العراق : وزير المالية السوداني طلب دعما مالياً من العراق قيمته 10 مليون دولار
ترجمة الراكوبة
قال علي الدباغ المتحدث الرسمي باسم الحكومة العراقية أن حكومته تلقت خطاباً من وزير المالية السوداني علي محمود عبدالرسول موجه الى رصيفه العراقي يطلب فيه من الحكومة العراقية دعماً مالياً بمبلغ 10 مليون دولار، وأن وزير المالية السوداني استند في طلبه هذا على القرار الصادر من قمة جامعة الدول العربية بطرابلس 2011 الذي نص على تقديم مبلغ 1 مليار دولار لدعم التنمية في السودان.
وحسب ( صحيفة سودان تربيون) قال الدباغ بأن وزير المالية السوداني أشار في خطابه الى الوضع الصعب الذي تواجهه بلاده (السودان) بعد انفصال الجنوب الغني بالنفط ورفضه دفع عائدات النفط الخاصة بدولة شمال السودان والتي تبلغ مليارات الدولارات ما أثر سلباً في الميزانية العامة وميزان المدفوعات ، إضافة للحرب التي تنهش اقليم درافور.
وذكر الدباغ أن طلب الدعم حول الى مجلس الوزراء العراقي للنظر والبت فيه حيث وافق المجلس في جلسته بتاريخ 30 أكتوبر على تخصيص المبلغ المطلوب ولكن ضمن بنود مقترح ميزانية 2013.
يجدر ذكر أن الحكومة السودانية قد بعثت عدة مسئولين الى دول عدة منها المملكة العربية السعودية وقطر والجزائر للحصول على دعم مالي ويبدوا أن هذه الجهود لم تنجح الى حد كبير. وفي ذات الصلة يدور خلاف بين أعضاء حزب المؤتمر الوطني بشأن العلاقات مع ايران حيث ابدى وزير الخارجية علي كرتي ضرورة تقليل العلاقات مع طهران لصالح علاقات أقوى مع دول الخليج العربية الغنية بالنفط.
أين أنت ياطبيب الأسنان الطفل المعجزة ………. برضو نحن متسولين
عندما جاء الإخوة الإسلامويون إلى السلطة عن طريق إنقلاب الإنقاذ كان هدفهم (كما قالوا) منع الشحدة و الإعنماد على المعونات و الإغاثات و التى مرمطت سمعة السودان و السودانيين. اها الليلة إى كوز عندو كرش حايم بالبلدان يشحد فى القروش حتى بوركينا فاسو ما سلمت من الشحدة!!!!! يا ربى القصة تكون من شنو؟؟؟
وين مصفى عثمان الطفل المعجزة القال الشعب السوداني كان مثل الشحاتين هسي الحكومة بتاعتو اتحولت للشحادة بين الدول اخزاكم الله اخزاكم الله
وصلتونا للهوان الله يهينكم ويمرمطكم ويخسف بيكم سابع ارض
اولاد الكلب ديل مايقولو غلبتنا والرووووب بدل شايلين قرعتهم وحايمين…..
( وأما السائل فلا تنهر)
القرعة دى لا بتفتر من (الحوامة )لا بتستحى من قولة الله إدينا وإديك ؟
حكومة البشير دخلت موسوعة جينيس للارقام القياسية في مجال التسول والشحدة
ضيعوا قروش البلد وضيعوا سمعتنا ربنا ينتقم منهم
لله يا محسنين,مرغت انف السودان في الخرا,ياللعار ياللعار!السودان عالة على شعوب العالم,لإنقاذهلكوا البلاد و العباد.
التسول شيمتهم وقد قالوا نأكل مما نزرع ونلبس ممانصنع ..جوعوا الشعب ونهبو ثرواته وأفسدوا وأغتصبواحرائره وعزبوا وسجنوا كل من طالب بحقه في العيش الرقيد ،الشعب في ضنك ألانقاذ ،وهم
يعلمون ماوصل اليه السودان وشعبه ومازالوا يتشبسون بالحكم لمصالحهم الشخصية من مزارع خاصة
وفلل وعمائر وشركات وسيارات لايخشون لومة لائم ولايهمهم إن ضربت اسرائيل القصر الجمهوري ، ولايهمهم سؤال المولى عز وجل عن راع يرعونه ،يتسولون لكي يستمروا في هذا الحكم لان الشعب أصبح نائموجعان ،صاحي وخائف ،ممكون ومغلوب على أمره ،ينتظر أن يأتية المولى بجند من السماء تحميه من
شرور الأنقاذ وويلها ،يسمع ويراء ولايفقه أي شعب هذا من ثوار 1964 واي شعب هذا من أبريل .
شعب تأثر بالربيع العربي فقد خاب وفشل ،ثورة من جمعة لجمعة فقد ضاعت ،شعب السودان 64 لايعرف
عطل . يوم هبت ثورتة كانت حتى النصر وللأسف قد يكون الجوع كافر لسبب تلك العطل ،وإستنشاق
بعض الهواء الطلق ،من سموم بمبان ألامنجية المصنع في اليرموك ألايراني ،القرعة دي لاستمراريتهم
وعايزين فلوس لدعم ألأمنجية وتحدي لبناء مصنع اليرموك من جديد .القرعة إتمدت بدون عزة نفس
وبأسم الشعب المغلوب على أمرة .
وزير العواسة ما ترجو من وراهو خير
شحاد وعينو قوية كمان(شحدات سيادية)..كل الشحادين فى السودان..بقوا لواييق لياقة..الواحد يلصق ليك إلا تديهو أتارييها خربانة من فووووق…
(و ما ظلمناهم و لكن كانوا أنفسهم يظلمون)
إن الله الذي قال أنه لم يك مبدلاً نعمة أنعم بها على قوم حتى يبدلوا ما بأنفسهم، و أنه لا يغير ما بقوم حتى يغيروا ما بأنفسهم، لن ينتقم من هذه العصابة بالنيابة عنا، الأمر بهذه البساطة!! و لو كان الله يتدخل بقدرته لحل مشاكل المسلمين البكائين لحلت مشكلة فلسطين منذ زمن بعيد، فلا أعلم أن هنالك صلاة جمعة في كل بلاد المسلمين تخلو خطبتها من الدعاء لفلسطين و الدعاء على الصهاينة، و لم يحدث شيء!!
الله سبحانه و تعالى ليس محامياً للدفاع عمن يعتقدون أنهم عباده الصالحين! إذا لم يقرر الناس أن يدافعوا عن حقوقهم فسيستمر الأمر على ما هو عليه، و هذه سنة ربانية في هذا الكون بأكمله.
فدعونا من قول (ربنا ينتقم منكم) و (الله يحلنا) و (يا رب) و لنلجأ لأدوات النضال و العصيان المدني الشامل، و عندما نبدأ يمكننا أن ندعو الله أن ينصرنا، بدلاً عن أن يقوم هو بمسؤولياتنا!!
عندنا في المثل السوداني ( كان سرقت أسرق جمل) الوزير دا ما بختشي حسع العشرة مليون دولار دي كان العرب ديل وافقو و ادوها ليهو بتكفيهو مع وليداتو و نسوانو الاربعة وحرسه و حشمو و خدمو و سواقينو وهلم جرا والله الاختشوا ماتوا وياحليلك يا دكتور محمد هاشم عوض ربنا يرحمك ( عندما قام المرحوم نميرى بزيادة السكر تاني يوم استقال من الوزارة ورجع يدرس بالجامعة)قال مشروع حضاري قال(ما تروح وتطلب ايران) مادين القرعة من كبيركم البشير والله حنيتوالفي احدى الصور لسعود الفيصل توريك مدى انحطاط هؤلاء الشرزمة
حسى في زمتك يا بتاع الكسرة العشرة مليون دي بتجيب حق الدواء ولا حق الزيوت البقيتو تسوردوها آخر الزمن ولا تلحق عمولات وكومشنات لعبدالرحيم و المتعافي نافع ومصطفى ز انتو الاربعين مليار ما كفتكم ( وتقول هل من مزيد)
يجدر ذكر أن الحكومة السودانية قد بعثت عدة شحادين الى دول عدة منها المملكة العربية السعودية وقطر والجزائر للحصول على دعم مالي ويبدوا أن هذه الجهود لم تنجح الى حد كبير.
لا احسن تنجح تطعنوهم من الخلف وكمان ليكم نفس تشحدوا شوف قوة العين دي (اجي ياخواني)
الم تقل بعظمة لسانك قبل الاستفتاء وفى اخر قراءة للميزانية العامه بأن وزارتك وضعت كل الاحتمالات و لدينا القدرة على تجاوز اى مشكلة تنتج من الانفصال بالاضافة الى مخصصات دولة الجنوب سوف تعود الى الشمال بعد الانفصال و سوف تغطى العجز الناجم عن عائدات النفط الذى سوف بؤول الى دولة الجنوب ؟
عليه وزبرنا با وزير الهنأ والخمارة وبعجينه منقطرة حساباتك وتوقعاتك و امالك و مد القرعه طلعت فشنك !!!!!!!
تقديم الاستقالة من الوزارة كخطوه اولى لحفظ ماء الوجه والانسلاخ من المؤتمر الوطنى ثانيا لان الدراهم بقت تعد على اصابع اليد و الاستحقاق والصرف الاقربون اولى بالمعروف يعنى بالعربى كدا موضوعك بايظ و ما بتعدل وتحمد سيدك دقشت حريم و عمائر واستثمارات واراضى زراعية محليا و ولائيا ومنوالذيكم ربنا اعطاكم من نعيمه وبالكوريك و خميتوا والمساكين و الغلابه بالمعلقة ما لاقين السفوفه ونسف فى التراب وامكن بعد ايام ما نلقى حتى تربه ندفن فيها الاموات لان راس النظام صاحب المكتب العقارى الدولى يبيع ليل و نهار و يهدى بالفدادين الالوف المألفه ومرقنا نحن منها و بقينا ندور على العشوائى و برضوا ملاحقين كسر و اهدم و خطط و نعوضكم باراضى فى محل اخر و كيف الحل معاكم يا ناس الافساد نحن ما مواطنين و لا شنو يعنى نمشى وين ونخلى ليكم البلد دى .
ارحموا من فى الارض يرحمكم من فى السماء .
لو فيهم خير أقرب سادن يدفع أضعاف المبلغ …. لكن هانت
WHY YOU DONT ASK WIDAD OR ABDLLAH ALBASHIR TO LEND YOU 10 MILLION $ OR EVEN ABUALJAZ ??WERES THE STOLEN OIL MONEY!!!1
شحدة بدون خجل
انتو مش ناس الحكومة دى وقفو مع الشهيد صدام
بعدين ياخي العراق دي في روحها خربانة تدي ولا يدوها ( شحاد شحد شحاد)
كنت داير اسأل من الهمام مصطفى عثمان سماعين شحادين ووجدت ان احد الاخوة سبقنى مشكورا عن رئيس الدبلوماسية السابق الذى وصف شعبه بالشحاتين.
يا ربى عنده خبر القرعة اللافة دى؟
انتو اصلا مادايرين تنمية ولا خير للبلد كان فيكم ذرة من الخير مادهورتوا الزراعة عن قصد وما كان فصلتو الجنوب من اساسو انتو بس عملاء لاسرائيل جاثمين علي صدر البلد ومحاولين تفتيتو لكن هيهات لن تستطيعوا
ال 10 مليون دولار دي عند اصغر شافع عنكم
مابتخجل مبلغك الطلبتو ده بكون فرق فراش البكاء بتمو اربعة رجال
وقال وزير مالية بمالية بتاعة حنانك قوم لف
الشعار الجديد لدولة السودان العظمى [[ نأكل مما نشحت ]] وعلى قدر الشحت ما يمد مديت
بعد ده مافي سودانيي يرفع نخرتو وينبز العرب لانو خلاص صرنا عمليا ادني العرب لانو سيد نعمتك سيدك
تفوووووووووووووووووووووووووووووو
الوزير علي (كسرى) ده ذكرني قصة قريناها في تاريخ فرنسا انه كانت حصلت مجاعة في زمن لويس ما عارفو نمره كم الرابع عشر و لا التاسع عشر المهم الناس مالاقيا التأكلو و حالتها بالبلاء فزوجته افتكر اسمها ماريا انطوانيت لمن شافت انه الناس هائجة سألت عن السبب فقالوا ليها انه الشعب ما لاقي الخبز فقامت قالت طيب ما يأكلوا الكعك . ياخوانا الناس ديل ما عندهم اختشى انا قبل كده قلت ليكم جلدهم تخييين و الله هسه قايلين التعليقات دي ما البتتكتب في الراكوبه دي ما بيقروها اكيد بيقروها و تلقاهم بيضحكوا و مبسوطين و بيقولوا لبعضهم شفتوا الجماعة ديل زيتهم طلع كيف و الله ما هاماهم حاجه لانه مافي احساس و لا دين نفاق و كذب و بس .
دا حكومه بتاع شحادين ساكت
دي عشان بس اشطب بيها العمارة والصينيين طبعا بس راجين متين تصل ( دلاهات) وبعدين انت زير مالية ولا زير خارجية ولا زير……..الدخلك النفق المظلم دا شنوا ولو ما مصلحة شخصية ودناوة ما كان مديت قرعتك
باقي يشحتوا الصومال و يكون شحتوا كل دول العالم . ملاحظه : وزير الماليه عنده دبلوم بس ، و وزير الكهرباء عنده شهاده ثانوي مقطعه و ما شاف الجامعه بعينه .