سجن لص سرق 20 ألف دولار من جيب سفير السودان بنيجيريا..!!
أبوجا -: قضت محكمة في نيجريا بالسجن لمدة ثمانية أشهر على لص سرق السفير السوداني في العاصمة النيجرية أبوجا 20 ألف دولار في ساحة النسر خلال حضوره الاحتفال بالذكرى 50 لاستقلال نيجيريا.
وقالت السلطات النيجرية ان اللص أدخل يده في جيب السفير السوداني وسحب 20 ألف دولار لكن السفير نبه رجال الشرطة الذين القوا القبض على اللص في المحطة المركزية.
وقال المدعي العام اللص بإدخال يده في جيب السفير السوداني وسحب مظروف مغلف يحتوي على 20 ألف دولار غير أن رجال الشرطة نفذوا عملية بحث وتفتيش عن المتهم حتى القبض عليه ووجدت بحوزته المظروف المغلف الذي يحتوي على المال.واعترف المتهم عندما تليت عليه التهمة على المتهم ، واقر أنه مذنب ، لكنه ادعى انه لم يسحب المال من جيب السفير ، وإنما وجده على الأرض وأخذه.
الصحافة
هو ده زاتو سفير شن الشايل كاش قدر ده ….. و لي شنو ………
محنك يا الانقاذ تمحن ؟؟؟؟؟؟؟؟؟؟؟؟
عشرين حبة في جيبك يا مفتري
حوكم لص السفير الذي في جيبه فقط 20الف دولار ويلاه بلدي متى يا ترى سنحاسب مثل هؤلاء الذين يحملون آلاف الدولارات في جيوبهم امال في حساباتهم كم مش دا العايز تقولوا ايها المتلصص على فكرة هذه المبالغ كانت في طريقها الي خزينة السودان وكفي تعليقا
السفير كان سارح وين … ;(
20 ألف دولار في الجيب؟!!:confused:
عشرييين باكو اخضر في الجيييب, البنك فيه كم يا سعادتك
قال أبو كوج : (على فكرة هذه المبالغ كانت في طريقها الي خزينة السودان وكفي تعليقا) ههههههههههها السفير كان في مكان مهرجان و تسوق و كده …. أبو كوج : بالله جيب رقم الإيصال الذي تم به التحويل ، و كمان البند الذي حولت به الفلوس … عالم تفلح في التبرير و التستر …. ربك بيفضح الحرامية …. واحد مسكين و مفلس و يحمل فقط 20 ألف دولار و لا يملك سوى 3 مليون دولار في حسابو و فقط عمارتين و سبع بيوت و يا عيني متزوج فقط من 3 نسوان و يملك فقط 5 سيارات لزوم ترحيل المدام 1 و المدام 2 و المدام 3 و الأولاد …. مسكيييين …. و النشال ابن الذين ما لقى ينشل غير الناس المساكين …. قال المغني : وين وين تلقوا زي ده … سفيرنا شحد و الله ادا … و يا حاسدين فلوسنا وين تلقوا متل سفيرنا ؟؟؟ أهم حاجة في الدولة الرسالية و المشروع الحضاري أن تكفي سفراءها و من يخدموها و يخدموكم يا عالم يا حاسدة … أهم حاجة يرتاحوا عشان يخدموكم كويس … ألم تكونوا فيما مضى شحادين أولاد شحادين كما وصفكم ابننا التقي مصطفى عثمان اسماعيل ؟ و كلو لله لا للسلطة و لا للجاه ..
تكون دى مصاريف الاسبوع الاسرية:lool: :lool: :lool: :lool: :lool:
المتخلف دا القروش شايلن يعمل بيهن شنو فى جيبو
ياربي في ظرف كانها عمولة – تكون من شريف نيجيريا علشان استقدام الفنانين السودانين – عموما طالما هي سلمت في ظرف ونقدا هي عمولة نتيجة لصفقة ما واللة اعلم- المال الرسمي بيكون في خزينة المدير المالي للسفارة – والمبالغ الكبيرة ذي العشرين الف دي بتكون غالبا شيك – مؤكد انها عمولة نظير خدمات — يابختك
يا ترى كم في البيت و كم في البنك و كم في العقار …. الحرامي قبضوا و حاكموا بثمانية شهور سجن …يا ناس الراكوبة انيتو ماعرفين السفير ده كوس ………….خالو نيجيريا تعاليو الصين وا ماليزيا!!!!!!!!!!!!!!!!1:D :D
:eek: عشرين الف دولار في الجيب .. وما خفي أعظم …:rolleyes:
ياجماعة مالكم ….عادي يعني لو راتبو خمسة الف دولار في الشهر يعني راتب اربعة شهور بس ما تتهموا الراجل ساي
20 الف في جيب يعني مصاريف المشوار ب20 الف دولار ومصاريف الاعاشة تطلع كم…..
مفروض يتسجن هو مش الحرامي…من اين لك هذا يا….تمو الباقي
فى حد عاقل بشيل ليهو عشرين الف دولار فى جيبو هل هذا سفير ممثل لبلاده ام تاجر مواشى.هؤلاء هم الذين يمثلون بلادهم فى الزمن الردئ.اذا كان رب البيت بالدف ضاربا(اقصد كرتى)فشيمة اهل البيت كلهم الرقص.
السفير دا لا سمع بدفاتر الشيكات ولا ببطاقات الأئتمان ولا ببطاقات الصرف ألآلى ولأبأى وسيلة من وسائل الدفع غير المشبوهة لانو الكاش دا وبكميات ذى دى أقل تهمة ممكن تواجهك فى حملو هى تمويل الأرهاب دا غير (حاجات تانية حاميانى) واحد متحير.
سفير نيجيريا شايل 20000 دولار فى جيبه ؟ ام يا ناس الراكوبة اديتوها كوز , او انا عوير ,,
آ آ آ آ آ ياربى جمال الوالى موصيهو يشوف لعيبه للمريخ ؟ ؟ ؟
أها ياناس .. عرفتوا الدولارات بتمشى وين ؟؟
بالله ده اسمه شنو ؟؟
وهل هذا مال عام أو مال خاص ؟؟
لو مال عام .. كيف يحمله سيادته فى جيبه ؟؟
ولو مال خاص .. من أين لك هذا ؟؟
كده ووب وكده ووبين
زي ماقالو الجماعة تكون دي المصاريف بس اكيد الراتب بكون كم الف كدة
السفير قال : الشريف عاجبه شغلى
ودى العمولة بتاعت العشرة غنايات وقال ليه المرة الجاية بدبل ليك
:D :D :D :D :D :D :D :D :D :D :D :D :D :D :D :D :D :D :D
العالم في الخارج تطور في مجال التعامل النقدى الكترونيا على أعلى المستويات – وما في زول بيشيل قروش كاش في جيوبه كما حدث ( البطاقات الالكترونية بكافة أنواعها ) في التعامل النقدى – والرجاء من سفيرنا مواكبة العصر بالدبلوماسية – وما كريمه في حقه وحق السودان (
ده لايمكن ان يكون سفير ممكن يكون صراف متحرك المساله ده ممكن ان تفسر شبه فى المكان والمناسبه الفيها
يقول نعالي " وإن جاءكم فاسق فتبينوا ان تصيبوا قوما بجهالة فتصبحوا علي مافعلتم نادمين" لا حظت ان عدد من الاخوة المتداخلين بعد قراءتهم لهذا الخبر مباشرة افرقوا مافي دواخلهم من كره للحكومة في شخص السفير وهذا مسلك غريب يدل علي الجهل والسطحية…وهل كل ماتنشره الصحف هو حقيقة؟؟ يعني اذا انا كتبت بوست في اي موقع اليكتروني سودانيز اون لاين مثلا او النيلين وقلت انو في واحد سوداني في الامارات اسمو سامر قالب مكنه هناك هل دا معناهو فعلا الزول دا مدور فلوكسواجن مع العرب بهناك؟؟ او كتبت انو في زول اسمو ابوجنزير شغال قواد هل دا برضو معناهو المعلومة دي صحيحة؟؟ او في زول اسمو قاسم خالد اختو قالبه في الامارات بالريال هل دا ماحرام؟؟
اتقوا الله واعرفوا انو اي زول قادر عبر الكذب الاسفيري انو يسيئ للناس ..دا كلام عيب واستقلال سيئ للتكنلوجيا..
بعدين هي العشرين الف دولار بقت قروش ما اي سمسار في الكرين شايله في جيبو تمن كوريلا موديل 2006