يتأثروا لانو ما عندهم علاقة بالكورة
3% حردوا العشا و الزعل داير يشرطهم (ياربي ديل منو)
اين الصهاينة الذين سخروا من تعليقي بالامس طبعا محتجبين لدواعي الخجل
نحنا نبقى احسن منكم و ندعو الله ولأجل سمعة السودان ان تنستروا يوم الاحد وما تفضحونا زي كل مرة
مبروك لهلال الملايين
من غيرك يا هلال يقدر على اسعاد الجماهير ؟؟
فاز الهلال بفضل الضغط على حامل الكرة وبفضل اللياقة البدنية لجميع اللاعبين دون استثناء..
مبروك للكل الهلالاب ونتمني الفوز للمريخ العظيم ان شاء الله …
ان شاءالله يا الحلو يكون الضحك شرطك .ههههههههههههههههههه
مجنون ليلى والهلال
1000 مبروك وعقبال التأهل للنهائي في باماكو بإذن الواحد الاحد,مع خالص التمنيات للمريخ بفوز عريض يوم الاحد القادم والله بالجد الشعب السوداني في حوجة للحظات فرح تزيل ما علق بنفوسنا من حزن وكدر وغم أمين يا كريم.
مبروك االهلال وعقبال المريخ ..
مبروووووووووووووووووووووك للهلال هذا النصر والانتصار وإلى الأمام.. انتهى شوط وتبقى شوط اخر يحتاج لتركيز اكبر وتكتيك فني عالي وقوة بدنية عالية. صراحة الفريق المالي فريق قوي قوي ويتملك ثقة وشخصية الكبار فعلاً.. والهلال دائما يلعب مع الكبار… لعب مهند الطاهر مباراة نوعا حلوة ويمكن تكون كبيرة رغم اصراره على التهديف من لعبات لا تحتاج منه غير لعب الباص وعندما قرر يعلب باص نتج هدف جميل بقدم كاريكا.. ولكن رغم ذلك يحتاج الهلال لخدمات هيثم مصطفى الواضحة.. وكنا نتمنى أن يكون حاضرا في هذه المباراة حتى لو في ربع المباراة لتهدئة زملائه وتأمينيهم وتعزيز الهدفين على الأقل بهدف ثالث ممكن يكون في.. وفعلا كما ذكر أخونا كمال الهدي أن خليفة يهدر طاقاته بدون توظيف.. في شيء لسه يا قارزينو محتاج لمعالجة في الدفاع وفي الوسط.. الحراسة في الجانبين كانت ممتازة حارس جوليبا رغم الهدفين كان ممتاز وهذا الحارس سوف يكون لهم شأن في الكرة المالية.
فريق جوليبا صراحة ذكرنا بفرق الاشانتي كوتوكو وكانون ياوندي وفرق غرب افريقيا التي تعلب الكورة وهي داخل ارضها وخارج ارضها.. فريق مليان يثق في نفسه كثيرا وذو شخصية داخل الميدان تحتاج منك أن تعمل له الف حساب.. المباراة صراحة لم تنتهي فانتهى شوط واحد وبقى شوط أو خمسة واربعون دقيقة اصعب الدقائق التي سوف تمر على الهلال في تاريخه.. إذا كان ظهرت وتجلت شخصية الهلال في هذا الشوط بهلال 2007 فلا خوف عليه.. رغم طمام بطني من هذا القارزينو.. وشطحاته الكثيرة والكبيرة… يالاعبين بقي خطوة واحدة بس وبعدين جوا الجك…
ماء شاء الله عقبال المريخ
بصراحة انت بس البتزرع الفرحة في وجوهنا نحن الهلالاب في وطنا المنهوب والمستعمر من قبل المجرم البشير وكلابه …زنتمني ان يحالف الحظ الهلال ويحرز الكاس رغم اننا اصبحنا نياس من ذلك لان الهلال كبير ويامنحوس ياعين الجماعة ماشت فيهوا ..رغم عشمنا في الله
مبروك للهلال العظيم وعقبال الصعود والكاس باذن الله تعالي
مبروك يا سيد الأسم الفوز المستحق وأسعاد عشاق المستديرة فى كل أنحاء دنيا الكرة وبالتوفيق يا كبير
مبروك للهلال و عقبال المريخ، حتى نضمن أن يكون الكأس سودانيا ..
مبرووووووووووك كبير البلد الجاى لسه احلى كمان يارب
1000 مبروك على هذا الانتصار الكبير وعقبال التأهل في باماكو للدور النهائي, شكرا يا هلال فقد كنا في امس الحوجة لهكذا إنتصار لتبديد ما علق بالنفس من حزن والم وأسى والله إن الشعب السوداني العظيم ليستحق كل الفرح ولكن بعض من بهم لؤم ابت نفوسهم الخربة وقلوبهم الصدئة إلا وان يحشروه وأهله في جحر ضب, حشرهم الذي لا ينام في نار جهنم وما اكتنزوه من مال حرام حرموا منه أبناء هذا الشعب وما دروا أنه ستوقد به لظى التي سيتلظون بنارها بكرة وعشية.
فالف شكر لفتيانك يا هلال على هذا الفرح على ان يتواصل يوم الاحد بإذنه تعالى بإنتصار أخر مريح للمريخ يفرح به هذا الشعب الصبور.
الصراحة وضع الهلال غيرمطمئن الدفاع اكبر مشكلة في تاريخ الهلال وربنا يستر في الجاي
ألف ألف مليار مبروك لسيد البلد و عقبال الكاس يا رب. يا ناس الراكوبة مالو الخبر الحلو دة جايبنو بمساخة كدة ؟ يظهر إنو إدارتكم حمراء
يا صاحب الخبر النتيجة 2-0 انت منقص القون التاني دا ليه عايز تنحس الاهلة اصلوا نحن منحوسين في النهائى الف مبروك الثنائية وعقبال الكأس انشاء الله يتم لينا مرادنا
مليون تريليون لهلالنا الكبير الذي أسعد الجماهير وعقبال أخواننا في المريخ وأهدي هذا الفوز الكبير لأخونا مختار
النتيجة 2-0 ماتملانا فقر قوون كاريكا دا ما حسبتو
الف مبروك وعقبال التأهل للنهائى والكأس انشاء الله
والله العظيم عندي معلومة من مصدر مريخي قريب جدا من الجهاز الفني قال لي بالحرف الواحد أن هيثم مصطفى اتصل هاتفيا بالمسئولين في نادي المريخ قبل المباراة الأخيرة بربع ساعة، وشرح لهمخطة الهلال بالتفصيل الممل، وأقسم لي المصدر بالله العظيمأنه كان حاضرا، وأن فريق المريخ عدل خططه واستراتيجياته في غرفة الملابس، بناء على المعلومات التي حصلوا عليها من الاتصال الهاتفي من كابتن الهلال هيثم مصطفى والله على ما أقول شهيد على كل حرف قلته.
كم غير الهلال ليررع في نفوسنا الفرح في زمن القهر الانقاذي
سكرا غارزيتو شكرا اقمار الهلال العظيم
ياهلالاب المرحله مرحلة الوقوف خلف الهلال ومدربه حتي نحقق باذن الله حلما انتظرناه طويلا فقد هرمنا
فلننسي خلافاتنا ونتوحد خلف هلالنا العظيم
تصحيحا للخبر اعلاه
الهلال غلب 2/0
وليس 1/0
الحقيقة الهلال مستواه غير مطمئن
خط وسط الهلال لم يمول الهجوم بكرات محسنة
فرص قليلة اتيحت لساسا وسانى ومدثر
ايكانغا وساسا قاعدين ساكت
اللعب الطويل دا ما اسلوب الهلال
بعد مشاهدتي لمستوي جوليبا وعلمي المسبق بمستوي الهلال وثقتي في تخطي ليوبار تاكدت بان الكاس مريخي 100٪
مبروك المؤج الآزرق بالتفوق على جوليبا المالى إنشاء الله وبأذن الله الكأس لهلال السودان صراحة لعبو كورة جميلة نرجوا من الاعبين الاحتفاظ بهذا المستوى مبروووووووووووك لهلال السودان عقبال المريخ غدأ
مع احترامي للمريخ لكن الهلال هو الفريق صاحب اجمل اداء في السودان
الان عرفت سر الجماهيرية الطاغية للهلال اللتي لايتناسب عدد مشجعيه الهائل مع العدد
القليل اللذي يشجع المريخ رغم التنافس الكبير بينهما
رغم مبالغة الاخ شنداوي في تعليقه لكن حديثه اقرب للحقيقة … مبروك للهلال و عقبال المريخ
مبرووك يا هلالاب يعلم الله رغم اني من نسبة ال 7% اللتي ذكرها شنداوي (يعني ما عندي علاقة بالكورة)
الا انني سعيد للفرح اللذي منحه الهلال لقطاع واسع شديييييد من الشعب السوداني
في ظل ظروف تجيب اكتئاب لسلحفاة عمرها 3 سنين
عقبال فوز المريخ بكرة عشان الباقين يفرحوا رغم شكي انو لسه في باقين ما فرحوا من جحافل
الفرح يوم امس
و الله لو ما الهلال زارع الفرح و ناثر البهجه كان القهر اكلنا
مع احترامي لكل الهلالاب لكن والله مستوى الهلال ضعيف يعني أنا لو كنت لاعب مع جوليبا كنت جبت سوبر هاتريك
دجوليبا دا فريق مانافع ساي دايماً الهلالاب مرزقين بقعو مع فرق ضعيفة لكن لمن يقعو مع المريخ بقولو وووووووووووووووووووووووب علينا
الف مبروك للزعيم و نتمنى مزيد من الانتصاترات القادمة . طبعا الانتصار حافز لمبارات المريخ غدا
ياالمريخاب والله انتو حاقدين بدل ما تقول مبروك للهلال تشمتو فينا لكن يا يوم بكره ماقرب حنشوف فضائحكم امسكو الخشبة يعنى من الأخر ياناس المرخ انتو كده خارج المنافسة
إلى المعلق ابو أريج : شايفة زعلك من فوز الهلال شديد خلاص. يا خى روق المنقة و استنى ليوم الأحد عسى و لعل تفوزوا و نارك دى تبرد شوية يا ود الحلال. والله بالرغم من حقدك على الهلال ، لكن والله بتمنى من جوة قلبى إنه المريخ كمان يفوز و يبقى الكاس سودانى بإذن الله. حقو التعصب الأعمى ما ينسينا بلدنا المسلوب المغلوب على أمره
في سجل لوحة الشرف بالإتحاد الإفريقي دون إسم السودان مرتين الأولي فوز منتخبنا ببطولة الأمم الأفريقية عام70 والثانية فوز المريخ بكأس الكؤوس الأفريقية عام89 لذلك نتمني للهلال أن يكمل ضلع المثلث ويفوز بهذه الكأس ليضع إسمه في لوحة الشرف ويخرج من ثوب المحلية وينال أول كأس خارجية في تأريخه بالرغم من أن دفاع الهلال غير مطمئن وان الفريق والذي يمثل نصف دولة لإحتلال تنظيم القاعدة لنصفه الشمالي قد شكل خطورة علي مرمي الهلال في ملعبه فالأمر سيكون صعبا في باماكو..نتمني التوفيق للهلال..
الف مبروك لسيد البلد…وعقبال الكأس
انا مريخابى منذ نعومة أظافرى و أهتئ الهلال على هذا الفوز المستحق و أتمنى له التأهل الى النهائى و كذلك فريقى المريخ أتمنى له التأهل الى النهائى حتى يكون الكأس سودانيا مائة بالمائة و تكون هذه أول معجزه يحققها بلد أفريقى و هى المتأهلان من بلد واحد و بعدها نغنى جميعا أحب مكان و طنى السودان ( أرجو جميعا أن نتخيل هذا الانجاز حتى ولو لبرهة من الزمن .
في اليوم داك الهلال لو كان بهذا الصف لغلب المريخ أكثر من نصف دسته.
يا اخوانا اتركوا التعصب انا هلالابي علي السكين اشجع الهلال منذ 40عاما اتمني الكاس يكون سوداني 100% يعني اتمني ان يتأهل الفريقين للنهائي وصاحب النصيب يأخذ الكاس بذالك نكون حققنا انجاز تاريخي بأسم السودان