سقوط طائرة بدون طيار بالثورة امدرمان

يا النبي نوح ..ودي تبع وزير الدفاع بالنظر وله تبع اسرائيل؟؟ …من لم يمت بالابادة العرقية يموت بالجوع والمرض وفي الاخر جاتنا طرق موت مبتكره الواحد يكون قاعد في حوش بيتهم في امانة الله تقع فوق راسو طيارة او يموت بسكتة قلبية من الخلعة….الكيزان ديل بيحفزوا في الناس عشان يطلعوا في ثورة ضدهم لكن وين الناس؟؟؟ الناس في غيبوبة او مرفوعين من الخدمة مؤقتاً

انت متاكد دي طياره والله طيره يا زول فتح عيونك كويس دي شكلها طيره واكاد اجزم انها طيره ما طياره عشان والي الخرطوم ما يقول طيره قبلي من قبل قال ماكينة لحام

المرة دي شكله حيخجل و ما حايقول حاجه ولو نطق حا يقول طيره برضو

دي جاية من اسرائيل ولا من وين دي كمان؟

WHAT IS COMING NEXT. WE NEVER USED TO KNOW SUCH INCIDENTS, BUT WITH THE THUGS OF ALINGAZ EVERY DAY WE SEE SOMETHING NEW

ربنا يستر علي طواقينا تطييير وتكشف ما خفيناه من صلعه

دي طيارة للرد علي ضربة اليرموك لكن وقعت في الثورة

لا تقلقوا,اولادكم البررة بجربوا فى انتاجهم….المجد لاصحاب الهمم العاليه

طيارة جات بيفوق امكن تكون نوع من الطيور جاتنا من كوكب اخر كدي اسالوا وكالة ناسا عنها

يا ناس الراكوبة متأكدين طيارة ولا صقر من صقور اسرائيل ؟؟؟

حيقولا نحن ماشين كويسين في صناعة أو بالأصح تجميع الطائرات بدون طيارين لكن الجو في السودان ما مساعدنا, ودي الطيارة التانية بدون طيار السقطت عندنا, أمسكوا العدد.

والله يا اخوانا انا باقي لي مصنوع اليرموك لا ضربتو اسرائيل ولا حاجه …ساكت متبلين عليها

دا واحد داير يعمل عباس بن فرناس ؟او ركشه زهجت من البلد دى وشردت من صاحبها التعبان الفقران ؟قال ليها ما بتهربي من الا تطيري فحاولت الطيران الي الهند؟زحمت الهند ولا الشغل في السودان (العصر صاح)

طيارة جات بى فوق

سؤال الطيارة دي شغالة ب جاز ولا بنزين ولا كيروسين ؟؟؟؟ على حسب معلوماتي تكون طفت بلكات في الجو ده خطأ شائع في الموديلات الانقاذية على قول المثل ( الفلهمة العورة وشيل البطارية في القمرة ورفع الاريل بلاخبار زي وطيارة تقع نص النهار )

ياخي دي طيارة بالريموت كنترول لعبة هواة الطيران اي زول ممكن يشتريها ويركبه في البيت

الكيزان بلغبو بعقول المساكين عشان المسكين يقول عنهم حكومتنا عندها مقدرات تصنيعية وينبهر ويندهش ويحكي للناس المساكين التانيين بلدنا بتصنع طيارات من دون طيار ويفتخر ههههههههه

ههههههههه والله الشعب دا مسطح تسطيحة

ولسة الجاي احلى

أغرب من الخيال أن الصورة المرفقة مع الخبر ليس فيها أي طيارة .
طيب إإذا كانت الطيارات عندنا في السودان تقع بكامل طاقمها في الحاج يوسف في الجنوب في الشرق في كردفان في كل مكان في السودان ، فما بالك بطيارة بدون طيار وصناعة إنقاذية يعنى نتوقع شيء اقل من وقوعها .

دا الرد حقهم؟!
بسى اللمبى الأعور ده
ماسك جهاز الكنترول
وقاعد يلفف فيها لمن كمل بنزينه وريالتو سالت
نقطت فى الجهاز بوظتو؟!

اهم حاجة في الميضوع كانت طافية نور ولا مولعة – بعدين يمكن تكون رقشة زهجت من السودان عايزة تهج المفروض الكلام ده تابع لمنو فيهم عشان مايجينا واحد يقول واحد لحام كان بيضبح في ديك طار منو عمل طيارة بدون والي
* يا شعب السودان المتبقى بالله سؤال : انحن هل جنينا ام قلوبنا نصاح

ههههههههه والله البيسمع بالطيارة البدون طيار يفرح انو البلد فيها تصنيع حربي متتطور بس واقع الحال يغني عن الؤال. بعدين الشيء المعروف أنو الأنسان فى الدول المتقدمة ليهو قيمة ويحرصون علي سلامتو . مش ذي جماعتنا بيطيرو طيارة وبدون طيار يعني نحن سلمنا من الطيارات اللفيها كباتن ؟؟؟ صحيح دولة ما ليها حد سائل فيها وعجبي !!!

جماعة بني كوز ديل نتوقع منه اي شئ
خوفي بكرة يجينا منهم خبر سقوط طيار بدون طائرة !!!!!!!!!!

كل شى وارد يمكن .تطور ملحوظ.يمكن مرسلنها اسرائيل لكن اخطؤ فى الاتجاه

الرد الرد ….

ياجماعة ماتفهمونا غلط الزول الكان ماسك الكونترول كان فى المطبخ والدينا كان دلمة والطيارة كانت طافى الضوء وكان فى راجل واقف جمب الشجرة عشان كدة الطيارة كسر لفة براه وخشت فى عمود الكهرباء ووقع فى ام درمان بس ولا يهمكم ياجماعة حنصنع واحد جديد ونجربها فى اسرائيل طوالى

و هذا و قد تم نشل الطائرة بدون طيار في وقت و جيز(بواسطة سائق رقشة متطوع ) للمحافظة على سرية التكنلوجيا و المواد المستخدمة في صناعتها حيث أن لديها محركين عبارة عن توليفة فريدة بين خلاطة مونيليكس و سحّانة تيفال .و يمكن أستخدام طيف واسع من أنواع الوقود أبتداء من البترول و الغاز و زيت الجاتروفا و حتى زيت السمسم(الصافي). كما و أنه لديها مروحتي لابتوب توشيبا لتبريد الماكينة للسماح لها بالسفر لمسافات طويلةو قد تصل الحدود الجنوبية…………………………………….

للباقير.

والله البلد بقت زي سينماكلوزيوم زمان

افلامها بقت كثيرة ومسيخة

كل يوم حدث كل يوم جريمة كل يوم احباط نفسي جديد

والبطل البشكير وعصابته اللئيمة

حسبي الله ونعم الوكيل فيكم

MY FRIENDS THIS IS A MERE PAPER PLANE LIKE THAT MADE BY BOYS JUST A TOY BUT (ABU REYALA ). MAY HAS AN OTHER POINT OF VEIW TO SAY> LET US WAIT FOR A WHILE MAY A REPORT FROM WILL APPEAR VERY SOON

أيها المعلقين والمعلقات هذه الطائرة سودانية 100في مهمه استكشافية ونفذ مهمته بنجاح وحدد خرائط لجميع المنشآت النووية الاسرائيلية الله أكبر ولأنامت أعين الجبناء ههههههه

دى مكنة لحام بتلحم فى ساطور

انا شفت الطيارة لمن كانت طايرة فى السماء فكانت تترنح فطرت وراها عشان ما تقع فى زول وبالفعل استطعت ابعادها عن الناس وعشان كده وقعت دون خسائر … الغريب فى الامر لماذا الاستطلاعات الجوية وسط الاحياء الماهولة بالسكان المدنيين؟ امر الاخوان غريب جدا فى كل مكان.

كل الناس علقت علي الخبر بصورةجيدة
وين الطيارة الوقعت دي مافي اي طيارة في الصورة المرفقة مع الخبر

طيب ..يعنى دا كلام

و لنفترض ..انها تجربة لسلاح عسكرى (طائرة من غير طيار)من قبل قواتنا المسلحة أو التصنيع الحربي ..

هل من المعقول أن تتم هذه التجربه فوق المجعات السكنيه؟ و من المسؤل عن ذلك؟

أيضا المعروف أن الطائرة تستخدم لأغراض تجسسيه …يعنى الجماعة ديل كانوا بتجسسوا على المواطنين و ينتهكوا حرماتهم؟ و من المسؤل؟

دي طيارة عايرة شكلها ماشة اسرائيل هههخهخهخهخه

ناس الامن ادوها سوط

هاهخهاهخهخهاخهاخهاهخاههاها

يا جماعة الطيارة دى من مصنع الصافات للطائرات من دول طيار ماركة الليمبى،، هل تتذكرون أن وزير الدفاع صرح قبل دخول خليل إبراهيم أم درمان أن السودان بدأ فى إنتاج طائرات بدون طيار وأن البشير نفسه قد إفتتح المرحلة الأولى،، يعنى صناعة وطنية،،

وقبل أسبوعين صرح طالب ملحوس إنو صنع طيارة بدون طيار عشان يحرس بيها أنابيب البترول فسارع وزير العلوم والتقانة بزيارته لمشاهدة الطائرة المدهشة،،،

الناس ديل جنو ولا شنو،،،

بس الخسارة زى ما قال واحد هنا إنو الطيارة سقطت بدون إستشهاد أى كوز،،، واللع دى الخسارة ياتا،،

واحد من ثلاثة….

يا تكون الطيارة…. مشفرة!

أو …. الخبر دة…… مشفر!!

أو الحدث نفسو…. مشفر!!!