هزم الاهلي مدني بثلاثية،،الهلال بطلا للدوري الممتاز
توج الهلال السوداني بلقب الدوري الممتاز السوداني لكرة القدم بعد أن حسم مباراته الآخيرة بفوزه على ضيفه الأهلي مدني 3-1 في مباراة أنتهى شوطها الأول بتقدم الهلال 2-1 وأحرز السنغالي إبراهيما سانيه للهلا ل وأردفه بالهدف الثاني قبل أن يضيف سيف مساوي الهدف الثالث بدخوله بديلا في الالشوط الثاني ورفع الهلال رصيده غلى 70 نقطة.
وفي مباراة جرت على بعد قريب من إستاد الهلال حقق الأهلي شندي مفاجأة من العيار الثقيل بتحقيقه فوز مباغت على مضيفه فريق المريخ في عقر داره بإستاده بمدينة أم درمان وذلك بنتيجة 1-0 وأحرز الهدف الوحيد مهاجم الأهلي نادر الطيب في الدقيقة 13 وفشلت كل محاولات المريخ في فك الشفرة التكتيكية للأهلي شندي الذي خطف المركز الثالث عن فريق الخرطوم حيث رفع الأهلي شندي رصيده إلى 41 نقطة في إنجاز جديد للفريق ومدربه التونسي محمد الكوكي, وقد توقف المريخ عمد النقطة 65.
وقد توج الهلال بكأس البطولة والميداليات الذهبية التي قدمت من شركة سوداني الراعي للبطولة وسط فرحة كبيرة من أنصار النادي الأزرق الذي إسترد البطولة التي خسرها الموسم الماضي لحساب نده المريخ.
كووورة
[URL]http://www.youtube.com/watch?v=BoAOeUFUnWI&feature=player_embedded[/URL]
مبررررررررررررررررررررررررررررررررررررررررررررروك لهلال العز بس السنة الجاية ابقو رجال وشرفو شعاركم بكاس خارجي انشالله ومسؤلين من الخير (دا موضة جديد بنات في تسليم الماس عالمياما شفناكاس بتسلمو بنت )
مبروك الكاس وعقبال كاس أبطال أفريقيا – موسى مريخابي سابق
دا الراجنو الفوز الست100 وبعدين .معقولة ما تغيروا من المصارية شوفوا الاهلى كم كاس فى كل بطولة
حتى الزمالك المتهالك خمة لما فتر
نحن كافى البلا ياهو كاس مانديلا دا تانى التكتح ما نلقاه
دا حظ شنو لا فن ولا تمثيل ولا كورة ولا حكومة
البلد دى دايره ليها فكى كارب يمرقنا من الوضع المذرئ دا
ههههههه والجامعة ما خليوا ليهم شيخ فى الواطة دى ما جابة .يعنى تقول ناقصة
من غيرنا يعطى لهذا الشعب معنى ان يعيش وينتصر
الف مبروك لهلال السودان .. هلال الملايين
عاااااااااااادى نتمنى ان يكون القادم احلى!!!!!!!!!!!
ايون ترليون هلالييون مبروك للهلال العظيم بدون هزيمة عقبال مانشيل كأس أبطال أفريقيا السنة الجاية بإذن الله………..
مليار مبروك يا فرسان سيد البلد والتهانى موصولة لكل الاسياد
والبنية دي شنوة لاعبة ولا ادرية
انا ما حأسأل عن البنت دي ولا عن سبب حملها للكأس مع اللعيبه مع انه دي حاجه شاذه و ما اظن حصلت في الدنيا قبل كده ، لكن هيثم مصطفي وين ؟ مصاب ولا زعلان و لا الاتنين مع بعض ؟ شايف الناس مااشتغلت بيه المره دي مع انه (وجود هيثم مهم) ، مهم ليه انا ما عارف ! لكن دايما نسمع الجمله دي ، يللا مبروك للهلال .
يا ناس تاني كوورة؟؟!! ما قلنا الشغلانة دي نحنا ماناسا وما بتجيب فايدة .. لو عندكم قروش اعملوا مستشفيات أو أي حاجة فيها فايدة… ما ممكن ناس الفاقد التربوي ديل يلقوا القروش والاطباء والمهندسين عطالة