الرأى اليوم
الكذب
🔹الرأى اليوم بالدارجى الفصيح علشان كل الطبجية يفهموا
🔹 أمس الحكومة مش قالت التمرد فى دارفور إنتهى خالص
🔹الحاصل دا معناة شنو ؟
بياناتهم قالت غنمنا سبعين عربية وأسرنا ٣٤ وقتلنا كم كدا واحد
🔹دا مش المهم
المهم إنتوا بتكذبوا علي منو ؟
🔹المثل بيقول الكذب حبلوا قصير
وصلنا للحقيقة والمركب دقت القيف
🔹دارفور غير آمنه والحرب مستمرة
وما زلنا فى حاجة للسلام
والحركات القالوا إنتهت ما زالت موجودة وقادرة تحارب
🔹أحرجتوا ناس مجلس الأمن الأفريقى الزاروكم من يومين وقلتوا قالوا دارفور آمنه هسي بعد تصريحاتكم دى
يودوا وشهم وين من الكذبة البلقاء دى
🔹وجيش تحرير السودان مناوى وراكم الطفا النور منو
🔹سمعنا قالوا جماعة حميدتى خلو العربات قالوا الجرى بالكرعين أسرع
جزء قُتل وجزء مصاب بالمستشفيات نيالا والفاشر والسلاح الطبى
والباقى طاشين فى الخلا اللهم لا شماته
🔹البلاد ما زالت فى حاجة لمشروع سلام عادل وشامل ينهى الحرب ويخاطب جذور الأزمة
🔹الجماعة الجبتوهم باسم الحركات طلعوا صناعة تايوان إستوزرو والحرب مستمره طلعوا مقلب
أقصر مسافة بين نقطتين الخط المستقيم
🔹مناوى +عبدالواحد +د.جبريل
ختاماً العوج رأى والعديل رأى
والكذب حرام
صلاح جلال
أقصر مسافر بين نقطتين الخط المستقيم ..
أعجبتني ..
رائعة …
تسلم يا أستاذ/ صلاح جلال, فالحق ابلج و الباطل لجلج والحق ليس مرهون بأشخاص فان فاتوا او ماتوا او استسلموا سوف تظل جذوة الثورة فى دارفور مشتعلة الى ان يحق الحق مهما طال الزمن !!!!!
هذه فرفرة مزبوح وما هم في دارفور ديل دخلوا من ليبيا والجنوب يحملون رسائل من السيسي وحفتر . ورجال الدعم الله يخضر ضراعهم قاموا باللازم وجزوهم وقبضوهم . واثبتوا عمالتهم . وبطل الكذب يا صلاح جلال .
انقلاب بدأ بكذبة رئيسا و حبسشا ماذا يتوفع منه؟
دارفور آمنه كالخرطوم أو أكثر من ذلك لكن أمثالكم هم شر البليه عيب عليكم والله أدعوا إلى السلام مثل هذه الكتابات سوف تبعث في إنسان دارفور والسودان أجمع الهلع والخوف وتعطل عجلة الإنتاج كفاية مهاترات ماتت وطنيتكم ياخي أختلف مع الحكومه حتى عنان السماء ولكن خلي الوطن في حدقات العيون أمثالكم من المفترض يجردوا من كل المستندات التي تقول أنك سوداني سيبوا التطبيل للمجتمع الدولي والت…..