بركلات الترجيح ..الهلال يضاعف أحزان الكرة السودانية ويودع الكونفيدرالية الإفريقية

الحكم لله والله الحكم لله كلهم طااااتروا وعقبال فريق الإنقاذ القومي يطير وبرك في عش المجانين ي ما انت كريم ي رب. حققت أحلامنا وإلا كان غدونا غد كان صدعوا براسنا الغوغاء الدهماء الرجرجة الفارغين بهمهم بهمزوا أمهم يلا بلا لمة بلا كرور وكراويش ودراويش عندكم نفس للكوره للطرب

ههههههه ابسنيه بيضحك في ابسنيتين .

هههههههههههههههه الله اكبر الله اكبر الله اكبر
والله مبسوط جنس بسطة لمن ما قادر اقفل خشمي
والله الواحد بفرح بي هزيمة الهلال اكتر من فوز المريخ
هههههههههههههههههههههههههههههههههه

تاني عشان تشمتو ياهلالاب
هههههههههههههههههههههههه
واااااااااااااااااااااااااااااااااك

دجوليبا البريدو واحضر جديدو
ويييييييييييييييييييييييييييييييييييييييين ناس امس

ما قلنا ليكم بتطيروا وتلحقوا امات طه .. قلتو الكاس حقنا … بتحلموا…كاس شنو البشيلو الهلال ؟؟ يا اب جاكوما الكأس دة هامل كدة لما يشيلوا ابو الهل؟؟

اين انت يا اب جاكوما .. قول لينا انتو نيتكم دي تكون شنو يا ربي؟؟؟؟
اين انت يا شنداوي
اين انت يا دولار ريال شيك سياحي
اين انت يا كتوش
والقائمة تطول

ان شاء الله اللية تساهروا للصباح ..

اين انت يا حلو الحلو

الناس جاعت ما طلعت مظاهرات !!
ظلموهم وطلعوا عينهم ما طلعوا مظاهرات !!
فصلوا ليهم الجنوب ما طلعوا مظاهرات !!
الحروب مدورة في كل اركان بلدهم ما طلعوا مظاهرات !!
اهانزوا نسوانهموا اعتقلوهم وغتصبوهم وجلدوهم وكتلوهم وبرضو ما طلعوا !!
دارفور تنادي وجنوب كردفان تصرخ والنيل الازرق تجوع والشرق يمرض برضو ما طلعوا !!
يتغلب الهلال ولا المريخ الشوارع تتملي مظاهرات والامن والشرطة ما تتدخل !!
بالله عليكم هل نحن امة بتستحق العيش في هذه البسيطة؟؟
وقسما وعظما نستاهل كل البلاوي الحاصلة لينا دي واولها بلوة الكيزان الحلت بينا بغضب من الله
منعول ابو ابوك بلد
تفووووووووووو

يعني لازم تبقو زي الحمام

وخاب السودان للوصول حتى للنهائي بالرغم من ان هناك ثلاث فرق مثلت السودان المريخ والهلال واهلي شندي
والله نحن مافي شيئ كاجينا ونحاسنا غير الكيزان ديل.

من ضحك علي اخيه عافاه الله وابتليه

وخاب امل السودان بالرغم من ان هنالك ثلاث فرق مثلتنا الهلال والمريخ واهلي شندي ووالله نحن مافي شئ كاجينا وناحسنا غير بني كوز ديل.

المريخ اتغلب هلال شنو

شىء متوقع ما عايز تعليق دى كورتنا اكثر من دا مافى ياجماعه خليكم واقعين ولاشو

والله السودان مافيهو كووره لا مريخ لا هلال كلو وجع قلب ساااااكت وفقع مراره حقو تاني مافي واحد يحاول يقول أنا مريخابي ولا هلالابي يلا بلا لمه بلا هم

دي شماتتكم فينا امباااااااارح و اليوم كانت السقطه المدويه ومن الان التفكير مفروض يكون جدي في استجلاب لاعبين من الاقاليم و البحث عن مدرين وطنيين و كفانا اهدار للثروات في كل ما هو ما نافع فالضيع المريخ بالامس القريب هو الحضري واليوم سادومبا و يوسف محمد بالاضافه للمدربين الذين اثبتاء بما لا يدع اي مجال ل شك بانهم فاااااااااااشلــــــــــــــــــون ل حد الثمالـــــــــــــــــه

هههههههههههههههههههههههههههههههههههههههه وتاني ههههههههههههههههههههههههههههههههههههههههههههه اللهم لا شماته عشان تااااااااااااااااااااااااااااني ما تتضحكو فينا

يااخوانا وين ابو جاكومه
ولا بيكون بيلطم فى (جضومه)
ههههههههههههههههههههه

الهلال سيحتفظ بحق الرد . . . وسيكون الرد موجعا… بل سيرد الصاع صاعين . . .

تمساح لقى تمساح صاحبو جم البحر خاطى لى شوالين ليمون كل مره ياكل ويمص فى الليمون ويشل البعديها التمساح صحبو قال مالك من الصباح تاكل وتمص فى الليمون قالى والله من امبارح مياكل لى هلالبى مطمم بطنى لى يوم الليله…….هههههههههههههه

طبعا ياناس نحن كنا مؤجلين الدفن لليلة عشان ندفن الاتنين مرة واحدة كدا بس كلمونا ياتو مقابر بترضى بالفطايس دى
المريخ الحارس من مصر
الهلال الحارس من جنوب السودان
راجين منهم شنو ديل ارحمون يلا بلا هلال بلا جنزبيل معاكم وشوف ليكم نكتة تانى وكلنا فى الهواء سوا
والله من وراء القصد

للا سف الشديد الكرة السودانية بمختلف مكوناتها __ اتحاد عام و منتخبات و انديه و لاعبين و ادارات و مدربين و اعلام رياضي _ و غيرهم لا يمتلكون فكر و ثقافة البطولات الخارجية و خاصة القارية ( الافريقية ) لذلك انظروا منذ انطلاقة البطولات الافريقيه الكبرى و التي كنا احد مؤسسيها قبل أكثر من خمسين عاما لم نفز سوى ببطولتين فقط كأس الامم في 1970 و الكوؤس للمريخ قبل عشرين سنه ,,, بينما نادي و احد مثل الزمالك له اربعة بطولات قاريه و منتخبات او انديه افريقية تأسست بعدنا بخمسن عام فازت ببطولات الامم و الندية الابطال و الكوؤس و الكنفدراليه.. اقول لكم مافيش فائدة ولا اي امل في الافق لنصنع لنا اسما في قارتنا طالما ظلت هذه العقليه المتعفنه هي المسيطرة على كرة القدم في بلادنا .

بالله عليكم المليارات البياخذها الاجانب ديل ما كانت كافية لاستئصال التهاب الكبد الفيروسي من السودان نهائيا ….

بالامس خرج نصف الشعب السودانى احتفاء بخروج المريخ .واليوم يخرج النصف الثانى ابتهاجا بخروج الهلال . حاجة تقرف.

فشل سياسي فشل إقتصادي فشل إجتماعي فشل رياضي جمهورية فشلستان .. برضو النبق النبق

الحاصل شنو ؟؟؟؟؟؟؟؟؟ لاكورة لا ………. لا ………..

شئ طبيعى ودا مستوانا…حتى لو لعبنا ضد سيدات سيرلانكا

لاهلا نافع لامريخ نافع لاحكومه نافعه لامعارضع نافعه النافع منو نافع على نافع ههههههههههههههههههههه

اب سن بيضحك في ابو سنين والبيضحك اخيرا بيضحك كثيرا

لا هلال لا مريخ لامنتخب بعد اليوم — هلال مريخ نصف اللعيبة اجانب فشنك

مساكين الهلالاب كلما تلبن يدوها الطير

يوسف محمد سادمبا اكينجا ما الفايده منهم مادم لايقدموا شي في المباريات الكبيره للفوزعلي الامل عطبره وجزيرة الفيل هل معاويه فداسي مدافع بحجم الهلال بوي كايا سيف هل يتوقع بوجود هاولا تحقيق بطوله معروف النتيجه من الاول خروج متوقع وبطوله محال والتغير لابد منه من الرئيس الي عرت الا عبين الافارقه

خيبه في خيبه الله لا جاب باقيكم
هلال مريخ قال

وين مشوا ناس امبارح ياربى الشوارع فاضية كدا لية

[أب جاكوما للذكرةالليلة بتنوم كيف

الليلة بنوم بمزااااااااااااااااااااااااج نختا ليا سفة كدا وننوم بيها.. والله العظيم انا مبسوط مبسوط مبسوط مبسوط ومتكيف كيف كيف كيف.. يا حمامة مع السلامة يا حمامة مع السلامة..

سيادتي سادتي اسرة نادي المريخ [لنجمة المسالمة] سابقاً جاءكم البيان التالي:-
أولا:
كنتم معانا في الكاميرا الخفية.. ثانياً: نشوفكم المرة الجاية بمدرب جديد ولاعبين جدد…

ياخي طيب طالما انتو الان قاعدين ساي… نظموا سيكافا… خللوها بالجنبة سيكافا مفيدة بالجبنة.. ولا اقول ليكم احشوه أنا ما بحبش سيكافا..

الليل الليل ياجنا.. والليل بدورلو خليل ياجنا

بمزاااااااااااااااااااااااااااااااااااااااج بمزاااااااااااااااااااااااااج..

شوفوا انتو لازم تستفيدوا من مشاركتكم ما تبقى مشاركة من اجل المشاركة زيي كل سنة.. مرة في النهائي ماخذين ليكم اربعة ومرة ما عارف كم. ومرة من دوي ال32

وبالمناسبة نحنا ذاتو شرف تحصلوا النهائي تب ما دايرنو ليكم.. يا حمام يا ميت.. البطولة بتاعت الصفوة والنخبة بتاعت الكبار…. الابطال والكونفدرالية شوفوا سيكافا بوين..

وررررررررررررررررررررررررررررراوررررا طرنا وطارت احلامنا… ويذهب الحرام من حيث اتى… الله في الله غالب…

ما هو باين باين في العيون حنهرب منو وين..

شوفوا في مثل بيقول النية عكاز سيدها… وانتو نيتكم عفنة[ خراء نفساء] انا عارفنكم ربنا بيديكم قدر نياتكم..

واااااااااااااوي غلبونا وطيرونا ودورونا ومن الكونفدرالية ضهبنا وطرنا…

نحمدك ياالله

بالله كورة بيكتب فيها زي ناس مزمل ابوالقاسم تبقى كوره كيف .. ؟؟؟
صحافه كلها (كيتا) ، يتندّر بعض العرب على سخافتنا الرياضيه بقولهم ان بالخرطوم 50 صحيفه رياضية ، بدون كوره ؟؟؟
أطلق المؤتمر اللاوطني العنان لامثال مزمل والهندي وغيرهم من المطبلاتيه والارزقيه فاصبحوا اثرياء و اصحاب مطابع بين يوم وليله من وراء بيع الوهم و الملاسنات العفنه في صحفهم الصفراء ، فغاب النقد البناّء والمنطق والتحليل العميق والماده الهادفه والمفيد ، فاصبحت الصحف مجادلات ومجادعات بين الصحفيين (وما هم بصحفيين في الحقيقه) ..
.. وإدارة الانديه ليست لافضل من الصحافه تدفع للصحفيين من اجل التلميع والصور والبزنس بتاعهم .. انظر للمليونير الفاشل جمال الوالي المكننكش في الرئاسه زي جماعتو منذ سنوات ماعايز يفكها ، كذلك في الهلال ..

كيف تفوز فرقنا وليه ؟؟؟؟؟؟

هارد لك الهلال هارد لك المريخ ..المريخ عرفناه اتغلب من النحس الجاه من ضيف الشرف الوالي كبر…طيب الهلال مالو ؟ شوفو ضيف الشرف منو وتعرفو الحاصل !! مرة تالته هارد لك السودان

هنالك اكثر من مائة وخمسين خبر وخمس وثمانين مقال موجودة امامك

تصحبك السلامة

ولا زال الصفر الدولي لم يبارح مكانه
كع كع كع كع كع كع

اتلم المتعوس على خايب الرجا وابكى يابلدى الحبيب!!!ثلاثة فرق ما يصل واحد منها للمباراة النهائية؟؟؟اكيد دى مؤامرة من اعداء الوطن!!يكونوا بنى قريظة؟؟؟؟ ممكن واحد اهبل وغبى من ناس الانقاذ يطلع بتصريح انها مؤامرة من اعداء شرع الله!!!!!! هى بقت على الكورة ما انحنا فاشلين فى كل حاجة فى هذا العهد الانقاذى الفاشل لكن ما تحزنوا اتحاد الكورة ح يرد الصاع صاعين وح يفوز بكاس العالم فى البرازيل!!!(زى حكاية رد الصاع لاسرائيل)!!! وفقنا العالم اجمع فى الكوميديا وهذا كله بفضل الترابى وجبهته الاسلامية القالت عايزه تنقذ السودان فاوردته موارد التهلكة!!انتو ناس الحركة الاسلاموية ديل حوص ولا متخلفين عقليا ولا حرامية وفاسدين ولا شنو؟؟؟؟؟ مافى اى احتمال تانى غير هذه الاحتمالات !!!انهم غير جديرين بالاحترام بل بالاحتقار !!!!

بصراحة ناس الهلال بستاهلو وبصراحة انا اتمنيت دجوليبا يفوز

متى تدرك الملايين التى ادمنت تشجيع ماتسمى فى بلادنا كرة القدم ان الانهزامات الكروية لاتوجع الا الرياضيين واصحاب الاهتمامات الكروية والانتصارات الكروية ولو ارتقت الى مرحلة (كاس العالم) لايمكنها ان توقف احزان الملايين الموجوعة والمنكوبة بافعال اقزام الانقاذ ،،، لكن يا سادتى كل الانهزامات والصدمات الوطنية بقدرتها الفائقة تهتز اركان البلد ويعانى من تبعاتها الكثير من ابناء شعبنا ،، بالمقابل اى انتصار انسانى يلامس بلادنا يمكنه ان يمسح الدمعات ويرسخ لابتسامة تدوم تطويلاً ويرسم خارطة طريقاً لاستقرارنا الاجتماعى والسياسى ،،،، ما تعيشه بلادنا من وقائع انسانية ملحة لايمكنه ان يضفى اى انتصارات كروية او افراح تتخلل تلك الانتصارات ان وجدت ،،، دعونا من هكذا تخبطات ،، وتذكروا ان المنشط الكروى فى ظروف انسانية حرجة كالتى تمر بها بلادنا يعتبر سخف لامثيل له وترف فى ازمنة الا معقول ..

بالله عليكم كيف لرياضي ان يتهيأ لدخول الملاعب مشجعا وهناك ملايين الذين تنعدم فى بيوتهم قطعة خبر ؟؟؟

كيف يصفق المشجع الكروى لانتصار فريقه فى وقت انهزمت فيها انسانية الكثير من ابناء بلادى فى دارفور وجبال النوبة وكثير من مناطق الوجع الوطنى..

سوى صفوفكم فأن تسوية الصفوف الوطنية من تمام الانتصار الثورى والتغيير المبتغى

ليس في الهلال او المريخ شخصية البطل فالبطل لابد ان يلعب حتي النهاية ولايتخازل لانه جاء للمبارة ليفوز لا ليتخوف وينتظر .ثقافة اللاعب السوداني لايوجد فيها طموح والعمل من اجل احراز بطولة خارجيه فهو هداف في الدوري السوداني والي هنا يقف طموحه حتي ان هذا الامر تم توريثه لمعضم اللاعبين الاجانب ويظهر ذلك في المريخ لاعبين ابطال في السودان فقط ما فائدتهم اذا.شخصية الفريق البطل كانت موجودة في هلال87(طارق,تنقا,الثعلب,وليدطايشين,اسامة الثغر).الهلال يحتاج الان الي ادارة واعيه,ولاعبين يلعبون للفريق وليس لاسماءهم.المدرب الحالي ليس سئ لكن عليه سد العيوب الظاهرةلابد من وجود بديل لمساوي في حالة غيابه,الحارس جمعة يحتاج لتقوية في قبضته,لابد من اجادة الضربات الثابتة والركنيات التي لانستفيد منها كثيرا.

والله القوون الثاني عالمي و يدرس

متي سننتصر*متي سننتصر*متي سننتصر/الكورة السودانية ضائعة بين الهلال والمريخ/على العموم ماغريبة فالسودان كلو ضائع /اه يابلدي اه

الحقيقة التي يجب أن نقر بها هي لو لا وجود الأهلي شندي في المجموعة لما وصل الهلال والمريخ لنصف النهائي، فبوجود الأهلي شندي نال كل من الهلال والمريخ ستة نقاط هدية وهذا ما كان ليصير لو أي فريق من المجموعة الأخرى كان مكان الأهلي شندي، كما أن الأهلي شندي بهدفه العشوائي في مرمى أنتركلوب حطم معنويات انتركلوب وجعله يلعب بإحساس من لا حظ له.
عموماً حصل خير وثبت لإعلامنا المضلل أن كل ترشيحاته وتوقعاته باطلة وأن لا علقة لهم بالرياضة عامة وكرة القدم خاصة.
المضحك أن الإتحاد أجل مباريات كأس السودان حتى نهاية الكونفيدرالية ليقينه أن النهائي مريخ هلال.

ايضا يوسف محمد ونفس السيناريو ركلات الترجيح لماذا ؟ سؤال يحتاج لاجابة من من يبقي علي يوسف محمد في الكشوفات

والله ما عارف اقول شنو لان ده حالنا ونحن حاقدين على بعض بس يضحك كثيرا من يضحك اخيرا و اللهم لاشماتة بس لا تظهر الشماتة لاخيك فيعافيه الله ويبتليك وكمان تشرب من نفس الكاس على كل حال قولوا يالطيف لاننا حرم عينا الفرح بكل انواعه واشكاله

اولا اهنئ جمهور الهلال {العوير} الذى صبر على عوارة هيثم مصطفى ولكمة البرير واعلام الحكومة وصحف كتابها غير مؤهلين مثل صحف قوون والموج الاغبش و وصحيفة يفترض توقف تسمى نهاية وخازوق البلد

هلامريخ ياصح النوم حررررررررررام عليكم وموضوع المحترفين بصراحة داير حل

يا جماعة المناكفات شئ لابد منه بس بدون عصبية فانا شايف الناس شايلاها اوي اوي من بعض يعني ماحدث في مباريات العملاقين من تكسير كراسي في الاستادين شئ مؤسف ولا يمت الى الراضة بصلة.فلا نريد ان نحول ماحدث في الاستادين وننقله هنا في الراكوبة.دعوا العصبية وستسمو كرتنا ورياضتنا.

كسرة
الغريبة في الامر ان جمعة جينارو حارس المرمى احرز ضربة الجزاء بصورة جميلة اما سادومبا المهاجم المحترف اضاعها برعونة وكذلك يوسف محمد وهذا ان دل على شئ انما يدل على ان المحترفين في السودان اي كلام !!!!

مع خالص تحياتي وودي لابو اريج والحلو وكل شلة الاخوة المريخاب

شوفوا يا جماعة بصراحة كدا كورتنا زمان كانت قوية لانو كانوا بلعبوها أولاد أسر مربية ( ما تفهموني غلط ) أنا قاصدأسر مهتمة بالتربية والتعليم وآخر هؤلاء اللاعبين جيل السبعينات وبداية الثمانينات وعشان تتأكدوا من كلامي دا أحسبوا معاي وشوفوا مازدا وقاقرين خريجين جامعة الخرطوم وهم لعبوا في هلال مريخ هسه البدرس جامعة الخرطوم منو وبلعب في هلال مريخ من البقر ديل عشان يفهم ليكم خطة مدرب هل في واحد منهم أحرف من جكسا ولا كمال عبد الوهاب ولا رشيد المهدية ولا عادل أمين ولا مصطفى النقر ولا سامي عز الدين ، ديل الواحد فيهم حتى شكلو يطمم البطن من تشوفوا عشان كدا احسن نعمل نايمين وننسى ال…. ( اللهم إني صايم اليوم الأثنين )

المصيبة إنو بكرة بنلقى التمرين فيهو 30 الف

خلاص يا جماعة انسو وعيشو

وانا بقول للاستاذ / صلاح إدريس سوقك حار شديد ، حصل السوق ونقي ليك لاعبين شباب من المريخ والهلال لانهم كلهم ما نافعين واترك العجائز و ممكن تطعم بيهم فريق الاهلي شندي الفريق الصامد رغم حداثته في الدولية

الرياضة السودانية تحت الصفر اربعون عاما ونحن من هزيمة الي هزيمة الواجب منع المشاركة الخارجية لمدة خمسة سنوات الي ان نتعلم فن الكورة انظر الي جيراننا وهي دول ليست نفطية وقيس مستوي الكور ة عندهم وعندنا هذا الذي افلحنا فيه نحن من مؤسسي الاتحاد الافريقي

إدارة النادين الهلال والمريخ مؤتمر وطني ( وياللحسرة ) وجماعة المؤتمر الوطني اضاعوا بلد باكمله فما بالك بكرة القدم!!!

الكوره السودانيه ناقصه لثقافه الكاس