مواقع سعودية : القبض على الفتاتين السودانيتين الهاربتين
كتبت كثير من المواقع السعودية :
تمكنت الجهات الأمنية بمنطقة القصيم وفي انجاز أمني كبير من تحديد مكان وجود شقيقتين من جنسية سودانية اختفتا عن مقر سكن أسرتهما منذ الأحد الماضي وعلمت ( عاجل ) أن الجهات الأمنية حددت مكان اختبائهما في محافظة خارج منطقة القصيم وتحديدا في محافظة حريملاء التابعة لمنطقة الرياض حيث تم ظبطهمابعد تعاون كبير مع الجهات الأمنية بالمحافظة.
جدير ذكره أن مركز شرطة مدينة بريدة الجنوبي قد تلقى بلاغ عصر الأحد الماضي يفيد بهروب الفتاتين متزامناً مع بلاغ آخر يفيد باختفاء شابين عن ذويهما,وأفادت المصادر أن الفتاتين هربتا بعد حدوث حريق في منزلهما لم توضح أسبابه ,وقد أحيلت الشقيقتان إلى مستشفى الولادة والأطفال بمدينة بريدة حيث تم إجراء الفحوصات الطبية لهما من أجل التأكد من سلامتهن الصحية واستكمالاً لإجراءات القضية .
السؤال الذي يدور في اذهان كل السودانيين والسعوديين والعرب الان ما هو دور السفارة السودانية في المملكة من مثل هذه التصرفات المشينة علما بانها لم تكن المرة الاولي من هروب مراهقات سودانيات مع بعض الشباب ويدعين انهن اختظفن و بعد قضاء وقتهن واالاستمتاع به بما اردن دون واذع ولا محاسب لماذا لم تكن للسغارة رد رادع لهؤلاء وأسرهن ؟
عزيزي القدال الحكاية مادايرة جواب عمل السفارة فقط الجباية وجمع الزكاه من المهاجرين رغم انهم والله (الغالبية العظمي) محتاجين لهذه الزكاه
يا القدال ازا في بنات بيهربو زي ما بتقول اكيد ما كلهم وفيهم بينخطفو فما تتبلى على بنات الناس ساي لحدي اسي هم ماعارفين لا الشرطه ولا الراكوبه الحاصل شنو ممكن بالجد انخطفو ممكن عندهم ظروف عشان كده طلعو وتاني همه بيقولو انو شابين اختفو كمان المفروض ما يكتبو حاجات زي دي ممكن تكون صدفه فيخلو الناس يتكلمو فيهم ساي بالجد حرام عليكم
ياناس الراكوبة ورونا ماهي الجهة الرسمية التي استقيتم منها مصدر المعلومة وعبارة ;( كتبت كثير من المواقع السعودية) ده كلام عوام ساكت ورونا الكلام المظبوط عشان ما نشتت نيرانا حاصل فاضي
القدال اتريس فى التعليق انا من نفس المتطقة التى بها الفتاتان هن من اسرة كريمة وحتى الان لم تعرف الظروف التى كانت سببا فى خروجهن المهم اتقو الله فى اعراض المسلمين فلكم اعراض وشكرا
انت لسه عندك ثقه في السفارات السودانيه اصبحت ماؤي لاجهزه الامن لو عايز تتازي في امر دخل سفاره من سفاراتنا
انهم يعشقون مثل هذه الاخبار لادخال كل الاسره للحزب الحزين لاظهار الامر علي انه فضيحه
ربنا يسلمكم بنات بلدي
ليس اسمها السفارة بل (القذارة) ..
اللهم احفظ بناتنا ونساءنا وشبابنا وجميع المسلمين من كل سوء اللهم اكفنا شر انفسنا واهدنا لسبل الرشاد اللهم انا نبرأ اليك من الولوج فى اعراض الناس وكف السنتنا عن ذلك . اخونا القدال ربنا يحفظك من كل سوء ولا تتعجل ولا تدفعك النخوة للخروج عن الخط " لسانك حصانك " وربنا يهدينا جميعا ..
خلاص كلو واحد بقى يفتي ويفسر علي كيفو؟؟؟
اتقوا الله في اعراض الناس
حسبي الله ونعم الوكيل
أولاً نحمد الله برجوع هاتين الفتاتين وربنا يصبر هذه الأسرة المكلومة المفجوعة وأرجو من الإخوة المعلقين هنا توخي الدقة والحذر وعدم اتهام هؤلاء البنات والأسرة لأنه حسب علمنا بأن مكيف الشقة تم حرقه بفعل فاعل والبنات داخل الشقة لوحدهن يعني ممن يكون أصلاً في متابعة وطالما أن الحريق بفعل يعني أن النية مبيتة لإرغام الفتيات على الخروج من الشقة واختطافهن والله أعلم. عموماً أتمنى ان يتخذ جميع المغتربين قرار الرجوع إلى البلد بمجرد وصول الأولاد إلى مرحلة المراهقة أو على الأقل إرجاع ا لأسرة فقط والبقاء عذاب إذا اقتضت الضرورة حتى لا يحدث ما لا يُحمد عقباه.
وجزاكم الله خيراً
يا القدال إتق الله في أعراض الناس و لا تفتي في أمر لست ملم بجميع جوانبه . الله يحفظ أعراضنا جميعاً
الاخ القدال صاحب التعليق الاخير ارجو ان لا تتسرع في حكمك تجاه تلك القضايا وتكون ارتكبت اثم في حق اسر شريفة فنحن نعيش هنا في المملكة وتلك المشاهد موجودة وهي محاولة اختطاف الفتيات او التهجم علي الاسر في غياب رب الاسرة فبدلاً من كلامك هذا يجب ان تقول يجب علي السفارة التنسيق مع السلطات السعودية لحماية تلك الاسر , فارجو ان تتقي الله في اعراض الناس واعلم انك سوف تحاسب يوم من الايام علي ما تقول وتفعل ولك مني كل الاحترام.
للاسف الحبش والارتريين والصومال والمروتانيين كل هولاء ممثلين فيه سودانيين للاسف, وفيهم فعلاً من له جنسية سودانية.عموماً نصيحتي وكما ذكر الاخ العبادي علي الاسر التي وصل ابناءها سر المراهقة ارجاعهم الي الوطن. لان هذه البلاد الوضع فيها اصبح صعب.والقانون ضد الاجنبي. وما هو دور السفارة-اتمني ان نسمع خير.
والله فى سودانيات فىيمارسن الدعارة ومتزوجات فى الدخل المحدود وغبيرة والمنفوحة والناصرية فى الرياض وجدة شوهوو سمعة السودان 0 الحين عشان تجدد الاقامة لازم يطلبو منك فحص الايدز 0 زمان كان السحائى فقط 0 وفى جنسيات ثانية ما عندها فحص نهائى زى السورين
ياجماعة القدال دة ما استعجل ولا حاجة!! سؤال واضح يعنى كانو وين؟؟ الحاجات دى بقت تحصل عادى نحن نعالج الموضوع ولا ندس راسنا فى التراب ؟؟ بنات السودانيين بقو فى معظم الدول العربية اللة يعزكم !! ما ننكر فى مصر والامارات وسوريا ولبنان وووووووو اللة المستعان !! من اسواء الجنسيات وبعدين الوالد يعمل فيها شهيد!!! نحن وصلنا الحضيض يعنى الواحد يغالط فى شنو؟
انا السعودية خليتا لى 10 سنين والسودانيين مضرب المثل فى الاخلاق والامانة……الكلام ده ما بشبهنا …. والله انا لفيت العالم ده كلو زى السودانيين مالقيت شبيه….ارفع راسك انت سودانى.
والله العود المافىهو شق مابيقول طق:confused:
يا جماعة خافو الله ,,والله اسرة البتين ديل من اشرف الاسر واطيبهم والبتين في اعمار صغيرة واحدة عمر 13 والتانية 16 ,والام حالتا صعبة شديد ربنا يصبرا والابو الله يعينو بس,,يعني يا جماعة انتو اعرفو الحاصل اول وبعدين انفعلو وموقف زي دة ممكن يحصل لي اي زول في اختو او بتو واكيد ما ح ترضو لو زول قال العود الما فيو شق…. ,,اتخيل لي لو كل زول قال ربنا يصبر اهلم ويستر بناتنا ويرجع البتين سالمات لي اهلهم يكون احسن,, واغرب شي الاخبار بتقول (اختفاء) شابين سعوديين و(هروب) اختين سودانيتين,, مع العلم انو الحريق الفي البيت غامض والبتين عمرهم 13 و16,,واغرب شي من التعليقات التحت لاحظتا انو السودانيين بقو ما بيقيفو مع بعض وهم البشهرو بالسودانيات ويشيلو حالهم,,غايتو ربنا يسترنا ويحفظ كل بنات المسلمين.
بدء ربنا يسترنا ويستر بنات المسلمين … أصبحت الغالبية تنتظر حدوث أمر ليتناقلوه فيما بينهم ليمضوا به دقائق … أين حديث المصطفي من ستر مسلما ستره الله فى الدنيا والأخرة .. هذا في حاله إذا كانت هنالك إدانة . فمابالكم بأن كل المؤشرات تقول بأن المكيف حرق بفعل فاعل والبنات مخطوفات وأعمارهم صغيرة بين 13 و15 سنة . معظم التعليقات أن السودانيين من أكثر الجنسيات تقييما أين الإحترام والتقييم وأنتم تأولون إختطاف البنتين الى هروب … وتربطون إختفاءهم بإختفاء الشابين السعوديين .. على أقل تقدير من الفترض إنتظار إنتهاء التحقيقات حتى تخوضوا فى أعراض الناس .
ألف حمد لله على سلامة الأخوات الكريمات … ونبشرهن بأن الله إذا أحب عبدا إبتلاه .. وفي إعتقادي أن حادثة الإفك موجودة فى القران .حيث لم تسلم أم المؤمنين (عائشة رضى الله عنها )
كسودانيين يجب عندما نجد مثل هذا الموضوع لا نلوكه لبانة ونبعد منه قدر المستطاع حفاظا على كرامة الأسر التى هي من كرامتنا .
والله من وراء القصد
اول حاجةلاحول ولاقوة الابالله حقيقى مصيبة كبيرةمن المفروض نقيف مع بعض ونساعد الاسرة الكريمة دى وحاجةثانية الاسرةدى من احسن الاسرناس فى حالة بس الزمن عمل فيهم كده والله منذسماع الخبرونحن فى حالة ثانية نرجومن الله اللطف واظهارالحقيقة بس ارجومن الجميع عدم التسرع فى الحكم ثم ثالثا السعوديين ديل احقرناس لوهم غلطانين حيقولوا البنات فى حين شبابن اسفل واحقر ناس بس اتمنى لللاسرة الصبروالله معاكم واتمنى من الله ان يحفظ المغتربين جميعا:lool:
نسأل الله الستر لكل بنات المسلمين وارجو من الاخوان عدم التسرع والاستعجال فى الحكم فى مثل هذه المواقف وانتظار مايسفر عنه التحقيقات ومثل هذه التصرفات الطائشة اصبحت تلاحق كل اللاسر الموجودة فى المملكة 000ربنا يحفظ بناتنا واقول للاخ (القدال) والذى شذ على القاعدة بوجهة نظره القاسية والمؤلمة على هذه الاسرة اقول له راجع نفسك فكلنا معرضون لمثل هذه التصرفات ولاندرى ماذا تخفى لنا الاقدار 00ربنا يعين رب هذه الاسرة ويصبر والدتهن فكلنا آباء ونحس بمعاناتهم والتحية للاخوان الذين تفاعلوا وتعاطفوا مع الحادثة فهذا هو ديد ن السودانى الاصيل وربنا يحفظ ابناءنا جميعا00
كلام كتير ونقة .. لو كل واحد دعا قال ربنا يستر بنات المسلمين .. مش احسن !!!
:mad: :mad: :mad: (؟) (؟) :lool: :lool: