مذيع يترصد الصحفيين
عبد الرحمن جبر
هل تستهدف قناة النيل الأزرق الصحفيين خاصة النقاد الفنيين وتجرد حسابها معهم وتفش غبنها عليهم عندما تستضيفهم في أحد برامجها.. وهل هناك قناة محترمة تستفز و تستهتر بضيوفها.. بلغت بي الدهشة منتهاها وأنا أتابع إحدى حلقات برنامج «مساء جديد» الذي استضاف صديقي العزيز تربيع الأستاذ أحمد دندش، ومبلغ دهشتي نابع من الأسلوب المستفز الذي أقدم عليه المذيع- نصف المعروف- أو كما قال عنه دندش مذيع «الجرتق» أمجد نور الدين وهو ينسى أو يتناسى مهمته الأساسية في الحلقة ويسعى لاستفزاز واستهداف دندش بكل السبل، حيث أوهمه خياله الفقير المنصب في «شعورك شنو في يوم الزفاف»، بأنه بذلك يسدد طعنات للصحافة التي انتقدته كثيراً لضعف مردوده في العمل، فقام باستهداف دندش بأسلوب ضعيف ورخيص ويفتل من طرف ذي- صبي الجزار- معتقداً بأنه سدد طعنات للصحفيين ولكن الحقيقة هي أنه سدد طعناته للقناة التي يعمل بها وأساء إليها من خلال تصفية حساباته الشخصية عبر برمجة القناة وأحرج إداراتها قمة الإحراج، ولا أعتقد بأن مديرها راضٍ عما بدر من هذا الأمجد ولا استبعد بأن يتم استبعاده بصورة نهائية من منظومة القناة ليكون عبرة وعظة لزملائه خاصة وأنه مذيع غير مؤثر ولن يترك فراغه أثراً يذكر.. يا إخوانا ارحمونا من أشباه المذيعين ديل فهذه ظاهرة غريبة.
آخر لحظة
الحمدلله ريحونا من هذا الامجد انه فتي ثقيل الظل كيف دخل مجال الازاعة من اي باب دخل اكيد من باب الواسطة بس الواسطة في التلفزيون صعبة . حاله حينكشف مثل هذا الامجد انا جدا مبسوط بعد ابعاد امجد من القناء الان اشاهد القناء بكل انشراح
مؤشر الترطبية الذي ابتدعته لنفسي وأقعنعته بها يتمثل في قراءة الأعمدة و ردود القراء بالصحف السيارة لأي دولة. فإذا كان هناك حديثا ونقدا ما للبرامج التلفزيونية والأداء الكروى والرياضي بصفة عامة فهذا يعني حسب (مؤشر كباريت للترطيب) أن البلد عال العال، وأن الناس لا تشكو سوء الحال والمآل. أما إذا كانت الأعمدة وردود القراء أنفاس حرى وقنابل وصورايخ غير مبرمجة فهذا يعني أن البلد تغلي وتفور. مؤشر كباريب للترطيب يؤكد أنه كلما كثر الحديث عن البرامج التلفزيونية المملة كلما تأخرت الثورة أو كلما أشار المؤشر إلى عدم وجود ثورة أصلا لا في القريب المنظور ولا في المستقبل البعيد. أها رأيكم شنو يا عبد الرحمن جبر ويا دندش؟
مشكلتو الزول عندو سغه عمياء في نفسه بانه مذيع متميز وليس له مثيل متجدع وعامل روحو يادنيا مافيكي الا انا ياخي ماتمش تشوف ليك بيت عرس واحضر ليك حفله واضرب ليك صحن كوكتيل وابقي مارق بلاش كلام فارغ معاك قال مذيع طلعتو عينا ,,,,,,,,,,,,؟
أنا والله الزول دا من اشوفه في التلفزيون بغير القناة على طول … لانه اسلوبه سطحي شديد ..
الشهادة لله الزول دا عندو قبووووول وحضور قوى وبعدين ناااير كدا وشبعااااااااان من كوكتيلات الاعراااااس
طار ليك ياعم امجد تانى كوكتيل مافى حسن علاقاتك مع الفراوي الفى الناصية بتاعتكم
اهان النقاد كيف ؟ شتموا يعني ؟
مخرجات ثورة التعليم العالي
هذا الامجد من اسوء ما انتجه التلفزيون السودانى وهذه هى نتيجة تعيين الواسطه مخو فاضى وبتراشق رشاقه مرة ولايجيد صياغة الاسئلة المطروحة على ضيوف الحلقات بغض النظر من هو صاحب القرار فى الايقاف ولكن اقول مبروك لهذا القرار الصائب وعقبال ناس فلانة الجايات يظهرن الحنة والتياب والمكياج ال بالرطل
الشعب السودانى شعب مقلد حاقد وكسول وحاسد وينظر الى القبليه قبل كل شيئ وعشان كده ربنا سبحانه وتعالى ما حيقدمه شبر مقارنه بالشعوب التى من حولنا سواء كانت عربيه ام افريقيه مالو المذيع ده رجل شايف مهامه وواجباته فى احسن مما يكون بس حاسدنه لانه رجل ناجح فى برامجه ومافى اى زول يقدر يقلده
أولى له أن يمارس التمارين الرياضية حتى يزيل هذا الترهل فهذه الكرش لا تليق بمذيع شاب ولهلوبة كما يتصور
وضع الصحفي أو أي مسئول في كرسي ساخن يفسر ذلك لدوافع شخصيةوينقلب الصحفي إلي أرهابي ويستل قلمة لينتقم لنفسة لا لقضية أو رأي , وأحمد الله أن المذيع الشاب أمجد أن ذلتة ذلة مهنيةولا نمانع علي المحاسبة بغرض التصحيح وليس للتدمير ولإنتقام والتشفي ونتمني لكل الشباب كل التقدم وان يرتفع الصحافيين ليدافعوا عن الآراء والأفكار لا للثأرللنفس
دا كلة كوم ورنامجة بتاع الجريمة كوم براة منو القال لية دى منقطتك
يجيب واحدة بتيع عرقى ولا واحد نشال ويقعد يفسح فيهم
خلاص لارى كنج زمانة ولا د.فيل دا غير بيت العرس ما عندة حاجة
حتى بيت العرس دقوة من الشلاقة واللقافة الزايدة
حقيقة هذا المذيع شاب مؤدب ومحترم ومحبوب من العامة و قدر ان يكسب قلوب المواطنين وانا ضد ان يتم انتقاده.
ومشكلة السودان ان الصغير اذا أخطا أو ارتكب هفوة صغيرة لا تغفر له اما الكبار فلا حسيب ولا رقيب.
السودان بلد الاحباط وتدمير المواهب لذا اقترح على امجد ان يشق طريقه فى الخارج كما سبقه مذيعيين كثر عرفوا ان مستقبلهم سيتطور خارج بلد الجهل والتخلف
شاهدت حلقتين في التلفزيون السوداني باستضافه احمد دندش ووجدت احمد دندش هذا صور مصغرة عن هيثم كابو ودائما في موقع المهاجم لايعرف شئ اسمه كرة وهجوم ودفاع؟ الصحفي مفروض ياخذ كل المدارس مدرسه البوني او جبرا مدرسه ساتي وهنالك مدراس كثيرة واقلام تستفيد منها اما مدرسه كابو لاتكفي لكي تصبح صحفي حقيقي ويكون حرام وذنب كبير لو بسبب احمد دندش هذا طرد المذيع وانقطع اكل عيشوااااااا
تأكد لي تماما إبن الجبر أنه ماعندك حاجة.. يا حاقد، الله يكفينا شرك .
الاخ Jarakan Fadhi شكرا علي الرد بس في حاجة واحدة نحن جيل اتعودنا علي ان يكون كل شئي تمام فامجد ثقافته ضعيف جدا دائما يحرج الضيف باسئلة بايخت جدا اين هو من الطيب عبدالماجد اين هو من سعدالدين اين هبه المهندس خيلك من هؤلا اين هو من نفس جيله تسابيح مبارك .
قول لي اي برنامج هو ناحج فيه هل البرامج الدينية ام الرياضية ام الثقافية ام السياسية هل التقديم في بيوت الافراح يعتبر تقيم للمزيع لا والف ولا للمجاملة ثم ثانيا علي اي شئي احقد امجد هل انا مزيع يعني ،ثالثا امجد شخصية عامة قابلة للنقد لو هو جدير بذلك فلييطور نفسه وينس ان شكرالله خلف الله خاله ونتمنا له الاجادة والتطور والله من وراء القصد
يا الاسمك رامبو انا ماعربي انا سوداني افريقي كونو انو اغلط في حرف مثل,هذا ممكن يحصل عند اي شخص وعلي مستوي المطبوعات ممكن تحصل غلطه ذي دي المهم انت جدك عمر بن الخطاب وبعدين منو القشاك قال ليك انت عربي ماهو الذي نوعكم ديل سبب البلاوي كلها نحن عرب وانتو عبيد وسبب انفصال الجنوب عنصريتكم دي وسبب مشكله دارفور ,,,والنيل الازرق,,,
قال دة عربي يامرسي ؟؟؟ لا دة فرنسي يازول ماتشد حيلك وارضي بي واقعك وابقي في الليلتك؟؟
المذيع جيد ولكن حسب اعتقادى ان السبب هو شكل المذيع اى بمعنى انه اصبح شكله غير رشيق
والكرش بتاعتو ربما تكون السبب
امجد محترم وعندو قبوووووووووول مش احسن من ناس سنتر الخرطوووووم واضربنى بسدسك وما عارف شنو … ارحمووووووووووووووونا يرحمكم من فى السماء
أمجد كان غاشي ناس النل الازرق علي انه فيلسوف عصره ايمن راجل اناني في القناه لاتهمه الانفسه قبل عام جاء الي الرياض بالمملكه العربيه السعوديه واصر علي اصحابه ان يعملوا له حفل تكريم عشان يتلمع بيهو في السودان تصوروا هذا التكريم تم بثه بقناة النيل الازرق وهناك مذيعين تم تكريمهم من نفس القناه وداخل السودان وبمعايير مهنيه واضحة من جامعة الخرطوم كلية الاعلام ولكن للآسف القناه لم تعلن هذا التكريم وتبثه وكان عن اختيار افضل مذيع او مذيعه لعام 2011م اذهبوا وابحثوا هذا الموضوع حتي صحيفة فنون وخنزيرها هيثم كابو غض الطرف عن هذا التكريم لشي في نفس مبارك البلال صدقوني كلها هلفته في هلفته والله يجير السودان من امثال هؤلاء.
الغريبة في رمضان الماضي في حلقة الدكاترة المعجبين بالفنانين كان في دكتور من المسالمة وبقلد ابراهيم عوض بموت في ابراهيم عوض شوف المنظر وده كان على الهواء مباشرة في صالة سبارك ستي وكان امجد ومعاه مذيعة اللامعة سهام وكان امجد اختفى من المسرح وجاء طالع الدكتور المسرح قال ليها السمين وينوه على الهواء مباشرة . متنا من الضحك الدكتور كان مرح جدا وعلى نياته .
غايتو بنوت النيل الازرق يفتحن النفس .. بس من يطلع الشي الاسمو امجد دا مع وحدة من فارهات النيل الازرق يسد نفسك .. زي لمن يختو ليك (كاكا) جنب طبق حلو كريمة …
واخر دعوانا ,, اللهم عليك بالكيزان ومن تشيع لهم وتمسح بهم
قالوا التور ان وقع السكاكين بتكتر ومافي داعي للنميمة وقالو الجمل ما بعرف عوجة رقبتو
طيب مانحن عارفين كلهم سجم في رماد من المدير الي اصغر مذيع شنو يعني لما تحت الرماد ما والنار لسة مولعة تنجض في باقي الشعب الله الهيكم واصرفكم زي ما لهيتوا الشعب وصرفتوهوا عن قضاياه
من متين بقي مقياس المزيع الناجح انو (ماعندو كرش) يا ناس اخجلو وانتو ما عارفين انو توقيف امجد ده كلو ترضيات للصحفيين من طرف حسن فضل المولي لانو محتضن الصحفيين وبخاف يكتبو عنو وعن فساد القناة الريحتها فاحت وكل الناس بتتكلم عن بلاويها فلازم يوقف امجد علشان يرضي الصحافة بالمناسبة لو ما عارفين انو كتير من الصحفيين بياخدو مرتبات من القناة كأنهم موظفين يعملون تحت مظلتها وكل من في النيل الازرق يعرف المعلومة دي