البرلمان السوداني يستدعي وزير الشباب والرياضة للوقوف على اسباب الفشل في اولمبياد لندن
قررت لجنة الشباب والرياضة والثقافة والاعلام بالمجلس الوطني السوداني استدعاء وزير الشباب والرياضة الفاتح تاج السر لجلسة في العشرين من الشهر الجاري تستمع فيها لردود الوزارة حول اسباب اخفاقات السودان في أولمبياد لندن الاخيرة.
وقالت رئيس اللجنة مولانا عفاف تاور كافي في تصريحات صحفية بالبرلمان ان اللجنة تريد معرفة اسباب اخفاق الرياضيين السودانيين الذين صرفت عليهم الدولة ورغم ذلك لم يحصلوا ولو على ميدالية برونزية واحدة. واكدت ان اللجنة سوف تستدعي جهات اخرى ذات صلة للاستماع إليها ومناقشتها لمعرفة المشاكل المتعلقة بالمنافسات الخارجية خاصة في الأولمبياد الاخيرة.
كووورة
يابرلمان الهناء خليكم من ميدالية لندن طيب دا ماجاب ميدالية لكن ابوريالة جاب ليكم اسطول طيران اسرائيلي عملتوا ليه شنو معليش ياتاج السر وللا اسمو منو شقي الحال دا
قررت لجنة الشباب والرياضة والثقافة والاعلام بالمجلس الوطني السوداني استدعاء وزير الشباب والرياضة الفاتح تاج السر لجلسة في العشرين من الشهر الجاري تستمع فيها لردود الوزارة حول اسباب اخفاقات السودان في أولمبياد لندن الاخيرة.
بلد ماندها وجيع…
الناس في شنو والحسانية في شنو ….
أولمبياد لندن انتهت من زمااااااااااااان ….
يادوب جاييين تعرفوا سبب الاخفاق ….
طيب أريحكم انا المواطن العادي دهـ واقول ليكم سبب الاخفاق :
اولاً السودان كان معتمد على ابوبكر كاكي واسماعيل احمد اسماعيل لاحراز ميدالية في سباق 800متر والسبب في اخفاقهم هو إقالة مدربهم القدير صومالي الجنسية جامع الذي كان له دور كبير في بزوغ نجم البطلين …
ومن الاخر ياناس اللجنة شوفوا السبب منو في اقالة هذا المدرب ….
وبعدين انتو الجماعة الاخفقوا في البطولة العربية ديييك عملتوا ليهم شنو بعد ان استمعتوا ليهم ؟؟؟
والان عايزين تستمعوا لردود الوزارة حول اسباب اخفاقات السودان في أولمبياد لندن الاخيرة.
وحا تستمعوا لناس الفريق القومي الطاروا من سيكافا….
وحا تستمعوا لهلال مريخ الطاروا من نهائي الكونفدرالية ….
وحا تستمعوا لخطأ الاتحاد العام في خسارة السودان لثلاثة نقاط بسبب خطأ بدائي…
وعوووووووووووووووووك………..وإلخ…..
اقعدوا بس استمعوا سااااااكت وأنهبوا في البلد وخيراتها سفريات وحوافز واجتماعات وفي الاخر استمااااااااع بس ….مايطلبه المستمعون …
دمرتوا البلد الله يدمركم …
حيقرتي في بقيرتي
-لماذا لم يستدعو وزير الراعة في التقاوي الفاسدة
– لماذا لم تستدعو عوض جادين في الشركات الخاصة
– لماذا لم تستدعو ابو ريالة في عمارة الرباط والضربات الاسرائيليىة
لماذا لم تستدعوا الناس الباعو خط هيثرواوالباعو مشروع الجزيرة
– لماذا لم تستعو وزير الصحة في الدواء الاسرائيلي الدخل الايام دي
يكون سبب الاخفاق فى اولمبياد لندن دااااااااااك انو الوزير اتحادى؟؟؟؟؟؟؟؟؟؟؟؟؟
واخيراً صحا البرلمان بعد خمسة شهور من انتهاء الاولمبياد عايزين يعملوا تحقيق في فشل المشاركة العالم بدأ استعداداته للاولمبياد القادم وانتو يادوب عايزين تحققوا
بالقروش الصرفتوها عليهم على حسب ملامكم أحسن كان تشتروا بيها ميداليات من السوق على مزاجكم وتريحوا حالكم وتريونا معاكم ولا مش كده يا عفاف تاور التور الأنطحك قولى آمين.